«Արարատ-Արմենիա» - «Ցրվենա Զվեզդա». սպորտային հաղթանակի սպասումով

30/09/2020 schedule21:10

Հոկտեմբերի 1-ին Հայաստանի չեմպիոն «Արարատ-Արմենիան» Եվրոպայի լիգայի որակավորման փլեյ-օֆֆ փուլում կհանդիպի սերբական լեգենդար «Ցրվենա Զվեզդա» ակումբին:

Խաղից առաջ տեղի ունեցած իրադարձությունները, իհարկե, հայկական թիմի բարոյահոգեբանական վիճակի վրա դժվար թե դրական ազդեցություն թողած լինեն: Խաղը Երևանից Նիկոսիա տեղափոխելու ՈւԵՖԱ-ի որոշումը թեև ավելի բարդացնում է «Արարատ-Արմենիայի» խնդիրը, բայց, միանգամայն հասկանալի է՝ ելնելով նրանից, որ սեպտեմբերի 29-ին Ադրբեջանը ռմբակոծում էր Վարդենիս քաղաքը: Մյուս կողմից՝ հատկապես թիմի հայ ֆուտբոլիստների տրամադրվածությունը խաղին ավելի քան մարտական պետք է լինի, և նույն տրամադրությունն էլ պետք է հաղորդվի թիմին: Նման օրերին, երբ հայ ժողովուրդը ուշադրությամբ հետևում է և ամեն կերպ աջակցում է սահմանում կռվող զինվորներին, սպորտային հաղթանակներն էլ կարող են ավելի ոգևորիչ լինել:

Իսկ վաղվա խաղը կարող է պատմական լինել հայկական ֆուտբոլի համար: Երբեք հայկական թիմը եվրագավաթների խմբային փուլում չի եղել, ու «Արարատ-Արմենիան» հիանալի հնարավորություն ունի հայկական ակումբային ֆուտբոլի նոր պատմությունը կերտելու: Եթե չստացվի, իհարկե, ոչ ոք չի կարող քննադատել թիմին՝ հաշվի առնելով իրավիճակը և մրցակցի մակարդակը: Նախորդ տարի նույն «Արարատ-Արմենիան» սայթաքեց վճռորոշ պահին շատ ավելի ցածր մակարդակի թիմի Լյուքսեմբուրգի «Դյուդելանժի» հետ դիմակայությունում: «Ցրվենա Զվեզդան», իհարկե, «Դյուդելանժ» չէ, բայց անհաղթելի մրցակից էլ չէ:

Երկու թիմերն էլ արդեն ժամանել են Կիպրոս: «Արարատ-Արմենիայի» մամուլի քարտուղարությունից Հայկական ժամանակի լրագրողին հայտնեցին, որ թիմը ամբողջական՝ մարտական կազմով է մեկնել Կիպրոս, և ֆուտբոլիստների վիզաների հետ խնդիրներ չեն եղել: Վնասվածքներ ոնեցողներ և որակազրկված ֆուտբոլիստներ չկան, Դավիդ Կամպանյայի տրամադրության տակ է ամբողջ կազմը, և մարզիչը պետք է կարողանա ճիշտ մարտավարություն ընտրել կարևոր խաղի համար:

«Ցրվենա Զվեզդան» ունի որոշակի կորուստներ, մասնավորապես, թիմի հետ Նիկոսիա չի ժամանել վերջին տարիների լավագույն ռմբարկուներից մեկը՝ ժամանակին Թուրինի «Յուվենտուսում» հանդես եկած գանացի Ռիչմոնդ Բոակյեն: Բայց առանց նրա էլ սերբական թիմի կազմը բավականին ուժեղ է:

Դարպասում սերբական արմատներով կանադացի Միլան Բորյանն է, ով 2012թ.-ին պաշտպանում էր Կանադայի հավաքականի դարպասը Հայաստանի հավաքականի հետ ընկերական խաղում: Պաշտպանությունում առանձնանում է Սերբիայի հավաքականի ֆուտբոլիստ Միլան Ռոդիչը, ով հայտնի է Սանկտ-Պետերբուրգի «Զենիթում» ունեցած ելույթներով: Սերբիայի հավաքականում է խաղում նաև Մարկո Գոբելյիչը: Բայց պաշտպանության ամենահայտնի դեմքը, իհարկե, Ավստրալիայի հավաքականի խաղացող Միլոշ Դեգենեկն է, ով նույնպես սերբական արմատներ ունի: Դեգենեկը Ավստրալիայի հավաքականի կազմում մասնակցել է 2018թ.-ի աշխարհի առաջնությանը:

Միջին գիծը «Արարատ-Արմենիայի» մրցակիցն ամռանը ուժեղացրել է Սերբիայի հավաքականի կիսապաշտպան Ալեքսանդար Կատայով, ով վերադարձել է օվկիանոսի այն կողմից (MLS-ում հանդես էր գալիս «Չիկագո Ֆայր» և «Լոս Անջելես Գելեքսի» թիմերում): Կիսապաշտպանության կարևոր ֆուտբոլիստներից է նաև «Ռոստովի» նախկին ֆուտբոլիստ գաբոնցի Գուելյոր Կանգան:

Իսկ հարձակման գծում, անկասկած պետք է նշել իտալացի Դիեգո Ֆալչինելիին, ով «Ցրվենա Զվեզդայում» է վարձավճարով: Իտալիայում Ֆալչինելլին հայտնի է «Սասուոլոյում» և «Ֆիորենտինայում» ունեցած ելույթներով, իսկ վերջին մրցաշրջաններում հանդես էր գալիս «Բոլոնիայում»: Թիմի գլխավոր մարզիչն էլ սերբ լեգենդար ֆուտբոլիստ, իտալական «Ինտերի» նախկին կիսապաշտպան Դեյան Ստանկովիչն է:

Անկախ մրցակցի անունից՝ «Արարատ-Արմենիան» պետք է հոկտեմբերի 1-ին դաշտ դուրս գա միայն մեկ նպատակով՝ հաղթել ու անցնել հաջորդ փուլ: Հայկական թիմի ներուժը դա թույլ տալիս է: Մնացածը պարզ կլինի խաղադաշտում:

Տպել
418 դիտում

Իտալիայի Չերքիարա դի Կալաբրիա քաղաքը ճանաչել է Արցախի Հանրապետության Անկախությունը

Ֆրանսիայում ՀՀ դեսպանությունը խստորեն դատապարտում է հայ ցուցարարների դեմ ռասայական հողի վրա հարձակումը

Թող մեր զինվորները վստահ լինեն, որ այս պատերազմը մենք ենք հաղթելու, որովհետև իրենց թիկունքը շատ ամուր է. Արա Գևորգյան

Լեռնային Ղարաբաղում վերսկսված ցեղասպանություն՝ համավարակի ֆոնին. Forbes-ի անդրադարձը

Որն է ԼՂ հակամարտության լուծման իրանական պլանի էությունը. Արաքչին իր շրջայցը սկսել է Բաքվից

«Բարսելոնան» նախագահի նոր պաշտոնակատար ունի

ՃՏՊ Երևան-Մեղրի ավտոճանապարհին․ տուժածը հոսպիտալացվել է Եղեգնաձորի բժշկական կենտրոն

Թուրքիան փորձում է լիրայի արժեզրկումը զսպել ինտերվենցիաներով, բայց այնուհանդերձ խնդիրը խորանում է. Արտակ Մանուկյան

Մենք խաղաղ բնակիչներից մեր անհաջողությունների վրեժը չենք լուծելու. ՊՆ ներկայացուցիչ

Բերձորի ուղղությամբ մեր ստորաբաժանումներին հաջողվել է որոշակի դիրքային բարելավումներ իրականացնել. Արծրուն Հովհաննիսյան

«Արարատ-Արմենիան» երկարաձգել է պայմանագիրը իր առաջատարներից մեկի հետ

Այս պատերազմը գնալով ավելի է մոտենում հենց կամքի ու խելքի գործոնների կարևորությանը. ՊՆ ներկայացուցիչ

Մտքում վատ, սարսափելի երեւույթներ, հրեշներ մի՛ ստեղծեք․ մասնագետի հոգեբանական խորհուրդները բոլորին

Շուշիում այսօր վիրավորված փրկարարներից Գեղամ Գրիգորյանը վիրահատվում է. Արցախի ԱԻՊԾ

Ֆուտզալի Հայաստանի հավաքականը Եվրո-2022-ի ընտրական փլեյ-օֆֆ փուլի հանդիպումները Վառնայում

Հայաստանը և Արցախը, ի տարբերություն մեր երկու հարևանների, ոչ թե հյուրընկալում, այլ պայքարում են ահաբեկիչների դեմ. ԱԳՆ

Բացահայտվել են Արցախից Հայաստան անօրինական ճանապարհով զենք-զինամթերք տեղափոխելու դեպքեր․ ԱԱԾ

Ռազմական օբյեկտների մոտ գտնվող ադրբեջանական բնակչությանը հորդորում ենք հեռանալ՝ չդառնալ կենդանի վահան. Վահրամ Պողոսյան

Թուրքերի հարձակումից տուժած հայերից 2-ը հոսպիտալացվել են․ մուրճի հարված ստացածը վիրահատության կարիք ունի

Նախագահի հրամանագրով գնդապետ Աշոտ Բալասանյանին շնորհվել է գեներալ-մայորի զինվորական կոչում