Այստեղ անելիքներ ունեն նաեւ ուժային կառույցները. Արամ Խաչատրյանը՝ Լոռիում տիրող նախընտրական մթնոլորտի մասին

Հունիսին կայանալիք ԱԺ արտահերթ խորհրդարանական ընտրություններին մնացել է մոտ մեկ ամիս: ՀԺ-ն Լոռու մարզպետ, «Քաղաքացիական պայմանագիր» կուսակցության տարածքային կառույցի ղեկավար Արամ Խաչատրյանի հետ խոսել է կուսակցության շանսերի ու մարզում տիրող նախընտրական մթնոլորտի մասին:

- Պարոն Խաչատրյան, սպասվող  արտահերթ ընտրություններում «Քաղաքացիական պայմանագիր» կուսակցության համամասնական ցուցակով մասնակցելու՞ եք :

- Այդ հարցը դեռ չի քննարկվել: Կան ընթացակարգեր, երբ-որ կլինի քննարկում ու որոշում, բոլորդ կիմանաք այդ մասին:

- Ինչպե՞ս եք գնահատում կուսակցության շանսերը Լոռու մարզում:

- Կուսակցության շանսերը շատ բարձր եմ գնահատում, եւ այս իմ խոսքերը հաստատելու համար դուք ինքներդ կարող եք շրջել մարզի համայնքներով, զրուցել բնակիչների հետ ու համզովել, որ մեր շանսերը բարձր են:

- Օրեր առաջ մամուլի ասուլիսի ժամանակ հայտարարեցիք, որ որոշ ուժեր արդեն իսկ սկսել են պաշտոններ խոստանալ, ինչ-որ գործարքներ առաջարկել բնակչությանը, անուններ կնշե՞ք:

-Այո, նման տեղեկություններ կան, բայց թույլ տվեք դեռեւս անուններ չհնչեցնել: Նրանք իրենց սովորության համաձայն փորձում են մարդկանց պաշտոններ առաջարկել, գործարքների մեջ ներքաշել, բայց ամեն ինչ վերահսկողության տակ է եւ հիմա այդ մեթոդներով իրենք հաջողության չեն հասնի: Մենք թույլ չենք տա, ժողովուրդն էլ նման գործարքների չի գնա:

-Ինչ ասել է՝ ամեն ինչ վերահսկողության տակ է:

-Մենք տիրապետում ենք ինֆորմացիաներին, այստեղ անելիքներ ունեն նաեւ ուժային կառույցները, եւ երրորդ՝ մեր տեղեկություններով, մարդիկ կան, ովքեր անգամ թույլ չեն տալիս, որ այդ խոսակցությունները զարգացումներ ունենան:

- Ինչպե՞ս եք գնահատում մարզից ռեյտինգային կարգով ընտրված ձեր կուսակիցների այս տարիների աշխատանքը թե որպես կուսակից, թե որպես մարզի ղեկավար:

- Լավ եմ գնահատում, բայց վերջնական գնահատական տվողը դա ժողովուրդն է, եւ ես վստահ եմ, որ իմ գործընկերներն էլ կընդգրկվեն մեր համամասնական ցուցակում եւ իրենց գնահատականը ընտրությունների ժամանակ կտամ: 

- Ըստ Ձեզ՝ ռեյտինգայինով, թե համամասնական ընտրակարգով էր ճիշտ կազմակերպել այս ընտրությունը:

- Երկուսն էլ ունեն դրական ու բացասական կողմերը, բայց նախկինում էլ, շատ քաղաքական ուժեր, նաեւ ներկայիս խորհրդարանական ու արտախորհրդարանական ուժերը հայտարարել են, որ ճիշտը համամասնական ցուցակն է, ու դա հաշվի առնելով, մեր քաղաքական թիմը գնաց ընդառաջ: Եւ երկրորդ՝ ժողովուրդը պետք է ընտրի ոչ թե անհատի, այլ քաղաքական ուժի:

- Նախորդ ընտրությունների ժամանակ դուք մարզում ամենաշատ ձայները հավաքեցիք: Շրջանառվող լուրերի համաձայն՝ Ձեր ու ձեր շատ կուսակիցների՝ առավել ձայներ հավաքելու մեջ մեծ էր Նիկոլ Փաշինյանի դերը: Ինչ հույսեր ունեք այս ընտրություններից:

- Ես վստահ եմ՝ այսօր էլ Նիկոլ Փաշինյանի հեղինակությունը շատ բարձր է, եւ մեզ շատ բարձր քվեներ կտան: Թող անհամեստ չթվա, բայց մենք նաեւ Երեւանում ու մարզերում ունենք այլ գործընկերներ, ովքեր տեղերում էլ ունեն մեծ հարգանք, ինչի արդյունքում էլ մեծ քվե կունենանք:

- Խոսակցություններ կան, որ իշխանությունը վարչական ռեսուրս է կիրառելու, ինչ կասեք մարզի մասով:

- Նման խոսակցություններ եղան նաեւ 2018թ-ի ընտրություններից առաջ, բայց բոլորս գիտենք, որ ոչ մի ռեսուրս չկիրառվեց, դրա կարիքը պարզապես չկար, հիմա էլ նույնպես դրա կարիքը չկա, տեղի է ունենալու ազատ, արդար ու թափանցիկ ընտրություններ:

- 2018 թ-ից հետո Լոռիում մի շարք գործարաններ են փակվել, գործազրկությունն ու աղքատությունը մեծացել է, սա չի՞ անդրադառնա ընտրական պրոցեսների վրա:

- Այո, ինչ-որ տեղ նաեւ աշխատատեղեր են կրճատվել, բայց մասնավոր սեկտրում նաեւ աշխատատեղեր են բացվել: Կառավարությունը աշխատատեղ չի բացում, նա միջավայր է ստեղծում ներդրողների համար: Օրինակ՝ «Գլորիա» կարի ֆաբրիկան աշխատատեղեր է ավելացրել, նույնը՝ «Թեղուտ» ընկերությունը: Այս տարի նաեւ նախադեպը չունեցող սուբվենցիոն ծրագրեր ենք իրականացնելու, որը նույնպես իր հերթին նոր աշխատատեղեր կստեղծի:

- Վերջերս հայտարարեցիք, որ որոշ մարդիկ ու ուժեր փորձել են հատել «կարմիր գիծը»:

-Այո, ասել եմ, եւ հաստատում եմ, հիմա նրանք ուզում են դարձի գալ, բայց այլեւս շատ ուժ է, ներում չի լինելու: Ավելացնելու բան դեռեւս չունեմ:

Տպել
4673 դիտում

Բավական է խայտառակեք Եվրամիությունը, մեզ ադրբեջանական գազ պետք չէ․ Անն-Լոուրենս Պետել

«Սուրբ Գրիգոր Լուսավորիչ» բժշկական կենտրոնում գլխուղեղի սուր իշեմիկ կաթվածի բուժման կենտրոն կբացվի

Ծաղկաձորի դպրոցի աշակերտներն այցելել են ԱԺ, հանդիպել իրենց դպրոցի շրջանավարտ, պատգամավոր Վաղարշակ Հակոբյանի հետ

Հանրային սննդի վայրերում շարունակում են ծխել, պատասխանատվության ենթարկելու գործիքը չի աշխատում. Արսեն Թորոսյան

Գյումրեցի մի քանի տղամարդ կողոպտել է զբոսաշրջիկներին, տարել՝ գումար. նրանք հայտնաբերվել են, մեկը ավագանու անդամ է

ՃՏՊ Կոշ գյուղի մոտակայքում

«Խաղաղապահին մեջտեղից հանել են, «խեղճ» Ալիևին էլ հանեն, տակը մնան Փաշինյանն ու հայ զինվորը». Ստյոպա Սաֆարյան

Գետնանցումում նկարների տեղադրումը լավ գաղափար է, բայց գրված չեն հայ մեծերի անունները․ Սարգսյանն առաջարկել է ավելացնել

Հայ առաքելական եկեղեցին այսօր նշում է Սուրբ Սարգիս զորավարի տոնը

Հայաստանում տարեկան արձանագրվում է քաղցկեղի շուրջ 7700 նոր դեպք. աճել է ստամոքսի և կոլոռեկտալ քաղցկեղի դեպքերի թիվը

Ճարտարագիտության ամառային դպրոցի 2 մասնակից կվերապատրաստվի Հռոմում

Մաստարա-Լանջիկ ավտոճանապարհը դժվարանցանելի է բոլոր տեսակի տրանսպորտային միջոցների համար

Գյումրու հեքիաթային ձմեռը (լուսանկարներ)

Աշխարհն ականատես կլինի հայերի ևս մեկ ցեղասպանության, որն այս անգամ կանխարգելելի է․ Լեմկինի ինստիտուտն ահազանգ է հնչեցրել

Իհարկե, դատական համակարգում գուցե լինեն նշանակումներ, որ մտահոգություններ կառաջացնեն. հարցազրույց Գրիգոր Մինասյանի հետ

Գյումրու Բարեկամության այգին տարածաշրջանի հյուսիսային հանգույցը կդառնա․ այսօր բացվեցին սահադաշտն ու Վերնիսաժը

Ալեն Սիմոնյանը նոր խորհրդական ունի

Լավրովը չի համակերպվում, որ ՀՀ ԱԳ նախարարն իր ենթական չէ, դրա համար էլ կիսագողական բառապաշարով է խոսում. Իոաննիսյան

ՌԴ դեսպանը Ջերմուկում դիտարկել է քաղաքին հարակից այն հատվածները, որտեղ այժմ տեղակայված է Ադրբեջանի ԶՈՒ-ն

Հրեա ծայրահեղականները հերթական հարձակումն են գործել Երուսաղեմի եկեղեցիներից մեկի վրա՝ փորձելով այն հրկիզել

Եթե 7-րդ գումարման ԱԺ-ն իրավաքաղաքական գնահատական տար Քոչարյանին, Սարգսյանին, այլ քաղաքական միջավայր կլիներ․ Բաբաջանյան

ՀՀ քաղաքացիները երբ կկարողանան ID քարտով Վրաստան և առանց մուտքի վիզայի Արաբական Միացյալ Էմիրություններ այցելել․ ԱԳՆ

Ունենալ պահանջարկ, քիչ աշխատել և շատ վաստակել. ՀՀ-ում մասնագիտություն-աշխատաշուկա «առճակատում» կա

Կալանավորվել է «օրենքով գող» Գևորգ Իսրայելյանը. նա մեղադրյալ է նաև Արարատ Միրզոյանի հանդեպ բռնության գործով

Converse Business. հավելված Կոնվերս բանկի իրավաբանական անձ հաճախորդների համար

Երկրապահները` Ազատամարտի հաղթանակը կռողները, նույն ոգով շարունակում են պայքարը․ ԵԿՄ են այցելել դպրոցականները

Սրբազանի կողմից իշխանությանն Ադրբեջանի հետ գործարքների մեջ մեղադրելն անակնկալ անվանելը ճոխություն կլինի․ Սարուխանյան

«Վստրեչի Ապեր» մականունով հայտնի Արամ Վարդանյանին պատկանող մի շարք գույքերի բռնագանձման պահանջ է ներկայացվել․ «Հետք»

Կաշառքի դիմաց զորակոչիկին զինծառայությունից տարկետում տրամադրելու փաստով քննվող վարույթի շրջանակում 5 անձ է ձերբակալվել

Հայտնի է ԱԺ աշխատակազմի նոր ղեկավարի անունը

Վահան Նարիբեկյանն ազատվել է ԱԺ աշխատակազմի ղեկավարի պաշտոնից

Շիրակի մարզպետը պատասխանատուների հետ քննարկել է սուբվենցիոն ծրագրերի ընթացքը, հորդորել լինել առավել կառուցողական

Ընդդիմության հին ու չարչրկված սցենարով հերթական արարի ականատեսն ենք, պարոնա՛յք, հանդիսատեսը հոգնել է․ Նազելի Բաղդասարյան

ՔՊ խմբակցության պատգամավորները Մայքլ Սեսիրին ներկայացրել են Լաչինի միջանցքի արգելափակման հետեւանքով ստեղծված իրավիճակը

Համաշխարհային բանկը պատրաստակամություն է հայտնել շարունակել ընթացիկ համագործակցությունը Հայաստանի հետ

Գյումրու փոխքաղաքապետի պաշտոնը 5 ամիս է՝ թափուր է. Վահագն Ալեքսանյանը վստահեցնում է՝ տեսանելի ապագայում նշանակում կլինի

Ոստիկանության կոլեգիալ նիստում 2023-ը հայտարարվել է թմրամիջոցների դեմ պայքարի և ապօրինի զենք-զինամթերքի առգրավման տարի

Սահմանադրական բարեփոխումների խորհրդի որոշմամբ՝ հանձնաժողովի անդամներ են ընտրվել Ռաֆիկ Գրիգորյանը և Դավիթ Հակոբյանը

Կայացել է Արամ Խաչատրյանի 120-ամյակի կազմակերպման աշխատանքներով զբաղվող հանձնաժողովի նիստը

ՀՀ կառավարությունը գնահատում է Ֆրանսիայի հանձնառությունը՝ Հայաստանի հետ տնտեսական համագործակցության զարգացման հարցում