ԱՄՆ-ն արգելափակել է իսրայելա-պաղեստինյան հակամարտության հարցով ՄԱԿ-ի Անվտանգության խորհրդի հանդիպումը

Վաշինգտոնը արգելափակել է ՄԱԿ-ի Անվտանգության խորհրդի բաց հանդիպումը Պաղեստինի և Իսրայելի միջև հակամարտության սրացման վերաբերյալ մայիսի 14-ին և առաջարկում է նման հանդիպում անցկացնել մայիսի 18-ին: Այս մասին նշված է Անվտանգության խորհրդի նախագահին ուղղված ԱՄՆ մշտական առաքելության նամակում: 

«ԱՄՆ-ը չի կարող աջակցել բաց հանդիպմանը ուրբաթ՝ մայիսի 14-ին, տեսակապի ձևաչափով՝ շարունակական ակտիվ դիվանագիտական ջանքերի, այդ թվում նաև մեզ համար ամենաբարձր մակարդակի վրա: Կարծում ենք, որ վաղը (մայիսի 14-ին)նախատեսված բաց հանդիպումը չի աջակցի դեէսկալացման ջանքերին»,-ասվում է փաստաթղթում:

«ԱՄՆ-ը կաջակցի բաց հանդիպման նախաձեռնությանը մայիսի 18-ին», - հավելել է դիվանագիտական առաքելությունը: Նրանք նշել են, որ Վաշինգտոնը հույսը դնում է Անվտանգության խորհրդի մյուս անդամների աջակցության վրա «բռնություններին վերջ տալու միջոց գտնելու հարցում»:

Ավելի վաղ Չինաստանի մշտական առաքելությունը հաստատել էր, որ մայիսի 14-ի հանդիպումը չի կայանա, «քանի որ Անվտանգության խորհրդի անդամները չէին կարողացել կոնսենսուսի գալ դրա անցկացման վերաբերյալ»:

Հանդիպումների վիրտուալ ձևաչափի պատճառով Անվտանգության խորհուրդը չի կարող նիստի օրակարգում անցկացնել քվեարկության ընթացակարգ: Այսպիսով, միայն մեկ երկրի առարկությունն իրականում վետո է դնում թեմայի քննարկման վրա: Դեմ առ դեմ ձևաչափով քննարկումների արգելափակումը հնարավոր կլինի միայն 15 երկրների մեծամասնության քվեարկությամբ: Ռուսաստանը բազմիցս կոչ է արել վերադառնալ ՄԱԿ-ի Անվտանգության խորհրդի նիստերը դեմ առ դեմ անցկացնելու ձևաչափին:

Ավելի վաղ, դարձյալ Միացյալ Նահանգների դիրքորոշման պատճառով, ՄԱԿ-ի Անվտանգության խորհուրդը երկու փակ արտակարգ նիստերում չի կարողացել համաձայնության գալ համատեղ հայտարարության շուրջ, որը կոչ էր անում թուլացնել լարվածությունը: Վաշինգտոնը պնդում է, որ փաստաթուղթը միակողմանիորեն դատապարտում է արմատական պաղեստինյան Համաս շարժման գործողությունները:

Միաժամանակ, իրադարձություններն Իսրայելում ու Պաղեստինում մնում են անփոփոխ, հեռավար ռազմական գործողությունները շարունակվում են:

Իսրայելի պաշտպանության նախարար Բենի Հանցը այսօր հրահանգել է Իսրայելի պաշտպանության ուժերին կանչել 9000 պահեստազորայինների:

Ավելի վաղ իսրայելական բանակի պաշտոնական ներկայացուցիչ, բրիգադային գեներալ Խիդեյ Զիլբերմանը հայտարարել էր, որ բանակը «պատրաստ է ցանկացած պահի ցամաքային գործողություն սկսել, բոլորը մարտական տրամադրությամբ են», բայց առայժմ հրաման չեն ստացել:

Ըստ The Jerusalem Post թերթի, ցամաքային գործողության ծրագիրը նախատեսվում է Գլխավոր շտաբի պետ Ավիվ Քոչավիին ներկայացնել այսօրվա  ընթացքում: Մի քանի բրիգադ արդեն տեղակայվել է հատվածի սահմաններին ՝ դեսանտայիններ, հետևակայիններ ու զրահատանկային ստորաբաժանումներ:

Վերջին մեկ օրվա ընթացքում իսրայելական բանակը ուժեղացրել է Գազայի հատվածում ՀԱՄԱՍ շարժման թիրախների գնդակոծումը: Գազայի հատվածում հարվածներ են հասցվել Ֆինանսների նախարարության շենքերի և Իսլամական ազգային բանկի գրասենյակի՝ տեղեկայված Գազա քաղաքում: Չորեքշաբթի օրը Ալ-Շուրուկ անկլավի ամենաբարձր շենքերից մեկը ոչնչացվել է այն հատվածում, որտեղ տեղակայված էին մի շարք լրատվամիջոցների և ընկերությունների գրասենյակներ, առևտրային խանութներ և բնակարաններ:

Ինչպես հայտնել են զինվորականները, հարվածները հասցվում են հնարավորինս ճշգրիտ, տեղական բնակչությունը ստանում է վաղ նախազգուշացումներ այն կետերի վերաբերյալ, որտեղ հարված կհասցվի, բանկիչները տարհանվում են՝ նախքան հարվածները: Իսրայելցի զինվորականները կարծում են, որ Գազայի տարածքում գտնվող շատ քաղաքացիական վայրեր Համասը օգտագործում է ռազմական նպատակներով:

Times of Israel-ը հայտնում է, որ Իսրայելի Պաշտպանության ուժերը որոշում են կայացրել արտակարգ դրության ռեժիմը երկարացնել երկրի այն շրջաններում, որոնք գտնվում են Գազայի հատվածից գնդակոծման սպառնալիքի տակ: Արտակարգ դրությունն առայժմ կպահպանվի մինչև մայիսի 15-ի երեկոյան:

Արտակարգ դրությամբ պայմանավորված, երկրի հարավային և կենտրոնական շրջաններում, ինչպես նաև Թել Ավիվի մարզում բնակվող քաղաքացիներին արգելվում է հավաքվել ներսում և դրսում  խմբերով: Մարդկանց բազմության առավելագույն թիվը 10-ն է:

Ուսումնական հաստատություններում դասերը չեղյալ են հայտարարվել: Այցելել աշխատատեղեր թույլատրելի է միայն այն դեպքում, եթե դրանց գտնվելու վայրը թույլ է տալիս արագորեն հասնել տեղում առկա կամ մոտակա ռմբապաստարան:

Գազայի հատվածը վերահսկող «Իզադդին ալ-Քասամ» բրիգադները հայտարարել են Իսրայելի հարավային քաղաքների ուղղությամբ նոր հրթիռներ արձակելու մասին: Այդ մասին հաղորդում է Է Dunia Al Watan ռադիոկայանը:

Տեղական ժամանակով ժամը 18: 00-ին  արձակվել են մի քանի հրթիռներ, այդ թվում ՝ Նետիվոտ և Բիր Շեվա քաղաքների ուղղությամբ: Ըստ ռադիոկայանի, հարվածների նոր շարքը ՀԱՄԱՍ-ի պատասխանն էր իր զինյալների, ինչպես նաև իսրայելական հրթիռակոծությունից հետո ափամերձ անկլավում խաղաղ բնակչության շրջանում զոհերին:

Ավելի վաղ ՀԱՄԱՍ գրոհային թևը հայտարարել էր պայթուցիկներով լցոնված Shihab անօդաչու թռչող սարքերի օգնությամբ Միջերկրական ծովում գազի պլատֆորմի վրա հարձակման մասին:

Երկուշաբթի օրվանից սկսած, հրթիռների փոխանակումը շարունակվում է Իսրայելի և Գազայի հատվածի միջև ՝ մայիսի սկզբին տեղի ունեցած անկարգություններից հետո Արևելյան Երուսաղեմի Ալ-Աքսա մզկիթի մոտ, որտեղ վերջին օրերին վիրավորվել է ավելի քան 700 մարդ:

Տեղի առողջապահության նախարարությունը հայտնում է, որ 87 պաղեստինցիներ, այդ թվում 18 անչափահաս և ութ կին է զոհվել այս օրերի գործողությունների ընթացքում: Մոտ 530 մարդ վիրավորվել է: Միևնույն ժամանակ, հաղորդվում է, որ պաղեստինյան արմատականների հարվածները իսրայելական մի շարք քաղաքնեում վեց իսրայելցու մահվան պատճառ են դարձել:

Իսրայելը հայտարարել է՝ ռազմաօդային ուժերը հարվածներ են հասցնում ՀԱՄԱՍ գրոհային թևի հրամանատարների չորս բնակատեղիներին: