Ջերմություն, հազ, թուլություն, գլխացավ․ Հեղինե Պետրոսյանը ներկայացնում է՝ որ ախտանիշների դեպքում է պետք դիմել բժշկի

Այս օրերին, երբ կորոնավիրուսով վարակվածների քանակն օրական ավելանում է մի քանի հարյուրով, մարդկանց, որոնք ունեն հիվանդության տարբեր ախտանշաններ, ավելի շատ է հետաքրքրում՝ արդյոք իրենց օրգանիզմում տեղի ունեցողը նոր տիպի կորոնավիրուսի ախտանշա՞ն է, պե՞տք է դիմել բուժօգնության, եթե՝ այո, հատկապես՝ ում եւ ինչպես: 

Երեւանի «Սուրբ Գրիգոր Լուսավորիչ» բժշկական կենտրոնի պոլիկլինիկայի վարիչի՝ մեծահասակ բնակչության գծով տեղակալ Հեղինե Պետրոսյանի խոսքով՝ պետք չէ ինքնաբուժությամբ զբաղվել եւ խուսափել բժշկին դիմելուց։ Մեզ հետ զրույցում նա ներկայացրել է COVID-19-ին բնորոշ ախտանիշները, դիմելու կարգն ու հետագա քայլերի հաջորդականությունը։

Ե՞րբ դիմել

Ջերմություն, հազ, թուլություն, գլխացավ, հարբուխ, փսխում, լուծ, բկանցքում ցավ, հոտառության եւ համի կորուստ. սրանք նոր տիպի կորոնավիրուսի հիմնական ախտանիշներն են։ Ի դեպ, վարակվածների 30-60%-ի մոտ որպես ախտանիշ նկատվում է հոտառության կորուստը։

Պոլիկլինիկա դիմելու համար պարտադիր չէ՝ միանգամից լինեն այս բոլորը, եթե կա մի քանիսի զուգորդումը, հատկապես՝ հազի եւ ջերմության, պետք է տեղեկացնել մասնագետին։

Կարեւոր է նաեւ՝ անձը կոնտակտավոր է, թե ոչ։ Վարակված անձանց հետ կոնտակտ ունեցողների նկատմամբ սահմանվում է ամենօրյա հսկողություն՝ օրական 2 անգամ զանգ բժշկի կողմից։ Եթե նրանց ջերմությունը 37-38 աստիճանի է, անմիջապես պետք է կապվել բժշկի հետ։ Քանի որ նրանք իրավունք չունեն ինքնամեկուսացման վայրը լքելու, պոլիկլինիկա տեղափոխվում են ուղարկված մեքենայով։

Ոչ կոնտակտավորների դեպքում, եթե ջերմությունն ավելի բարձր է՝ 38 եւ ավելի, կա հազ կամ հեւոց, պարտադիր պետք է տեղեկացնել։

Եթե ջերմությունը 37 աստիճան է, որեւէ այլ գանգատ եւ ախտանշաններ չկան, առօրյայում առողջական փոփոխությունը եւս բացակայում է, ու տվյալ անձը կոնտակտավոր չէ, անհանգստանալ եւ բժշկին դիմել դեռեւս պետք չէ։ Լավ կլինի հեղուկներ օգտագործել եւ մի փոքր սպասել։

Զանգե՞լ, թե՞ գնալ՝ հարցին մեր զրուցակիցն այսպես պատասխանեց․ «Կոնտակտավորը միանշանակ զանգում է, եւ բժիշկն է կազմակերպում նրա այցը, իսկ մնացածների դեպքում լավ կլինի, որ գնան պոլիկլինիկա»։

Պետրոսյանի խոսքով՝ մարդիկ այսօր խուսափում են գնալուց, ինչը ճիշտ չէ, քանի որ միանգամից կարող են կատարվել հետազոտությունները, վախենալ էլ հարկավոր չէ․ բոլորը դիմակներով են, միջանցքների ախտահանմանը մեծ ուշադրություն է դարձվում, օդափոխվում են սենյակները, բոլոր մակերեսներն ախտահանվում են 15 րոպեն մեկ։

Մասնագետը հիշեցրեց․ «Կանխարգելումը շատ ավելի հեշտ է, քան ծանր հիվանդներին բուժելը, կյանքի համար պայքարելը»։

Ի՞նչ է արվում պոլիկլինիկայում

Ինչպես ներկայացրեց մեր զրուցակիցը, վերոնշյալ ախտանիշների դեպքում բժիշկը զննում է հիվանդին, կատարվում է ռենտգեն հետազոտություն՝ պարզելու արդյոք առկա է թոքաբորբ։ Անհրաժեշտության դեպքում այլ լաբորատոր գործիքային հետազոտություն է արվում, արյան մեջ թթվածնի հագեցվածությունն է որոշվում։ Եթե այն 92%-ից ցածր է, կամ հաստատվել է թոքաբորբ, հոսպիտալացման ցուցում է։

Նշենք նաեւ, որ ախտանիշների դեպքում ճիշտ է կապվել հենց տեղամասային պոլիկլինիկայի բժշկի՝ թերապեւտի հետ, այլ ոչ թե կանչել շտապօգնություն։

Պոլիկլինիկական հաստատություններն աշխատում են երկուշաբթիից ուրբաթ՝ ժամը 9։00-18։00-ը, շաբաթ եւ կիրակի օրերին՝ 10։00-16։00-ը։

Եթե անձի մոտ ջերմությունը բարձրացել է, շնչառական շարժումները՝ ավելացել, օրինակ՝ 1 րոպեում հաճախականությունը 22 շարժումից ավելի է, ժամն էլ ուշ է, չեն կարողանում կապ հաստատել թերապեւտի հետ, այդ դեպքում պետք է դիմեն շտապօգնության ծառայությանը։

Նմուշառման ցուցումներ

Պետրոսյանն իր խոսքում ներկայացրեց ինչպես պարտադիր բժշկի դիմելու, այնպես էլ՝ թեստավորման նմուշառման ցուցումների ցանկը։

Ըստ այդմ՝ նմուշառում կարող է կատարվել թոքաբորբ ունեցողներին, ներկայումս որեւէ բժշկական կենտրոնում աշխատող բժիշկներին, որոնք ունեն ջերմություն եւ հազ կամ հեւոց, կոնտակտավորներին, որոնք ունեն խրոնիկ հիվանդություններ, եւ ի հայտ են եկել ջերմություն կամ շնչառական վարակներին բնորոշ ախտանիշներ։ Ի դեպ, այս դեպքում պարտադիր չէ, որ ջերմությունը լինի բարձր, նույնիսկ 37-ի դեպքում այս քաղաքացիները լավ կլինի՝ դիմեն բժշկի։ Ոչ կոնտակտավորի դեպքում՝ նրանց, որոնց ջերմությունը 38 եւ ավելի է, կա հազ կամ հեւոց։

Ցանկի մեջ են մտնում նաեւ հաստատված վիրուսով մորից ծնված նորածինները, մանկաբարձական ստացիոնար ընդունվող ծննդկանները, կամ հղիները, կանանց կոնսուլտացիա հաճախող ջերմություն եւ հազ կամ հեւոց ունեցող հղիները։

Այս ցանկի մեջ են նաեւ 2020 թվականի ամառային զորակոչի ընթացքում պետության կողմից երաշխավորված ավճար բժշկական օգնության եւ սպասարկման շրջանակներում բժշկական հետազոտում եւ փորձաքննություն անցնող զորակոչային տարիքի անձինք, որոնք ունեն սուր շնչառական վիրուսին բնորոշ անհանգստացնող ախտանիշներ։

Ցանկում ավելացել է նաեւ նոր կետ՝ ցողունային բջիջների աուտոփոխպատվաստման ենթակա պացիենտը եւ նրան խնամողը, այսինքն՝ նրանք, ովքեր գնում են ոսկրածուծի փոխպատվաստման, մինչ դա պետք է թեստավորվեն։ Այս դեպքում այն կատարվում է՝ անկախ նրանից ախտանիշներ կան, թե չէ։

Տպել
23687 դիտում

Քննչական կոմիտեն քննարկում է Ադրբեջանի հարցով Միջազգային քրեական դատարան դիմելու հարցը․ Ռ․ Վարդանյան

Սիմֆոնիկ նվագախումբը բացօթյա համերգներ կունենա․ հասույթը կփոխանցվի Զինծառայողների հիմնադրամին

Բահրեյնի թագավորն արձագանքել է Հայաստանի նախագահ Արմեն Սարգսյանի նամակին

Իրանը ԼՂ հակամարտության մշտական կարգավորման նախագիծ է մշակել. Զարիֆ

Պոմպեոն հեռախոսազրույց է ունեցել Փաշինյանի և Ալիևի հետ

Ոչ ՀՀ ԶՈւ-ն, ոչ Արցախի ՊԲ-ն որևէ հրթիռ չեն արձակել նշված ուղղությամբ․ Ստեփանյանի արձագանքը Ադրբեջանի հայտարարությանը

Արցախից ժամանածների կենսաթոշակը կնշանակվի Հայաստանում․ փաստաթուղթ չունեցողները կարող են տեղեկանքով ստանալ

Մանուկների փորած խրամատ ու զենքեր Երևանի այգիներում․ կռիվ-կռիվ ենք խաղում, որ ուժեղանանք, մեծանանք ու մենք էլ հաղթենք

Հնդկաստանի դեսպանը առողջապահության նախարարին հավաստիացրել է, որ կուսումնասիրի օգնության բոլոր հնարավոր տարբերակները

Միայն սեպտեմբերի 26-ին և 27-ին Թուրքիայից Ադրբեջան է տեղափոխվել 1000 զինծառայող․ ՔԿ-ն բազում ապացույցներ ունի

Ձեր լռությունը սպանում է մեզ. Հենրիխ Մխիթարյան

Մի քանի սցենարներ կան հասկանալու, թե ինչպես կազդի պատերազմը տնտեսության վրա․ տնտեսագետ

Ազգային ժողովն այսօր արտահերթ նիստ կհրավիրի

Արգիշտի Քյարամյանի վերաբերյալ հարուցված քրեական գործ չկա․ ԱԱԾ տնօրենի տեղակալ

Արցախի ՄԻՊ-ը պատրաստել է հայ ռազմագերիների հանդեպ անմարդկային վերաբերմունքի դեպքերը ներկայացնող երկրորդ զեկույցը

Հայաստանի ՄԻՊ-ը Ֆրանսիայի խորհրդարանական պատվիրակությանն է ներկայացրել ադրբեջանական դաժանությունները կոնկրետ օրինակներով

ԿԲ խորհուրդը որոշեց վերաֆինանսավորման տոկոսադրույքը թողնել անփոփոխ՝ սահմանելով 4.25%․ Գալստյան

Այս փուլում փոխզիջումների մասին խոսակցությունը սպառված է. թող ոչ ոք չոգեւորվի թշնամու փոքր հաջողությունից

ՀՀ ՊՆ-ն ու ԶՈՒ գլխավոր շտաբը կոչ են անում զերծ մնալ պառակտիչ հայտարարություններից ու գործողություններից

Նախորդ մրցաշրջանի Հայաստանի լավագույն մարզիչը հեռացավ «Նոայից»