Առարկաների թեմաներն իրար հետ կկապվեն, ուսուցիչները կխրախուսվեն, աշակերտների բացակայությունները կվերահսկվեն. փոխնախարար

Որո՞նք են հանրակրթության ոլորտում ամենակարեւոր խնդիրներն ըստ ՀՀ կրթության, գիտության, մշակույթի եւ սպորտի նախարարի տեղակալ Ժաննա Անդրեասյանի եւ ի՞նչ լուծման եղանակներ է նա առաջարկում։ Փոխնախարարը հունիսի 25-ին հրավիրված առցանց քննարկման ընթացքում տվել է այս հարցերի պատասխանները։ Երեւանի Նիկոլ Աղբալյանի անվան դպրոցի դասվար Եվգենյա Մինասյանն էլ բարձրաձայնել ուսուցիչներին մտահոգող խնդիրները։

Առարկայական ծրագրերը, դասագրքերը կփոխվեն

Փոխնախարարը պայմանական հերթականությամբ խոսեց խնդիրների մասին, որոնք լուծման ճանապարհին են։ Առաջինը հանրակրթության բովանդակությանն է առնչվում։ Այսօր իրավական ակտերի նախագծերի հրապարակման միասնական կայքում (e-draft.am) տեղադրված է Հանրակրթության պետական չափորոշչի նախագիծը։ Առաջիկայում այս թեմայով ուսուցիչների հետ քննարկումներ կլինեն, իհարկե՝ հեռավար։

Առարկայական ծրագրերի վերաբերյալ փոփոխությունների նախագծերը եւս շուտով կդրվեն հանրային քննարկման։

Առաջարկվող փոփոխությամբ՝ առարկաների թեմաներն իրար պետք է համապատասխանեն։ Եթե հայոց պատմությունից ուսումնասիրվում է որեւէ ժամանակաշրջան, մեկ այլ առարկայի դասերին պետք է անցնեն նույն շրջանի արվեստի ու գրականության մասին։

Գործընթաց է իրականացվում նաեւ գնահատման համակարգի հետ կապված։

Պակաս կարեւոր չէ սովորելու միջավայրի ձեւավորումը։ Նախատեսվում է, որ աշակերտները, սպորտի կամ որեւէ արվեստի բնագավառի դասերին հաճախելով, կրեդիտներ հավաքեն եւ դրանք ավագ դպրոց ներկայացնեն, հետագայում՝ բուհ։

Ինչ վերաբերում է դասագրքերին, փոխնախարարն ընդգծեց․ «Դրանք ամբողջությամբ պետք է փոխվեն»։

Քննարկման ընթացքում վարողի կողմից հնչեց լրագրողների կողմից նախապես ուղարկված հարցերի մի մասը։

Ի պատասխան հարցերից մեկի՝ Անդրեասյանը նշեց, որ դեռեւս նախորդ տարվանից ձեւավորված են առարկայական խմբեր, որտեղ կան գործող ուսուցիչներ, նրանք մասնակցում են համապատասխան նախագծերի մշակմանը։ Տեսականորեն ցանկացող ուսուցիչները 100 %-ով կարող են մասնակցել․ փաստաթղթերը բաց դրված են։

Ուսուցիչները կխրախուսվեն

Անդրեասյանի խոսքով՝ ոչ մի բովանդակային փոփոխություն չի կարող լինել առանց ուսուցիչների․նախատեսվում են ներդնել խրախուսման նոր մեխանիզմներ։

Դրանցից մեկն էլ կամավոր ատեստավորումն է, որն առաջիկայում կդրվի քննարկման։

Այն հնարավորություն կտա ունենալ աշխատավարձի բարձրացում, խրախուսել մասնագիտական զարգացմանը։

Ատեստավորման հետ կապված մանրամասնություններ չհնչեցին, թեեւ մի շարք ուսուցիչներ մեկնաբանություններ էին գրում՝ ցանկանալով ավելին իմանալ։ Փոխնախարարի պարզաբանմամբ՝ ժամանակը սուղ է, ինչ էլ ասի, ավելի շատ հարցեր կառաջացնի։ Նա առաջարկեց շաբաթ օրը միանալ ուսուցչական-հանրակրթական համաժողովին՝ Edcamp-ին, եւ լսել քննարկումը։

Փոխարենն անդարադարձավ մյուս մտահոգող հարցին՝ հանրակրթության կառավարմանը, որը նախատեսվում է փոփոխել․այս մասին մի շարք նախագծեր արդեն e-draft.am-ում են։

Տնօրենի ընտրության հարցում կարեւորվելու է ծնողական, մանկավարժական համայնքների դերը, գործընթացն առավել բովանդակային է դառնալու։ Դպրոցական խորհուրդները վերարժեւորվելու են։ Այսինքն՝ չեն ծառայելու միայն տնօրենի ընտրությանը, ինչպես այսօր, մինչդեռ կարեւոր լիազորություններ ունեն՝ ինչպես ռազմավարությունը, ֆինանսավորումը եւ այլն:Դպրոցական խորհուրդները խոշորացվելու են։

Նոր կարգ պարտադիր կրթությունից դուրս մնացածների համար

Այս պահին e-draft.am-ում հասանելի է պարտադիր կրթությունից դուրս մնացած երեխաների հայտնաբերման, հաշվառման եւ ուղղորդման կարգի մասին նախագիծը։

Այն թույլ կտա հասկանալ՝ ի՞նչ իրավիճակ է առկա ի սկզբանե կրթությունից դուրս մնացածների դեպքում, նաեւ նրանց, որ ընթացքում են դուրս մնում։

Օրինակ՝ ստեղծված համակարգի միջոցով հնարավորություն կստեղծվի հետեւել այն դեպքերին, երբ դպրոցականը մի քանի օր չի գնացել կրթական հաստատություն։ Այդ ժամանակ համացանցային ծրագրով տեղամասային պոլիկլինիկային հայտ է գնալու եւ արդեն իրենք պիտի տեղեկացնեն՝ արդյո՞ք աշակերտը դիմել է հաստատություն, ունի՞ որեւէ առողջական խնդիր։ Այսպիսով՝ կվերահսկվեն նաեւ երեխաների առողջության վերաբերյալ խնդիրները։ Օրերով բացակայող երեխայի տուն կլինի այց սոցիալական աշխատողի կողմից՝ հասկանալու՝ ի՞նչ խնդիրներ կան եւ ի՞նչ աջակցություն է անհրաժեշտ։

Արդեն փորձարկում անցած հեռավար կրթությունը եւս կկիրառվի: Այն նախարարի տեղակալի կարծիքով՝ շատ դեպքերում դառնում է ուսուցման լավագույն ձեւ։ Օրինակ՝ բոլոր այն ընտանիքների երեխաները, որոնք այլ երկրում են բնակվում եւ ցանկանում են վերադառնալ հայրենիք, կկարողանան մինչ վերադառնալն ընդգրկվել հեռավար ուսուցման ծրագրերում։

Այն կարող է գործել հայաստանյան կրթությանը առնչվել ցանկացող սփյուռքահայերի համար։

Հեղինակության բարձրացումը ուսուցիչներին մտահոգող հարցերից է

Նիկոլ Աղբալյանի անվան դպրոցի ուսուցիչ Եվգենյա Մինասյանն ընթացքում մատնանշեց մի քանի խնդիրներ։ Հիմնական մտահոգություններից էր 6 տարեկան եւ փոքր երեխաների դպրոց հաճախելու հարցը։ Աշակերտն այդ տարիքում նստել, դաս անել հաճախ չի ցանկանում։ Նրանց համար համապատասխան պայմաններ է պետք ապահովել։ Ճիշտ կլինի՝ ընդհանրապես դպրոց հաճախեն 7 տարեկանը լրանալուն պես։

Դասվարի խոսքով՝ 12-ամյա կրթությունը սխալ է, պետք է այն փոխել՝ սկսելով տարրական դպրոցից՝ այն 4-ի փոխարեն 3 տարի դարձնելով։

Ծրագրերը եւս խնդիր են՝ սկզբում շատ թեթեւ, հետո միանգամից բարդացող, ամբողջ բեռն էլ ընկած է ուսուցչի ուսերին։ Եթե հաշվենք, որ դրույքաչափն էլ շատ է, դժվար է լավ արդյունք տալը։ Չափորոշիչներն էլ հստակ ամրագրված չեն: Ուսուցիչները պետք է հստակ իմանան՝ պետությունն իրենցից ինչ է ակնկալում։

Այստեղ է, որ նորից հնչեցվում է ուսուցիչների հեղինակության բարձրացման հարցը։ Ըստ Մինասյանի՝ այս մասնագիտության տեր մարդիկ ամենամեծ հեղինակությունը պետք է ունենան նաեւ պետության մոտ։

Հնչած մտահոգությունները հիմնականում կիսում էր փոխնախարարը, նշում, որ խնդիրների կարգավորման համար այժմ աշխատանքեր են տանում։ Ինչ վերաբերում է հեղինակությանը, կարծում է՝ հենց սկզբից պետք է բարձրացվի ուսանողի հեղինակությունը, որն այժմ սովորում է եւ պետք է ուսուցիչ դառնա։

Տպել
24529 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում