Երևան
15 °C
«Սուր գաստրոէնտերիտ» նախնական ախտորոշմամբ Ինֆեկցիոն հիվանդությունների ազգային կենտրոնում հունիսի 8-ին հոսպիտալացված 11 երեխաներից 5-ը դուրս են գրվել: Երեխաներից 4-ը, որոնք գտնվում էին վերակենդանացման բաժանմունքում, այսօր դրական դինամիկայով տեղափոխվել են ինֆեկցիոն բաժանմունք: Հիմա ստացիոնարում բուժումը շարունակում է 6 երեխա, որոնց վիճակը գնահատվում է բավարար: Այս մասին մեզ ասաց «Ինֆեկցիոն հիվանդությունների ազգային կենտրոնի» բուժական գծով փոխտնօրեն Նաիրա Ստեփանյանը:
Նրա հաղորդմամբ՝ բոլոր երեխաները շատ լավ են, բաժանմունքը կարծես դարձել է մանկապարտեզ. երեխաները խաղում են, նորմալ կերել են, ամեն ինչ լավ է:
Հիշեցնենք, որ երեկ «Վիննի Պուխ և ընկերներ» մասնավոր մանկապարտեզի 11 սան սրտխառնոց, փսխում և ընդհանուր թուլություն ախտանշաններով տեղափոխվել էր «Ինֆեկցիոն հիվանդությունների ազգային կենտրոն»։
«Ի սկզբանե ռեանիմացիոն միջոցառումների կարիք չի եղել, եղել է ինտենսիվ թերապիայի կարիք՝ 4 երեխաների վիճակը բարելավելու համար: Բոլոր կրիտերիաներով այժմ կատարվում են համապատասխան միջոցառումներ: Այս պահին շատ մանրակրկիտ կատարվում է նաև էպիդեմիոլոգիական հետազոտություն, և դա ոչ միայն մեր՝ հիվանդանոցի բուժող բժիշկների, այլև հիվանդությունների վերահսկման և կանխարգելման ազգային կենտրոնի աշխատակիցների միջոցով»,- ասաց Նաիրա Ստեփանյանը, ապա հավելեց, որ բակտերիոլոգիական հետազոտության արդյունքները դեռևս չկան, դրանք փակ հետազոտություններ են, որոնք ժամանակ են պահանջում. իրականացվում են թե՛ հիվանդանոցի լաբորատորիայում, թե՛ հիվանդությունների վերահսկման և կանխարգելման ազգային կենտրոնի լաբորատորիայում:
Մեր այցելության ժամանակ հիվանդանոցի բակում հանդիպեցինք երեխաների ծնողներից մեկին, ով նշեց, որ մանկապարտեզում երեխաների վիճակը վատացել է նախաճաշից հետո:
Մանրամասնեց, որ ամեն շաբաթ մանկապարտեզը ծնողներին է ուղարկում շաբաթվա ճաշացանկը: Երեկվա ճաշացանկում, ըստ ծնողների, կասկածելին թթվասերն ու կաթնաշոռն են, որը երեխաները հենց նախաճաշին են կերել: Մեր զրուցակցի խոսքով, սակայն, մանկապարտեզի փոխտնօրենը բացառել է նման վարկածը՝ ասելով. «Այն մեզ մոտ Բիոկաթ արտադրատեսակի է, մեզ ամեն առավոտ հատուկ բերում են, մենք շոգեխաշում ենք, նոր ենք տալիս երեխաներին»:
Սակայն, ըստ ծնողի, ամենահավանական պատճառը հենց կաթնամթերքն է, որովհետև տաք եղանակին միայն այն կարող էր արագ թթվել:
Ծնողը զարմանք հայտնեց, որ նման դեպք հենց մասնավոր մանկապարտեզում է եղել, որտեղ «ամսական 80 հազար դրամ են տալիս, մեկ էլ զանգում, ասում են՝ երեխան սիստեմայի տակ պառկած է» եւ դեռ ավելին՝ մանկապարտեզը բնականոն ձևով շարունակում է իր գործունեությունը:
Այցելելով մանկապարտեզ՝ մենք փակ դռների հանդիպեցինք: Մեկ ժամվա ընթացքում մեր առաջ դուռը ոչ ոք չբացեց, թեպետ երեխաներ, աշխատողներ ներսում կային: Դրանում մենք համոզվեցինք, երբ ծնողներից մեկը եկավ իր երեխային վերցնելու:
Առողջապահական տեսչական մարմնի լրատվական ծառայությունից մեզ հաղորդեցին, որ գործով վարույթ է հարուցվել, մինչ այդ այլ մանրամասներ չեն կարող հայտնել. միայն վարույթի ավարտից հետո պարզ կլինեն հետագա քայլերը: Ասացին նաև, որ քանի դեռ որոշում չկա, մանկապարտեզի գործունեությունը կասեցնելու մասին խոսք չի կարող լինել:
Սննդի տեսչական մարմնից ևս նշեցին, որ մանկապարտեզի գործունեությունն այս պահին դադարեցված չէ, քանի որ դեռ հայտնի չէ, թե ինչից է եղել թունավորումը, սակայն երեկվա սնունդը ամբողջապես հանվել է սննդակարգից, և մանկապարտեզում այն հիմա չեն օգտագործում:
«Երեկ՝ ահազանգը ստանալուց հետո, մենք անմիջապես գնացել ենք, բոլոր սննդամթերքներից նմուշառում ենք վերցրել, և դրանք տեղափոխվել են լաբորատոր փորձաքննության: Արդյունքները պարզ կլինեն նվազագույնը երեք օրից: Երեք օրից հետո, երբ հասկանալի լինի, թե ինչ խնդիր է եղել, այն ժամանակ նոր վերահսկողական գործողություններ կծավալվեն, ամբողջական ստուգումներ կլինեն մանկապարտեզում, որից հետո կորոշվի կասեցման կամ չկասեցման հարցը»,- ասացին սննդի տեսչական մարմնի լրատվականից:
Հավելեցին նաև, որ քանի դեռ փորձաքննության պատասխանը չկա, չեն կարող նաև կանխավարկած առաջ քաշել՝ այն կաթնամթերքի՞ց է, թե՞ ոչ:
Հարցին՝ իսկ կաթնամթերքի պիտանելիության ժամկետի հետ կապված խնդիրներ բացահայտվե՞լ են, տեսչական մարմնից մեզ վստահեցրին, որ եթե նման խնդիր լիներ, իրենք անմիջապես կհրապարակեին:
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