Թուրք զինվորականները մեզ սովորեցրել են լեռներում մարտ վարել. ռազմագերի Էմին Բախշալիևի հարցաքննությունը (տեսանյութ)

27/10/2020 schedule15:05

Հայաստանում ադրբեջանցի ռազմագերիները, ի տարբերություն Ադրբեջանի վարած քաղաքականության, պահվում են մարդասիրական բոլոր նորմերի պահպանմամբ, Ժնեւյան կոնվենցիայի մարդասիրական նորմերին համապատասխան:

ՔԿ-ում հրավիրված մամուլի ասուլիսում հայտարարեց Քննչական կոմիտեի քրեագիտական վարչության պետ Ռաֆայել Վարդանյանը։

Այնուհետեւ նա լրագրողներին ներկայացրեց ադրբեջանցի ռազմագերի, ենթասպա Էմին Բախշալիեւի հարցաքննության տեսագրությունից մեկ հատված։

Տեսանյութում ռազմագերին պատմում է, որ իրեն օրը 3 անգամ կերակուր ու ջուր են տալիս, առողջական վճակը լավ է. «Այստեղ ինձ նորմալ են վերաբերվում, բռնություն չեն գործադրում, խոշտանգումներ չկան, ձախ ոտքիցս վիրավոր եմ, ամեն օր վերքս մշակվում է, վիրակապս՝ փոխվում»,- ասել է նա:

Ռազմագերին հարցաքննվելիս պատմել է, որ 2020 թվականի սեպտեմբերի սկզբին Ադրբեջանում հայտարարվել է զորահավաք: Նա նշել է, որ Ադրբեջանի ու Թուրքիայի համատեղ զորավարժություններից հետո Թուրքիայի զինվորական կազմը մնացել է Ադրբեջանում եւ իրենց սովորեցրել լեռներում մարտ վարել։ «Մեզ ասել են՝ պատրաստվեք պատերազմի, քանի որ առաջիկայում ռազմական գործողություններ են լինելու. պետք է հարձակվենք մեր միակ թշնամու՝ հայկական դիրքերի ուղղությամբ: Թուրքիայից ժամանած զինվորականները եղել են զինվորական համազգեստով, սակայն կոչումներ չեն ունեցել»,- պատմել է ռազմագերին: Նրանց հայտնել են, որ պատերազմի ժամանակ իրենց օգնելու են նաեւ Պակիստանից ժամանած ուժերը։

«2020 թվականի սեպտեմբերի 20-ին մեր գումարտակով դուրս ենք եկել զորամասից եւ «Կամազ», «Ուրալ» մակնիշի մեքենաներով շարժվել դեպի Գյուլիստանի ուղղությամբ: Մեր անմիջական հրամանատարը մեզ ասել է, որ հայկական դիրքերը դատարկ են, 5-7 զինծառայող կլինի, հրաման է տրվել նրանց ոչնչացնել, գրավել եւ տեղակայվել հայերի մարտական դիրքերում: Հրաման էր տրված ինչքան շատ գրավեինք՝ այնքան լավ կլիներ»,- նշել է ադրբեջանցի ենթասպան:

Հարցաքննության ընթացքում նա հաստատել է, որ Ադրբեջանը բանակի համար Իսրայելից, Թուրքիայից ձեռք է բերել հրթիռային համակարգեր, անօդաչու թռչող սարքեր: «ԱԹՍ-ները կառավարվում էին թիկունքից, թե կոնկրետ ով է կառավարել, չենք տեսել, մենք դրանց կառավարման հետ առնչություն չենք ունեցել: Քաղաքացիական բնակիչների տների բակերում տեղակայավել են հրթիռահրետանային միջոցներ, որոնք կիրառել են ռազմական գործողությունների ընթացքում: Այդ բնակավայրերում քաղաքացիական բնակիչները շարունակել են ապրել, բնակվել»,- ասել է Էմին Բախշալիեւը:

Մանրամասները՝ տեսանյութում

Տպել
1866 դիտում

Լեռնուտում 70 երեխայի համար նախատեսված մանկապարտեզ է վերակառուցվում

Ի վերջո հաղթելու է արդարությունը. Եվրոպայի հայերի համագումարը ողջունում է Ֆրանսիայի Սենատի որոշումը

Հայ, ռուս եւ ադրբեջանցի զինվորականները այսօր մի քանի ժամ սահմանազատման աշխատանքներ են իրականացրել Քարվաճառում․ Ալթունյան

Ազգային ժողովը չընդունեց «Լուսավոր Հայաստան» խմբակցության՝ ռազմական դրությունը վերացնելու նախագիծը

ՀՀ շուկայի վերահսկողության տեսչական մարմնի ծառայողներն իրականացնելու են ստուգայցեր առևտրի իրականացման վայրեր

ՈՒԵՖԱ-ն ցմահ որակազրկել է ադրբեջանական ակումբի աշխատակցին

Երբ Քարվաճառի դռները ցավալիորեն փակվեցին, 80 հոգով այսօր ազերի զինյալները կոտրել են կողպեքը․ Նաիրա Զոհրաբյան

ՀՀ էկոնոմիկայի նախարար է նշանակվել Վահան Քերոբյանը

Տիգրան Խաչատրյանն ազատվել է էկոնոմիկայի նախարարի պաշտոնից

Աննա Հակոբյանն այս օրերին շրջայց է կատարում հումանիտար օգնության կայաններում

ԱՄՆ-ից գործուղված բժշկական խումբը Հայաստանում կվերահսկի COVID-19-ով ծանր հիվանդների բուժման գործընթացը

ԱԱՏՄ-ն Սյունիքում խստորեն դիտարկում է համաճարակային անվտանգության կանոնները

Մարտունիում անչափահասից գումար են շորթել՝ ֆոտոշոփի միջոցով ստացված մերկ լուսանկարները չհրապարակելու համար (տեսանյութ)

Երևանի որոշ խաչմերուկներում տրանսպորտային լուսացույցները տեղափոխվել եւ դրվել են երթևեկելի մասի վրա

Քարվաճառի շրջանում երեկ դրված դարպասները ազերիները կոտրել են և առաջ են գալիս․ Թագուհի Թովմասյան

Միջադեպ ԱԺ-ում. միջամտեցին անվտանգության աշխատակիցները (տեսանյութ)

Վարչապետ Նիկոլ Փաշինյանը Կառավարությունում խորհրդակցություն է անցկացրել մարզպետների մասնակցությամբ (տեսանյութ)

Շրջանառվող լուրերը, թե ադրբեջանցի զինվորականները Սոթքի հանքավայր են ներխուժել, իրականությանը չեն համապատասխանում․ ՊՆ

Արցախի ԱԻՊԾ հրշեջ փրկարարական ավտոմեքենայով 8 տոննա ջուր է մատակարարվել Դաշուշեն համայնքի բնակիչներին

Խնդիրներ է առաջացնելու պաշտպանական եւ անվտանգային հարցերի վերաբերյալ. ՊՆ ներկայացուցիչը՝ ԼՀԿ-ի նախագծի մասին