Ազդարարվել է «Դասարան+Դասական» թատերական կրթական ծրագրի հանրապետական փուլի մեկնարկը

19/07/2021 schedule18:12

Այսօր Գաբրիել Սունդուկյանի անվան ազգային ակադեմիական թատրոնի փոքր բեմում ազդարարվել է «Դասարան+Դասական» թատերական կրթական ծրագրի հանրապետական փուլի մեկնարկը։

ՀՀ կրթության, գիտության, մշակույթի և սպորտի նախարարության աջակցությամբ և Գաբրիել Սունդուկյանի անվան ազգային ակադեմիական թատրոնի նախաձեռնությամբ հուլիսի 19-31-ը կիրականացվի «Դասարան+Դասական» թատերական կրթական ծրագրի հերթական փուլը։ Այն նախատեսված է հանրապետության ավագ դպրոցների ու միջին մասնագիտական հաստատությունների աշակերտների համար և միտված է ամրապնդելու դպրոց-թատրոն կապը։ Այս անգամ ծրագրի առանցքում դերասանի վարպետության դասընթացն է։

Գաբրիել Սունդուկյանի անվան ազգային ակադեմիական թատրոնի տնօրեն Վարդան Մկրտչյանը ողջունել է ծրագրի մասնակից աշակերտներին և ներկայացրել նախագծի նպատակն ու ընթացքը: Խոսելով ծրագրի անցած ուղու մասին՝ Վարդան Մկրտչյանը տեղեկացրել է, որ երեք տարիների ընթացքում «Դասարան+Դասական» թատերական կրթական ծրագիրը մեծ ճանապարհ է անցել՝ լինելով Հայաստանի բոլոր այն քաղաքներում, որտեղ կա պետական թատրոն:

«Հատկանշական է, որ թատրոնը դարձել է տվյալ քաղաքը լուսաբանող, քաղաքի վրա նոր լույս սփռող կարևոր մի օղակ: Այսօր ծրագիրն արդեն ճյուղավորվում է, և առաջին ճյուղը,  բնականաբար, պետք է լիներ դերասանի վարպետությունը»,- նշել է թատրոնի տնօրենը և շնորհակալություն հայտնել ծրագրում ներգրավված այն դերասան-գործընկերներին, որոնք պատրաստակամություն են հայտնել աշխատելու աշակերտների հետ՝ արդյունքում ստեղծելով համատեղ ներկայացումներ: 

Վարդան Մկրտչյանը շնորհակալություն է հայտնել նաև ԿԳՄՍ նախարարությանը՝ «Դասարան+Դասական» կրթամշակութային ծրագրին հետևողական աջակցելու համար, և շեշտել, որ այդպիսով կարևորվում են ոչ միայն առանձին վերցրած մշակույթի և կրթության ոլորտները, այլև ծրագրում ներառված այդ երկու բաղադրիչների մեկտեղումը:   

ՀՀ կրթության, գիտության, մշակույթի և սպորտի նախարարի տեղակալ Արա Խզմալյանը ողջունել է աշակերտներին և շնորհավորել ծրագրին մասնակցելու կապակցությամբ՝ ընդգծելով, որ «Դասարան+Դասական» թատերական կրթական ծրագիրը պետական աջակցությամբ իրականացվող ամենահետաքրքիր, գրավիչ, օգտակար ծրագրերից է, որի ընթացքում աշակերտները հնարավորություն ունեն աշխատելու և շփվելու իրենց վաստակով, մասնագիտական նկարագրով առանձնացող արվեստագետների հետ և ստանալու բանալիներ, որոնցով ընկալվելու է այն բարդ ոլորտը, որը կոչվում է թատրոն:

«Մենք չենք ակնկալում, որ դուք բոլորդ դառնաք ռեժիսորներ և դերասաններ: Մեր նպատակն է ձևավորել և վերափոխել թատրոնի հանդեպ ձեր ընկալումները, որովհետև թատրոնը հսկայական գիտություն է, բարդագույն մասնագիտություն: Թատրոնն արդյունաբերություն է, և հենց դրա համար մենք ուզում ենք, որ դուք մուտք գործեք կուլիսներ, թատերական արտադրամասեր, հարդարանքի սենյակներ և տեսնեք, թե ինչպիսի մեծ գործարան է աշխատում մեկ ներկայացում պատրաստելու համար: Ես չգիտեմ, թե ի վերջո դուք ինչ մասնագիտություն եք ընտրելու, բայց կարծում եմ, որ բեմի վարպետները փորձելու են ձեզ տալ ամենակարևորը՝  հետաքրքիր լինելու արվեստը, որը բոլոր մասնագիտություններում հաջողության գրավականն է»,- եզրափակել է նախարարի տեղակալ Արա Խզմալյանը:

Այնուհետև ծրագրի մենթորները՝ ՀՀ վաստակավոր արտիստներ Նելլի Խերանյանը, Արթուր Կարապետյանը, Դավիթ Հակոբյանը, ռեժիսոր, դերասան Լիլի Էլբակյանը, դերասան, պարող Ստեփան Ղամբարյանը ողջունել են աշակերտներին,  ծանոթացրել ծրագրի մանրամասներին և առաջիկա անելիքներին:

Նշենք, որ երկշաբաթյա ծրագրի ընթացքում աշակերտները կաշխատեն խմբերով՝ իրենց մենթորների ղեկավարությամբ, կունենան բեմական խոսքի և դերասանի վարպետության դասեր։ Հուլիսի 31-ին որպես ծրագրի եզրափակում խմբերը հանդիսատեսին կներկայացնեն նախագծի ընթացքում ստեղծված ներկայացումները։

