Էլեկտրաէներգիայի թանկացումը վերաբերելու է ամսական 18 հազար դրամ եւ ավելի սպառող բնակիչ-բաժանորդներին ու տնտեսվարողներին

ՀՀ հանրային ծառայությունները կարգավորող հանձնաժողովն առաջարկում է փետրվարի 1-ից սպառողների մի մասին վաճառվող էլեկտրական էներգիայի սակագինը բարձրացնել, որպեսզի էլեկտրաէներգետիկական համակարգում ֆինանսական ճեղքվածք չառաջանա։

ՀԾԿՀ աշխատակազմի հաշվարկների համաձայն՝ սպառողներին վաճառվող էլեկտրական էներգիայի միջին կշռված սակագինն անհրաժեշտ է բարձրացնել 2.27 դրամ/կՎտժ-ով (ներառյալ ԱԱՀ-ն)։

Արդյունքում, առաջարկվում է՝ սոցիալապես անապահով ընտանիքների եւ ամսական մինչեւ 400 կՎտժ սպառում ունեցող բնակիչ-բաժանորդների համար գործող սակագները թողնել նույնը, իսկ մնացած սպառողների համար բարձրացնել 3 դրամ/կՎտժ-ով (ներառյալ ԱԱՀ-ն)։ Հանձնաժողովի հաշվարկներով բնակիչ-բաժանորդների շուրջ 90%-ի համար սակագինն անփոփոխ է մնում։

ՀԾԿՀ նախագահ Գարեգին Բաղրամյանը ՀԺ-ի հետ զրույցում ներկայացրեց սակագնի վերանայման պատճառները։

- Պարո՛ն Բաղրամյան, ինչո՞վ է պայմանավորված սպառողների մի մասի համար էլեկտրաէներգիայի գինը 3 դրամով թանկացնելու՝ ՀԾԿՀ առաջարկը։

- Ընդհանուր համակարգային ամենամյա վերանայման արդյունքում հանգել ենք նրան, որ համակարգում առկա գործող սակագները բավարար չեն ճեղքվածքը փակելու համար։ Ամեն տարի մինչեւ փետրվարի 1-ը վերանայման գործընթաց է սկսվում, եւ այդ վերանայման արդյունքում հասույթների, գործող սակագների համադրում է արվում, եկող տարվա նոր գործոններն են հաշվի առնվում՝ փոխարժեք, գազի գին, արտադրության նոր կառուցվածքը։ Այդ ամենը համադրվում է եւ հասկանում ենք՝ հնարավո՞ր է գործող գներով եկող տարին անցնել, թե անհրաժեշտ է նվազեցնել կամ բարձրացնել, եւ արդյունքը եղել է սա։

- Ի՞նչն է այդ կանխատեսվող ճեղքվածքի պատճառը։

- Ամենամեծ գործոնները եղել են՝ կառուցվածքը, մոտ 560 մլն կՎտԺ ատոմակայանն ավելի քիչ է արտադրելու 2021 թ., քան այսօրվա գործող սակագներով։ Ատոմակայանը 141 օր կանգնելու է եւ 2.5 միլիարդի փոխարեն 1 մլրդ 940 միլիոնի չափով է արտադրելու։ Բնականաբար այդ 560 մլն կՎտԺ փոխարինվում է ՋԷԿ-երի արտադրանքով, որը գների տարբերությամբ առաջացնում է ճեղքվածք։ Արցախից կանխատեսվում էր, որ պետք է 330 մլն կՎտԺ ներկրվի, հասկանալի պատճառով այլեւս դա չի լինելու։

- Մի քանի ամիս առաջ հայտարարել էիք, որ հոսանքի թանկացում նախատեսված չէ. պատերա՞զմն է սրան հանգեցրել։

- Դա կառուցվածքի վրա լրացուցիչ ազդեցություն է ունեցել՝ այո՛։ Այն կառուցվածքը, որն այսօր ունենք՝ փոխվել է դեպի բացասական կողմ, այսինքն ավելի թանկ էլեկտրաէներգիայի մասնաբաժին է ավելացել կառուցվածքում, որը բնականաբար բերում է ՀԷՑ-ին վաճառվող գնի թանկացման, դա էլ իր հետեւից բերում է համակարգում խնդիրների։ Այստեղ խնդիրը մոտավորապես 16.5 մլրդ դրամ է։

- Ձեր հաշվարկներով, որքա՞ն բաժանորդ է 400 կՎտԺ-ից ավելի սպառում։

- Եթե 700 հազար բնակիչ-բաժանորդների թվով նայենք՝ ձմեռվա 3 ամիսներին խոսքը շուրջ 100 հազար բնակիչ-բաժանորդների մասին է, որոնց համար կթանկանա։ Իսկ մնացած 9 ամիսներին 20-30 հազար բնակիչ-բաժանորդների մոտ է թանկանալու։ Այդ 700 հազարի մեջ չենք ներառել 120 հազար սոցիալապես անապահով սպառողներին։ Այսինքն ընդհանուր 800 հազարից ավելի բնակիչ-բաժանորդներ կան, որոնց մոտ 10 տոկոսին է վերաբերում այս թանկացումը։ Նաեւ բոլոր իրավաբանական անձանց համար 3 դրամով բարձրանում է գինը։ Չբարձրանալը վերաբերում է միայն սոցիալապես անապահով սպառողներին, որոնք առանձին կատեգորիա են արտոնյալ գներով եւ այն բնակիչ-բաժանորդներին, որոնք ամսական մինչեւ 400 կՎտԺ են սպառում։

- Դրամային հաշվարկով ամսական մոտ քանի՞ հազար դրամ սպառող քաղաքացիների համար հոսանքի գինը կթանկանա։

- Մոտավորապես պետք է ամիսը 18 հազար դրամ սպառեք, որ ձեզ մոտ թանկացում լինի։

- Նշում եք, որ քաղաքացիների 90 տոկոսի վրա չի անդրադառնալու հոսանքի գնի թանկացումը, սակայն տնտեսվարողների մոտ այդ բարձրացումը կարող է բերել խանութում վաճառվող ապրանքների գների բարձրացման։

- Մենք ասում ենք էլեկտրաէներգիայի սակագինը այս բնակիչ-բաժանորդների համար չի թանկանում։ Մենք չենք կարող գնահատել, թե տնտեսության վրա դա ինչպես կազդի։ Բնականաբար ինչ-որ տնտեսական ճյուղերում, ինչ-որ ապրանքներում, եթե էլեկտրաէներգիան մեծ արժեք ունի ինքնարժեքի մեջ՝ ազդելու է։

- 2021 թ. էլեկտրաէներգիայի թանկացումը միայն վերոնշյալ կատեգորիաների համար նախատեսված 3 դրա՞մն է լինելու։

- Չեմ կարծում, թե խնդիր առաջանա, արդեն վերջնական հաշվարկներն ամփոփված են, կայքում տեղադրված են։ Նախատեսված է հանրային քննարկում, եթե քննարկման ընթացքում ինչ-որ բան էլ փոխվի՝ էական չեն լինի դրանք։

Տնտեսագետ Արմեն Քթոյանի կարծիքով՝ էլեկտրաէներգիայի գնի փոփոխությունը կարող է երկակի ազդեցություն ունենալ։ Նրա խոսքով՝ Հայաստանում միշտ էլ էլեկտրաէներգիայի գնով պայմանավորված որոշ ապրանքների գնագոյացում է եղել։

«Հիմա` այս անկայուն վիճակում, էլեկտրաէներգիայի գների բարձրացումը չեմ կարծում, թե հանրության կողմից լավ կընդունվի։ Հիշում եք նաեւ «Էլեկտրիկ-Երեւան» շարժումը։ Չեմ կարծում, թե այդպիսի շարժում լինի նորից, բայց ընդհանուր լարվածության մեջ եւս մեկ բացասական գործոն կավելանա։ Համենայնդեպս կարծում եմ, որ հիմա սրա լավագույն ժամանակահատվածը չէ»,- ասաց տնտեսագետը։

Անդրադառնալով թանկացման պատճառներին՝ Քթոյանը նշեց, որ կարճաժամկետ հատվածում դրանք օբյեկտիվ են։ Նրա խոսքով՝ ՀՀ-ում էլեկտրաէներգիայի արտադրության ինքնարժեքը բավականին բարձր է եւ նոր քայլեր չեն արվել, որ նման կարճաժամկետ խնդիրների դեպքում այլ լուծում լինի, ոչ թե սակագինը բարձրանա։

«Համակարգի արդյունավետ կառավարումը ենթադրում է, որ դու պետք է ունենաս կայունության պաշար մարժայի տեսքով եւ այդ պաշարը նաեւ ընդհանուր համակարգի արդյունավետության բարձրացման հաշվին է կատարվում, բայց դրանք ավելի երկարաժամկետ միտված քայլեր են»,- տնտեսագետը։

Հարցին բնակիչ-բաժանորդների 10 տոկոսի եւ իրավաբանական անձ բաժանորդների համար 3 դրամով թանկացումն էակա՞ն բեռ է սոցիալական առումով, Քթոյանը պատասխանեց. «Սոցիալական խնդիր ասելով՝ մենք պետք է հասկանանք, որ էլեկտրաէներգիայի թանկացումը միայն ինքն իրենով չի գալիս։ Բացի այդ այստեղ կա նաեւ այն հոգեբանական ասպեկտը, որ գնաճային սպասումներին միտված խթան կհանդիսանա սա։ Այս ամենը կարող է որոշակի բացասական ազդեցություն ունենալ»։

Քթոյանը կարծում է, որ սա սոցիալական լրջագույն խնդիրներ չի բերի, սակայն կարող է տնտեսական, սոցիալական եւ քաղաքական որոշակի պատկեր ձեւավորել. «Միգուցե սպառողական գների ինդեքսի վրա շատ աննշան ազդեցություն թողնի, բայց իր սիմվոլիկան հոգեբանական առումով կարող է շատ ավելի ազդեցիկ լինել»։

Տպել
3131 դիտում

Մեկ օրում բացահայտվել է 56 հանցագործություն. ավտոմեքենա փախցնել, ընտանեկան բռնություն, սպանության սպառնալիք

ՀՀ ՄԻՊ-ը կդիմի ՍԴ՝ վիճարկելու նախընտրական քարոզչությանը վերաբերող ՔՕ 149.1-րդ հոդվածը

Սոսիներից հատկապես արևելյանի կեղևներն են խիստ արտահայտված թափվում. «Կանաչապատման» ՀՈԱԿ-ը պարզաբանում է ներկայացրել

Նախկին փոխնախարարը դատապարտվել է 7 տարի ազատազրկման, իսկ Ռազմիկ Աբրահամյանի պատիժը պայմանականորեն չի կիրառվել. Հետք

Ծովագյուղ-Շորժա-Վարդենիս ավտոճանապարհին մահվան ելքով ավտովթար է տեղի ունեցել

ՊԵԿ-ի և Իրանի մաքսային ծառայության պատվիրակությունները քննարկել են օրակարգային մի շարք հարցեր

«Փողոց դուրս գալ կարելի է միայն մեկ դեպքում». Էդմոն Մարուքյանն իր թիմով քարոզարշավի վերջին օրն անցկացնում է Երեւանում

Նոր շինծու գործ, Ադրբեջանը միջազգային հետախուզում է հայտարարել 3 հայ գործարարների նկատմամբ. «Արմենպրես»

Այսօր «Մաթեմատիկա» առարկայից միասնական քննության օրն է

Չդիմե´նք քայլերի, որոնք կարող են տանել անդառնալի կորուստների. ընտրություններին ընդառաջ ԵԿՄ-ն հայտարարություն է տարածել

Սուրենավանում տեղի ունեցած վթարից տուժած 14-ամյա տղայի առողջական վիճակում կա քիչ, բայց դրական տեղաշարժ. Գ. Դերձյան

Կորոնավիրուսով վարակվելու 86 նոր դեպք է հաստատվել. օրվա թվերը՝ ամփոփ

Այսօր քարոզարշավի վերջին օրն է. վաղը քաղաքական ուժերը պետք է լռություն պահպանեն

Երևանի Ալիխանյան փողոցում հրդեհ է բռնկվել ավտոմեքենայում. վարորդը հոսպիտալացվել է

Վարչական դատարանը մերժել է ՔՊ-ի գրանցումը չեղյալ համարելու պահանջով հայցը

Արթուր Դավթյանի ղեկավարած պատվիրակությունը կմասնակցի եվրոպական երկրների դատախազությունների համաժողովին

Գորիսի մշակույթի կենտրոնի տնօրենը ձերբակալվել է. աշխատակցին թույլ չէր տվել մասնակցել քարոզարշավին

Հրդեհ՝ Վայքի մարզադպրոցում. կրակը հանգցնելու համար մեկնել է 4 խումբ ու 1 լրացուցիչ ջրատար

Երեկ կայացել է նաև ԲՀԿ-ի ամփոփիչ հանրահավաքը. հայտնի է մասնակիցների թիվը

Վթար Մարգարա-Վանաձոր ճանապարհին․ այրվող մեքենայից դուրս է բերվել վարորդի դին. կա 3 տուժած

Հայտնի է «Քաղաքացիական պայմանագիր» կուսակցության ամփոփիչ հանրահավաքի մասնակիցների թիվը

Բա իհարկե, նրանք էլ ունեին այսպիսի տպավորիչ ցուցանիշներ, միայն թե իրենց անձնական եկամուտների մասին. Արարատ Միրզոյան

Մենք պետք է հույսեր կապենք մեր բանակի հետ. քաղաքական ուժերը՝ ՀՀ-ի անվտանգային հարցերի լուծման ուղիների մասին

Քաղաքական ուժերի մի մասը կողմ է ազգային համաձայնության կառավարության ձևավորմանը. որ ուժերը միմյանց հետ կհամագործակցեն

«Հասել է ՀՀ քաղաքացու ճշմարտության պահը․․․ ընտրակաշառք բաժանողները ձերբակալվում են հենց այս րոպեներին ու կալանավորվում»

Ինձ համար անհասկանալի է, որ ընդդիմությունը զոհերի և գերիների թվերն ուռճացնում է․ Փաշինյանը տվյալներ հայտնեց

Եթե ասում են՝ իմ մի հայտարարությամբ պատերազմ սկսվեց, Արցախը ճանաչելու արդյունքում պատերազմ չի՞ սկսվի. Նիկոլ Փաշինյան

Կասկած չկա, մեր գերեվարված եղբայրները շուտով վերադառնալու են․ Փաշինյանը 4 կետ ներկայացրեց՝ ապագայի տեսլականի վերաբերյալ

Այս անգամ դուք սխալվելու իրավունք չունեք. Լևոն Տեր-Պետրոսյանը տեսաուղերձ է հղել (տեսանյութ)

ՀՀ-ում քաղաքացիական բախումներ չեն լինելու, որովհետև ժողովուրդը հստակ մեծամասնություն է ձևավորելու․ Փաշինյան

Բայդենը գոհ է, Պուտինի համար՝ միևնույն է. ինչ է գրել միջազգային մամուլը հայտնի հանդիպման մասին ու ինչ կարծիքներ կան

Հայ աթլետները կփորձեն օլիմպիական վարկանիշ լրացնել Կիպրոսում

Ոստիկանության ծառայողը վնասազերծել է ավտովթարից հետո քաղաքացու ծոծրակին ատրճանակ պահած 28-ամյա ԱՄՆ քաղաքացուն․ Shamshyan

Հայ մարզիչը համալրեց Մոսկվայի ԲԿՄԱ-ի մարզչական շտաբը

Քարոզարշավ մուտք գործեցինք հյուծված, անեծքներից ու հայհոյանքներից խոցոտված, ժողովուրդը մեզ ուժ ու հույս տվեց․ Փաշինյան

Կարմիրգյուղի դպրոցում 3 դասասենյակներ կկրեն Արցախյան 44-օրյա պատերազմում զոհված հերոսների անուններ

Ինչու Քոչարյանն իր թեկնածությունը չի առաջադրել Արցախում․ Արամ Սարգսյանի՝ բանավեճին հնչեցրած հարցը մնաց անպատասխան

Գերմանիայի հայ համայնքը պատգամավորներին կոչ է անում ճնշումներ գործադրել Ադրբեջանի դեմ՝ ռազմագերիներին ազատ արձակելու համ

Նիկոլ Փաշինյանի հրավիրած համապետական հանրահավաքը՝ լուսանկարներով

Խորհրդարանական արտահերթ ընտրությունների նախընտրական բանավեճի մեկնարկը տրվեց․ ովքեր են հրաժարվել մասնակցել բանավեճին