Արցախի ժողովուրդը պայքարում է թուրք-ադրբեջանական դաշինքի դեմ. Աննա Նաղդալյան

Մեր ամբողջ դիվանագիտական ծառայությունը աշխատում է արտակարգ ռեժիմով: Երեկ արտաքին գործերի նախարարը հեռախոսազրույցներ է ունեցել իր՝ մոտ 2 տասնյակ գործընկերների հետ, վարչապետը նույնպես իր մակարդակով իրականացրել է հեռախոսազրույցներ միջազգային գործընկերների հետ: Բրիֆինգի ժամանակ այս մասին լրագրողներին տեղեկացրեց արտաքին գործերի նախարարության մամուլի խոսնակ Աննա Նաղդալյանը:

Վերջինս ընդգծեց, որ այդ հեռախոսազրույցները չպետք է դիտարկել որպես մեկանգամյա գործողություններ: «Դրանք շարունակական կապեր են ամբողջ միջազգային հանրության ներկայացուցիչների հետ՝ ներկայացնելու թե՛ տեղում տիրող իրադրությունը, թե՛ ադրբեջանական ագրեսիայի հետևանքով տարածաշրջանի ապակայունացման ուղղությամբ ձեռնարկվող քայլերը և դրանց վտանգները»:

Նաղդալյանը նշեց՝ այս պահին ունենք միջազգային հանրության միանշանակ, անվերապահ աջակցությունը, որը դատապարտում է ուժի կիրառումը և տարածաշրջանում խաղաղության և կայունության, անտանգության խաթարմանն ուղղված ջանքերը: «Բախվելով միջազգային հանրության միանշանակ դիրքորոշմանը՝ ուժի կիրառումը դատապարտելու առնչությամբ, պաշտոնական Բաքուն սկսեց դիմել իր ավանդական գործիքակազմին, այն է՝ կեղծ լուրեր տարածել: Մենք այս գործիքակազմին առաջին անգամ չէ, որ առերեսվում ենք, սա սովորական երևույթ է, և դրա հիմնական խնդիրն այն է, որ պաշտոնական Բաքուն բախվեց միջազգային, ինչպես նշեցի, միակողմանի դատապարտմանը, որ պետք է դադարեցնեն ռազմական գործողությունները և պետք է ուժի կիրառումից ձեռնպահ մնան»:

Արտաքին գործերի նախարարության մամուլի խոսնակը նշեց՝ հայկական կողմը ունի փաստական, անհերքելի տվյալներ, թե որ կողմն է սկսել մարտական գործողությունները: «Նշեմ, որ տարիներ շարունակ երբեմն կոպտագույն կերպով խախտելով 1994-95 թվականների եռակողմ, անժամկետ համաձայնագրերը, որով հաստատվել է հրադադարը, և հրաժարվելով Մինսկի խմբի համանախագահների կողմից առաջարկված, Հայաստանի ու Արցախի կողմից ընդունված հրադադարի խախտման հետաքննության մեխանիզմների ներդրումից՝ Ադրբեջանը, ըստ էության, ի ցույց է դնում, որ իր բոլոր գործողությունները մինչ օրս ուղղված են եղել նման ուժի կիրառման գործողությունների քողարկմանը և դրանց համար հող նախապատրաստելուն: Նա մշտապես ունեցել է պատերազմն սկսելու ծրագրեր»:

Նաղդալյանը նշեց՝ Արցախի նկատմամբ Ադրբեջանի այս ագրեսիան ունի 2 առանձնահատկություն: «Առաջին, Ադրբեջանի նախագահի մակարդակով հրապարակավ հրաժարում է եղել խաղաղ գործընթացից, և խնդիր է դրվել խնդիրը լուծել ռազմական ճանապարհով, երկրորդ, այս անգամ մենք առնչվում ենք Ադրբեջանին ցուցաբերվող Թուրքիայի քաղաքական և ռազմական ուղղակի աջակցությանը»:

Աննա Նաղդալյանի խոսքով՝ Թուրքիայի աջակցությունը Ադրբեջանին բնութագրվում է տեղում թուրքական ռազմական ներկայությամբ: «Ադրբեջանցիների հետ կողք կողքի կռվում են թուրք փորձագետները, որոնք օգտագործում են թուրքական սպառազինություն՝ անօդաչու թռչող սարքեր և ինքնաթիռներ: Մենք ունենք տեղեկություն նաև Թուրքիայի կողմից Մերձավոր Արևելքի որոշակի շրջաններից օտարազգի ահաբեկիչ զինյալների հավաքագրման և Ադրբեջան տեղափոխման մասին»:

Արտաքին գերատեսչության մամուլի խոսնակը շեշտեց, որ այս բոլոր հանգամանքներին գումարվում է նաև Թուրքիայի ղեկավարության ցուցաբերած լիարժեք քաղաքական և քարոզչական աջակցությունը Ադրբեջանին: «Այս ամենը մեզ թույլ է տալիս ասել, որ այս անգամ Արցախի ժողովուրդը պայքարում է թուրք-ադրբեջանական դաշինքի դեմ: Մոտ 100 տարի առաջ իր պատմական հայրենիքում հայ ժողովրդին ոչնչացրած Թուրքիան ներկայումս կարծես թե խրախուսում է Ադրբեջանին նույն ցեղասպան գործողությունները իրականացնել նաև հայ ժողովրդի նկատմամբ Հարավային Կովկասում»:

Աննա Նաղդալյանը նշեց նաև, որ Արցախի և Հայաստանի կարողությունները և պատրաստակամությունը՝ հակադարձել այս դաշինքին, աներեր է: «Այդ վճռականությունը այլընտրանք չունի, այստեղ խոսքը իր պատմական հայրենիքում հայ ժողովրդի անվտանգության և կյանքի մասին է»:

Տպել
234 դիտում

Հատկապես թեժ մարտեր են ընթանում Ասկերանի շրջանի Ավետարանոց, Սղնախ և Ակնաղբյուր հատվածում. Վահրամ Պողոսյան

ՀՕՊ ուժերը ոչնչացրել են թշնամական հերթական «Բայրաքթար» տիպի հարվածային անօդաչուն. ՊԲ

Կեսգիշերից հետո եւ առավոտյան «Սմերչ» համալիրներից հրթիռակոծության են ենթարկվել Ստեփանակերտն ու Շուշին. ՊԲ

Իտալիայի Չերքիարա դի Կալաբրիա քաղաքը ճանաչել է Արցախի Հանրապետության Անկախությունը

Ֆրանսիայում ՀՀ դեսպանությունը խստորեն դատապարտում է հայ ցուցարարների դեմ ռասայական հողի վրա հարձակումը

Թող մեր զինվորները վստահ լինեն, որ այս պատերազմը մենք ենք հաղթելու, որովհետև իրենց թիկունքը շատ ամուր է. Արա Գևորգյան

Լեռնային Ղարաբաղում վերսկսված ցեղասպանություն՝ համավարակի ֆոնին. Forbes-ի անդրադարձը

Որն է ԼՂ հակամարտության լուծման իրանական պլանի էությունը. Արաքչին իր շրջայցը սկսել է Բաքվից

«Բարսելոնան» նախագահի նոր պաշտոնակատար ունի

ՃՏՊ Երևան-Մեղրի ավտոճանապարհին․ տուժածը հոսպիտալացվել է Եղեգնաձորի բժշկական կենտրոն

Թուրքիան փորձում է լիրայի արժեզրկումը զսպել ինտերվենցիաներով, բայց այնուհանդերձ խնդիրը խորանում է. Արտակ Մանուկյան

Մենք խաղաղ բնակիչներից մեր անհաջողությունների վրեժը չենք լուծելու. ՊՆ ներկայացուցիչ

Բերձորի ուղղությամբ մեր ստորաբաժանումներին հաջողվել է որոշակի դիրքային բարելավումներ իրականացնել. Արծրուն Հովհաննիսյան

«Արարատ-Արմենիան» երկարաձգել է պայմանագիրը իր առաջատարներից մեկի հետ

Այս պատերազմը գնալով ավելի է մոտենում հենց կամքի ու խելքի գործոնների կարևորությանը. ՊՆ ներկայացուցիչ

Մտքում վատ, սարսափելի երեւույթներ, հրեշներ մի՛ ստեղծեք․ մասնագետի հոգեբանական խորհուրդները բոլորին

Շուշիում այսօր վիրավորված փրկարարներից Գեղամ Գրիգորյանը վիրահատվում է. Արցախի ԱԻՊԾ

Ֆուտզալի Հայաստանի հավաքականը Եվրո-2022-ի ընտրական փլեյ-օֆֆ փուլի հանդիպումները Վառնայում

Հայաստանը և Արցախը, ի տարբերություն մեր երկու հարևանների, ոչ թե հյուրընկալում, այլ պայքարում են ահաբեկիչների դեմ. ԱԳՆ

Բացահայտվել են Արցախից Հայաստան անօրինական ճանապարհով զենք-զինամթերք տեղափոխելու դեպքեր․ ԱԱԾ