ԵՄ-ն Եվրոպա կթողնի միայն պատվաստում ստացած զբոսաշրջիկներին. աշխարհում վարակման դեպքերը նվազում են

Ամբողջ աշխարհում այս ամսվա ընթացքում պատվաստումներն ինտենսիվ կերպով են ընթանում, ինչով պայմանավորված, աշխարհում սկսել է նվազել կորոնավիրուսով վարակվածության ցուցանիշը:

Ըստ Ջոն Հոփքինսի անվան հետազոտական համալսարանի տվյալների, համաճարակի սկզբից ի վեր աշխարհում վարակվել է շուրջ 164,3 միլիոն մարդ: Մոտ 145 միլիոն մարդ լիարժեք ապաքինվել է, 3.4 միլիոն մարդ՝ մահացել:

Ավելի քան 1,5 միլիարդ մարդ արդեն պատվաստվել  է:

Եվրամիության երկրների ներկայացուցիչները այս երկուշաբթի հավանություն են տվել Եվրահանձնաժողովի առաջարկին՝ երրորդ երկրներից զբոսաշրջիկների մուտքի արգելքի և Եվրոպայի տարածք մուտքի նոր կանոնների մասին: ԵՄ երկրներ մուտք գործելու կարանտինային խիստ կանոնները մեղմացվելու են տուրիստական սեզոնի համար:

Ներկայումս միայն 7 երկրների, այդ թվում ՝ Ավստրալիայի, Իսրայելի և Սինգապուրի քաղաքացիներին է թույլատրվում մուտք գործել Եվրոպա առանց կարանտինի և հիմնավոր պատճառների՝ անկախ նրանց պատվաստված լինելու հանգամանքից:

BBC-ն գրում է, որ ամռանն ընդառաջ Եվրոպայում որոշում են, որ պետք է ընդունել բոլոր այն զբոսաշրջիկներին, ովքեր ստացել են Եվրահանձնաժողովի կողմից հաստատված պատվաստանյութերից մեկով պատվաստում: Այսօր կա 4  նման պատվաստանյութ, որը հաստատված է Եվրամիության կողմից: Դդրանք են BioNtech-ը և Pfizer-ը, AstraZeneca-ն, Moderna-ն և Johnson & Johnson-ը:

Դեռևս գնահատման փուլում են չինական արտադրության Sinovac-ը և ռուսական Sputnik-V-ն:

Պատվաստված զբոսաշրջիկներին ընդունելուց բացի, Եվրամիությունը ցանկանում է ավելի մեղմացնել վարակման առումով ապահով համարվող երկրների ցանկում ընդգրկելու համար պահանջները: Այդ երկրներից բույնպես զբոսաշրջիկները կընդունվեն  համեմատաբար ազատ օայմաններով:

Reuters-ի աղբյուրների համաձայն, հիմնական չափանիշը կլինի կոնկրետ երկրից ժամանումից 14 օր առաջ այդ երկրում 100 հազար մարդու հաշվարկով դիտարկված վարակի դեպքերի թիվը: Բացի այդ, ապահով երկրների ցուցակում ընդգրկված երկրներում  վարակվածության ընդհանուր թիվը պետք է կայունորեն ընկնի տևական ժամանակ:

Այս երկրների վերջնական ցուցակը կազմվելու է այս շաբաթվա վերջին կամ հաջորդ շաբաթվա սկզբին:

Հնդկաստանի հիվանդանոցները բախվել են Amphorecithin B հակասնկային դեղամիջոցի սակավության հետ, որն օգտագործվում է մուկորմիկոզի բուժման համար: Դա ստերոիդների հետ կապված վարակ, է  որն ակտիվորեն զարգանում է  Covid-19- ի պայմաններում: կորոնավիրուսի հնդկական շտամի դեպքում այն որոշ դեպքերում հանգեցրել է անգամ կուրության:

Սովորաբար, բորբոսային վարակը վտանգավոր չէ, բայց թույլ իմունային համակարգ ունեցող մարդկանց համար, ինչպիսիք են շաքարախտը, քաղցկեղը կամ ՄԻԱՎ / ՁԻԱՀ-ը, դա կարող է մահացու վտանգ ներկայացնել ՝ ազդելով քթի լորձաթաղանթի, թոքերի և նույնիսկ ուղեղի վրա:

Մահարաշտայի նահանգի առողջապահության նախարար Ռաջեշ Թոփը անցյալ շաբաթ ասաց, որ նահանգում գրանցվել է սնկի մոտ 1500 դեպք: Վերջին մեկ ամսվա ընթացքում Գուջարաթի նահանգի իշխանությունները խոսում են 900 դեպքերի մասին: Ուտար Պրադեշում խոշոր դեղատան սեփականատերը BBC-ին հայտնել է,  որ դեղամիջոցը, որը նախկինում ձեռք բերման հետ կապված խնդիրներ չուներ, այժմ դժվար է գտնել: Մոտ երեք շաբաթ առաջ դրա պահանջարկը կտրուկ աճել է:

Ֆրանսիայում այսօրվանից աշխատանքի են վերադառնում սրճարանները, բարերը, խանութները, պատկերասրահներն ու կինոթատրոնները: Երկիրը մեղմացնում է կարանտինի պայմանները:

Այսուհետ մինչև 6 հոգանոց խմբերի թույլատրվում է հանդիպել սրճարանների և ռեստորանների բացօթյա հատվածներում: Անցյալ տարվա դեկտեմբերին սահմանված պարետային ժամը հետաձգվել է՝ սահմանվելով երեկոյան 7-9-ը:

Երկրում վարակման նոր դեպքերի թիվը օրական հասնում է մոտ 13 հազարի վրա: Միայն ապրիլի սկզբին այս թիվը գերազանցում էր 40 հազարը:

Այնուամենայնիվ, Ֆրանսիայում շատ սահմանափակումներ մնում են ուժի մեջ:

Բարերը և ռեստորանները չպետք է այցելուներին տեղավորեն հաստատության ներսում, իսկ դրսի սեղանները չպետք է ծանրաբեռնված լինեն 50%-ից ավելի: Կինոթատրոններին և այլ նմանատիպ հաստատություններին թույլատրվում է դահլիճները լցնել միայն 35% -ով:

Ֆրանսիան կարանտինի սահմանափակումները սկսել է թուլացնել մայիսի 3-ին, երբ քաղաքացիներին թույլատրվեց լքել քաղաքները առանց հատուկ փաստաթղթերի, և ավագ դպրոցները վերաբացվեցին:

 Հունիսի վերջին կառավարությունը նախատեսում է ամբողջությամբ վերացնել գիշերային պարետային ժամը:

Համաճարակի սկզբից մինչ օրս երկրում 5,9 միլիոն մարդ վարակվել է վիրուսով, 108 հազարը մահացել են:

Մալավիի Աֆրիկյան Հանրապետությունում պետական պաշտոնյաները հրկիզել են AstraZeneca պատվաստանյութի ժամկետանց 19,610 դոզան ՝ քաղաքացիներին ցույց տալու համար, որ ժամկետանց դեղերով չեն պատվաստվելու:

Մալավին դարձել է աֆրիկյան առաջին երկիրը, որ գնացել է նման հասարակական քայլի: Առողջապահության նախարարության ղեկավար Խումբիձե Չիպոնդան լուսանկարվել է ՝ փակելով վառարանի դուռը:

ԱՀԿ-ն ի սկզբանե խորհուրդ չէր տալիս ոչնչացնել պատվաստանյութերի ժամկետանց դոզաները, բայց հետագայում փոխել է իր դիրքորոշումը:

Մարտի 26-ին Մալավին Աֆրիկյան միության միջոցով ստացել է 102,000 դոզա AstraZeneca պատվաստանյութ և օգտագործել դրա շուրջ 80% -ը, բայց մնացած մասը ապրիլի կեսերին դարձել է անօգտագործելի:

Իշխանությունները որոշել են հրապարակային այրելով ոչնչացնել դեղամիջոցը, որպեսզի մարդիկ չմտածեն, թե ժամկետանց պատվաստանյութերով են իրենց պատվաստելու:

Համաճարակի սկզբից ի վեր, Մալավին, իր 18 միլիոն բնակչությամբ, արձանագրել է 34,000 վարակման դեպք և կորոնավիրուսի հետ կապված 1,153 մահ: