Ի՞նչ է ենթադրում ՀՀ-ում ռազմական դրությունը․ ԱԺ-ն անհապաղ հատուկ նիստ է հրավիրում

Հայաստանի Հանրապետությունում ռազմական դրություն հայտարարելու որոշման ուժի մեջ մտնելուց հետո իրավունքի ուժով անհապաղ հրավիրվել է Ազգային ժողովի հատուկ նիստ։ Այն տեղի կունենա ժամը 18:00-ին:

ՀՀ Սահմանադրության 119-րդ հոդվածի համաձայն՝ ՀՀ-ի վրա զինված հարձակման, դրա անմիջական վտանգի առկայության կամ պատերազմ հայտարարվելու դեպքերում Կառավարությունը հայտարարում է ռազմական դրություն, ուղերձով դիմում ժողովրդին եւ հայտարարում ընդհանուր կամ մասնակի զորահավաք:

Ինչպես ավելի վաղ ՀՀ վարչապետ Նիկոլ Փաշինյանն է գրել իր ֆեյսբուքյան էջում, որոշվել է հայտարարել ընդհանուր զորահավաք․ «Զորքերին կցագրված անձնակազմերին կոչ եմ անում ներկայանալ իրենց տարածքային զինկոմիսարիատներ»,- նշել է նա։

Ռազմական դրություն հայտարարելու մասին կառավարության որոշմամբ պետք է սահմանվեն ռազմական դրություն հայտարարելու համար հիմք ծառայած հանգամանքները, անհրաժեշտության հիմնավորումը, այն տարածքի սահմանները, որտեղ հայտարարվում է ռազմական դրությունը, ինչպես նաեւ՝ ՀՀ եւ օտարերկրյա քաղաքացիների, քաղաքացիություն չունեցող անձանց, կազմակերպությունների իրավունքների եւ ազատության ժամանակավոր սահմանափակումների, կիրառվող միջոցառումների, նրանց նկատմամբ լրացուցիչ պարտավորությունների ցանկը։

Անհապաղ հրավիրվող նիստի իրավազոր լինելու դեպքում Ազգային ժողովը կարող է «Ազգային ժողովի կանոնակարգ» սահմանադրական օրենքով սահմանված կարգով վերացնել ռազմական դրությունը կամ դրանով նախատեսված որեւէ միջոցառում։

Եթե ռազմական դրություն հայտարարելու մասին Կառավարության որոշման հրապարակումից հետո՝ չորս ժամվա ընթացքում, գրանցված պատգամավորների թիվը նիստի իրավազորության համար բավարար չէ, ապա նիստը սկսվում է առանց իրավազորության ապահովման:

Նիստի ընթացքում հիմնական զեկուցմամբ եւ եզրափակիչ ելույթով հանդես է գալիս վարչապետը կամ Կառավարության ներկայացուցիչը, որին զեկուցումից հետո կարող են տրվել հարցեր։ Դրանից հետո հարակից զեկուցում չի լինում, իսկ մտքերի փոխանակության ընթացքում կարող են ելույթ ունենալ միայն խմբակցությունների երկուական ներկայացուցիչներ:

Նշենք, որ ռազմական դրության առանձնահատկություններն ու այդ ընթացքում թույլատրվող սահմանափակումները սահմանված են «Ռազմական դրության իրավական ռեժիմի մասին» ՀՀ օրենքով։ Դրա համաձայն՝ ռազմական դրություն հայտարարված տարածքում կարող է գործել տեղաշարժման, հավաքների, գործադուլի, խոսքի ազատության եւ մի շարք այլ սահմանափակումներ։ Կարող են կասեցվել ՀՀ-ի անվտանգության դեմ ուղղված քարոզչություն եւ այլ գործունեություն ծավալած կուսակցությունների, հասարակական ու կրոնական կազմակերպությունների, միավորումների գործունեությունը։

Օրենքի մեկ այլ դրույթի համաձայն՝ կարող է սահմանվել նաեւ պարետային ժամ, ինչը նշանակում է, որ կարող է արգելվել օրվա որոշակի ժամանակահատվածում առանց անձը հաստատող փաստաթղթերի եւ հատուկ թույլտվությունների փողոցներում ու այլ հասարակական վայրերում գտնվելը։

Թե կոնկրետ ինչ սահմանափակումնհեր են գործելու ՀՀ ռազմական դրության ընթացքում, պարզ կլինի Կառավարության համապատասխան որոշման հրապարակումից հետո։

Տպել
1732 դիտում

Ցավոք, փաստ է, որ Սումգայիթում, ապա նաեւ Ղարաբաղում հայ ժողովրդի դեմ կոշտ հանցագործություններ են իրականացվել. Պուտին

Կարծում եմ, Թուրքիայի դեմ սահմանափակումներն ավելի կուժեղանան․ տնտեսագետ

Պուտինը մեկնաբանել է Ղարաբաղի հարցով Թուրքիայի ու Ֆրանսիայի միջեւ առաջացած հակասությունները

ՆԱՏՕ-ն առաջին անգամ Թուրքիային կոչ է արել օգտագործել ազդեցությունը ԼՂ հակամարտության գոտում լարվածության նվազեցման համար

Մեր հրամանատարներն ինքնուրույն որոշումներ չեն կայացնում. ի՞նչ է պատմում Արցախում բուժում ստացող ադրբեջանցի ռազմագերին

Թուրքիային ԵԱՏՄ սակագնային արտոնություններից զրկելու համար այլ փաստարկներ էլ ենք ներկայացրել. փոխվարչապետ

Այս անգամ այնպես ենք ծնկի բերելու թշնամուն, որ այլեւս ոտքի չի կանգնելու. մարզպետը հույս ունի ժամ առաջ մեկնել առաջնագիծ

ՊԲ հակաօդային պաշտպանության ուժերը ոչնչացրել են թուրքական արտադրության հերթական «Բայրակթար»-ը (տեսանյութ, լուսանկարներ)

Դավիթ Տոնոյանը հանդիպել է ակտիվ մարտական գործողությունների հարակից բնակավայրի բնակիչներին (լուսանկարներ)

«Ոչ մեկը չկասկածի՝ ինչ արել ենք, հիմա ավելի շատ ենք անելու»․ Գագիկ Ծառուկյանը դուրս եկավ ԱԱԾ-ից

ՈւԵՖԱ-ն ընթացք է տվել Ադրբեջանի ֆուտբոլի ֆեդերացիաների ասոցիացիայի դեմ ՀՖՖ բողոքներին

Պաշտպանության բանակը թեժ մարտեր է մղում Մարտունու շրջանի Շեխեր և Ջիվանի գյուղերի մատույցներում. Վահրամ Պողոսյան

Գյումրիում ավտոմեքենայի սրահն այրվել է. ԱԻՆ

ՊԵԿ-ը հայտնում է՝ ժամանակավորապես չի գործելու Շինարարների 3/1 հասցեում տեղակայված սպասարկման սրահը

«Գանձասարը» հետաձգված խաղում հաղթեց «Լոռիին»

Հայտնաբերվել է արգելված հրապարակումների 140 դեպք, որոնցից 110-ը՝ լրատվական գործունեություն չիրականացնող անձանց կողմից

Կորոնավիրուսը շարունակում է ներթափանցել հայկական ֆուտբոլ․ առաջնութան ևս երկու հանդիպում հետաձգվել է

Ռազմական դրության ժամանակահատվածում սահմանված հարկային արտոնությունները. ՊԵԿ-ն իրազեկում է

Գագիկ Ծառուկյանը ազատ կարձակվի 100 միլիոն դրամ գրավի դիմաց

Տղաները գրավել են հակառակորդի դիրքեր, բարելավել յուրային ուժերի մարտավարական առավելության մակարդակը. ՊԲ