Թուրքիան բացահայտ աջակցում է Ադրբեջանին, ՌԴ-ն՝ զենք վաճառում 2 կողմերին էլ. Forbes-ի անդրադարձը

Կիրակի առավոտյան ադրբեջանական հրետանին, հրթիռները, անօդաչու թռչող սարքերը եւ մարտական ինքնաթիռները սկսեցին մի շարք հարձակումներ վիճահարույց Լեռնային Ղարաբաղի հայկական դիրքերի ուղղությամբ: Եվ այս ամենը հուլիսյան բախումներից ընդամենը 2 ամիս անց: Հրթիռակոծություններին եւ ավիահարվածներին հաջորդեցին ցամաքային հարձակումներ:

Հաղորդվում է, որ մարտերի նոր փուլը հանգեցրել է խաղաղ բնակիչների մահվան: Երկու կողմերն էլ մեղադրում են միմյանց կորուստների մասին տվյալները հորինելու մեջ: Հայաստանը ռազմական դրություն է հայտարարել և մոբիլիզացնում է իր պահեստազորայիններին:

Հակամարտությունը սպառնում է նաեւ ներգրավել տարածաշրջանային տերություններին՝ Ռուսաստանին եւ Թուրքիային՝ հակամարտող կողմերին աջակցելու համար:

Այս մասին ասվում է հեղինակավոր Forbes ամսագրի հոդվածում, որտեղ ամփոփվել են սեպտեմբերի 27-ի իրադարձությունները:

Հեղինակ Սեբաստյան Ռոբլինը ամփոփել է պաշտպանական գերատեսչությունների պաշտոնական հաղորդագրությունները հակամարտող կողմերի կորուստների, տեխնիկական կորուստների մասին, որոնք հաղորդվել են օրվա ընթացքում, ինչպես նաեւ տեսանյութերը, որոնք հրապարակվել են: Հաղորդվում է, որ ադրբեջանական կողմը հաստատել է միայն 1 ռազմական ուղղաթիռ խոցվելու մասին տեղեկությունը՝ հավելելով, որ անձնակազմը ողջ է մնացել: Ադրբեջանը նաեւ պնդում է, թե 12 հայկական 2K33 Osa (SA-8) ՀՕՊ համակարգ է ոչնչացրել:

Անդրադարձ կա նաեւ հակամարտության նախապատմությանը, որտեղ նշվում է, որ 3 միլիոն եւ 10 միլիոն բնակչությամբ Կենտրոնական Ասիայի երկու երկրների միջեւ դաժան բախումները սկիզբ են դրվել 1988թ.-ին՝ Խորհրդային Միության լուծարումից առաջ: Լայնամասշտաբ պատերազմն ավարտվել է 1994թ.-ին երկու կողմերից հազարավոր զոհերի գնով:

Նշվում է, որ Հայաստանը հաջողությամբ պաշտպանել է իր սահմաններն ու Արցախը անցնող բոլոր տարիների եւ մարտերի ընթացքում, սակայն գրեթե 3 անգամ շատ բնակչություն ունեցող եւ նավթային հարստությամբ զինված Ադրբեջանը ջանք չի խնայում նավթադոլարներով շարունակ զինել զինանոցը՝ այն օգտագործելով Հայաստանի դեմ: Մասնավորապես Ադրբեջանին շատ են օգնում Իսրայելի արտադրության անօդաչու թռչող սարքերը, դրոնները:

Հեղինակը նաեւ գրում է, որ թեեւ Ռուսաստանի Դաշնությունը Հայաստանի ռազմավարական գործընկերն է եւ ԵԱՀԿ Մինսկի խմբի անդամ, սակայն զինտեխնիկա է մատակարարում 2 հակամարտող կողմերին էլ, օրինակ՝ TOS-1 տերմոբարային հրթիռային հրետանի:

Այլ զինատեսակներ, որ Մոսկվան վաճառել է պատերազմող կողմերին, ներառում է T-90 տանկեր եւ Mi-35M զրահապատ ուղղաթիռներ Ադրբեջանի համար եւ «Իսկանդեր-Է» բալիստիկ հրթիռներ՝ Հայաստանի համար:

Միեւնույն ժամանակ, Թուրքիան բացահայտորեն սատարում է Ադրբեջանին եւ աջակցում նրա այս հարձակմանը Հայաստանի դեմ, որը Էրդողանը բնութագրել է որպես «խոչընդոտ խաղաղության համար»: Նախկինում Թուրքիայի ղեկավարը վկայակոչել էր մահմեդական հավատը եւ էթնիկ կապը Ադրբեջանի հետ: Էրդողանը նաեւ ավելի ու ավելի է տարվում դեպի օտարերկրյա արկածները Լիբիայի եւ Սիրիայի նման վայրերում՝ փորձելով վերականգնել Օսմանյան կայսրության նախկին տարածաշրջանային ազդեցությունը:

Չհաստատված պնդումներ կան, որ Թուրքիան կարող է Սիրիայից հավաքագրած եւ Լեռնային Ղարաբաղի հետ սահմանին ադրբեջանական ուժերին աջակցելու համար գրոհայիններ ներառել, բայց Անկարան հերքում է մեղադրանքները (Forbes-ի հոդվածից ժամեր անց հաստատվեց այս պնդումը. Սիրիայից մոտ 4000 գրոհային է մասնակցում Ադրբեջանի սանձազերծած ռազմական գործողություններին):

Կան նաեւ տարբերակներ, որ Թուրքիան հնարավոր է՝ աջակցում է Ադրբեջանի հարձակմանը իր սեփական անօդաչու ուժերի միջոցով՝ իրականացնելով թռիչքներ եւ անգամ ավիահարվածներ՝ օգտագործելով ճշգրիտ զինամթերք (Այս վարկածը եւս հաստատվել է երեկ):

Հեղինակը հիշեցնում է նաեւ այս տարվա հուլիսյան մարտերի, դրանց ընթացքում գրանցված կորուստների եւ հնարավոր պատճառների մասին:

Վերջում նշվում է, որ հայտնի չէ՝ արդյոք նոր հարձակումը կարո՞ղ է իրական կամ թվացյալ ռազմական հաջողություն բերել Ալիեւի կառավարության համար, եւ որքան կարող են մարտերը սրվել:

Ինչ էլ որ լիներ, նոր մարտերը հարված են հասցնում տարածաշրջանում խաղաղության հաստատման հույսին եւ քաղաքացիական համայնքներին, որոնք ենթարկվել են ծանր հրետանային եւ անօդաչու սարքերի հարվածներին:

Տպել
3176 դիտում

Ադրբեջանի հարձակման, ռուսական ջանքերի, թուրքական միջամտության եւ խաղաղ կարգավորման մասին. Պուտինի անդրադարձը՝ ամբողջական

Կամավորագրումն իր մեջ սիմվոլիկա է պարունակում. Էջմիածնի քաղաքապետը որոշել է ղեկավարել կամավորների ջոկատը

Մեծ Մասրիկի հրետակոծության հետեւանքով վիրավորված բնակիչը հիվանդանացում մահացել է․ մարզպետ

Դիվերսիոն տարբեր խմբեր ներթափանցում են մեր ռազմաճակատային գոտու բնակավայրեր՝ հաճախ ընդամենը նկարվելու համար.Հովհաննիսյան

Զոհերի մասին ընդհանրացված թվեր են տրվել, չէր կարող կոնկրետ թվեր ասվել ՌԴ նախագահի կողմից, դա բացառվում է. Հովհաննիսյան

«Ես էլ հասա մեր արծիվ տղերքին». Վարդան Բադալյանը մեկնել է առաջնագիծ (լուսանկար)

Եթե ինչ-որ նեղ տեղերում տեսնում են Արաքս գետը, դա չի նշանակում լիարժեք վերահսկում են. Արծրուն Հովհաննիսյան

Մեկի 18 տարին է լրացել, շտապում է ընկերների կողքին լինել, մյուսը 20 տարվա վրեժ ունի. խնդրում են իրենց տանել առաջնագիծ

Առողջապահության համակարգը կարող է հայտնվել կոլապսի առջեւ. համաճարակաբան

Հակամարտության գոտում վարձկան ահաբեկիչների ներկայության մասին վկայող նոր տեսագրություն

Մեր կոչը Վրաստանի իշխանություններին է, որոնք չպիտի աջակցեն թուրքին․ վիրահայերի ցույցը Թբիլիսիում

Ռուսաստանը հուսով է՝ ԱՄՆ-ին կհաջողվի ղարաբաղյան հակամարտության հարցում հասնել հաջողության

Արցախի միջազգային ճանաչման ժամը հնչած է. Արամ Ա

«Բոմբ պեն»՝ արցախցի երեխաների համար․ կազմակերպվում են տարբեր դասընթացներ ու այցեր

Կենտրոնական բնակավայրերի ուղղությամբ մարտական գործողությունները շարունակվում են. Արծրուն Հովհաննիսյան

Հրապարակվել են հայրենիքի պաշտպանության համար մղվող պայքարում զոհված եւս 26 զինծառայողի անուններ

Ադրբեջանական դիվերսիոն խմբերի գործողություները միտված են առաջին հերթին խուճապի տարածմանը. Հովհաննիսյան

Շատ կարևոր է, որպեսզի կոնկրետ խաղաղապահ ուժերը կայունացնեն տարածաշրջանը, այլ ոչ թե՝ հակառակը. վարչապետ

Եթե 30 տարի շարունակ ղարաբաղյան բանակցություններն արդյունք չեն տալիս, չի նշանակում, որ կարելի է կրակել. Պուտին

Ցավոք, փաստ է, որ Սումգայիթում, ապա նաեւ Ղարաբաղում հայ ժողովրդի դեմ կոշտ հանցագործություններ են իրականացվել. Պուտին