Ես ֆրանսիացի եմ և շատ հպարտ եմ, որ ունեմ հայկական արմատներ․ Էրիկ Ասադուրյան

14/01/2021 schedule18:03

Հայաստանի հավաքականի նախկին հարձակվող Էրիկ Ասադուրյանը ՀՖՖ TV-ի հետ զրույցում պատմել է, թե ինչու է հեռացել ազգային ընտրանու կազմից 1999թ․-ին տեղի ունեցած 2000թ․-ի Եվրոպայի առաջնության ընտրական փուլի Ֆրանսիայի հետ արտագնա խաղից հետո։

Ասադուրյանը ծնվել է ֆրանսիական Սեն-Մորիս քաղաքում, ամբողջ ակումբային կարիերայի ընթացքում հանդես է եկել ֆրանսիական թիմերում, երկար տարիներ խաղացել է Ֆրանսիայի ուժեղագույնների խմբում, 1986/87 մրցաշրջանում «Թուլուզի» կազմում երրորդ տեղն է զբաղեցրել առաջնությունում։ Ֆուտբոլային կարիերայի լավագույն տարիներին՝ 1990-1995թթ․-ին, խաղացել է «Լիլում», որի կազմում անցկացրած 178 խաղում դարձել է 27 գոլի հեղինակ, այնուհետև խաղացել է «Լիոնում»։ 1996թ․-ին մեկ այլ ֆրանսահայ հայտնի ֆուտբոլիստի՝ Միշել Տեր-Զաքարյանի հետ միասին ընդունել է Հայաստանի հավաքականի հրավերն ու համալրել ազգային ընտրանու կազմը, որտեղ երկու տարվա ընթացքում անցկացրած 12 խաղում դարձել է 3 գոլի հեղինակ։

«Գիտեի, որ այդ հարցը լինելու է։ Ֆրանսիայի հավաքականի հետ արտագնա խաղի հետ կապված հիշողություններն այդքան էլ հաճելի չեն։ 1998թ․-ի աշխարհի առաջնության որակավորման փուլի ավարտից հետո ես և Միշելը որոշեցինք ավարտել միջազգային կարիերան։ Արդեն 33 տարեկան էի և մտածեցի՝ բավական է, պետք է ճանապարհ տալ երիտասարդներին։ Սակայն հավաքականի գլխավոր մարզիչը (Սուրեն Բարսեղյանը - խմբ․) զանգահարեց ու ասաց, որ ինձ հետ հույսեր է կապում, սա դեռ վերջը չէ։ Ես վերադարձա։ Եկա ու զգացի, որ ինչ-որ բան փոխվել է, նախկինի պես չէ։ Ամեն դեպքում, հարգեցի խնդրանքն ու միացա հավաքականին, թեև ակումբային մակարդակով էլ կարևոր խաղ ունեի։ Երևանում խաղում էինք Ռուսաստանի հավաքականի հետ, ես փոխարինողների նստարանին եմ։ Խնդիր չկա, մարզչի որոշումն էր, ես հարգում էի այն։ Ամբողջ երկրորդ խաղակեսի ընթացքում նախավարժանք եմ անում, բայց այդպես էլ խաղադաշտ դուրս չեմ գալիս։ Խնդրում եմ, որ թարգմանեն իմ հարցը՝ ինչո՞ւ ինձ հրավիրեցիք հավաքական։ Կրկնեցի միտքս՝ ավելի լավ կլիներ երիտասարդական հավաքականից ինչ-որ մեկն իմ փոխարեն հրավիրվեր և ծանոթանար ազգային ընտրանու մթնոլորտին։ Գլխավոր մարզիչն ասաց․ չէ, սխալ ես հասկացել, սա միտումնավոր քայլ էր, որ պատրաստ լինես չորեքշաբթի օրը կայանալիք Ֆրանսիայի հավաքականի հետ արտագնա խաղին։ Հավատացի նրան, ասացի՝ լավ։ Գալիս է խաղի օրը, մարզիչն ասում է, որ ես պահեստային եմ։ Ընտանիքիս անդամները, ընկերներս մարզադաշտում են, իսկ նա ասում է, որ ես պահեստային եմ։ Ու արդեն հստակ ձևակերպեցի միտքս․ ասացի, որ երիտասարդական հավաքականից որևե մեկին հրավիրեն խաղին, նրանք նույն հյուրանոցում էին հանգրվանել, ինչ մենք։ Հեռացա ու խաղը դիտեցի հեռուստացույցով։ Հարազատներս փնտրում էին ինձ ամենուր, բայց ես մարզադաշտում չէի։ Պարզապես չհասկացա՝ ինչու մասնակցեցի մի դրվագի, որին մասնակցելու ցանկություն ընդհանրապես չունեի։ Հիմա ես աշխատում եմ երիտասարդների հետ ու փորձում նրանց որքան հնարավոր է լավ պատրաստել պրոֆեսիոնալ ֆուտբոլի աշխարհին»։

2014թ․-ին՝ Ֆրանսիայի հավաքականի հետ ընկերական խաղից առաջ, ֆրանսիական մամուլում տեղ գտան Ասադուրյանի խոսքերը, որտեղ նշված էր, որ ինքը հայ չէ։ «Չեմ կարող ու չեմ պատրաստվում խուսափել այս պատմությունից։ Այո, ես ֆրանսիացի եմ և հպարտ եմ, որ ունեմ հայկական ծագում։ Հայրս հայ է, մայրս՝ իտալացի։ Եթե ասեմ, որ հայ եմ, մայրս կսպանի, եթե ասեմ, որ իտալացի եմ, հայրս կսպանի։ Ես ֆրանսիացի եմ և շատ հպարտ եմ, որ ունեմ հայկական արմատներ։ Իմ երկրից՝ Ֆրանսիայից, հրաժարվել չեմ կարող։ Այն ինձ տվել է հաջողության հասնելու, զարգանալու, բացառիկ մարդկանց հանդիպելու հնարավորություն։ Դաստիարակվել եմ որպես ֆրանսիացի, բայց հպարտ եմ, որ ունեմ հայկական արմատներ։ Հպարտ եմ, որ երկու տարի եղել եմ Հայաստանի հավաքականի ֆուտբոլիստ։ Իմ մեջ հոսում է հայկական արյուն, ես դա չեմ ժխտում, բայց չեմ կարող ասել, որ ֆրանսիացի չեմ։ Ձեր առջև հիմա ֆրանսիական, հայկական և իտալական արժեքներ կրող անձնավորություն է»։

Ներկայումս ֆրանսիական «Լանսի» ֆուտբոլային ակադեմիայի տնօրենի պաշտոնը զբաղեցնող Ասադուրյանը 2021թ․-ի սկզբին մի քանի օրով ժամանել էր Հայաստան․ «Հայաստան եմ եկել ոչ թե հայկական ֆուտբոլի մակարդակը գնահատելու, այլ բացահայտելու իմ նախնիների երկրի մարդկանց։ Կարևոր է ստեղծել այնպիսի միջավայր, որտեղ հայ պատանի ֆուտբոլիստները շանս ունենան ցուցադրել իրենց հնարավորությունները և հետագայում հպարտ լինեն կրել ազգային տարբեր տարիքային հավաքականների մարզաշապիկը։ Կլինի դա բարձրակարգ ակադեմիայում, թե ավելի համեստ խաղադաշտերում՝ այդքան էլ կարևոր չէ։ Այսօր հայ ժողովուրդը կարող է հպարտ լինել, որ այստեղ հրաշալի պայմաններ կան ֆուտբոլի զարգացման համար։ Ես ասում եմ՝ բրավո հայ ժողովրդին, բրավո Հայաստանի ֆուտբոլի ֆեդերացիային ու բոլոր այն մարդկանց, ովքեր պատանի ֆուտբոլիստներին լավ պայմաններում զարգանալու հնարավորություն են տվել։ Մեր ներդրումն ամենակարևորը չէ, կարևորը գուցե առաջին քայլն անելն է, որը Հայաստանում ևս մեկ ֆուտբոլային ակադեմիայի հիմք կլինի»,- նշել է Ասադուրյանը:

Տպել
2942 դիտում

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա