Օպերային թատրոնի անձնակազմի մի մասը մեկնել է ռազմաճակատ, մի մասն էլ հաղթանակին նվիրված համերգի է պատրաստվում

Ադրբեջանի սկսած պատերազմի հետեւանքով այս օրերին կամավորագրվում ու ռազմաճակատ են մեկնում ոչ միայն նախկին զինվորականներ ու շարքային քաղաքացիներ, այլեւ արվեստի ու մշակույթի ոլորտում բուռն գործունեություն ծավալող անձինք։

Շատերը գաղտնի, առանց բարձարձայնալու պատերազմի բոթը լսելուն պես թողել են ամեն ինչ ու նետվել հայրենիքը պաշտպանելու, որոշներն էլ ռազմաճակատից հանրությանը հանգստացնող, ոգին ամուր պահող գրառումներ ու նկարներ են հրապարակում։ 

Երեւանի Ալ․Սպենդիարյանի անվան օպերայի եւ բալետի ազգային ակադեմիական թատրոնից ռազմաճակատ են մեկնել 11 աշխատակից՝ բեմի մեքենավար, մեներգիչ, բալետի արտիստ, նվագախմբի երաժիշտ ու երգչախմբի արտիստներ։ Այս մասին ՀԺ-ն տեղեկացավ Օպերային թատրոնի տնօրենի առաջին տեղակալ Կարինե Կիրակոսյանից։

«Ինչպես ողջ հայ ժողովուրդը, այնպես էլ մեր թատրոնի աշխատակիցները պատերազմի առաջին իսկ օրից լծվեցին հայրենիքի պաշտպանության գործին»,- ասաց Կարինե Կիրակոսյանը։ Նրա խոսքով կամավորագրվել են վաստակավոր արտիստ Սարգիս Աղամալյանը, նվագախմբի երաժիշտներ Վիգեն Հարությունյանը, Կարեն Սարգսյանը, Շմավոն Գրիգորյանը, Դավիթ Թադևոսյանը, բալետի արտիստներ Դավիթ Գրիգորյանը, Արամ Խաչիկօղլյանը, երգչախմբի արտիստ Լեւոն Հարությունյանը։ Կամավորագրվածների թվում է նաեւ մեներգիչ Զոհրապ Զոհրաբյանը, որն, ի դեպ, Շուշիի Սուրբ Ամենափրկիչ Ղազանչեցոց մայր տաճարը ռմբակոծելու հետո այնտեղ կատարել էր «Երազ իմ երկիր հայրենի» երգը:

Թատրոնի տնօրենի առաջին տեղակալը նշեց, որ մի մասը վերադարձել են։

«Ունենք աշխատակիցներ, որոնց որդիներն են ռազմաճակատում՝ Օֆելյա Բեգլարյանի, Հրայր Ահարոնյանի։ Բաբկեն Ալաջյանի Աշոտ Խոյեցյանի, Լեւոն Ջավադյանի որդիներն էլ առաջնագծում են։ Աշխատակից Կորյուն Դոխոյանի որդին՝ Հարություն Դոխոյանը, մարտական գործողությունների ընթացքում խոցել է թշնամու յոթ տեխնիկա»,- ասաց նա։

Կիրակոսյանը նաեւ նշեց, որ թատրոնի աշխատակիցները թիկունքում ակտիվ մասնակցում են ռազմաճակատի աշխատանքն ապահովելու ուղղությամբ, իրենց հնարավորությունների սահմանում նյութական օգնություն են ցուցաբերում։ Շատ աշխատակիցներ էլ կամավորական աշխատանք են կատարում։

Մեր զրուցակցի խոսքով՝ շատերն իրենց տանիքի տակ են հյուրընկալել Արցախից տեղափոխված ընտանիքների։ Թատրոնի մնացած աշխատակիցները՝ պահպանելով հակահամաճարակային կանոնները, շարունակում են աշխատել։

Կիրակոսյանը հայտնեց, որ ստեղծագործական անձնակազմը պատրաստվում է արցախյան հայրենական պատերազմում հաղթանակին նվիրված համերգի։ Պատրաստում են իտալացի երգահան Գաետանո Դոնիցետտիի «Սիրո ըմպելիք», Պիետրո Մասկանիի «Գեղջկական ասպետություն» եւ իտալացի կոմպոզիտոր Ռուջերո Լեոնկավալոյի «Պայացներ» օպերան։

Տպել
3013 դիտում

Իմ քայլը հիմնադրամի ջանքերով Ստեփանակերտում բացվել է անվճար հացատուն (լուսանկարներ)

ԱԱՏՄ-ն 3 մարզկենտրոնների դեղատներում, գեղեցկության սրահներում, առևտրի մանրամեծածախ կետերում ստուգայցեր է իրականացրել

Ամասիայի և Աշոցքի տարածաշրջանների ավտոճանապարհներին տեղ-տեղ առկա է մերկասառույց

Արարատ Միրզոյանը ակադեմիական շրջանակի ներկայացուցիչների հետ քննարկել է հասարակությանը հուզող մի շարք հարցեր

Արցախում է ՌԴ զինված ուժերի ինժեներական զորքերի պետ, գեներալ-լեյտենանտ Յուրի Ստավիցկին. հանդիպել են ԱՀ նախագահի հետ

Արցախի չափահաս քաղաքացիներին ժամանակավոր հյուրընկալողներին կտրվի 6-ամսյա սոցիալական աջակցություն

Միքայել Պողոսյանը դատի է տվել Վահրամ Սահակյանին

Նորատուս գյուղում հրդեհ է բռնկվել․ այրվել է տան տանիքը և նախամուտքի փայտյա առաստաղը․ ԱԻՆ

Բագրատաշենի անցակետում դեկտեմբերի 1-ից վերականգնվել է ամեն տեսակի բեռնատարների անխափան մուտքը և ելքը

Ադրբեջանը արհեստական ձգձգում է գերիների և զոհվածների մարմինների փոխանակման գործընթացը․ ՄԻՊ-ը հանդիպել է Լիտվայի դեսպանին

Ստեփանակերտում կշահագործվեն շուրջ 300 բնակարաններ. ԱՀ նախագահն աշխատանքային շրջայց է կատարել

Վահրամ Դումանյանն ընդունել է ռեկտորների խորհրդի անդամներին եւ լսել նրանց դժգոհությունները նոր օրինագծի մասին

Մարտակերտի շրջանի 29 հանրակրթական դպրոցներում վերսկսվել է ուսումնական գործընթացը՝ 1800 աշակերտով

Սեք­սո­ւալ բնույ­թի բռնի գոր­ծո­ղութ­յուն­ներ կատարելու համար մեղադրվող անձը փորձել է դիմել փախուստի․ գործը դատարանում է

ԵՊՀ դեկանները պահանջում են ԱԺ-ից անհապաղ հետ կանչել օրենքի նախագիծը

Հայկական եւ ադրբեջանական կողմերը գերիների ցուցակները փոխանցել են Կարմիր խաչի միջազգային կոմիտեին

Ռուս խաղաղապահների միջնորդությամբ գերությունից ազատվել է Ադրբեջանում գտնվող երկու քաղաքացի

Բոլորս խոնարհվում ենք մեր ժողովրդի օրգանական, անքակտելի մաս մեր ազգային բանակի առջև․ ԱԳ նախարար

Մարմաշեն, Եղեգիս և Գլաձոր համայնքները նորից տեխնիկա են ստացել․ ներդրվել է ավելի քան 100 միլիոն դրամ․ ՀՏԶՀ

Արարատ Միրզոյանը Եռաբլուրում հարգանքի տուրք է մատուցել հայրենիքի պաշտպանության համար նահատակված հերոսների հիշատակին