Իշխանության որոշ ներկայացուցիչներ ու հանրային դեմքեր դուրս են գալու փողոց՝ ոստիկանության հետ վերահսկելու իրավիճակը

Նոր կորոնավիրուսի համավարակը Հայաստանում գնալով ավելի մեծ թափ է հավաքում, ու դա նաեւ առիթ է դառնում, որ իշխանությանը սուր քննադատության ենթարկող ընդիմության առանձին անդամներ վարակի դեմ պայքարի գործում իրենց աջակցությունը հայտնեն կառավարությանը՝ դառնալով պարետատան որոշումները տարածողներից մեկը:

Երեւանի ավագանու «Լույս» խմբակցության անդամ Անի Խաչատրյանը ֆեյսբուքյան իր էջում առաջարկությամբ է հանդես եկել եւ պատրասակամություն հայտնել միանալ իրավիճակը վերահսկողներին: «Քաղաքապետարանի ու թաղապետարանների աշխատողներս այս պատերազմի օրերին պետության զինվորներն ենք ու պետք է կաբինետներից դուրս գանք` ավագանուց մինչեւ թաղապետ, շրջենք վարչական շրջանների բակերում, վերահսկենք վիճակը»,- գրել է նա:

Խաչատրյանը նաեւ կարծիք է հայտնել, որ քաղաքային իշխանությունների լծակները գործադրելու դեպքում ՀՀ ոստիկանության ուժերը եռապատկելու կարիք չի լինի: «Կարծում եմ՝ այս ռեսուրսի պակասը չունենք»,- հավելել է նա:

Համացանցում եւս կարծիքներ են հրապարակվում, որ կորոնավիրուսի դեմ պայքարի գործում պետք է ներգրավել նաեւ տեղական իշխանությունների ներակայացուցիչներին: Ֆեյսբուքյան օգտատերերից մեկը գրել է, որ անհրաժեշտ են ձեւավորել հանրային վերահսկողության խմբեր, որոնք պետք է կազմված լինեն՝ ըստ ընտրատարածքների՝ պատգամավորների, համայնքապետարանի, մարզպետարանի, քաղաքապետարանի ղեկավար աշխատողների եւ ոստիկանության ներկայացուցիչների մոբիլ խմբերից: Այս մարդկանց նպատակը պետք է լինի բոլոր ընտրատարածքներում հետեւել, վերահսկել, միկրոֆոնների միջոցով մարդկանց բացատրել դիմակ կրելու եւ սոցիալական հեռավորություն պահպանելու կարեւորությունը: 

«Հայկակական ժամանակը» պարետատնից հետաքրքրվեց, թե հնարավո՞ր է՝ դիմեն վերը նշված անձանց աջակցությանը: ՀՀ վարչապետի խոսնակ Մանե Գեւորգյանը նկատեց՝ այն անձինք, որոնք ցանկանում են աջակցել պարետատանը, իրազեկել մարդկանց ու վերահսկել իրավիճակը, կարիք չունեն պարետից թույլտվություն ստանալու: «Կարեւորն ուղղակի այն է, որ այդ մարդիկ էլ խմբերով չշրջեն, միայնակ կամ ոստիկանական մեկ-երկու աշխատակցի հետ լինեն, ոչ թե գնան, մարդկանց իրենց շուրջը հավաքեն ու ավելի վտանգավոր իրավիճակ ստեղծեն»,- ասաց Մանե Գեւորգյանը:

Ազգային ժողովի փոխխոսնակ Ալեն Սիմոնյանը եւս այսօր հայտարարեց, որ Աժ նիստից հետո դուրս է գալու փողոցներ եւ շրջելու է այն ընտրատեղամասերում, որտեղից ինքն ընտրվել է. «Հետեւելու եմ, թե ինչպես են մեր համաքաղաքացիները դիմակ կրում եւ կուտակումներ թույլ չեմ տալու: Ձեզ բոլորիդ նույն բանն եմ կոչ անում. օգնենք մեր երկրին դուրս գալ այս իրավիճակից»:

Մանե Գեւորգյանից հետաքրքրվեցինք, թե բացի կամավորներից, հնարավո՞ր է՝ պարետատունն ինքը նախաձեռնի նման արշավ, որպեսզի հանրային կամ, օրինակ, մշակութային դեմքեր շրջեն քաղաքների ու մարզերի տարբեր մասերով եւ հայտարարություններ տարածեն: «Պարետատունը հատուկ մշակած կոչեր կամ առաջարկներ չի անում: Մենք բազմիցս դիմել ենք քաղաքացիների աջակցությանն այն առումով, որ բոլորն ուղղակի շարունակեն հետեւել ներկայացվող կանոններին, բայց, եթե, օրինակ, մշակույթի ոլորտի, կամ այլ հանրային դեմքեր ցանկանում են որեւիցե կոչով հանդես գալ, խնդրեմ, ինչու ոչ»,- ասաց վարաչպետի խոսնակը:

Նա նաեւ հայտնեց՝ ընդհանուր այս տեղեկատվական արշավի ժամանակ շատերն են եղել, որ դիմել են պարետատուն, ասել, որ ուզում են տեսանյութ նկարել կամ կոչով հանդես գալ: Իրազեկման եւ վերահսկողության տեսանկյունից բոլոր այն առաջարկությունները, որ այս ընթացքում պարետատունն է ստացել, դեռ չի եղել դեպք, որ մերժի: «Եթե իրենք կարծում են, որ որպես ՀՀ քաղաքացի՝ կարող են ազդեցություն ունենալ դրական իմաստով, ապա, իհրակե, բոլորի նախաձեռնությունները դրական կերպով են ընկալվում: Եվ այս ընթացքում եղել են դեպքեր, որ կարողացել ենք հանրության նախաձեռնություններին որեւէ կերպ աջակցել, արել ենք»,- ասաց նա:

Տպել
3422 դիտում

Հայաստանի ներդրումային քաղաքականությունը պետք է արմատական փոփոխությունների ենթարկվի. Քերոբյան

Թրամփը հրահանգել է կազմակերպել Բայդենին իշխանության փոխանցման գործընթացները, թեպետ դեռ պայքարում է

Մասիս Մայիլյանը ԿԽՄԿ առաքելության բարձրաստիճան ներկայացուցչի հետ քննարկել է պատանդների վերաբերյալ մի շարք հարցեր

Ամենայն Հայոց Կաթողիկոսը ցավակցագիր է հղել Սերժ Սարգսյանին

Լուսաղբյուր համայնքում 30-35 հեկտարով կավելանա ոռոգվող հողերի մակերեսը

Արտակարգ իրավիճակների արձագանքման ծրագրեր և միջոցառումներ Շիրակի մարզում՝ Արցախից տեղահանված ընտանիքների համար

Հայաստանի պատմության թանգարանը հավաքագրում է Արցախյան պատերազմի նահատակների լուսանկարներն ու իրերը (տեսանյութ)

Արա Այվազյանը հեռախոսազրույց է ունեցել ԱՄՆ պետքարտուղարի տեղակալ Սթիվեն Բիգանի հետ

1 հատ ընկույզը 1000 դրամով վաճառելուց հետո փոքրիկ Վահեն այլ գործ է ձեռնարկել․ զինվորներից մեկը բուժման կարիք ունի

«Իմ քայլը» սպասում է բանակի ազդակներին. ռազմական դրությունը վերացնելու հարցով վաղը ԱԺ-ում հանձնաժողովի նիստ է հրավիրվել

Հայ ֆուտբոլիստների թիմերը Ղազախստանի առաջնությունում պայքարում են մրցանակային տեղերի համար

Սգո ծառայություններ մատուցող կազմակերպությունների համար սահմանվել են Covid-անվտանգության առանձին կանոններ

Ոսկետափ համայնքում ավարտվել է ներհամայնքային փողոցների ասֆալտապատումը

Զավեն Սարգսյանի մահվան կապակցությամբ ստեղծվել է թաղման կառավարական հանձնաժողով

Վարչապետը կրկին հանդիպում է ունեցել գերեվարված և անհետ կորած անձանց ընտանիքների անդամների հետ (լուսանկարներ)

Վաղը երեկոյան Ֆրանսիայի Սենատում կսկսվեն Արցախի ճանաչման բանաձևի քննարկումները

Նորածնային ինկուբատորներ, սոնոգրաֆիկ սարքեր. Գյումրու բուժհաստատությունները նոր բուժսարքավորումներով են համալրվել

Խոշտանգումների ու անմարդկային վերաբերմունքի ուղիղ պատասխանատուն Ադրբեջանի իշխանություններն են. ՀՀ ՄԻՊ

ԱԻ նախարար Անդրանիկ Փիլոյանն այսօր աշխատանքային շրջայց է կատարել․ նախատեսված են նաև մարզային այցեր

Գագիկ Ծառուկյանին մանդատից զրկելու հարցով կդիմեն ՍԴ. ԱԺ խորհրդի նիստն ավարտվեց