Դպրոցականները նոր ընկերներին զարմացնում էին տարբերվող դիմակներով. համավարակի պայմաններում դպրոցը վերաբացեց դռները

-Ռոբերտ Ազարյան,

-Ներկա,

-Կարինա Ամիրգուլյան,

-Ներկա:

Այսօր առավոտյան ժամը 10-ին Երեւանի Սմբատ Բյուրատի անվան հ. 125 դպրոցի բակում երկար դադարից հետո հավաքվել էին մի խումբ դպրոցականներ: Նրանց ու Հայաստանի մնացած առաջին դասարանցիների համար սեպտեմբերի մեկը մեկնարկեց այսօր՝ ավանդականից 2 շաբաթ անց:

 

Սպիտակ վերնաշապիկ, մուգ կիսաշրջազգեստ կամ տաբատ եւ դրան գումարած հագուստին հարմարեցված դիմակ. դպրոցականները նոր ընկերներին այսօր տարբերվող դիմակներով էին զարմացնում: Նրանք բոլորը եկել էին մեկ ծնողի ուղեկցությամբ: Ինչպես մեզ հետ զրույցում նշեց կրթական հաստատության փոխտնօրեն Կարինե Բասոյանը, այս տարի է այսպես, ամեն տարի շատ ճոխ ու գեղեցիկ են նշում դպրոցականների գալուստը:

Առաջին դասարանցի Աշոտն է, ստացել է Այբեննարանն ու լուսանկարվում է, դեմ չի, որ մենք էլ նկարենք, ուրախ է, որ դասերը սկսվել են: Իր մայրիկը եւս կողմ է դպրոց գալուն, կարծում է, որ փոքրերը հեռավար չեն կարող սովորել, միայն դիմակներից է դժգոհ:

Լուսինեն էլ այսօր վարդագույն դիմակ է նախընտրել, հարցին՝ ուրա՞խ են, որ այս համավարակի պայմաններում դպրոց են հաճախելու երեխաները, նրա մայրիկը տատանվելով է պատասխանում,- «Կարեւորը հեռավար չէ»:

Հետաքրքիր դիմակ էր ընտրել նաեւ առաջին դասարանցի Անին:

Ի դեպ հավաքված երեխաները մեծ պատասխանատվությամբ էին եկել, դիմակները կրում էին ճիշտ:

Համար 125 դպրոցի աշակերտներն այսօր դպրոց մուտք չգործեցին, խումբ-խումբ բակում կանգնեցին, ծանոթացան դասվարի հետ եւ առաջին դասագիրքը՝ Այբբենարանը ստանալուց հետո՝ հեռացան, որ մյուս աշակերտները գան: Փոխտնօրենի խոսքով՝ այսօր կծանոթանան, իսկ վաղվանից արդեն կգան դասի, մինչ այդ դպրոցում կավարտվեն նախապատրաստական աշխատանքները, որոնք ի դեպ դեռ ժամեր առաջ էին սկսվել: Ինչպես նշեց բուժքույրը, ամբողջ գիշեր չի քնել, անհամբեր է:

Փոխտնօրենը մեզ էլ մինչ երեխաների հավաքվելը ներկայացեց, թե ինչպես են պատրաստվում դիմավորել դպրոցականներին: Դպրոցի բակում եւ ներսում գծանշումներն էին արված, դրված էին նաեւ ջերմաչափող սարքեր, դիմակներ: Երեխաները կրթական հաստատություն գալու են դիմակներով, բայց եթե չունենան, դպրոցն է տրամադրելու, որոնք պակասը, ըստ փոխտնօրենի, չունեն:

Քանի որ հ. 125 դպրոցում 1000-ից ավելի աշակերտներ են սովորում, դպրոցը գործելու է երկու հերթով: Նախապես ըստ դասարանների առանձնացվել են 4 մուտքերը, իսկ պատերին փակցված սլաքներն աշակերտներին ուղղորդելու համար են:

Այստեղ բոլոր այն դասասենյակները, որոնք փոքր են, ժամանակավորապես փակվել են, բաց են միայն մեծ դասասենյակները: Աշակերտները նստելու են մեկ-մեկ, իսկ ուսուցչի սեղանին դրված են լինելու ախտահանիչ նյութեր ու դիմակներ: Կարինե Բասոյանի խոսքով՝ նոր պայմաններով ուսուցիչները համաձայն են գալ, իրենց աշխատանքն է, ինչ կարող են անել: Համապատասխան բոլոր իրերն ու պարագաները դպրոցն է գնել, հարցին, թե որքա՞ն գումար է ծախսվել, փոխտնօրենը չկարողացավ պատասխանել, նրա խոսքով՝ շատ:

Հիշեցնենք, որ առաջինից բարձր դասարանցիները դպրոց են հաճախելու վաղվանից: Ուշ գնալու պատճառը երկրում առկա կորոնավիրուսային հիվանդությունն է, որպեսզի դպրոցները հասցնեն պատրաստվել եւ դպրոցականներին ընդունեն համաճարակային կանոնների պահպանմամբ:

Տպել
1598 դիտում

Սուրբ Գրիգոր Լուսավորիչ բկ-ում սննդային թունավորումը վերաբերում էր 33 հոգու, 25-ը՝ բուժանձնակազմից

Երեւանի Վարդավառի լճում հայտնաբերվել է մոտ 50-ամյա տղամարդու դի

Ովքե՞ր են ցուցարարների իրական դաշնակիցները

Արցախի նախագահն այցելել է Մատենադարան. Ստեփանակերտի գրադարանում նմանատիպ պայմաններ կստեղծվեն

Գավառի ոստիկանները տաք հետքերով կանխել են 40 ոչխարի գողության փորձը. կան բերման ենթարկվածներ

Վաղաշեն գյուղի նախկին դպրոցի չուգունե ռադիատորները գողացած 4 պատանի բերման է ենթարկվել

Կորոնավիրուսից մահացել է Ուզբեկստանի փոխվարչապետը

Ջերմաստիճանը սեպտեմբերի 20-22-ին կնվազի 2-3 աստիճանով, մոտակա օրերին սպասվում են անձրեւներ

Ալիեւի հայտարարություններն ի ցույց են դնում նրա անկարողությունը. ՀՀ ԱԳՆ խոսնակի պատասխանը՝ Ադրբեջանի նախագահին

Վրաստան մուտքն արգելող որոշումը շարունակում է ուժի մեջ մնալ. բացառություն են բեռնափոխադրումները

«Սուրբ Գրիգոր Լուսավորիչ» ԲԿ-ում գրանցվել են թունավորումներ բուժանձնակազմի որոշ անդամների եւ մի քանի պացիենտի մոտ

Հրդեհ Սպիտակ-Վանաձոր ավտոճանապարհի անտառամերձ հատվածում. այրվել են ծառեր, բուսածածկույթ

Նախկինները մի հաջողություն այնուամենայնիվ արձանագրեցին

Ամսական դրամաշնորհ՝ զբոսաշրջության և հարակից ոլորտների տնտեսվարողներին. Կառավարության նոր ծրագիրը

Հայ դիպուկահարը սահմանել է սպորտային սեփական ռեկորդ՝խոցելով նշանակետը 2574 մետրից

Երկար դադարից հետո Ալիևը երեկ որոշել է արձագանքել Փաշինյանի հրապարակած յոթ կետերին. Տ. Հայրապետյանը՝ արձագանքի մասին

Շատ օգտակար քննարկում ենք ունեցել Արցախում «Թումո» կենտրոնների ցանցն ընդլայնելու ուղղությամբ. ԱՀ նախագահը Երևանում է

Գեղադիր գյուղում այրվել է մոտ 100 հակ անասնակեր

Թուրքիան Ադրբեջանին ուժեղ ռազմական աջակցության է ցուցաբերում. ԱԳ նախարարի հարցազրույցը՝ «Sky News Arabic»-ին

Անկախության տոնը պետք է նշվեր Վանաձորում, բայց համավարակն այն սփռեց Հայաստանով մեկ