Մեքենաների համարանիշերի գողությունը անիմաստ կդառնա. Կառավարությունն ընդունեց վարորդների կողմից շատ սպասված որոշումը

Մեքենաների համարանիշերի գողությունը, որը վերջին շրջանում Հայաստանում լայն տարածում էր ստացել՝ հանցագործությունից վերածվելով շահավետ բիզնեսի, շուտով անիմաստ կդառնա:

Բանն այն է, որ ՀՀ կառավարությունը այսօրվա նիստում փոփոխություն կատարեց տրանսպորտային միջոցների համարանիշերի հաշվառման եւ հատկացման կարգում:

Հարցը զեկուցող ՀՀ ոստիկանության պետ Վահե Ղազարյանն ասաց, որ ներկայումս գործող կարգի համաձայն՝ տրանսպորտային միջոցների զույգ համարանիշերի, այդ թվում՝ մեծ պահանջարկ ունեցողների գողության կամ կորստյան դեպքում օգտագործողը զրկվում է դրանց կրկնօրինակը ստանալու հնարավորությունից եւ ստիպված է ստանալ հերթական նոր թվերով եւ տառերով համարանիշ:

Նրա խոսքով՝ նշված իրավակարգավորումը նպաստել է վերջին ժամանակահատվածում հատկապես մեծ պահանջարկ ունեցող համարանիշերի գողություններին եւ դրանք վերադարձնելու դիմաց այն օգտագործողից գումար շորթելու դեպքերի ավելացմանը:

«Առաջարկվող նախագծով զույգ համարանիշերի կորստի դեպքում օգտագործողին, իր ցանկությամբ, պետական տուրքի վճարի դիմաց (12 հազար դրամ) կհատկացվի նոր համարանիշերի կրկնօրինակը՝ հերթական թողարկմանը համապատասխանող արաբական թվանշանով գրառմամբ»,- ներկայացրեց ոստիկանապետը:

Ղազարյանը նշեց, որ որոշումն ուժի մեջ է մտնելու պաշտոնական հրապարակումից 3 ամիս հետո: Նշված ժամանակահատվածն անհրաժեշտ է, որպեսզի ոստիկանությունը կարողանա ապահովել համարանիշերի կրկնօրինակները հերթական վերթողարկմանը համապատասխան արաբական թվանշանով գրառմամբ տպագրելու տեխնիկական հնարավորությունը: Որոշման գործողությունը տարածվելու է 2020 թվականի հունվարի 1-ից ծագած հարաբերությունների վրա:

Վարչապետի պաշտոնակատար Նիկոլ Փաշինյանն անդրադառնալով նախագծին ասաց, որ ՀՀ-ում եւ ամբողջ աշխարհում գողության նոր տեսակ է հայտնվել. գողանում են ավտոմեքենաների պետհամարանիշերը եւ սեփականատերերից դրամ շորթելով՝ այն վերադարձնում. «Այսինքն՝ որեւէ տեղ պահում են, հետո որեւէ ձեւով նոր տեխնոլոգիաներով շորթում են կատարում՝ պետհամարանիշը վերադարձնելու համար: Իհարկե, վերջին շրջանում մեր իրավապահ մարմինները մի քանի այդպիսի խմբեր բացահայտել եւ ձերբակալել են, բայց մենք որոշեցինք այդ հանցատեսակը անիմաստ դարձնելու համար կայացնել հետեւյալ որոշումը եւ համապատասխան պետական տուրքի վճարումով կտրվի համարանիշի կրկնօրինակը»:

Փաշինյանի խոսքով՝ այս պարագայում ոչ թե քաղաքացին ստիպված կլինի համարանիշի մեծ «փրկագին» վճարել, այլ ուղղակի պետական տուրքով կստանա դրա կրկնօրինակը. «Կարծում եմ՝ սա շատ կարեւոր որոշում է՝ այդ խնդիրն արմատապես լուծելու համար»:

«Վարորդի ընկեր» ՀԿ նախագահ Տիգրան Քեյանը «Հայկական ժամանակ»-ի հետ զրույցում կարծիք հայտնեց, որ այս որոշման մեջ լավ կլիներ սահմանվեր նաեւ գողության դեպքերին վերաբերող առանձին մաս:

«Փորձը ցույց է տալիս, որ գողացված համարներն ընդհուպ 5000 դրամով կարելի է ձեռք բերել, իսկ Կառավարության այս որոշմամբ համարանիշերի կորստի դեպքում նախատեսված է պետական տուրքի վճարում 12 հազար դրամ: Եթե գողության առումով այլ դրույք չսահմանվի կարծում եմ, դրանք դեռ կշարունակվեն: Որովհետեւ գողանում էին, ոչ թե 1 կամ 2 համարանիշ, այլ միանգամից 1 բակից 10-15 հատ»,- ասաց Քեյանը:

Նրա խոսքով՝ այս պարագայում գողություն իրականացնողները կսկսեն պետական տուրքի գնից ավելի ցածր գնով վաճառել, քանի որ տեղեկացված կլինեն, այս որոշման մասին: Ըստ նրա՝ այս դեպքում քաղաքացին ավելի հեշտ հետ կվերցնի իր մեքենայի համարանիշերը, քան 12 հազար դրամ պետական տուրք կվճարի:

Քեյանը նշեց, որ տվյալ որոշման դեպքում ստացվում է, որ համարանիշերի գողությունը կշարունակի որոշակի շահավետություն պահել հանցագործների շրջանում:

Հարցին՝ խնդրի լուծումն ինչպե՞ս է պատկերացնում ինքը, ՀԿ նախագահը պատասխանեց. «Եթե գողության դեպքը առանձին նշված լիներ որոշման մեջ եւ օրինակ՝ քաղաքացին գնա ոստիկանություն ու ասի, որ համարանիշն իր մեղքով չի կորել, այլ գողացել են ու որոշ փաստեր ներկայացնի, այդ ժամանակ նրան չպետք է ծանրաբեռնեն լրացուցիչ պետական տուրքով: Իսկ այն քաղաքացիները, որոնք կորցրել են համարանիշերը, այսինքն իրենց մեղքով է կորուստը տեղի ունեցել ու ոչ թե գողացել են, այդ դեպքում պետք է պետական տուրք վճարեն եւ ստանան իրենց համարանիշերի կրկնօրինակը»:

Դիտարկմանը՝ պետությունը ամեն դեպքում նոր համարանիշ պատրաստելու համար որոշակի ծախս է անում, նա արձագանքեց. «Քաղաքացին էլ հարկեր է վճարում իր անվտանգության, իր գույքը պաշտպանելու եւ սահմանադրական իր իրավունքներն իրացնելու համար: Տվյալ պարագայում գողության դեպք է եւ քաղաքացու մեղքը չկա, իսկ ուղղակի կորստի դեպքում քաղաքացու մեղքը կա»:

Քեյանը նշեց, որ այս գողությունները շատ դժվար է բացահայտել, քանի որ գումարային փոխանցումները վիրտուալ արժույթով են իրականացվում: Իսկ գողության շահավետությունը ի սպառ բացառելու համար պետք էր ընդամենը անվճար տրամադրել համարանիշերի կրկնօրինակը. «Իհարկե, սկզբնական փուլում հնարավոր է որոշակի ծախսեր լինի պետության համար, բայց երբ արդեն գողը 1-2 անգամ գողանա ու տեսնի, որ քաղաքացին գնացել եւ անվճար ստացել է իր համարանիշերը, էլ ինչո՞ւ պիտի այդ քայլին գնա. եթե իհարկե այնպիսի անձ չէ, որն ուզում է պետությանը վնաս տալ»:

Հարցին՝ որպես վարորդների իրավունքների պաշտպանությամբ զբաղվող ՀԿ նախագահ դիմե՞լ է ոստիկանություն այս նախագծի վերաբերյալ, նա պատասխանեց, որ բանավոր քննարկումներ եղել են. «Ես երեկ խոսել էի նաեւ պատգամավոր Սիսակ Գաբրիելյանի հետ եւ ասել, որ 1 ամսից ավելի է նախագիծը չի դրվում Կառավարության օրակարգում: Նրան խնդրել եմ աջակցել, որ նախագիծը հնարավորինս շուտ դրվի, գուցե զուգորդել է իմ դիմելուն, բայց ամեն դեպքում այսօր այն ներառվեց ու ընդունվեց»:

Քեյանն ասաց, որ ինքը նաեւ դեմ էր նախագծի 3 ամիս հետո ուժի մեջ մտնելուն եւ առաջարկել էր, որ հաջորդ օրվանից հենց ուժի մեջ մտնի. «Հասկանում եմ, տեխնիկական պայմաններ պետք է ապահովվել եւ որոշակի ժամանակ է անհրաժեշտ: Բայց ես առաջարկել էի, որ մինչ կունենան այդ համապատասխան միջոցները քաղաքացիներին ժամանակավոր թղթե տրանզիտ համարանիշեր տրամադրեն, որպեսզի նրանք երթեւեկեն, մինչեւ նոր համարանիշերը կտպագրվեն»:

Տպել
3035 դիտում

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան