Կատալոնիան ի վերջո կարող է անկախանալ Իսպանիայից. խորհրդարանական ընտրությունների հետաքրքիր արդյունքը

Կատալոնիայի՝ Իսպանիայից անջատման օգտին  հանդես եկող կուսակցություններն առաջին անգամ մեծամասնություն են հավաքել կիրակի կայացած շրջանային խորհրդարանական ընտրություններում: Սա, սակայն, չի նշանակում, որ Բարսելոնան անմիջապես կրկին կհայտարարի անկախություն. Խորհրդարանի նոր մեծամասնությունը բաղկացած է երեք կուսակցությունից, և նրանք բոլորն էլ ունեն տարբեր տեսակետներ այն մասին, թե որ ճանապարհով կարելի է բաժանվել Մադրիդից:

Նախնական տվյալների համաձայն, Կատալոնիայի խորհրդարան մտած երեք անջատողական կուսակցությունները շահել են 135 տեղերից 74-ը: Անջատողականները դեռ մեծամասնություն ունեին ՝ 70 մանդատ, 2017-ի ընտրությունների արդյունքներից հետո  նրանք առաջին անգամ հավաքել են ձայների բացարձակ մեծամասնությունը:

Կիրակնօրյա ընտրություններում առաջին տեղը զբաղեցրել է Սոցիալիստական կուսակցությունը, որը հանդես էր գալիս որպես Միացյալ Իսպանիա, բայց նրա տարբերությունը երկրորդ և երրորդ անջատողական կուսակցություններից, որոնք ևս մտել են խորհրդարան, շատ փոքր է, և ստացվում է՝ նրանք ստացել են գրեթե հավասար մանդատներ ՝ 33, 33 և 32:

Ընդհանուր առմամբ, Կատալոնիան Իսպանիայի կազմից անջատելու ջատագով հանդես եկող չորս կուսակցությունները՝ «Ձախ հանրապետականները», Բրյուսելում բնակվող վտարանդի Կառլես Պուչդեմոնի «Միասին հանուն Կատալոնիայի» կուսակցությունը, «Ժողովրդական միասնության թեկնածությունը» և Կատալոնիայի Եվրոպական ժողովրդավարական կուսակցությունը առաջին անգամ անկախության շարժման պատմության մեջ հավաքել է ձայների կեսից ավելին: Թեպետ այդ ավելին ասվածը մոտ 1 տոկոս է (50,7%), սակայն, այնուամենայնիվ, առավելություն է: Ի դեպ, ընտրությունների մասնակցությունն էլ բավական փոքր է եղել՝ 51%: Սա նշանակում է, որ ընդդիմադիրների օգտին, ըստ երևույթին քվեարկել է կատալոնացի ընտրողների քառորդից մի փոքր ավելին:

Դեռ պարզ չէ, թե որ կուսակցություններն են ի վերջո կազմելու Կատալոնիայի կառավարությունը:

Խորհրդարան մտած անջատողական երեք կուսակցությունները տարբեր տեսակետներ ունեն անկախության հասնելու ճանապարհի վերաբերյալ:

Հանրապետական Ձախակողմյանները, որ Կառլես Պուչդեմոնի կուսակցության հետ 2017 թվականին, չնայելով Մադրիդի սահմանադրությանը, միակողմանիորեն անցկացրեցլ են հանրաքվե և անկախություն հռչակել:

«Ձախ հանրապետականներից» կառավարության ղեկավարի թեկնածու Պեր Արագոնեսը, որը մինչ այժմ կառավարության ղեկավարի պաշտոնակատարն է, կարծում է, որ Կատալոնիան պետք է գնա Շոտլանդիայի ճանապարհով, այսինքն ՝ խաղաղ ճանապարհով, բանակցությունների միջոցով, Մադրիդից ձգտի համաձայնեցնել հանրաքվեի անցկացումը՝ հասնելով անկախության:

«Անկախության կողմնակից կուսակցությունները հավաքել են 50 տոկոսից ավել ձայն,  Կատալոնիայի ժողովուրդն ասել է իր կարծիքը , ժամանակն է սկսել բանակցություններ հանրաքվեի շուրջ», - ասել է Արագոնեսը ընտրություններից անմիջապես հետո:

Ձախ հանրապետականների առաջնորդ Օրիոլ Յունկերասը ասել է, որ իր կուսակցությունը պետք է ղեկավարի կառավարությունը, իսկ Արագոնեսը պետք է դառնա «գեներալիտետի նախագահ», այսինքն ՝ գործադիր իշխանության ղեկավար:

2017-ին կայացած հանրաքվեից և անկախությունից հետո Իսպանիայի կենտրոնական իշխանությունները դատապարտեցին անջատողականների 12 առաջնորդներին, և նրանցից ինը,՝ ներառյալ Յունկուերասը, բանտարկվեցին «ապստամբություն հրահրելու» համար: Սակայն ընտրություններից առաջ նրանց թույլատրվեց լքել բանտը ՝ նախընտրական արշավին մասնակցելու համար:

Կառլես Պուչդեմոնը կարողացավ խուսափեց ձերբակալությունից և բանտարկությունից ՝ փախչելով Բելգիա: Այժմ նա Եվրախորհրդարանի իսպանացի պատգամավոր է:

Պուչդեմոնը հորդորեց, եթե անկախության կողմնակիցները ձայների մեծամասնություն հավաքեն, կրկին միակողմանիորեն հռչակեն անկախություն, ապա բանակցեն Մադրիդի հետ: Նրա կուսակցությունն այս ռազմավարությունն անվանում է «խաղաղ առճակատում»:

Երրորդ անջատողական կուսակցությունը ՝ ծայրահեղ ձախ «Ազգային միաբանության թեկնածությունը», քննադատում է ինչպես հիմնական անջատողական ուժերին, այնպես էլ կարծում է, որ անկախության անհապաղ հռչակումը կրկին ոչ մի լավ բանի չի հանգեցնի, բայց նաև անհնար է անվերջ սպասել Մադրիդի համաձայնությանը ՝ նոր հանրաքվեն պետք է անցկացվի ոչ ուշ, քան մինչև 2025 թվականը:

«Ժողովրդական միասնության թեկնածուն» Կատալոնիայի խորհրդարանում իր խմբակցությունը 4-ից հասցրեց 9-ի և կարող է դառնալ «կշռաքար», առանց որի անհնար կլինի անջատողական մեծամասնության կառավարության ձևավորումը:

Ըստ իսպանական El Pais առաջատար թերթի ՝ անջատողականները դեռ կարող են համաձայնության գալ և կառավարություն կազմել, բայց հնարավոր է նաև մեկ այլ տարբերակ. «Մադրիդամետ» սոցիալիստները կհամաձայնեն կոալիցիա կազմել ձախ ուժերի կատալոնական մասնաճյուղի հետ:

Փետրվարի 14-ի ընտրությունները, նշանավոր են արմատականների հարաբերական հաջողությամբ. Ծայրահեղ ձախ «Ազգային միաբանության թեկնածությունից» բացի, 11 հոգի առաջին անգամ կատալոնական խորհրդարան է անցել ծայրահեղ աջերի կողմից՝  Իսպանական ազգայնական VOX կուսակցությունան կազմում:

Օրենքը երկու ամիս է հատկացնում Կատալոնիայի կառավարություն կազմելու փորձերին, և եթե այդ փորձերը ձախողվեն, ինքնաբերաբար  տեղի կունենան նոր ընտրություններ: