Մարտին կարող էր նորամուտը նշել հավաքականում, իսկ հետո անհետացավ. ու՞ր էր «կորել» Մատյո Եզիկյանը

Ֆրանսիայի Նասյոնալ դիվիզիոնը (մակարդակով՝ երրորդ լիգա) ներկայացնող «Լիոն-Դյուշեսի» կենտրոնական կիսապաշտպան Մատյո Եզիկյանը մարտ ամսին կարող էր իր նորամուտը նշել Հայաստանի հավաքականում: Ազգային ընտրանու նորանշանակ գլխավոր մարզիչ Խոակին Կապառոսը մտադիր էր ֆրանսահայ ֆուտբոլիստին գործի մեջ տեսնել Ղազախստանի և Ուզբեկստանի հետ ընկերական խաղերում, սակայն կորոնավիրուսն իր «չար գործը» արեց. ընկերական խաղերը չեղարկվեցին, և Եզիկյանի նորամուտը չկայացավ, իսկ Ֆրանսիայի բոլոր առաջնությունները դադարեցվեցին:

Ամռանը նորից շատ էին խոսակցությունները, որ Եզիկյանի ծառայություններով հետաքրքրվում են ֆրանսիական Լիգա 1 և Լիգա 2-ի մի շարք ակումբներ, սակայն, ինչպես և նախորդ տարիներին, տրանսֆերը չկայացավ: Իսկ օգոստոսին մեկնարկած նոր մրցաշրջանի մեկնարկից Եզիկյանն անակնկալ կերպով բացակայում էր նաև «Լիոն-Դյուշերի» հայտացուցակից:

Այդ փաստն առավել քանի տարօրինակ էր, քանի որ Եզիկյանը իր թիմի առաջատարներից է և հիմնական կազմի ֆուտբոլիստ: Կրակի վրա յուղ լցրեց լիոնցիների գլխավոր մարզիչ Մանու Դա Կոշտայի այն հայտարարությունը, որ Եզիկյանին դժվար թե մոտ ժամանակներում տեսնենք թիմի կազմում։ «Ես կզարմանամ, եթե Եզիկյանին մոտ ժամանակներս տեսնենք թիմի կազմում: Ամեն ինչ շատ պարզ է. յուրաքանչյուրը պետք է 100-150 տոկոսով իր ուժերը ներդնի: Այն պահից, երբ ինչ-որ խաղացող, X պատճառաբանությամբ պատրաստ չի լինում խաղալ ու հետաքրքրված չէ թիմի խաղերին մասնակցել, նա ներկա չի հանդիպմանը: Նախընտրում եմ խաղաժամանակ տալ նրա կողքին մարզվող թիմակիցներին: Իհարկե, նրա պես ֆուտբոլիստը մեզ մեծ օգուտ կտար: Մեզ պետք է ֆուտբոլիստ, որը լավ է խաղում գնդակով, դժվար պահերին ճիշտ որոշումներ է կայացնում: Մենք մեր թիմում ունենք նման ֆուտբոլիստ, բայց, ցավոք, չենք կարող օգտագործել նրան»,- նշել էր Դա Կոստան օգոստոսի վերջին՝ ակնարկելով Մատյո Եզիկյանին:

Իրավիճակն ավելի էր բարդացնում այն, որ ֆուտբոլիստը դեռ երկու տարվա պայմանագիր ուներ ակումբի հետ և առանց փոխհատուցման այլ ակումբ չէր կարող տեղափոխվել: Օգոստոսի վերջին և սեպտեմբերի սկզբին Եզիկյանը երկու հանդիպում անցկացրեց երկրորդ թիմի կազմում՝ Ֆրանսիայի 5-րդ դիվիզիոնի հանդիպումների:

Սակայն սեպտեմբերի 25-ին իրավիճակը փոխվեց: «Լիոն-Դյուշերի» հիմնական թիմի խաղին հայտավորված ֆուտբոլիստների ցանկում երկրպագուները գտան Եզիկյանի ազգանունը:

Ֆուտբոլիստի սպասված վերադարձը կայացավ սեպտեմբերի 25-ին, դրանից հետո «Լիոն-Դյուշերի» բոլոր խաղերում Հայաստանի հավաքականի թեկնածուն մասնակցել է: Սակայն իր «խորհրդավոր բացակայության» մասին Եզիկյանը չի ցանկանում մանրամասնել: Տեղական լրատվամիջոցներին տված հարցազրույցում Մատյոն նշում է, որ որոշակի խնդիրներ կային ղեկավարության հետ:

«Անձնական խնդիրներ կային, որոնց մասին չեմ ցանկանում խոսել: Պարոն Գանյոյի («Լիոն-Դյուշերի» սեփականատեր – խմբ.) հետ բոլոր հարցերը պարզել ենք: Հիմա ամեն ինչ լավ է»,- նշում է Եզիկյանը:

Ինչ վերաբերում է Հայաստանի հավաքականին, ապա այստեղ ֆուտբոլիստի ափսոսանքը մեծ է. «Ես առաջին անգամ հրավիրվել էի Հայաստանի հավաքական, պետք է մարտ-ապրիլին խաղայի Ղազախստանի և Ուզբեկստանի հավաքականների դեմ: ՖԻՖԱ-ի թույլտվությունն ունեի, բայց չստացվեց գնալ, խաղերն էլ չկայացան…»

Եզիկյանն ուրախ է, որ այժմ խաղային պրակտիկա ունի, սակայն ակումբի վատ մեկնարկը փչացնում է տրամադրությունը. «Իհարկե հիանալի է նորից խաղադաշտում լինել: Միայն մարզումները բավարար չեն։ Եթե չես խաղում, ինչ-որ բան պակաս է: Նախորդ տարի ես թիմի ավագն էի: Միշտ էլ հաճելի է խաղադաշտում լինել: Ֆուտբոլն իմ կյանքի մասնիկն է: Ուզում եմ իմ կարիերայի լավագույն մրցաշրջանն անցկացնել: Այո, առաջնությունում դեռ ոչ մի հաղթանակ չունենք: Պետք է անպայման հաղթանակ տանել»,- նշել է Եզիկյանը:

«Լիոն-Դյուշերը» Ֆրանսիայի Նասյոնալ դիվիզիոնի մեկնարկային 9 տուրերում իսկապես ոչ մի հաղթնաակ չի տարել, 5 ոչ-ոքի ունի  և կրել է 4 պարտություն: Ներկա պահին թիմը, որը վերջին տարիների դիվիզիոնի ֆավորիտներից էր և պայքարում էր և միշտ Լիգա 2-ի ուղեգրի համար եզրափակում է մրցաշարային աղյուսակը: Եզիկյանի վերադարձը պետք է օգնի թիմին դադարից հետո վերականգնել դիրքերը: Ներկա պահին առաջնությունում խաղեր չեն անցկացվում, «Լիոն-Դյուշերի» հաջորդ հանդիպումը նախատեսված է հոկտեմբերի 28-ին:

Ինչ վերաբերում է հավաքականին, ապա նորից հրավեր ստանալու համար Եզիկյանը պետք է ավելացնի ջանքերը: Նա արդեն 29 տարեկան է և ակումբային ավելի բարձր մակարդակով հանդես գալը ոչ մի կերպ չի ստացվում, իսկ Ֆրանսիայի երրորդ դիվիզիոնից հրավեր ստանալու համար պետք է չափազանց լավ խաղ ցուցադրել, ինչը ֆուտբոլիստն անում էր այս տարվա սկզբում: Հայաստանի հավաքականին նրա որակներով կենտրոնական կիսապաշտպանն օդ ու ջրի պես անհրաժեշտ է, բայց սկզբում պետք է մարզավիճակ ձեռք բերել, և միգուցե ընկերական խաղերից որևէ մեկում Կապառոսը կրկին ցանկանա հավաքականում տեսնել Մատյո Եզիկյանին:

Տպել
1104 դիտում

Գյումրիում «Բալասանյան» դաշինքի թեկնածուի նախընտրական պաստառի համար ծառի ճյուղեր են կտրում (տեսանյութ)

Բացահայտվել են ռազմամթերքի մատակարարման գործում ՀՀ ԶՈՒ բարձրաստիճան պաշտոնյայի լիազորությունները չարաշահելու դեպքեր. ԱԱԾ

Հանդիպումը, որը կայացավ պատերազմից մեկ տարի անց, դրական քայլ է. Ֆրանսիայի ԱԳ նախարարը Միրզոյան-Բայրամով հանդիպման մասին

Ստեփանակերտը Երևանի թիկունքն է ու հենարանը. Հայկ Մարությանի շնորհավորել է Ստեփանակերտի օրը

Հակամարտության կարգավորումը պետք է տեղի ունենա ԵԱՀԿ ՄԽ համանախագահության հովանու ներքո.Միրզոյանը հանդիպել է Նուլանդի հետ

Գյումրեցին անպայման պետք է լսի Ստեփանակերտի թատրոնի ասելիքը. Աճեմյանի բեմում են արցախի դերասանները

Կոչ եմ անում շինարարությունը տեղափոխել ՀՀ տարբեր հատվածներ. Սուրեն Պապիկյանը մասնակցել է «Build Armenia - 2021» էքսպոյին

Կողոպուտի մեղադրանքով երկու անձ է կալանավորվել

Քաղաքացին պետք է բավարարված և գոհ հեռանա՝ առանց ավել րոպե կամ դրամ ծախսելու. Կարեն Անդրեասյանը ներկայացրեց ՔԿԱԳ պետին

Սեպտեմբերի 27-ին կկատարվի հոգեհանգիստ զոհված հայրենյաց պաշտպանների համար

Տեղի է ունեցել Հայաստանի և Ադրբեջանի ԱԳ նախարարների հանդիպումը

ԵԱՀԿ Մինսկի խմբի համանախագահների հետ հանդիպմանը ՀՀ ԱԳ նախարարը շեշտել է ռազմագերիների հայրենադարձման անհրաժեշտությունը

Զորամասերից մեկում պատերազմի զոհերին նվիրված հուշաքար և մատուռ է բացվել (լուսանկարներ)

Ջանֆիդայի մանկապարտեզի հիմնանորոգումն ավարտվել է

Լևոն Տեր-Պետրոսյանն առանձնազրույց է ունեցել Արցախի Հանրապետության պետնախարար Արտակ Բեգլարյանի հետ

«Օպելի» վարորդը սպառնացել է ոստիկանին, կոտրել մատնեմատը, պոկել կրծքանշանը, հարուցվել է քրեական գործ. Քննչական կոմիտե

Օդի ջերմաստիճանը կնվազի, սպասվում է անձրև

Գետերի մեծ մասում դիտվել է ջրի ելքերի մեծացում

«Օպելի» ուղղությամբ կրակած վարորդը ներկայացել է և կալանավորվել

Հայաստանի Հանրապետությունում սեպտեմբերի 27-ին կհայտարարվի մեկ րոպե լռություն

Ռուստամ Մուրադովը Արշակ Կարապետյանին է ներկայացրել ՌԴ խաղաղապահ ուժերի նորանշանակ հրամանատար Գենադի Անաշկինին

Սահմանվել են տուգանքի նոր չափեր

Զբոսաշրջության ոլորտի առաջատար fvw Travel Talk գերմանական լրատվականի 10 էջը նվիրված է Հայաստանին

Արմեն Խաչատրյանն ազատվել է Էկոնոմիկայի նախարարության գլխավոր քարտուղարի պաշտոնից

«Արևիք» ազգային պարկի տարածքում հրդեհաշիջման աշխատանքները վերսկսվել են

«Ֆիթչ» վարկանիշային գործակալությունն անփոփոխ է թողել Հայաստանի Հանրապետության սուվերեն վարկանիշը` «կայուն» հեռանկարով

Հանդիպել են ՀՀ և Արցախի հանրային ծառայությունները կարգավորող հանձնաժողովների նախագահները

«Երևանի ոսկերչական գործարանի» գույքը վաճառվել է հաշվեկշռային արժեքից շուրջ 4 անգամ ցածր գնով. հարուցվել է քրեական գործ

Ֆրանսիական Շամոնիից՝ հայկական Դիլիջան. հոկտեմբերին Հայաստանում կանցկացվի «Մտքերի հայկական գագաթնաժողովը» (տեսանյութ)

Մեծ աշխարհի այս գողտրիկ անկյունում է բաբախում Արցախի սիրտը. նշվում է Ստեփանակերտի օրը

Երևանի կանաչապատման հիմնարկը նոր տեխնիկա ունի. հիմնարկում վարորդների խնդիր կա (տեսանյութ)

ԵԱՀԿ Մինսկի խմբի համանախագահների միջնորդությամբ հանդիպել են Հայաստանի և Ադրբեջանի արտգործնախարարները

Կորոնավիրուսային իրավիճակն ավելի է վատթարանում. երեկ հաստատվել է 1066 նոր դեպք, գրանցվել՝ 23 մահ

Էդուարդ Հարությունյանն ազատվել է վարչապետի աշխատակազմի արարողակարգի բաժնի պետի պաշտոնից

Միրզոյանը Բոռելի հետ հանդիպմանն ընդգծել է գերիների հայրենադարձման խնդրի քաղաքականացման անընդունելիությունը (տեսանյութ)

Հատուկ ծրագիր Հովհաննես Շարամբեյանի անվան ժողովրդական արվեստների թանգարանում

Շենաթաղում բռնկված հրդեհն ինքնամարվել է

Երևանի մի քանի փողոցում և 4 մարզի որոշ համայնքներում լույս չի լինի

Ազգային գրադարանի մեծ ցուցասրահում կբացվի Ալեքսանդր Սպենդիարյանի ծննդյան 150-ամյակին նվիրված բացառիկ ցուցահանդես

Սուրեն Պապիկյանը մասնակցել է կառուցապատման ոլորտի` Հայաստանում անցկացված առաջին ամենամեծ էքսպոյի բացմանը