Շիրակի մարզը 3075 առաջին դասարանցի ունի. Գյումրիում որոշ ծնողներ ընդդիմացել են դիմակ կրելու պահանջին (լուսանկարներ)

Սեպտեմբերի 14-ին Շիրակի մարզի դպրոցներում հնչեց նոր ուսումնական տարվա առաջին զանգը:  Այսօր դպրոց գնացին միայն առաջին դասարանցիները: Եթե մեծահասակների համար սեպտեմբերի 1-ը 14-ով փոխարինելը որոշակի տրամադրվածություններ էր առաջացրել, ապա փոքրիկների համար այն չուներ որևէ նշանակություն:

Զանգը հնչեց այնքան ուժգին, որքան հնչելու էր սեպտեմբերի 1-ին, բոլորը հուզվեցին այնպես, ինչպես հուզվելու էին սեպտեմբերի 1-ին:  

Միակ անսովոր քայլը դպրոցի մուտքի մոտ ձեռքերի ախտահանումն ու դիմակ կրելու հստակ պահանջն էր: Գյումրու դպրոցներից մեկում սրա հետ կապված փոքրիկ միջադեպ է եղել: «Մեկ-երկու ծնող ընդդիմացել են, թույլ չեն տվել, որ երեխաները դիմակ դնեն, սակայն արագ խնդիրը հարթվել է, մանկավարժները խոսել են նրանց հետ, հարցը կարգավորվել է: Այս պահին որևէ կոշտ քայլ չի լինի, սակայն բոլոր երեխաները օրենքի պահանջին են հետևելու՝ անկախ ծնողների կամքից կամ, մեկ-երկուսի ցանկությունից»,- ՀԺ-ի հետ զրույցում ասաց Շիրակի մարզպետարանի կրթության վարչության պետ Հրայր Կարապետյանը:

Գյումրու թիվ 10 դպրոցի տնօրեն Լիանա Վարդանյանն էլ նշեց, որ փոքրիներին ավելի չլարելու համար իրենք ջերմաչափումն իրականացրել են ոչ թե սարքը ճակատներին, այլ դաստակների հատվածում պահելու տարբերակով: «Դե երեխաներ են, ամեն ինչ նրանց համար նոր է, իրենք էլ փոքրիկ են, դիմակ դնելն էլ անսովոր էր նրանց համար, բայց կարծում եմ քիչ-քիչ կսովորեն, հունի մեջ կընկնեն: Ախտահանման ժամանակ, երբ թաթիկներն էինք մուտքի մոտ ախտահանում, մի քանիսը սկսեցին լացել,  բնական է: Բայց արագ ամեն ինչ հետո տեղն ընկավ»,- պատմեց տնօրենը:

Շիրակի մարզի 146 դպրոց այսօր ընդունել է 3075 առաջին դասարանցի: Բոլոր հայտագրվածները գրեթե ներկայացել են: Բացականեր քիչ են եղել:

ՀԺ-ի հարցին, եղել են արդյո՞ք ռիսկային խմբի մանկավարժներ, որոնք դիմել են հեռավար պարապմունքներ անցկացնելու, կամ աշխատանքի չներկայանալու համար, վարչության պետն ասաց՝ ոչ: Չնայած օրենքը թույլ տալիս է, սակայն մինչ այս պահը որևէ մեկից նման դիմում չի ստացվել:

Մարզի գյուղական 6 համայնք՝ Զարիշատը, Շաղիկը, Լեռնուտը, Նոր Ախուրյանը, Հայկասարն ու Կաքավասարն ընդհանրապես չունեն առաջին դասարանի աշակերտներ: 

Տպել
1015 դիտում

Սուրբ Գրիգոր Լուսավորիչ բկ-ում սննդային թունավորումը վերաբերում էր 33 հոգու, 25-ը՝ բուժանձնակազմից

Երեւանի Վարդավառի լճում հայտնաբերվել է մոտ 50-ամյա տղամարդու դի

Ովքե՞ր են ցուցարարների իրական դաշնակիցները

Արցախի նախագահն այցելել է Մատենադարան. Ստեփանակերտի գրադարանում նմանատիպ պայմաններ կստեղծվեն

Գավառի ոստիկանները տաք հետքերով կանխել են 40 ոչխարի գողության փորձը. կան բերման ենթարկվածներ

Վաղաշեն գյուղի նախկին դպրոցի չուգունե ռադիատորները գողացած 4 պատանի բերման է ենթարկվել

Կորոնավիրուսից մահացել է Ուզբեկստանի փոխվարչապետը

Ջերմաստիճանը սեպտեմբերի 20-22-ին կնվազի 2-3 աստիճանով, մոտակա օրերին սպասվում են անձրեւներ

Ալիեւի հայտարարություններն ի ցույց են դնում նրա անկարողությունը. ՀՀ ԱԳՆ խոսնակի պատասխանը՝ Ադրբեջանի նախագահին

Վրաստան մուտքն արգելող որոշումը շարունակում է ուժի մեջ մնալ. բացառություն են բեռնափոխադրումները

«Սուրբ Գրիգոր Լուսավորիչ» ԲԿ-ում գրանցվել են թունավորումներ բուժանձնակազմի որոշ անդամների եւ մի քանի պացիենտի մոտ

Հրդեհ Սպիտակ-Վանաձոր ավտոճանապարհի անտառամերձ հատվածում. այրվել են ծառեր, բուսածածկույթ

Նախկինները մի հաջողություն այնուամենայնիվ արձանագրեցին

Ամսական դրամաշնորհ՝ զբոսաշրջության և հարակից ոլորտների տնտեսվարողներին. Կառավարության նոր ծրագիրը

Հայ դիպուկահարը սահմանել է սպորտային սեփական ռեկորդ՝խոցելով նշանակետը 2574 մետրից

Երկար դադարից հետո Ալիևը երեկ որոշել է արձագանքել Փաշինյանի հրապարակած յոթ կետերին. Տ. Հայրապետյանը՝ արձագանքի մասին

Շատ օգտակար քննարկում ենք ունեցել Արցախում «Թումո» կենտրոնների ցանցն ընդլայնելու ուղղությամբ. ԱՀ նախագահը Երևանում է

Գեղադիր գյուղում այրվել է մոտ 100 հակ անասնակեր

Թուրքիան Ադրբեջանին ուժեղ ռազմական աջակցության է ցուցաբերում. ԱԳ նախարարի հարցազրույցը՝ «Sky News Arabic»-ին

Անկախության տոնը պետք է նշվեր Վանաձորում, բայց համավարակն այն սփռեց Հայաստանով մեկ