Չեխիան վտարել է 18 ռուս դիվանագետի, Ռուսաստանը պատասխանել՝ 20 դիվանագետի արտաքսմամբ. լրտեսե՞լ են պաշտոնյաները

Օրերս Չեխիան 18 ռուս դիվանագետների արտաքսման մասին էր հայտարարել: Ի պատասխան դրա, Ռուսաստանը որոշել է վտարել  Մոսկվայում Չեխիայի դեսպանատան 20 աշխատակցի: Նրանց հրամայված է եղել լքել Ռուսաստանի Դաշնության տարածքը մինչ ապրիլի 19-ի օրվա ավարտը », - ասված էր ՌԴ ԱԳՆ-ի կիրակի օրը տարածած հայտարարության մեջ:

«Դեսպանին էլ  հայտարարվել է վճռական բողոք Պրահայում Ռուսաստանի դիվանագիտական առաքելության անձնակազմի դեմ Չեխիայի իշխանությունների անբարյացակամ արարքի կապակցությամբ: Վիտեսլավ Պիվոնկային տեղեկացվել է,  որ Մոսկվայում Չեխիայի դեսպանատան 20 աշխատակիցներ «պերսոնա նոն գրատա» են հայտարարվու, նրանք լքել են ՌԴ տարածքը: Չեխական կողմին  նաև պահանջ է ներկայացվել Մոսկվայում դիվանագիտական առաքելության աշխատողների թիվը տեղական մակարդակում ընդունվածների կատեգորիայում հավասարեցնել Չեխիայում Ռուսաստանի դեսպանատան աշխատակիցների թվին: Դեսպանին տրվել է  համապատասխան գրություն », - հավելել է ՌԴ ԱԳՆ-ն:

Չեխիայի վարչապետ Անդրեյ Բաբիշը և առաջին փոխվարչապետ Յան Համաչեկն էին շաբաթ օրը հայտարարել  Պրահայում Ռուսաստանի դեսպանատան 18 աշխատակիցների արտաքսման մասին, որոնք, ըստ չեխական կողմի, «Ռուսաստանի հատուկ ծառայությունների սպաներ են ու լրտեսությամբ են զբաղվել»:

Այս քայլն արվել է 2014-ին Վրբետիցայում տեղի ունեցած  պայթյունների բացահայտված հանգամանքների կապակցությամբ: Ըստ քաղաքական գործիչների ՝ դրանում ներգրավված են «ռուսական հատուկ ծառայությունների ռազմական հետախուզության սպաներ»:

Ավելի վաղ Ռուսաստանի արտգործնախարարությունը հայտարարություն էր տարածել, որում իր վճռական բողոքն էր հայտնում Պրահային ՝ կապված «անհիմն պատրվակներով» ձեռնարկված քայլի հետ:

Չեխիայի վարչապետն էլ իր հայտարարություններում պնդում է՝ ռուսական հատուկ ծառայություններն անմիջական կապ ունեն զինամթերքի 2 պահեստների պայթեցման հետ՝ 2014 թվականի հոկտեմբերի 16-ին ու դեկտեմբերի 3-ին, Վրբետիցայում:

Չեխիայի ոստիկանությունը հետախուզում է հայտարարել ռուս Ալեքսանդր Պետրովի ու Ռուսլան Բոշիրովի նկատմամբ՝ ծանր հանցագործությունների քննության շրջանակում:

Վարչապետ Բաբիշչն ասել է, որ Չեխիայի կառավարությունը պատրաստ է գաղտնազերծել Վրբետիցայում տեղի ունեցած միջադեպին ռուսական հատուկ ծառայությունների ներգրավման վերաբերյալ փաստաթուղթը: Միևնույն ժամանակ, Յան Համաչեկն էլ ասել է, որ իշխանությունները չեն պատրաստվում Ռուսաստանին տրամադրել հետաքննության վերաբերյալ բոլոր տեղեկությունները:

Դրանից հետո վարչապետը փոփոխել է իր հայտարարությունը ՝ նշելով,  որ Չեխիայի անվտանգության և տեղեկատվության ծառայության զեկույցը Վրբետիցայի  ռմբակոծությունների վերաբերյալ «չի կարող հրապարակվել» ՝ ազգային անվտանգության նկատառումներից ելնելով: Նա պարզաբանել է, որ զինամթերքի պահեստներում տեղի ունեցած պայթյունները պետական ահաբեկչության գործողություն չեն:

Ըստ Բաբիշի, Չեխիան «իրավական քայլեր» է նախապատրաստում 2014 թվականին պատճառված նյութական վնասի փոխհատուցում պահանջելու համար:

Երկրի փոխվարչապետն իր հերթին հայտարարել է, որ պայթյունը պետք է տեղի ունենար դեկտեմբերի 3-ին Բուլղարիայում, որտեղ սպասվում էր զենքի և զինամթերքի առաքում:

Այս ամենի համատեքստում Պրահայում Ռուսաստանի դեսպանատան շենքի մոտ բախում է տեղի ունեցել  Ռուսաստանի կողմնակիցների և հակառակորդների միջև: Ավելի վաղ անհայտ անձանց կողմից Ռուսաստանի դեսպանատան պատերը ներկել են կետչուպով:

Չեխական աղբյուրների համաձայն, Բրնո և Կառլովի Վարի քաղաքներում Ռուսաստանի դեսպանատան և Ռուսաստանի երկու գլխավոր հյուպատոսությունների աշխատակիցները բաղկացած են 140 դիվանագետներից և տեխնիկական անձնակազմից:• Համաչեկը տվել է Պրահայից բոլոր ռուս դիվանագետներին վտարելու թույլտվություն, սակայն առայժմ բոլորը չէ, որ վտարված են:

ՌԴ ԱԳՆ-ն էլ որոշում է կայացրել, որ Ռուսաստանում է մնալու ընդամենը 5 չեխ դիվանագետ: Այս որոշման մասին հրապարակումից հետո Չեխիայի խորհրդարանի Պատգամավորների պալատի Պաշտպանության կոմիտեն կոչ է արել ավելի կրճատել  հանրապետությունում Ռուսաստանի դեսպանատան աշխատողների թվաքանակը:

Մոսկվայում Չեխիայի դեսպան Վիտեսլավ Պիվոնկան կանչվել է Ռուսաստանի արտաքին գործերի նախարարություն: Պիվոնկան հայտարարել է, որ տեղեկացված է չեխ  դիվանագետների արտաքսմանն ուղղված միջոցառումների, չեխ-ռուսական փոխադարձ քայլերի մասին:

Կրեմլը կտրականապես համաձայն չէ չեխական կողմի եզրակացություններում Վրբետիցայում տեղի ունեցած պայթյունին ռուսական հատուկ ծառայությունների ենթադրյալ մասնակցության վերաբերյալ հրապարակումների  հետ: ԱՅս մասին ասել է ՌԴ նախագահի մամուլի քարտուղար Դմիտրի Պեսկովը:

 Ռուսաստանի արտաքին գործերի նախարարության խոսնակ Մարիա Զախարովան ասել է, որ Պրահան տեղյակ է այն հետևանքների մասին, որոնք կարող են լինել ռուս դիվանագետների արտաքսման հետ կապված: Նա նաև նշել է, որ Արևմուտքը ցանկանում է «արգելափակել» տեղեկատվությունը Բելառուսում սպասվող պետական հեղաշրջման մասին Պրահայից ռուս դիվանագետների արտաքսման մասին հայտարարություններով:

Այսօր հայտնի է դարձել, որ Ռուսաստանի նախագահ Վլադիմիր Պուտինը չի պատրաստվում բանակցություններ վարել Չեխիայի ղեկավարության հետ: