Երբ դիմորդները թթվածնի պակաս են զգում, ԳԹԿ աշխատակցի հետ դուրս են գալիս օդ շնչելու. այսօր անցկացվեց 3-րդ քննությունը

Երեւանի Ա․ Մարգարյանի անվան հ․29 ավագ դպրոցում մուտքն այսօր դիմակներով էր ու առանց ջերմության․ դիմորդները եկել էին՝ մասնակցելու այս տարվա ամենամեծ միասնական քննությանը։ Այն մաթեմատիկա առարկայից էր։

Առավոտյան ժամը 8:15-ին դպրոցի մուտքի մոտ սոցիալական հեռավորությամբ հերթ էր։ Ներկաները մեկ-մեկ առաջ էին գնում, ախտահանում ձեռքերն ու ջերմաչափվում, քննական կենտրոնի ղեկավարն էլ՝ շարունակ կրկնում․ «Իրարից հեռու կանգնե՛ք, դիմակն այնպես կրեք՝ քիթը ծածկի»։

Ի տարբերություն դիմորդների՝ նրանց ծնողները, որ մի փոքր հեռու էին կանգնած, ավելի քիչ էին պահում սոցիալական հեռավորությունն ու ուշադիր հետեւում էին՝ իրենց երեխան մտավ քննական կեննտրոն, թե ոչ։ Իրավիճակը մի փոքր անց սկսեցին կարգավորել ոստիկանները։

Դպրոցի ներսում, բացի մուտքի մոտ տեղադրված ախտահանիչ սարքից, կային եւս մի քանիսը՝ տարբեր պատերին փակցված։

Քննական կենտրոնի ղեկավար Նվարդ Հովսեփյանի խոսքով՝ այս տարվա բարդությունն այն է, որ երեխաները մի փոքր ընկճված են դիմակի, օդի պակասի պատճառով, սակայն մթնոլորտը ջերմ է. երբ թթվածնի հետ կապված խնդիր են ունենում, Գնահատման եւ թեստավորման կենտրոնի (ԳԹԿ) աշխատակցի հետ միասին մի պահ դուրս են գալիս, օդ շնչում։

Նա հավելեց, որ մաթեմատիկայի քննությունն ընդհանրապես բարդ է, քննություն հանձնողները շատ են ու հիմնականում տղաներ, այսօր էլ հավելյալ աշխատանք կա, պետք է ուշադիր լինեն, որ հակահամաճարակային կանոնները պահպանվեն։ Դիմորդները դրանք պահում են ու բարձր պատասխանատվությամբ մոտենում արտակարգ իրավիճակին։

Դռան առաջ հերթի մեջ էր նաեւ մի կատու, որը, ի տարբերություն դիմորդների, ոստիկանների հորդորներին չէր ուզում հետեւել ու փորձում էր ամեն գնով մուտք գործել դպրոց։

Ջերմաչափող բժշկի խոսքով՝ այնտեղ էներգետիկան լավն է, դրա համար էլ ուզում է մտնել, կատուներն այդպիսին են։ Հարցին, թե դիմորդները ո՞նց են կարգը պահում, կարճ պատասխանեց․ «Նրանք մաթեմատիկներ են»։

Հայտագրված 120 հոգուց հ.29 դպրոցում ներկա էին 118-ը, ոչ ոքի մոտ բարձր ջերմություն չարձանագրվեց։

Ինչպես նշեց Նվարդ Հովսեփյանը, նախորդ քննությանը նման դեպք եղել էր, հավանաբար պատճառն արեւի տակ կանգնելն էր, մի քիչ սպասել են, 2-րդ, 3-րդ անգամ երբ դիմորդի ջերմությունը նորմալ է եղել, թողել են ներս։

Դպրոցում 3 քննասենյակ կար, յուրաքանչյուրում՝ 40 հոգի։ Քննասենյակները երեկ ախտահանվել էին։ Բոլոր դիմորդները թեեւ եկել էին դիմակներով, սակայն դրանցից տուփով դրված էին նաեւ սեղանին։ Աշխատակիցներից մեկը նշեց, որ ցանկացողները կարող են տեղում փոխել իրենց դիմակը։ Տեղադրված էին նաեւ դիմակի եւ ձեռնոցների համար նախատեսված աղբարկղեր։ Աշխատակիցները ոչ միայն դիմակով, այլեւ ձեռնոցներով էին։

Քննություն հանձնողների սեղանին այսօր բացի ձեւաթղթից, թեստից ու ջրից, նաեւ հաշվիչ էր առկա։

Ժամը 9:15 աշխատակիցը կարդաց կարգն ու նայելով ներկաներին՝ արդեն հասկացավ քննությունն ինչպես է անցնելու, կազմակերպչի կարծիքով՝ հանգիստ: Մյուս աշխատակիցն էլ, նայելով 2-րդ նստարանին նստած տղային, ասաց․ «Ոնց որ քեզ հետ ուրախ է անցնելու»։ Պատասխանը դիմորդի ժպիտն էր։

Նստածները լուռ էին, հանգիստ: Արդյոք վախենո՞ւմ են՝ հարցին բացասական պատասխան տվեցին։

Քննությունը, որի տեւողությունը 3 ժամ է, սկսվեց ժամը 9:30։ Այդ ժամանակ քննական կենտրոնի տարածքում ոչ մի ծնող չկար, ոստիկանները նույնիսկ ինձնից՝ լրագրողից, հավելյալ ճշտեցին․ «Հո ծնող չե՞ք»։

Մի քանի րոպե անց դարպասներից ներս մտավ ծնողների առաջին զույգը եւ բակում դրված էկրանից հետեւեց քննության ընթացքին։ Իրենցից հետո ցանկացողները զույգերով իջնում էին, սակայն հիմնականում չէին գտնում իրենց երեխաներին։

Քննասենյակից ու քննական կենտրոնից մի փոքր հեռու՝ 4 ոստիկան, մոտ 15 ծնող, որոնք հիմնականում պահպանում էին կարգը, ես ու այն կատուն, որ այդպես էլ ներս չմտավ, լսում էինք հարեւան կիսադատարկ սրճարանից հնչող իտալացի երգիչ Ալ Բանոյի «Ֆելիչիտա»-ն։

Հավաքված ծնողները խոսում էին բուհ ընդունվելու միավորների, սովորելու մասին՝ խոստովանելով՝ այսօր իրենք ավելի են լարվում, քան քննություն հանձնողները։

Ի դեպ, դիմորդներից շատերը լսել էին նախարար Արայիկ Հարությունյանի հորդորն ու միայնակ եկել քննության, կային նաեւ մեկ կամ երկու ծնողի ուղեկցությամբ եկողներ։

Ժամը 10:49-ին դուրս եկավ առաջին հանձնողը, ձեռքերի մի քիչ դողով միանգամից բացեց լրացրած ձեւաթուղթը: Իր կարծիքով՝ վատ չի գրել, այլ՝ նորմալ: Պնդումների փնջում արած նշումներն էր կասկածում։ Ասաց, որ ներսում խիստ էր, ամեն մեկն իր գրավորն էր գրում։

Շուտով մի քանիսը եւս դուրս եկան, ծնողների հարցը մեկն էր․ «Ո՞ր պնդումն էր ընկել, ամբողջը շտեմարանի՞ց էր»։

Հնչած պատասխաններն էլ կարճ ու կոնկրետ էին․ նորմալ է անցել, լարվածություն եղել է, բարդ բաներ կային։

Ընթացքում ոստիկանները մեկ-երկու անգամ նկատողություն արեցին դիմակը պատշաճ չկրելու համար, իսկ դիմորդների դուրս գալու ժամանակ՝ նաեւ իրար գլխի հավաքվելու։

Նշենք, որ այսօր միասնական 3-րդ քննությունն էր, հայտագրվածների ընդհանուր թիվը 5412 էր, ընդհանուր 47 քննական կենտրոնից գործում էր 46-ը։

Տպել
1422 դիտում

Անթույլատրելի է գերիների հարցը սակարկության առարկա դարձնելը. Արմեն Սարգսյանն ընդունել է Իտալիայի Սենատի փոխնախագահին

Արարատ Միրզոյանն ընդունել է Իտալիայի Սենատի փոխնախագահ Պաոլա Տավերնային

Նիկոլ Փաշինյանը շնորհավորական ուղերձ է հղել Իրանի Իսլամական Հանրապետության նորընտիր նախագահին

Երթևեկության փոփոխություն Գայի պողոտայում

Որոշ երկրներում կորոնավիրուսը գլուխ է բարձրացնում

Արարատ Միրզոյանը հանդիպեց ԵԱՀԿ/ԺՀՄԻԳ դիտորդական առաքելության ղեկավարի հետ

Անտոնիո Գուտերեշը վերընտրվել է ՄԱԿ-ի գլխավոր քարտուղարի պաշտոնում

Դաշինքի թեկնածուն, ՃՈ ծառայողն ու ևս 1 անձ ձերբակալվել է կաշառք բաժանելու և կաշառքի միջնորդություն կատարելու կասկածանքով

Ընտրական գործընթացները չպետք է որևէ կերպ ազդեն սահմանների անվտանգության վրա. նախագահի հեռախոսազրույցը Հարությունյանի հետ

Հայաստանը «Սպուտնիկ Վի»-ի նոր խմբաքանակ է ձեռք բերել

Կանայք ԴԱՀԿ-ի աշխատակիցների կողմից ծեծի չեն ենթարկվել. ծառայությունը հերքում է տարածված տեղեկությունը

Իրանում վթարվել է քվեատուփերով ուղղաթիռը. մեկ մարդ զոհվել է

Եվս 1 զինծառայողի աճյուն է հայտնաբերվել է Վարանդայի (Ֆիզուլի) շրջանի որոնողական աշխատանքների արդյունքում

Ձերբակալվել է «Պատիվ Ունեմ» դաշինքի պատգամավորության թեկնածու Գոռ Սեդրակյանը. Արսեն Բաբայան

Իբրահիմ Ռաիսին հաղթում է Իրանի նախագահի ընտրություններում

Արգելվում է զենքով ընտրատեղամաս մուտք գործելը. այս և այլ հիշեցումներ ՀՀ դատախազությունից

Նիգերիայի իսլամիստ զինյալների թիրախում դարձյալ դպրոցականներն են

ԱԺ նախագահ Արարատ Միրզոյանն ընդունել է ՀԱՊԿ ԽՎ դիտորդական առաքելության անդամներին

Նախագահ Արմեն Սարգսյանն հեռախոսազրույցներ է ունեցել ԱԱԾ պետ Արմեն Աբազյանի և ոստիկանության պետ Վահե Ղազարյանի հետ

Պենտագոնը դուրս է բերում իր զինուժի մեծ մասը Մերձավոր Արևելքից

Միրզոյանը ԱՊՀ միջխորհրդարանական վեհաժողովի պատվիրակությանն է ներկայացրել ռազմագերիների վերադարձի ձգձգման խնդիրը

ՀՀ գլխավոր դատախազությունը վաղն ակնկալում է քաղաքացիական բարձր գիտակցության դրսևորում և իրավահպատակ վարքագիծ

Յալթայում ջրհեղեղի հետևաքով 18 մարդ տուժել է, 1-ը՝ մահացել

Արցախում հաստատվել է կորոնավիրուսային հիվանդության 2 դեպք

Նախագահ Արմեն Սարգսյանը պետական պարգև է հանձնել սրտային վիրաբույժ Միհիր Սուսանիին

Կոչ եմ անում անպայման գնալ ընտրատեղամասեր, կատարել ձեր ընտրությունը. Նիկոլ Փաշինյանը դիմել է ժողովրդին (տեսանյութ)

Մեր հայրենիքի համար վճռական օրվա շեմին ենք. Ամենայն Հայոց Կաթողիկոսը դիմել է ժողովրդին (տեսանյութ)

Բայդեն-Պուտին հանդիպումը կնպաստի ԵՄ-Ռուսաստան երկխոսությանը

Պացիենտներին հարկադրաբար հավաքի տանելու մասին տեսանյութի կապակցությամբ ստուգողական գործողություն կիրականացվի

Ընտրական իրավունքի իրականացմանը խոչընդոտելու առերևույթ հանցագործության դեպքերի վերաբերյալ ստացվել է 18 նյութ. ՔԿ

Ավիավթար Ռուսաստանի Կեմերովոյի մարզում

ՀՀ դատախազությունը ընտրությունների օրը հնարավոր հանցավոր գործողություններից զերծ պահելու նպատակով տեսանյութ է հրապարակել

Ոստիկանությունը հրապարակել է ՀՀ ընտրողների ռեգիստրում ընդգրկված ընտրողների ընդհանուր թիվը

Ոչ պաշտոնապես հայտնի է Իրանի նախագահի ընտրություններում հաղթած թեկնածուն

Զինծառայողների աճյունների որոնումներն այսօր շարունակվում է Վարանդայի (Ֆիզուլի) շրջանում

Հաստատվել է կորոնավիրուսի 81 նոր դեպք. փաստացի բուժում է ստանում 2.578 պացիենտ

Գորիսի «Գուսան Աշոտ» մշակույթի կենտրոնի տնօրենը կալանավորվել է. Քննչական կոմիտե

Քվեարկե՛ք արդար ու ազատ, հաշվետու եղեք միա՛յն ձեր խղճին. ՀՀ նախագահ (տեսանյութ)

Ոստիկանության անձնագրային և վիզաների վարչությունը կաշխատի շաբաթ և կիրակի ոչ աշխատանքային օրերին

Չարչյանն ընդունել է ձերբակալման օրը գործընկերների հետ ունեցած զրույցի փաստը. Գոռ Աբրահամյան