Երկու ոտքն անդամահատված մեր մի հայրենակից զանգել, աղաչում էր, որ գնանք իր տնից գումար վերցնենք. վիրահայերից՝ Հայաստանին

Վիրահայոց թեմի «Հայարտուն» մշակույթի, կրթության եւ երիտասարդական կենտրոնում գործում է «Աջակցություն Արցախին» հումանիտար օգնության գրասենյակ: 

Նախաձեռնության մեկնարկը տրվել է սեպտեմբերի 28-ից՝ ադրբեջանական ագրեսիայից ընդամենը մեկ օր անց։ Սակայն դրա մասին լրատվամիջոցներով եւ սոցիալական ցանցով տեղեկություն է հրապարակվել միայն երեկ։

«Աջակցություն Արցախին» նախաձեռնության թբիլիսյան գրասենյակի պատասխանատուներից հասարակական գործիչ Լեւոն Չիդիլյանը «Հայկական ժամանակի» հետ զրույցում հայտնեց, որ հազարավոր թբիլիսահայեր ներքին պայմանավորվածությամբ ու հեռախոսազանգերով են իմացել եւ իրենց աջակցությունը ցուցաբերել: Նրանից հետաքրքրվեցինք, թե հումանիտար օգնության հավաքագրումը «գաղտնի» կերպով իրականացնելու պատճառն ինչն է եղել։ Չիդիլյանը պատասխանեց՝ նպատակն այս էտապում Վրաստանում լարվածություն չառաջացնելն է եղել։ Նա կարծիք հայտնեց, որ ադրբեջանական համայնքը կարող էր այլ քայլերի դիմել։ «Ահավոր մեծ պրովոկացիոն դաշտ էր ստեղծվել այդ սկզբնական օրերին այստեղ, ամեն ինչ արվում էր, որպեսզի սրվեին հարաբերությունները հայ համայնքի ու վրաց պետության միջեւ, իսկ մենք օգնությունը հնարավորինս արագ տեղ հասցնելու գերխնդիր ունեինք, ավելորդ աղմուկ պետք չէր»,- ասաց նա։

Նախաձեռնության հիմնական աջակիցները թբիլիսահայ համայնքի ներկայացուցիչներն են․ մոտավորապես 3000 թբիլիսահայ է արդեն մասնակցել: «Շատ-շատ մարդիկ են միացել նախաձեռնությանը, բայց եղել են մարդիկ, որոնք ներդրումն անգնահատելի է։ Օրինակ, երկու ոտքերն էլ անդամահատված մեր մի հայրենակից զանգել, աղաչում էր, որ գնանք իր տնից գումարը վերցնենք։ Այնպիսի բաներ եղան այս օրերին, որ ուղղակի էլ ավելի է պարտավորեցնում մեզ»,- ասաց Չիդիլյանը՝ հավելելով՝ «Աջակցություն Արցախին» նախաձեռնության մեջ մեծ ներդրում ունի Վիրահայոց թեմի հոգեւորականությունը։

Հումանիտար օգնության գրասենյակում հավաքում են հիմնականում դեղորայք, բժշկական սարքավորումներ, նաեւ հագուստ։
«Ամենամոտիկը Հայաստանին Թբիլիսին է, մոտավորապես 5 ժամում մենք կարող ենք արագ ձեւով մեր օգնությունը տեղ հասցնել։ Մի շարք համայնքներում այդ գործընթացը կարող է ուշանալ, օրեր պահանջել, , բայց մենք արագ կազմակերպում ենք»,- ասաց նախաձեռնության պատասխանատուն։ Դրամահավաքի եւ հումանիտար օգնության հավաքագրմանը զուգահեռ համակարգման աշխատանք է տարվում`իրավաբանական ու տեխնիկական հարցերի շուրջ։ Արվում է ամեն ինչ, որ օգնությունը րոպե առաջ, առանց խնդրի հատի վրաց- հայկական սահմանը:

Լեւոն Չիդիլյանի խոսքով՝ ամեն առավոտ ճշտում են, թե կոնկրետ վայրում ինչի անհրաժեշտություն կա։ Ճշտում, թե բժշկական ինչ սարքավորումների եւ դեղորայքի տեսակների սակավություն կա, առաջնայինը ուղարկում են դրանք. «Մենք առաջին օրը դեղերի մեծ քանակի մեկ երկու ցուցակ ստացանք, գնեցինք, բայց հետո պարզվեց, որ այդ դեղերն այնտեղ կան։ Դրանք կոնկրետ մեկ շրջանում միայն չկային, դրանից հետո սկսեցինք գլոբալ աջակցությունից նաեւ լոկալ ձեւով աշխատել, եւ կոնկրետ հասցեատերերին ուղարկել»։

«Աջակցություն Արցախին» հումանիտար օգնության գրասենյակը «Հայաստան Համահայկական հիմնադրամին» դեռ փոխանցում չի արել, հույս ունեն՝ հումանիտար աջակցության ծրագիրն ավարտելուց հետո բավականին մեծ գումար կմնա, որն էլ կփոխանցեն հիմնադրամին։
Լեւոն Չիդիլյանը երկար տարիներ եղել է «Հայարտունի» տնօրենը, երկու տարի է, ինչ հասարական կյանքում ակտիվ գործունեություն չի ծավալում, սակայն նշում է, որ պատերազմի լուրը լսելուց հետո բերել որոշակի գումար է նվիրաբերել ու կողքի քաշվելն իր կողմից դավաճանություն համարել։ «Վստահ ենք, որ հաղթելու ենք եւ անպայման մի բան եմ ուզում նշել ի լուր աշխարհի՝ այն գինը, որը վճարում են սահմանին կանգնած մեր տղաները՝ Հայաստանի պետականության եւ հայ ազգի ապագայի համար՝ անգնահատելի մեծ է մեր եւ ողջ աշխարհի հայության արածի հանդեպ։ Եթե հանկարծ մեր տղաներն ու աղջիկները Հայաստանում թուլանան ուրեմն վտանգված է ամբողջ հայ ժողովուրդը», -ասաց նա։

Մեր դիտարկմանը, թե այս օրերին հայությունը բազմիցս քննադատեց հարեւան Վրաստանի անտարբերությունը, հասարակական գործիչը նկատեց․ «Վրաստանը լինելով տարածաշրջանում մի երկիր, որտեղ բնակեցված են մեծ թվով ադրբեջանցիներ ու հայեր (Քվեմո քարթլիում՝ ադրբեջանցիներ, Ջավախքում՝ հայեր), այլ կերպ չէր կարող։ Միակ գրագետ եւ ճիշտ քայլն այս պարագայում չեզոքությունն էր։ Հայաստանին էլ ձեռնտու է կայուն հզոր Վրաստան, ոչ թե խառնաշփոթ, որն այստեղ կարող է առաջանալ հաշված րոպեների ընթացքում»։

Լեւոն Չիդիլյանը համոզմունք հայտնեց՝ այսօր սահմանին կանգնած մեր տղաներն ապահովում են ապագա Վրաստանի հզորությունը․ «Վրացի քաղաքագետներն էլ են այս ամենը քաջ գիտակցում։ Հիմա, Արցախում - Հայաստանում միայն լոկալ խնդիր չէ որ լուծվում է, այնտեղ լուծվում է այս տարածաշրջանի քրիստոնյա մշակույթի հարցը։ Մեր հաղթանակը ծառայելու է նաեւ Վրաստանի հետագա զարգացմանը»։

Տպել
6357 դիտում

«Սուրբ Աստվածամայր» ԲԿ տեղափոխված 14-ամյա աղջիկը դուրս է գրվել հիվանդանոցից

ՀՀ-ում ԱՄՆ դեսպանատունը ցավակցություն է հայտնել «Սուրմալու»-ում տեղի ունեցած պայթյունի կապակցությամբ

Հրշեջ-փրկարարներն ապացուցում են, որ ցանկացած պահի մեր քաղաքացիների կողքին են. ԱԻ նախարար

Թուրքիայի հատուկ ներկայացուցիչը ցավակցություն է հայտնել «Սուրմալու»-ում տեղի ունեցած պայթյունի կապակցությամբ

Այս տխուր պահերին մենք հոգով ու մտքով երևանցիների հետ ենք. Ստեփանակերտի քաղաքապետ

«Սուրմալու» առևտրի կենտրոնում պայթյունի հետևանքով զոհված 6 քաղաքացիների ինքնությունը հայտնի է

Կազմակերպած պայթյունի մասին բոլոր խոսակցությունները անիմաստ են. Դանիել Իոաննիսյան

ԱԱԾ-ն հորդորում է չտարածել ահաբեկչական սպառնալիքների վերաբերյալ չճշտված տեղեկություններ

1 զոհ, 4 վիրավոր. վթար Երևան-Երասխ ճանապարհին

Արցախի Հանրապետության ժողովրդի և անձամբ իմ անունից ցավակցություն եմ հայտնում զոհվածների հարազատներին. Հարությունյան

Կուրղինյան փողոցի բնակիչները 10 ժամ ջուր չեն ունենա

«Սուրմալու» կենտրոնում պայթյունի գործով ՔԿ ծանր հանցագործությունների քննության բաժնում նախաձեռնվել է քրեական վարույթ

Փլատակների տակից դուրս են բերվել 10 տուժած, 6 դի, 21 տրանսպորտային միջոց, որոնողական աշխատանքները շարունակվում են․ ԱԻՆ

Պայթուցիկների տեղադրման մասին ահազանգերը փոխանցվում են հիմնականում էլեկտրոնային փոստի նամակների միջոցով. ՀՄՏԿ

Առողջապահության նախարարությունը նոր տվյալներ է հայտնել «Սուրմալուի» պայթյունի հետևանքով զոհվածների և վիրավորների մասին

«Սուրմալու» առևտրի կենտրոնի տարածքում անհետ կորած համարվող քաղաքացիների թիվը 16 է. ԱԻՆ-ը անուններ է հրապարակել

Նիկոլ Փաշինյանը ժամանել է «Սուրմալու» առևտրի կենտրոն

ԱԻՆ-ն ահազանգեր է ստացել տարբեր օբյեկտներում ու կենտրոններում պայթուցիկ սարքերի տեղադրման մասին

«Սուրմալու»-ում տեղի ունեցած պայթյունի հետևանքով տարբեր հիվանդանոցներ են տեղափոխել 51 քաղաքացի

«Սուրմալու»-ի պայթյունի հետևանքով բժշկական կենտրոն է տեղափոխվել տասը անչափահաս․ ԱՆ-ն տվյալներ է հայտնում

ՀՀ տարածքում ավտոճանապարհներն անցանելի են

Պայթյունից տուժածներն այս պահի դրությամբ 34-ն են. ԱԻՆ-ը նոր տվյալներ է հաղորդել

«Սուրմալու» առևտրի կենտրոնում պայթյունի հետևանքով 5 տարեկան երեխա չի մահացել. ԱՆ

8 օրում Սյունիքի մարզում կշռվել է 1082 տրանսպորտային միջոց, 104 վարորդի նկատմամբ կազմվել է արձանագրություն

Պայթյունի հետևանքով «Սուրբ Աստվածամայր» ընդունված քաղաքացիներից մի քանիսը ստացել են առաջին բուժօգնություն և գնացել տուն

Պայթյունի հետևանքով 26 տուժած բուժօգնություն է ստանում տարբեր բժշկական կենտրոններում

Պայթյունի օջախ պահեստը վերջերս էր ՔՀՏԱ տեսչական մարմնի կողմից տուգանվել և պարտավորվել վերացնել խախտումները․ Հակոբյան

Ամառային դպրոց` Ազգային ժողովում, մասնակցելու համար ներկայացնել բարձր առաջադիմության թերթիկ․ Զարուհի Բաթոյան

Ըստ նախնական տվյալների՝ տեղի է ունեցել պայթյուն՝ հրդեհի բռնկմամբ․ կա մեկ զոհ և քսան տուժած

«Սուրմալու»-ում պայթյունը տեղի է ունեցել հրդեհի բռնկմամբ, կան տուժածներ. ԱԻՆ-ը մանրամասներ է հայտնում (լուսանկարներ)

Սուրմալու շուկայում պայթել է հրավառությունների նյութերի համար նախատեսված պահեստը

Կոչ եմ անում արագ ընթացք տալ հրավառությունները և ճայթուկների վաճառքը արգելելու նախաձեռնություններին. Արսեն Թորոսյան

«Սուրմալու» առևտրի կենտրոնում տեղի է ունեցել պայթյուն (լուսանկարներ)

Առաջիկա օրերի եղանակային կանխատեսումը

ՀՀ Երկրապահ կամավորականների միությունը ցավակցում է գեներալ-մայոր Սեդրակ Սարոյանի մահվան կապակցությամբ

Ձորաղբյուրի վերջնամասում մեքենան շրջվել է․ կա զոհ և վիրավոր

Ծանրորդ Սերյոժա Բարսեղյանը՝ Եվրոպայի Մ15 տարեկանների չեմպիոն, Ժորա Գրիգորյանը՝ պատանիների փոխչեմպիոն

Ջրասուզակները հայտնաբերել են մեկ շաբաթ առաջ ջրահեղձ եղած եռամսյա հավաքի 31-ամյա մասնակցի դին

Օգոստոսի 10-14-ը հրշեջ-փրկարարները մարել են ընդհանուր մոտ 30,8 հա տարածքում բռնկված հրդեհները

Կառավարության 3-րդ մասնաշենքի մոտ անկարգությունների դեպքի առթիվ ևս մեկ մեղադրյալի մասով նախաքննությունն ավարտվել է