Պարոն Բադասյանը իրեն օրենքից ավելի բարձր դասեց. Հայաստանի ազգային արխիվի աշխատակիցը բաց նամակով դիմել է վարչապետին

Հայաստանի ազգային արխիվի ավագ գիտաշխատող Ալինա Աբրահամյան բաց նամակով դիմել է վարչապետ Նիկոլ Փաշինյանին: Նա անդրադարձել է արխիվի տնօրեն Ամատունի Վիրաբյանի անվան շուրջ  վերջին օրերի աղմկահարույց իրադարձություններին:

Նամակը՝ ստորեւ.

«Հարգելի պարոն վարչապետ, շուրջ 24 տարի է աշխատում եմ Հայաստանի ազգային արխիվում և հպարտ եմ, որ ներկայացնում եմ հենց Ազգային արխիվը, դա մեծ պատիվ է ինձ համար: Ցավով արձանագրում եմ, որ 2018թ. հեղափոխությունից հետո մեր հիմնարկը, որպես թիրախ, սկսեց հանիրավի քարկոծվել, իբր մենք փաստաթղթեր ենք ոչնչացնում, նպատակային թաքցնում ենք, որ ուսումնասիրողի ձեռքը չընկնի, վաճառում եք:

Հայաստանի Հանրապետության քննչական կոմիտեն, դատախազությունը, ՊԵԿ-ը սկսեցին ստուգումներ մեր հիմնարկում, սակայն պարզվեց, որ այն լուրերը, որոնք տարածվել էին ազգային արխիվի շուրջ, կեղծ էին և բոլոր քրեական գործերը կարճվեցին հանցակազմի բացակայության պատճառով:

Կարծեցինք, որ արդեն ամեն բան ընկել է իր տեղը և կարելի է շարունակել հանգիստ աշխատել ու օգտակար լինել մեր ժողովրդին, մեր պետությանը: Սակայն ոչ: ՀՀ Արդարադատության նախարար Ռուստամ Բադասյանը այդ անդորրը որոշեց ի չիք դարձնել: Եվ Հայաստանի ազգային արխիվի տնօրեն Ամատունի Վիրաբյանին վերջնագիր ներկայացրեց. եթե դիմում չգրես, ապա քրեական գործ կհարուցեմ քեզ վրա և գործից կհեռացնեմ:

Ա. Վիրաբյանը վստահ լինելով, որ ինքը ոչ մի ապօրինի արարք թույլ չի տվել, հրաժարվեց դիմում գրել: Եվ սկսվեց ֆեսբուքյան կեղծ էջերից գրոհները արխիվի դեմ՝ դիպչելով անգամ աշխատակիցների բարոյական կողմին: Պարոն Բադասյանը իրեն օրենքից ավելի բարձր դասեց և ապօրինի հրամանով հեռացրեց Ա. Վիրաբյանին՝ դադարեցնելով նրա լիազորությունները:

Ինչու եմ համոզված գրում, քանի որ հեռացման հիմքում դրված է ՀՀ կառավարության 2019թ. ապրիլի 11-ի N379 որոշման կատարումը: Այսինքն ՀՀ կառավարությունը Ձեր ղեկավարությամբ ՀՀ տարածքային կառավարման նախարարությանը, որի նախարարն էր Սուրեն Պապիկյանը, տրամադրում է 800 միլիոն դրամ, որը փոխանցվում է Հայաստանի ազգային արխիվի հաշվին, որպես 2014-2017թթ.կուտակված հարկային պարտավորություն, այսինքն այդ թվականներին արխիվին պետական բյուջեով հատկացված սուբսիդիաների և դրամաշնորհների մասով ավելացված արժեքի հարկն է, որը նախկին իշխանությունների կողմից չէր տրամադրվել ոչ մի ՊՈԱԿ-ի:

Ձեր կառավարությունը տրամադրում է այդ 800 միլիոնը: Ընդամենը հինգ րոպե անց այդ գումարը ազգային արխիվը հետ է վերադարձնում ՀՀ պետական բյուջե: Քանի որ այդ գումարը կուտակված այն պարտքն էր, որը նախատեսված էր 2014-2018թթ. և բյուջեով չէր տրվել Ազգային արխիվին: Պարզվում է մեր հիմնարկին պատժում են ՀՀ կառավարության որոշումը պատշաճ կատարելու համար:

Հարգելի պարոն վարչապետ, այս ամենը ինչ ես ներկայացնում եմ, արձանագրված է և ՊԵԿ-ում, և Ֆիննախում, և Ազգային արխիվում: Երբ բարձրաձայնվեց այս ամենը, պարոն նախարարը անցավ ավելի կոշտ քայլերի: Այն է` մեզ մեղադրեց շահութահարկ չվճարելու մեջ: Այս անգամ էլ հիմնարկի գլխավոր հաշվապահը փաստերով խոսեց և այդ փաստերի պատճենները բաժանեց լրագրողներին, որպեսզի համոզիչ լինի մեր անմեղությունը:

Այս ամենից հետո պարոն Բադասյանը նորից հարկ չհամարեց հանդիպել ոչ տնօրենի, ոչ արխիվի անձնակազմի հետ: Մինչև այս ապօրինի հրամանը, պարոն Բադասյանը մեկ այլ ապօրինի հրամանով աշխատանքից ազատում է ՀՀ Արդարադատության նախարարության իրավական ակտերի փորձաքննության գործակալության պետ Կարեն Խտրյանին, ով քաղծառայող է, ում իրավունք չուներ ազատելու: Այնուհետև պարտադրում է Ա. Վիրաբյանին փոխտնօրենի նոր հաստիք բացել արխիվում, իսկ մենք ունենք մեկ փոխտնօրեն, երկրորդն արդեն ավելորդ էր: Կարեն Խտրյանին, իր լուռ համաձայնությամբ նշանակում են մեզ մոտ փոխտնօրեն:

Պարոն վարչապետ. Ռուստամ Բադասյանի այս քայլերից հետո, ինձ մոտ հիմնավոր կասկածներ են ի հայտ եկել, որ նա աշխատում է Ձեր դեմ. Կասկածի տակ դնելով ՀՀ կառավարության վերը նշված որոշումը: Կամ պարոն Բադասյանը ինչ որ պատվեր է կատարում, որ որքան կարող է հեղինակազրկի Ձեզ, որ Դուք անկարող եք օբյեկտիվ որոշումներ կայացնել կամ նրա մեջ խոսում է խանդը, ցանկանալով այս քայլով հեղինակազրկել Սուրեն Պապիկյանին, քանի որ նրա ռեյտինգն ամենաբարձրն է որպես նախարար:

Ինչու եմ նշում Սուրեն Պապիկյանին, քանի որ նախկինում Սուրեն Պապիկյանի ղեկավարած նախարարության ենթակայության տակ էր գտնվում Հայաստանի ազգային արխիվը, և նրա զեկուցագրի հիման վրա  է հատկացվել այդ գումարը Ազգային արխիվին, որը լրիվ տեղավորվում է օրենքի շրջանակներում:

Դուք, որպես վարչապետ ամեն պատեհ առիթ օգտագործում եք, որպեսզի Ձեր օրինակով ցույց տաք, որ օրենքի առաջ բոլորը հավասար են: Սակայն պարոն Բադասյանը լինելով իրավաբան, իրեն օրենքից բարձր է դասում, խախտելով անմեղության կանխավարկածը: Եվ միանգամից դատավճիռ է կայացնում, չհասկանալով, որ քանի դատարանում ապացուցված չէ մարդու մեղքը, այդ մարդն անմեղ է: Պարոն Բադասյանը իր այս չմտածված կամ միգուցե նաև լավ պլանավորած քայլով տպավորություն է ստեղծում, որ կոռուպցիոն սխեմա է բացահայտել»:

Տպել
1422 դիտում

Ադրբեջանի հարձակման, ռուսական ջանքերի, թուրքական միջամտության եւ խաղաղ կարգավորման մասին. Պուտինի անդրադարձը՝ ամբողջական

Կամավորագրումն իր մեջ սիմվոլիկա է պարունակում. Էջմիածնի քաղաքապետը որոշել է ղեկավարել կամավորների ջոկատը

Մեծ Մասրիկի հրետակոծության հետեւանքով վիրավորված բնակիչը հիվանդանացում մահացել է․ մարզպետ

Դիվերսիոն տարբեր խմբեր ներթափանցում են մեր ռազմաճակատային գոտու բնակավայրեր՝ հաճախ ընդամենը նկարվելու համար.Հովհաննիսյան

Զոհերի մասին ընդհանրացված թվեր են տրվել, չէր կարող կոնկրետ թվեր ասվել ՌԴ նախագահի կողմից, դա բացառվում է. Հովհաննիսյան

«Ես էլ հասա մեր արծիվ տղերքին». Վարդան Բադալյանը մեկնել է առաջնագիծ (լուսանկար)

Եթե ինչ-որ նեղ տեղերում տեսնում են Արաքս գետը, դա չի նշանակում լիարժեք վերահսկում են. Արծրուն Հովհաննիսյան

Մեկի 18 տարին է լրացել, շտապում է ընկերների կողքին լինել, մյուսը 20 տարվա վրեժ ունի. խնդրում են իրենց տանել առաջնագիծ

Առողջապահության համակարգը կարող է հայտնվել կոլապսի առջեւ. համաճարակաբան

Հակամարտության գոտում վարձկան ահաբեկիչների ներկայության մասին վկայող նոր տեսագրություն

Մեր կոչը Վրաստանի իշխանություններին է, որոնք չպիտի աջակցեն թուրքին․ վիրահայերի ցույցը Թբիլիսիում

Ռուսաստանը հուսով է՝ ԱՄՆ-ին կհաջողվի ղարաբաղյան հակամարտության հարցում հասնել հաջողության

Արցախի միջազգային ճանաչման ժամը հնչած է. Արամ Ա

«Բոմբ պեն»՝ արցախցի երեխաների համար․ կազմակերպվում են տարբեր դասընթացներ ու այցեր

Կենտրոնական բնակավայրերի ուղղությամբ մարտական գործողությունները շարունակվում են. Արծրուն Հովհաննիսյան

Հրապարակվել են հայրենիքի պաշտպանության համար մղվող պայքարում զոհված եւս 26 զինծառայողի անուններ

Ադրբեջանական դիվերսիոն խմբերի գործողություները միտված են առաջին հերթին խուճապի տարածմանը. Հովհաննիսյան

Շատ կարևոր է, որպեսզի կոնկրետ խաղաղապահ ուժերը կայունացնեն տարածաշրջանը, այլ ոչ թե՝ հակառակը. վարչապետ

Եթե 30 տարի շարունակ ղարաբաղյան բանակցություններն արդյունք չեն տալիս, չի նշանակում, որ կարելի է կրակել. Պուտին

Ցավոք, փաստ է, որ Սումգայիթում, ապա նաեւ Ղարաբաղում հայ ժողովրդի դեմ կոշտ հանցագործություններ են իրականացվել. Պուտին