«Ես ձեր ցավը տանեմ, մենք միասին ենք». ազգությամբ քուրդ եւ եզդի ԱԺ պատգամավորները աջակցություն հայտնեցին հայ ժողովրդին

Լուսանկարում՝ ձախից՝ Ռուստամ Բաքոյան, աջից՝ Կնյազ Հասանով

Հայաստանի քրդական ազգային խորհրդի նախագահ, ԱԺ «Իմ քայլը» խմբակցության պատգամավոր Կնյազ Հասանովն ԱԺ ամբիոնից դատապարտեց Ադրբեջանի ու Թուրքիայի կողմից Արցախում իրականացվող ռազմական գործողությունները՝ քուրդ ժողովրդի զորակցությունը հայտնելով հայ ժողովրդին։

«Հաշվի առնելով այն հանգամանքը, որ թուրքական իշխանությունները բացահայտ ցեղասպանություն են իրականացնում քուրդ ժողովրդի նկատմամբ եւ 100 տարի առաջ այդ նույն ցեղասպանությունը կատարեցին հայ ժողովրդի նկատմամբ՝ ես կոչ եմ անում Թուրքիայի, Սիրիայի, Իրաքի իմ քուրդ հայրենակիցներին, որ սատար կանգնեն եւ իրենց զորակցությունը հայտնեն հայ ժողովրդին՝ դեմն առնելու թուրքական ու ադրբեջանական իշխանությունների կողմից մեր ժողովուրդների նկատմամբ իրականացվող այս հեռահար նպատակներին»,- ասաց Հասանովը։

Ելույթ ունեցավ նաեւ «Իմ քայլը» խմբակցության անդամ, Հայաստանի եզդիական համայնքի ներկայացուցիչ Ռուստամ Բաքոյանը։ Ասաց, որ հայերն ու եզդիները երկու ազգ են, բայց մեկ ժողովուրդ: Ուստի նա եզդի բնակչության կողմից վստահեցրեց, որ պատրաստ են մեկնելու սահման՝ պաշտպանելու միասնական հայրենիքը: Միեւնույն ժամանակ, Բաքոյանը տեղեկացրեց, որ այս պահին կան երկու եզդի զինծառայողներ, որոնք վիրավորվել են Արցախում տեղի ունեցող գործողությունների ժամանակ:

Հրապարակելով Ապրիլյան պատերազմում զոհված եզդի զինվորների անունները՝ Բաքոյանը շարունակեց. 

«Այդ հողը Թեմուրի, Քյարամի, Սիդարի, Համլետի, Բորիսի արյունով է սրբագործվել, եւ մենք՝ եզդիներս, թույլ չենք տա, որ երբեւէ այստեղ թշնամիներ հայտնվեն: Մենք այս հողի համար պայքարել ենք արյունով»:

Իր ելույթում Բաքոյանը ընդգծեց, որ եթե Ադրբեջանն ազգային փոքրամասնություններին ստիպելով է տանում առաջնագիծ, եւ իրենց զոհերի 70 տոկոսն ազգային փոքրամասնություններն են՝ թալիշները, լեզգիները եւ մյուսները, ապա Հայաստանի եզդի համայնքն ինքնակամ է պաշտպանում ընդհանուր հայրենիքը։

«Արմավիրի մարզի Ակնալճի եզդիական սրբավայրի տարածքում եզդիական ջոկատ ենք հիմնել եւ պատրաստ ենք այսօր եզդիական ջոկատով մեկնել Արցախ՝ պաշտպանելու մեր ընդհանուր սահմանը, ինչպես դա արեցինք Ապրիլյան քառօրյա պատերազմի ժամանակ»,- ասաց նա։

Բաքոյանը նաեւ հայտնեց, որ շատ եզդիներ չեն սպասել ջոկատի ստեղծմանը եւ այս պահին արդեն Արցախում են։

«Իմ սիրելի զինվորներ ու սպաներ, ես ձեր ցավը տանեմ, մենք միասին ենք, հաղթել ենք ու հաղթելու ենք»,- եզրափակեց Բաքոյանը։

Տպել
1341 դիտում

Դիվերսիոն տարբեր խմբեր ներթափանցում են մեր ռազմաճակատային գոտու բնակավայրեր՝ հաճախ ընդամենը նկարվելու համար.Հովհաննիսյան

Զոհերի մասին ընդհանրացված թվեր են տրվել, չէր կարող կոնկրետ թվեր ասվել ՌԴ նախագահի կողմից, դա բացառվում է. Հովհաննիսյան

«Ես էլ հասա մեր արծիվ տղերքին». Վարդան Բադալյանը մեկնել է առաջնագիծ (լուսանկար)

Եթե ինչ-որ նեղ տեղերում տեսնում են Արաքս գետը, դա չի նշանակում լիարժեք վերահսկում են. Արծրուն Հովհաննիսյան

Մեկի 18 տարին է լրացել, շտապում է ընկերների կողքին լինել, մյուսը 20 տարվա վրեժ ունի. խնդրում են իրենց տանել առաջնագիծ

Առողջապահության համակարգը կարող է հայտնվել կոլապսի առջեւ. համաճարակաբան

Հակամարտության գոտում վարձկան ահաբեկիչների ներկայության մասին վկայող նոր տեսագրություն

Մեր կոչը Վրաստանի իշխանություններին է, որոնք չպիտի աջակցեն թուրքին․ վիրահայերի ցույցը Թբիլիսիում

Ռուսաստանը հուսով է՝ ԱՄՆ-ին կհաջողվի ղարաբաղյան հակամարտության հարցում հասնել հաջողության

Արցախի միջազգային ճանաչման ժամը հնչած է. Արամ Ա

«Բոմբ պեն»՝ արցախցի երեխաների համար․ կազմակերպվում են տարբեր դասընթացներ ու այցեր

Կենտրոնական բնակավայրերի ուղղությամբ մարտական գործողությունները շարունակվում են. Արծրուն Հովհաննիսյան

Հրապարակվել են հայրենիքի պաշտպանության համար մղվող պայքարում զոհված եւս 26 զինծառայողի անուններ

Ադրբեջանական դիվերսիոն խմբերի գործողություները միտված են առաջին հերթին խուճապի տարածմանը. Հովհաննիսյան

Շատ կարևոր է, որպեսզի կոնկրետ խաղաղապահ ուժերը կայունացնեն տարածաշրջանը, այլ ոչ թե՝ հակառակը. վարչապետ

Եթե 30 տարի շարունակ ղարաբաղյան բանակցություններն արդյունք չեն տալիս, չի նշանակում, որ կարելի է կրակել. Պուտին

Ցավոք, փաստ է, որ Սումգայիթում, ապա նաեւ Ղարաբաղում հայ ժողովրդի դեմ կոշտ հանցագործություններ են իրականացվել. Պուտին

Կարծում եմ, Թուրքիայի դեմ սահմանափակումներն ավելի կուժեղանան․ տնտեսագետ

Պուտինը մեկնաբանել է Ղարաբաղի հարցով Թուրքիայի ու Ֆրանսիայի միջեւ առաջացած հակասությունները

ՆԱՏՕ-ն առաջին անգամ Թուրքիային կոչ է արել օգտագործել ազդեցությունը ԼՂ հակամարտության գոտում լարվածության նվազեցման համար