Իսրայելը զենքով բեռնված նոր ինքնաթիռներ է ուղարկում Ադրբեջան. պաշտոնական Բաքուն չի հերքում

Իսրայելն այս օրերին ինքնաթիռներով զենք է ուղարկում Ադրբեջան՝ վերջին տարիներին ղարաբաղյան հակամարտության գոտում ամենաթեժ մարտերի ֆոնին, այս մասին են փաստում պաշտոնյաներն ու հետախուզական աղբյուրները: Այս մասին ասվում է «Al-Arabia» հեռուստաալիքի կայքում հրապարակված հոդվածում:

«Լեռնային Ղարաբաղի շուրջ հայկական ու ադրբեջանական ուժերի միջեւ ծանր մարտերը շարունակվում են արդեն հինգ օր շարունակ, երկու կողմերի հայտարարություններով էլ նշվում է, որ հակամարտության բռնկումը դեռ ավարտված չէ: Կան մեղադրանքներ օտարերկրյա կործանիչներ, ուժեր օգտագործելու մասին: Հաղորդվում է, որ Թուրքիան, որը հրապարակավ բարձրաձայնել է Ադրբեջանին սատարելու մասին եւ Հայաստանը տարածաշրջանում անվանել է «խաղաղության ամենամեծ սպառնալիք», Սիրիայից  զինյալներ է ուղարկել Բաքու»,-նշվում է Al-Arabia-ի հոդվածում:

Քանի որ մարտերը օրեցօր մոլեգնում են, ավելի ու ավելի շատ երկրներ ինչ-որ կերպ ներգրավվում  են Հարավային Կովկասի զինված հակամարտության մեջ: Իսրայելը տարիներ շարունակ Ադրբեջանին զենքի հիմնական մատակարար երկրներից մեկն էր, ամենից շատ հենց Իսրայելից են ձեռք բերվում ադրբեջանական զինատեսակները՝  չնայած այն հանգամանքին, որ վերջերս Հայաստանը պաշտոնապես դեսպանություն բացեց Թել Ավիվում: Իսրայելի եւ Ադրբեջանի միջեւ նավթի եւ զենքի մեծածավալ առեւտուր կա:

Ավելի վաղ ամերիկյան հետախուզության աղբյուրը Al-Arabia-ին հայտնել է, որ Իսրայելը զենքով լի նոր ինքնաթիռներ է այժմ ուղարկում Ադրբեջան: «Իսրայելը զենք է մատակարարում Ադրբեջանին այս օրերին էլ: Իսրայելից երկու բեռնաթռիչք արդեն վայրէջք է կատարել Բաքվում », -հայտնել է աղբյուրը:

Մինչդեռ, Ադրբեջանի նախագահի արտաքին քաղաքականության հարցերով խորհրդական Հիքմեթ Հաջիեւը ամերիկյան Axios պորտալին ասել է, որ Պաշտպանության ոլորտում Բաքվի եւ Իսրայելի համագործակցությունը գաղտնիք չէ, նշանակում է՝ լիովին հնարավոր է նման բան: Հաջիեւը նաեւ ասել է, որ Ադրբեջանը Լեռնային Ղարաբաղում ռազմական գործողությունների ընթացքում այս անգամ էլ օգտագործել է իսրայելական կամիկաձե անօդաչու թռչող սարքեր եւ դա գաղտնի չի պահվում:

Խոսելով Արցախի տարածքում թուրքական ԱԹՍ-ների կիրառման մասին, Հաջիեւն ասել է, որ եթե հայկական կողմը վախենում է Անօդաչուներից, ապա պետք է դադարեցնի ռազմական գործողությունները:

Նշենք, որ ղարաբաղյան սահմանի ողջ երկայնքով վերջին 5 օրերին ծավալվող ռազմական գործողությունների ընթացքում Ադրբեջանն արդեն միլիոնավոր դոլարների զինտեխնիկա ու զինմեքենաներ  է կորցրել եւ հնարավոր է՝ նոր խմբաքանակների ձեռք բերումը կապված է հենց զինատեսակների զգալի կորուստի հետ:

Ըստ Flightradar24-ի, վերջին օրերին Silk Way  ավիաընկերության բեռնատար ինքնաթիռները թռիչքներ են իրականացրել դեպի Իսրայել եւ Ուկրաինա: Այսպիսով, սեպտեմբերի 24-ին, 29-ին և 30-ին երկու «Իլ-76» ինքնաթիռներ (գրանցման համարներ 4K-AZ101 և 4K-AZ40) թռիչքներ են իրականացրել դեպի իսրայելական Էյլաթ: Այս տիպի ինքնաթիռները  մեկ թռիչքով կարող են տեղափոխել 250 տոննա բեռ: Silk Way –ի բեռնափոխադրող ինքնաթիռները հայտնի են Մերձովոր Արեւելք կատարվող ակտիվ փոխադրումներով:

Իսրայելն ոչ միայն անօդաչու թռչող սարքեր, այլ նաեւ հրթիռներ է մատակարարում Ադրբեջանին: Հուլիսին հայկական հեռուստատեսությունը խորտակված ադրբեջանական անօդաչու թռչող սարքերի վերաբերյալ ռեպորտաժում ցույց տվեց իսրայելական Spike Non-Line-of-Sight (NLOS) ղեկավարվող հրթիռի բեկորները: «Военный обозреватель» Telegram-ալիքը գրել է, որ, ըստ պաշտոնական տվյալների, Իսրայելը Ադրբեջանին է մատակարարել 2.700 Spike NLOS հրթիռներ եւ դրանց համար նախատեսված 100 գործարկիչ: Այնուհետեւ Հայաստանի արտաքին գործերի նախարարությունը հայտնեց, որ հայ զինվորականները խոցել են իսրայելական Hermes 900 անօդաչու թռչող սարքը, եւ SkyStriker- ը կարողացել է այն անխախտ գրավել:

Հիշեցնենք,  Ադրբեջանի սպառազինության մեջ իսրայելական անօդաչու թռչող սարքերը, դրոններն ու այլ զինտեխնիկան լայն կիրառում ունեն: Միայն այս տարի Ադրբեջանի կողմից կիրառված իսրայելական արտադրության Thunderbolt, Orbiter 3 եւ SkyStriker անօդաչուների մի շարք  խոցվել է  հայկական Զինված ուժերի կողմից:

Վերջերս Jerusalem Post-ի հրապարակումներից մեկում նշվում էր, որ անօդաչու սարքերի տվյալների բազայի (Drone Databook) ամենավերջին  հրատարակության մեջ, որը կազմել է Բարդ քոլեջի (Bard College) անօդաչու սարքերի ուսումնասիրության կենտրոնը, ասվում է, որ Ադրբեջանն ունի մեծ խմբաքանակներով 8 տարբեր տեսակների ԱԹՍ-ներ, որոնք բոլորը ձեռք են բերվել Իսրայելից: Դրանք ներառում են Aerostar-ը, Orbiter 1K-ն եւ Orbiter 3-ը՝ Aeronautics ընկերությունից։ Դրանցից երկրորդը կամիկաձե դրոն է, որը ոչ միայն գտնում է թիրախը, այլեւ գտնելուց հետո վերածվելով հրթիռի, խոցում է այն: Նույն հրապարակման մեջ նշվում է, որ դեռ 2011-ին է Ադրբեջանն Իսրայելից գնել անօդաչուներ, այնուհետ թարմացրել դրանք 2012-ին, 2014-ին, 2016-ին ու 2019-ին:

Վերջում հավելենք, որ այս օրերի մարտերի ընթացքում հայկական զինված ուժերը խոցել են Ադրբեջանին պատկանող թուրքական ու իսրայելական մոտ 100 ԱԹՍ: Նշենք նաեւ, որ տեղյալ լինելով այս մատակարարումների մասին հրապարակումներին եւ ելնելով ստեղծված իրավիճակից՝ ԱԳՆ-ն որոշում է կայացրել խորհրդակցությունների նպատակով ետ կանչել Իսրայելում ՀՀ արտակարգ եւ լիազոր դեսպանին:

Տպել
6245 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում