Զենքի լեզվո՞վ եք ուզում խոսել, ինքնաթիռներո՞վ եք ուզում խոսել, այդ լեզվով էլ մենք կխոսենք ձեզ հետ. Արթուր Թովմասյան

06/10/2020 schedule12:18

Մենք չենք աղերսելու, չենք խնդրելու հրադադար. այսօր Արցախի միասնական տեղեկատվական կենտրոնում կայացած ճեպազրույցում ասաց Արցախի ԱԺ նախագահ Արթուր Թովմասյանը:

«Պատերազմը սկսել են Ադրբեջանի ռազմաքաղաքական իշխանությունները, պատերազմը վարում են արդեն Թուրքիայի ռազմաքաղաքական իշխանությունները: Կարծում եմ, որ մեր հարևան, մեր բարեկամ գերտերություններն արդեն գիտակցում են, որ սա Արցախի հիմնախնդրի հարց չէ: Անդրկովկաս քիթը ուզում է խոթել Էրդողանը, և կարծում եմ՝ մեր բարեկամ գերտերությունները հստակ գիտակցում են դա: Սա Հայաստանի ու Արցախի ժողովրդի պատերազմը չէ: Եվ կարծում եմ՝ գերտերություններն արդեն մտահոգված են իրենց շահերով, քանի որ կորցնելով այս տարածաշրջանում հայկական աշխարհը՝ կորցնելու են իրենց ազդեցությունն Անդրկովկասում: Մեծ Թուրանի ծրագիրն է դրված Թուրքիայի կողմից»,- ասաց նա:

Արթուր Թովմասյանի համոզմամբ՝ ճնշումներ են լինելու Էրդողանի վրա, պատժամիջոցներ, որ ճիշտ կլիներ՝ արդեն կիրառված լինեին. «Եթե մարդ հեռախոսով ասում է՝ ես չեմ ուզում գնալ բանակցությունների, պատերազմով եմ այս հիմնախնդիրը լուծելու: Եթե մարդ իր մեջ ուժ է գտնում և ԵԱՀԿ Մինսկի խմբի նախագահներին հայտարարում, թե դուք երեսուն տարի անգործության էիք մատնվել, և երբ նա հայտարարում է, թե այս պատերազմը սկսել են հայերը, սա ցինիկ, հոգեկան հիվանդ մարդու՝ նախագահի հայտարարություններ են»:

Արցախի Աժ նախագահը կրկին հիշեցրեց, որ պատերազմն ունի իր գրված ու չգրված օրենքները, և ամեն ինչ պետք է արվի պատերազմի օրենքներին համապատասխան. «Բայց դուք գիտեք,- ասաց նա,- որ դա այդպես չէ. այսօր անհնար է դիակների փոխանակում կազմակերպել, որովհետև եթե տանեն ադրբեջանական կողմի դիակները, որ գտնվում են մեր կամ չեզոք տարածքներում, կտեսնեն, որ ավելի շատ դիակներ կան ազգային փոքրամասնություններից՝ թալիշներից, լեզգիներից կամ էլ Սիրիայից»: Նրա խոսքով՝ այս հարցը շուտով կկարգավորվի, և շատ բան ակներև կդառնա:

Իսկ առավել կործանարար զինատեսակների դիմելու առումով, ըստ Արթուր Թովմասյանի, թերևս պահը հասունանում է. «Պատերազմը շարունակվում է. զենքի լեզվո՞վ եք ուզում խոսել, ինքնաթիռներո՞վ եք ուզում խոսել, այդ լեզվով էլ մենք կխոսենք ձեզ հետ»:

Հայկական կողմը, սակայն, երբեք չի բացառում բանակցությունների վերադառնալու հնարավորությունը. «Բայց եթե ցանկություն լինի վերադառնալ բանակցությունների, կարծում եմ՝ պետք է վերականգնված լինի Բուդապեշտի գագաթնաժողովից հետո դրությունը, երբ որպես բանակցող կողմ՝ բանակցություններին մասնակցում էին Արցախի իշխանությունները: Միայն մենք իրավունք ունենք որոշելու մեր ճակատագիրը»,- իր խոսքն ամփոփեց Արթուր Թովմասյանը:

Տպել
1863 դիտում

Պայթյուն լսելու դեպքում խնդրում ենք խուճապի չմատնվել. Ասկերանում և Ստեփանակերտում վնասազերծում է իրականացվում. ԱՀ ԱԻՊԾ

Հանրահավաքի մասնակիցների ուղղությամբ ծխանռնակ նետելու գործը մեղադրական եզրակացությամբ ուղարկվել է դատարան

ՀՔԾ հատկապես կարևոր գործերի ավագ քննիչ Հայկ Մանանդյանը պարգևատրվել է Մխիթար Գոշի մեդալով

Արմեն Սարգսյանը մասնավոր այցով​ մեկնել է​ Ռուսաստանի Դաշնություն

Ստեփանակերտում և շրջաններում մեկնարկել են վերանորոգման և վերակառուցման աշխատանքները

Հաստատվել է կորոնավիրուսի 1248 նոր դեպք, առողջացել է 1330, մահացել՝ 31 մարդ

Հոկտեմբերին ՀՀ ֆինանսների նախարարությունում պարգևավճարներ չեն բաժանվել. նախարարության պարզաբանումը

Այսօր դուրս կբերվի Աստվածամուխ Սուրբ Գեղարդը. ՀԱԵ-ն նշում է հայոց առաջին լուսավորիչների տոնը

Հրդեհ է բռնկվել Մարմարաշենի տներից մեկում

Միացյալ Թագավորության Շտապ բուժօգնության թիմը կաջակցի Հայաստանի առողջապահության նախարարությանը

Իշխանությունները պարտավոր են մանրամասնել՝ թե պատերազմից հետո սահմանների հետ կապված ինչ զարգացումներ են նախատեսված. ՄԻՊ

Արագածոտնի մարզի Ամբերդ ամրոց և Քարի լիճ տանող ճանապարհները դժվարանցանելի են

Կարծում եմ՝ լինելու են արտահերթ ընտրություններ․ քաղաքագետը՝ Փաշինյանի ակնարկների, սպասվող զարգացումների մասին

Մահացել է բանաստեղծ Եղիշե Չարենցի թոռնուհին՝ բանաստեղծուհի Հասմիկ Չարենցը

Ում հասանելի կլինեն եւ որքան կարժենան կորոնավիրուսի դեմ պատվաստանյութի տարբեր տեսակները

Լոռու մարզի 18 դպրոցում կտեղադրվեն արևային վահանակներ, կկառուցվեն ջերմոցներ, ինտենսիվ այգիներ

Այս տարի Վայոց ձորում աննախադեպ է եղել խաղողի բերքը․ տեղեկություններ մթերումների մասին

Ադրբեջանում գտնվող գերիների վերաբերյալ ողջ տեղեկատվությունը տրամադրվել է ՄԻԵԴ-ին, նաեւ ԱԳՆ, ՊՆ եւ Կարմիր խաչին

Հավատում ենք խաղաղությանն ու պայծառ ապագային. ԱՄՆ ՄԶԳ/Հայաստանի աշխատակիցներն այցելել են Արցախից տեղահանված երեխաներին

Հիմնանորոգվում է Գառնի-Լանջազատ ճանապարհը