Ուսուցիչներին մտահոգում է նոր նախագիծը, որով կարող են նվազել հայոց լեզվի դասաժամերը

Հայոց լեզու առարկայի շուրջ քննարկումները, այն քիչ ուսումնասիրելու վերաբերյալ դժգոհությունները նորից արդիական են դառնում։ Եթե նախկինում պատճառը բուհերում առարկան ոչ պարտադիր դարձնելու հարցն էր, այսօր՝ դպրոցներում ժամաքանակը նվազեցնելու։

Ոլորտում փոփոխություններ նախատեսող Հանրակրթության պետական չափորոշչի նախագիծը, բացի դրական մեկնաբանություններից, նաեւ մի շարք ուսուցիչներին մտահոգությունների տեղիք է տվել․ նրանք կարծում են՝ սխալ է լեզվի ժամերը պակասեցնելը։

Նոր նախագծով դպրոցներում սահմանվելու են ոչ թե ուսումնական բնագավառներին հատկացվող ժամաքանակները, այլ դրանց տոկոսային միջակայքերը։ Ստացվում է՝ յուրաքանչյուր դպրոց կարող է ձեւավորել սեփական ուսումնական պլանը՝ առաջնորդվելով առավելագույն ժամաքանակով, որը տրված է աղյուսակով։

Ըստ դրա՝ մեծ տեղ է հատկացված ԲՏՃՄ-ին (բնագիտական, ճարտարագիտական առարկաներ, ինֆորմատիկա, մաթեմատիկա, աշխարհագրություն), որը միջին եւ ավագ դպրոցներում կազմում է մինչեւ 38%։ Տարրական դպրոցում այն մինչեւ 28% է։ Փոխարենը՝ հայոց լեզվի եւ գրականության տոկոսներն այս աղյուսակում առավել պակաս են։ Տարրական դպրոցում հայոց լեզվի եւ գրականության համար սաhմանվել է 15-20%, միջին դրոցում՝ 10-15% եւ ավագում՝ 9-14%։

Ըստ նախագծի՝ 1-6-րդ դասարաններում հայոց լեզուն եւ գրականությունը ներկայացվում են մեկ ինտեգրված առարկայով, 7-12-րդ դասարաններում՝ առանձին։

ՀՀ կրթության, գիտության, մշակույթի եւ սպորտի փոխնախարար Ժաննա Անդրեասյանը, ավելի վաղ Edcamp ուսուցչական համաժողովի ընթացքում խոսելով առարկաների մասին, նշել էր, որ ԲՏՃՄ-ին այդչափ ուշադրության արժանացնելը թույլ է տալու էապես լուծել կրթության բովանդակության շեշտադրման փոփոխության խնդիրը։ Միեւնույն ժամանակ, ըստ նրա, պահպանել են կարեւոր նշանակությունը եւ կշիռը, որը պետք է ունենան հայրենագիտական առարկաները, հայոց լեզուն։ Անկախ իրավակազմակերպական ձեւից եւ ենթակայությունից ցանկացած դպրոցում պարտադիր կլինի 4 առարկա՝ հայոց լեզու եւ գրականություն, մաթեմատիկա, օտար լեզու, հայոց պատմություն։

Անդրասյանի պարզաբանմամբ՝  կրթությունը հայերենով է, հետեւաբար լեզուն սովորելու են բոլոր դասերին։

Չափորոշիչն այժմ տեղադրված է Իրավական ակտերի նախագծերի հրապարակման միասնական կայքում (e-draft.am), այնտեղ մի շարք մասնագետներ առաջարկել են վերանայել լեզվի հետ կապված փոփոխությունը։

«Հայոց լեզվին տրամադրվող շաբաթական ժամաքանակի կրճատումն անթույլատրելի է: Նախարարության հիմնավորումն անընդունելի է. այդ «տրամաբանությանբ» հայերեն «ճիշտ» խոսել կարող են սովորել` հետևելով հեռուստասերիալներին եւ սոցցանցերում գրառումներին կամ խոսքին: Հայերենը պաշտպանության խիստ կարիք ունի»,- նշել է Ալինա Բաղդասարյանը։

Անահիտ Ղուկասյանի կարծիքով էլ՝ լեզվի քերականությունն այնքան բարդ է, որ ժամերը շատ քիչ են աշակերտին այն լիարժեք ուսուցանելու համար. «Այսօր մեր առաջ լուրջ մարտահրավեր է դրված՝ ունենալ կիրթ եւ գրագետ սերունդ։ Առաջարկում եմ ավելացնել հայերենի ժամերի քանակը։ Դա պետք է ե՛ւ աշակերտին, ե՛ւ ուսուցչին»։

Նարինե Պողոսյանը ոչ միայն որպես ուսուցիչ, այլեւ ՀՀ քաղաքացի է գրառում կատարել։ Նրա կարծիքով՝ այլ դասաժամերի ընթացքում հնարավոր չէ գիտելիք ստանալ մայրենի առարկայից։

«Հայերենը մեր մայրենին է, մենք դարեր ի վեր գոյատեւել ենք լեզվի ու հավատքի շնորհիվ։ Որքանո՞վ է ճիշտ կրճատել լեզվի պահպանման ու զարգացման դասաժամը, այն լրացնել օրինակ բնագիտության դասին։ Կզարգանա բառապաշարը, իսկ քերականությո՞ւնը, ուղղագրությո՞ւնը, իսկ հայ հանճարների ստեղծագործությունների բացահայտումն ու վերլուծությո՞ւնը»,- նշել է նա՝ հավելելով, որ սա կլինի հայապահպանման գլխավոր դրույթը։

Տպել
3098 դիտում

Շաբաթը մեկ կարող ա 15 մանդատ ուզեք, վերջում դառնաք 250 հոգի. ԿԸՀ անդամը՝ Խաժակյանին

Խուզարկել են նախկին պատգամավոր Վանիկ Ասատրյանի տունը. պաշտպանը մի շարք բողոքներ է ներկայացրել

Երևան-Գյումրի ավտոճանապարհին մեքենաներ են բախվել. կա մեկ զոհ, մեկ վիրավոր. shamshyan.com

ՊՆ զորամասերում անցկացվել են ռադիացիոն, քիմիական և կենսաբանական պաշտպանության մարզումներ

«ՅՈՒՔՈՄ» ընկերության բջջային կապը և համացանցը մասնակի վերականգնված են. Հակոբ Արշակյան

Զորամասերում անցկացվում են ամփոփիչ ստուգումներ (լուսանկարներ)

ՄԻԵԴ-ը մերժեց ՍԴ 3 նախկին դատավորների եւ ՍԴ նախկին նախագահ Հրայր Թովմասյանի պահանջը

Ռուսաստանն ու Չինաստանը վետո են դրել Սիրիայում հումանիտար աջակցության մասին ՄԱԿ-ի բանաձեւի վրա

Դավիթ Տոնոյանն ընդունել է Եվրոպայի խորհրդի երևանյան գրասենյակի ղեկավար Նատալյա Վուտովային

«Վիվա-ՄՏՍ»-ում ևս խնդիրներ կան. ներկա պահին գործում է պահուստային ենթակառուցվածքը

Հուլիսի 9-ին «S7» ընկերությունը կիրականացնի Մոսկվա-Երևան չարտերային չվերթը

Ոստիկանները ստուգայցեր են կատարել Բերդի և Պառավաքարի փայտամշակման ու փայտածխի արտադրամասեր (տեսանյութ)

ՀՀ տարածքում ավտոճանապարհներն անցանելի են.արտակարգ դրությամբ պայմանավորված, Լարսը բաց է միայն բեռնատարների համար

«ՅՈՒՔՈՄ»-ում խնդիրն առաջացել է հոսանքի տատանման հետևանքով. խնդիրը կարգավորման փուլում է

Հակահայկականությունն Ալիևի իշխանության պաշտպանության վերջին գիծն է. ԱԳՆ խոսնակի պատասխանն Ալիևի հայտարարություններին

Որոտան գյուղի մոտակայքում բռնկված հրդեհը մարվել է. այրվել է 30 հա խոտածածկ տարածք

Հուլիսի 7-ին իրավախախտման 2938 դեպք է արձանագրվել. մինչ օրս կազմվել է 77 486 արձանագրություն (տեսանյութ)

Խնդրահարույց է մնում տաքսամոտորային ուղևորափոխադրման համակարգում անվտանգության կանոնների պահպանումը. ՔՏՀԱ

Գագիկ Ծառուկյանի գործը հետ կուղարկվի առաջին ատյանի դատարան՝ նոր քննության․ Վերաքննիչ դատարանը բեկանել է որոշումը

Շիրակի մարզպետը Հայկաձորում քննարկել է խմելու ջրի մատակարարման ներքին ցանցի հիմնանորոգման հետ կապված խնդիրները