Երևան
25 °C
Արմատական «Թալիբան» շարժման անդամներն այսօր հայտարարել են, որ իրենք վերահսկում են արդեն Աֆղանստանի 85% -ը: Երկրի հյուսիսում բախումներ են տեղի ունենում կառավարական ուժերի հետ, որոնք հարկադրաբար մուտք են գործում Տաջիկստանի տարածք: Իսկ Տաջիկստանը, ինչպես հայտնի է, պաշտոնապես տվել է իր սահմանները հատելու ու երկրում ապաստանելու թույլտվություն:
ՌԴ ԱԳՆ պաշտոնական ներկայացուցիչ Մարիա Զախարովան այսօր հայտնել է, որ «Թալիբներն» արդեն վերահսկում են Աֆղանստանի և Տաջիկստանի միջև սահմանային գծի մեծ մասը՝ շուրջ երկու երրորդը:
Արմատականները պնդում են, որ գրավել են Իրանի և Թուրքմենստանի հետ սահմանի կարևոր անցակետերը, դա հաստատում են աֆղանական մաքսատները, բայց Թեհրանի ՆԳՆ-ն հերքում է:
Աֆղանստանի կառավարությունը թալիբներին խաղաղության առաջարկներ է ներկայացրել, բայց նրանք մերժել են բոլոր առաջարկները:
Երկրում մարտերը շարունակվում են: Արմատականները հարձակվել են Աֆղանստանի մեծությամբ երկրորդ քաղաքի ՝ Կանդահարի թաղամասերից մեկի վրա: Այսօր այս մասին հայտնել է TOLOnews– ը՝ վկայակոչելով երկրի անվտանգության ուժերի աղբյուրին: Նրա խոսքով, հարձակվել են երկու անցակետերի վրա: Կանդահարի ոստիկանությունը հայտնում է, որ քաղաք են ժամանել լրացուցիչ օգնական ուժեր:
«Թալիբան» շարժման ներկայացուցիչները պնդում են, որ իրենք այժմ վերահսկում են Աֆղանստանի 398 վարչաշրջաններից 174-ը կամ տարածքի 85% -ը: Շարժումն իր հաջողությունները վերագրել է երկրի բնակչության կողմից աջակցությանը:
Թալիբները խոստացել են կանխել «Իսլամական պետությունից» Աֆղանստանում ահաբեկիչների ներկայությունը: Շարժումը հայտարարել է, որ ԱՄՆ-ին խոստումներ չի տալիս Աֆղանստանի նահանգային կենտրոնները չգրավելու մասին: Միևնույն ժամանակ, նրանք կարծում են, որ Վաշինգտոնը խախտել է բանտարկյալ զինյալներին ազատ արձակելու մասին համաձայնագիրը:
Ռուսաստանը և Տաջիկստանն ինտենսիվ աշխատանքային շփումներ են իրականացնում պաշտպանության գերատեսչությունների, սահմանային ծառայությունների և դիվանագիտական ուղիների հետ՝ սահամնային կայունության հասնելու համար: Միևնույն ժամանակ, պաշտոնական Մոսկվան անհրաժեշտ է համարել բանակցություններ վարել թալիբների հետ:
Աֆղանստանի նախագահ Աշրաֆ Հանին այցելել է Բաղրամ նահանգի ավիաբազա: TOLO News հեռուստաալիքը փոխանցում է, որ սա առաջնորդի առաջին այցն է ամենամեծ ավիաբազա այն բանից հետո, երբ ԱՄՆ-ի ու ՆԱՏՕ-ի ուժերը լքեցին այն: Հեռուստաալիքի տվյալներով՝ Հանին ամենապրոֆեսիոնալ մասնագետներին հանձնարարել է ղեկավարել բազայի տարածքում գտնվող բանտը:
Այն փաստը, որ ԱՄՆ-ի ու ՆԱՏՕ-ի ուժերը լքել են Բաղրամ քաղաքում գտնվող բազան, անցյալ շաբաթ հայտարարել է Պենտագոնը: Ամերիկյան մի շարք լրատվամիջոցներ հաղորդեցին, որ Աֆղանստանի իշխանությունները նախապես չեն նախազգուշացվել ամերիկյան բանակի դուրսբերման մասին:
Համա-աֆղանական ավագանին հրամայել է բանտից ազատել «Թալիբան» շարժման բոլոր անդամներին (գերիների կարգավիճակով կալանավորված): Խոսքը շարժման շուրջ 400 անդամների մասին է:
Այս որոշումը կայացվել է հանրապետության իշխանությունների և «Թալիբան» շարժման բանակցությունների մեկնարկի խոչընդոտները վերացնելու համար, որոնք պետք է անմիջապես սկսվեն:
«Պատվիրակների մեծ մասը կողմ է արտահայտվել բանտարկյալների ազատմանը ՝ Աֆղանստանում կայուն խաղաղություն ապահովելու համար», - մեջբերում է TOLO news-ը՝ վկայակոչելով ավահանու անդամներից մեկին:
Միևնույն ժամանակ, բանտարկյալները պետք է ազատ արձակվեն ազգային և միջազգային երաշխիքների համաձայն, որ նրանք երբեք բռնի կերպով չեն վերադարձվի բախումների գոտի: Ավագանու պատվիրակները նաև կոչ են արել հարևան երկրներին աշխատել Աֆղանստանի հետ խաղաղության հասնելու համար:
ԵՄ արտգործնախարարները կքննարկեն Աֆղանստանում տիրող իրավիճակը Բրյուսելում հուլիսի 12-ին կայանալիք ԵՄ խորհրդի նիստում, ինչպես նաև կքննարկեն Եվրամիության հնարավորությունն այդ երկրում խաղաղություն հաստատելու հարցում`այնտեղից արևմտյան ռազմական անձնակազմի դուրսբերումից հետո: Այս մասին այսօր հայտարարել է ԵՄ արտաքին ծառայության աղբյուրը:
«Նախարարները կքննարկեն Աֆղանստանում տիրող իրավիճակը: Մենք տեսնում ենք, որ «Թալիբան»շարժումը գործողություններ չի ձեռնարկում խաղաղ քաղաքական գործընթաց իրականացնելու համար: Նախարարները կքննարկեն ԵՄ հնարավորությունները՝ օգնելու խաղաղության հաստատմանը», - ասել է եվրոպացի դիվանագետը:
Աֆղանստանում տիրող իրավիճակով անհանգստացած են նաև ՄԱԿ-ում: Այս մասին ուրբաթ օրը ճեպազրույցում ասել է ՄԱԿ-ի Գլխավոր քարտուղարի պաշտոնական ներկայացուցիչ Ստեֆան Դյուժարիկը` մեկնաբանելով Թալիբանի կողմից մի շարք սահմանային անցակետերի գրավումը, այդ թվում՝ Իրանի և Տաջիկստանի հետ Աֆղանստանի սահմանին:
«Մենք շարունակում ենք մտահոգվել Աֆղանստանում ռազմական իրավիճակի և շարունակական մարտերի համար: Շատ կարևոր է, որ բոլոր կողմերը կրկնապատկեն իրենց ջանքերը համաձայնության հասնելու համար»-ասել է պաշտոնյան:
Պենտագոնի ղեկավար Լոյդ Օսթինը Թուրքիայի ազգային պաշտպանության նախարար Հուլուսի Աքարի հետ իր երկրորդ հեռախոսազրույցի ընթացքում, քննարկել է Աֆղանստանի մայրաքաղաք Քաբուլի օդանավակայանում անվտանգության ապահովումը Աֆղանստանից ամերիկյան զորակազմի դուրսբերման ֆոնին:
Հեռախոսազրույցի պաշտոնական հաղորդագրության մեջ ասվում է, որ կողմերը շարունակել են քննարկել «Աֆղանստանից զորքերի դուրսբերումը»: «Օսթինն ու Աքարը մտքեր են փոխանակել անվտանգության հարցերի շուրջ, պայմանավորվել են շարունակել համագործակցությունը Համիդ Քարզայի միջազգային օդանավակայանի վերաբերյալ համաձայնագրերի շուրջ»,-ասել է Պենտագոնի խոսնակը:
Հունիսի 14-ին Թուրքիայի նախագահ Թայիփ Էրդողանը հայտարարել է, որ ՆԱՏՕ-ի զորքերն Աֆղանստանից դուրս բերելուց հետո իր երկիրը պատրաստ է ԱՄՆ-ի ֆինանսական աջակցությամբ Աֆղանստանում պահպանել ռազմական զորակազմ: Ռուսաստանի արտգործնախարարության խոսնակ Մարիա Զախարովան նշել է, որ Քաբուլի օդանավակայանի անվտանգությունն ապահովելու Թուրքիայի առաջարկը հակասում է ԱՄՆ-ի և Թալիբանի կողմից ստորագրված Աֆղանստանից օտարերկրյա զորքերը դուրս բերելու մասին համաձայնագրին: Նման որոշումները պետք է կայացվեն հավասարակշռությամբ, ելնելով միջաֆղանական ազգային հաշտեցման գործընթացն առաջ տանելու նպատակներից, շեշտել է Զախարովան:
Բախումներն Աֆղանստանի կառավարական զորքերի և «Թալիբան» շարժման միջև թեժացան այն բանից հետո, երբ ապրիլի 14-ին ԱՄՆ նախագահ Ջո Բայդենը հայտարարեց, որ դադարեցնելու է ամերիկյան ռազմական անձնակազմի գործողությունը Աֆղանստանում, որն ամերիկյան պատմության մեջ ամենաերկար արտասահմանյան ռազմական արշավն է:
Հուլիսի 6-ի դրությամբ ԱՄՆ-ն իր զորքերի դուրսբերումն ավարտել է 90 տոկոսով: Նույն տեմպերով ՆԱՏՕ-ի մյուս երկրները և նրանց գործընկերները դուրս են բերում իրենց զորամիավորումները այս երկրից: Աֆղանստանի պաշտոնատար անձինք բազմիցս հայտնել են, որ «Թալիբան» շարժումն ուժեղացնում է իր առաջխաղացումը:
Եվ իսկապես, այս ֆոնի վրա թալիբները ուժեղացնում են իրենց հարձակումը մի շարք տարածքներում: Այս պահին մի քանի տասնյակ տարածքներ գտնվում են թալիբների վերահսկողության տակ: Նրանք գրավել են առանցքային սահմանային անցումներ Տաջիկստանի, Իրանի և Պակիստանի հետ սահմաններին:
Ահազանգը չի համապատասխանել իրականությանը. ՆԳՆ-ն՝ Սլավոնական համալսարանում ահաբեկչական սպառնալիքի մասին
«Արմավիր» ՔԿՀ-ում խցերից բջջային հեռախոսներ, տարատեսակ պարագաներ և արգելված այլ իրեր են հայտնաբերվել
Դեպի Ռուսաստան տանող Վերին Լարսի անցակետը փակվել է բեռնատարների համար
Վեճի ժամանակ սպանել է տարեց տղամարդուն, դիակը այրել և թաղել իր այգում. գտել են անհետ կորած տղամարդու մարմինը
Վարչապետը կարևորել է Հայաստանի և Գերմանիայի միջև համագործակցության շարունակական զարգացումը
Նաիրա Պետրոսյանը որոնվում է որպես անհետ կորած
Հայտնի է՝ երբ այս տարի կնշվի Վարդավառը
Սուրեն Շահվերդյանը դիմել է ոստիկանություն՝ հայտնելով, որ «Պոնչ»-ն իրեն սպառնում է, մեղադրում թրաֆիքինգի համար
Տեսա՞ք` ձուկը ոնց էին վաճառում, սաղ ազգն էսօր զինվոր ունի, բոլորս դուրս գանք փողոցում առևտուր անե՞նք. Գյուրզադյան
Ամբողջությամբ ապատեղեկատվություն է. Պետդեպը՝ Բրյուսելում ՀՀ-ի հետ ռազմական փաստաթուղթ ստորագրելու պնդումների մասին
«Սասուն Միքաելյանին զանգե՞մ, իմ մոտիկ ընկերն է», «Ում ուզում ես՝ զանգի». առևտրական ու պաշտոնյա
Ադրբեջանը հիմնահատակ քանդել է Շուշիի Կանաչ ժամ եկեղեցին՝ խախտելով ՄԱԿ-ի Արդարադատության դատարանի որոշումը
Նոր նշանակում ՀՀ քննչական կոմիտեում
Արուսյակ Մանավազյանը և Տաթևիկ Գասպարյանը մասնակցել են ԱՄՀ և ՀԲ խմբի խորհրդարանական համաշխարհային ֆորումին (լուսանկարներ)
Մարտին բնապահպանական խախտումների համար կասեցվել է 13 տնտեսվարող սուբյեկտի գործունեություն
Երևանի քաղաքապետարանը աշխատանք է առաջարկում փողոցային առևտրով զբաղվողներին. մայթերից հավաքվում է վաճառվող ապրանքը
Ողբերգական դեպք Երևանում. հայտնաբերվել է տղամարդու մարմին
Փոխվարչապետ Մհեր Գրիգորյանն ազատել է իր օգնականին և նշանակել խորհրդական
Սլավոնական համալսարանում ահաբեկչական սպառնալիքի մասին ահազանգ է ստացվել
Վճարված հարկի յուրաքանչյուր դրամը բումերանգի էֆեկտով վերադառնում է հարկ վճարողներին. ՊԵԿ նախագահի ուղերձը
Հայաստանում մի շարք ծառայություններ ամբողջ բնակչության համար պետպատվերով են. ԱՆ-ն հայտնել է՝ որոնք են դրանք
1 օրում ՀՀ ճանապարհներին տեղի է ունեցել 7 պատահար. 1 մարդ զոհվել է, 10-ը՝ վնասվածք ստացել
Ստավրոպոլի մարզում ռուսական ռազմական ինքնաթիռ է կործանվել, անձնակազմի մեկ անդամը կորել է (տեսանյութ)
Անհրաժեշտ է երաշխավորել կանանց և տղամարդկանց իրավահավասարությունը. ՄԻՊ
7-10 ժամ գազ չի լինի Երևանի, Վանաձորի, Գյումրիի և Օձունի որոշ հասցեներում
Հայաստանին է վերադարձվել Աղավնաձոր բնակավայրին հարող՝ ընդհանուր 1 հա մակերեսով հողամասը. դատախազություն
Մանկապարտեզներում երկարօրյա խմբեր կգործեն նույնիսկ մեկ երեխայի համար (տեսանյութ)
Ղազախստանում բեռնատար գնացքը դուրս է եկել ռելսերից
Մի քանի ժամով կհոսանքազրկվեն Երևանի և 7 մարզի բազմաթիվ հասցեներ
Վրաերթ Երևանում. հետիոտնը տեղում մահացել է
«Լիվերպուլը» հաղթել է «Ատալանտային», սակայն՝ դուրս մնացել Եվրոպայի լիգայից
Լոռու մարզում պահեստ է հրդեհվել
Իսրայելը հրթիռային հարվածներ է հասցրել Իրանին. ինչ է հայտնի
«Օպել»-ը բախվել է մայթեզրին ու գլխիվայր շրջվել. ուղևորները տեղափոխվել են հիվանդանոց
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
© 2024 Հայկական ժամանակ