ԿԳՄՍ նախարարությունը հիշեցնում է, որ «Դասարան+Դասական» թատերական կրթական ծրագրի առաջին փուլն իրականացվել է 2019 թվականին։ Համավարակի ժամանակ ծրագիրն ունեցել է երկու առցանց փուլ։

Տպել
325 դիտում

«Պատերազմից հետո ինձ ֆիլմ հետ բերեց մաեստրո Մանսուրյանը»․ տեղի ունեցավ երկար սպասված «Զուլալիի» պրեմիերան

Բյուրեղավան համայնքում ավարտվել են ներհամայնքային ճանապարհների կապիտալ ասֆալտապատման աշխատանքները

ՅՈՒՆԻՍԵՖ-ն Արմավիրի առողջության առաջնային պահպանման կենտրոնների համար բժշկական սաքավորումներ է տրամադրել

ՔՈՎԻԴ-19-ի դեմ պատվաստված անձինք 12 անգամ ավելի քիչ են հոսպիտալացվում․ ԱՄՆ-ում իրականացված հետազոտություն

Արման Եղոյանը ԵՄ Թվինինգ ծրագրի շրջանակներում հանդիպումներ է ունեցել Իտալիայի խորհրդարանի գործընկերների հետ

Կարմիր Կատար լեռը ներառվեց բնության հուշարձանների ցանկում

Մեղրաշատ գյուղում այրվել է մոտ 40 հա խոտածածկույթ

Ես չեմ տեսնում պետականամետ ընդդիմություն, նրանք ավելի շատ ռևանշիստներ են, մուռ հանողներ, վրեժ լուծողներ․ Մհեր Արմենիա

Եվրամիությունն աջակցում է տարածաշրջանում խաղաղության ամրապնդմանը․ Արշակ Կարապետյանն ընդունել է Տոյվո Կլաարին

Ալեն Սիմոնյանը Աթենքում հանդիպել է ԵԱՀԿ խորհրդարանական վեհաժողովի նախագահ Մարգարետա Սեդերֆելթի հետ

Ֆրանսիայի Սենատի փոխնախագահն Ալեն Սիմոնյանին է փոխանցել Սենատի նախագահի հրավերը՝ այց կատարելու Ֆրանսիա

Ռուստամ Բադասյանը և Իրանի մաքսային ծառայության ղեկավարը կարևորել են Մեղրիի սահմանային անցակետի արդիականացումը

Կորոնավիրուսից մահացել է Տիգրան Կարապետյանը

Տրամադրվել է առաջին լիցենզիան՝ Տիեզերական գործունեություն իրականացնելու համար

Ալեն Սիմոնյանը բարձր է գնահատել Սլովենիայի հավասարակշռված մոտեցումը ԼՂ հիմնահարցում

Բադասյանը և Ռուսլան Դավիդովն արձանագրություն են ստորագրել. կարդիականացվի մաքսային ոլորտի իրավապայմանագրային դաշտը

Միրզոյանը և ԱՄՆ պետքարտուղարի եվրոպական և եվրասիական հարցերով տեղակալը քննարկել են տարածաշրջանային անվտանգության հարցեր

Մեկ բնակարան, մեկ հողամաս և մեկ մեքենա. ինչ ունեցվածք ունի Շիրակի մարզպետը

Արտակարգ դեպք Արմավիրի մարզում. 19-ամյա զինվորը տեղափոխվել է հիվանդանոց. shamshyan.com

Սկսում ենք կրկնակի դիպլոմների շնորհման գործընթացը․ Հայաստանի եվրոպական համալսարանը նշում է հիմնադրման 20-ամյակը

ՀՀ քաղաքացիություն ստանալու դիմումների քննարկման ժամկետը 6 ամսվա փոխարեն կսահմանվի 90 աշխատանքային օր. ԱԺ (լուսանկարներ)

ՔՊ-ն հեղափոխական իր ամենակարևոր խոստումը պահել է՝ մենք ընտրությունները թողնում ենք ժողովրդին. Արմավիրի համայնքապետ

Արշակ Կարապետյանը ՆԱՏՕ-ի ներկայացուցչի հետ հանդիպմանը նշել է 44-օրյա պատերազմում ՆԱՏՕ-ի անդամ երկիր Թուրքիայի դերի մասին

Շվեյցարիան աջակցում է ՀՀ-ի հակակոռուպցիոն ջանքերին․ նախարարն ընդունել է Շվեյցարիայի Գործերի ժամանակավոր հավատարմատարին

Արարատ Միրզոյանը Տոյվո Կլաարի հետ քննարկել է տարածաշրջանային անվտանգության ու կայունության հարցերը (լուսանկարներ)

Տարածաշրջանում կան խնդիրներ, որոնք սպասում են իրենց լուծմանը․ վարչապետն ընդունել է Խավիեր Կոլոմինա Պիրիսին

ԱԺ նախագահը ԵԽ գլխավոր քարտուղարի հետ զրույցում անդրադարձել է Ադրբեջանի կողմից ռազմագերիներին պատանդության մեջ պահելուն

Բարեկամական կապերի խորացման գործում իր ներդրումն ունի Ֆրանսիայի հայկական համայնքը․ կաթողիկոսն ընդունել է Անն Լույոյին

Միրաք գյուղում այրվել է մոտ 660 հակ կուտակած անասնակեր

ԵՄ-ն հանձնառու է խորացնելու գործընկերությունը ՀՀ-ի հետ. վարչապետն ընդունել է ԵՄ հատուկ ներկայացուցչին (լուսանկարներ)

Հայաստանը համարվում է Հյուսիսատլանտյան դաշինքի վստահելի գործընկերը․ Արարատ Միրզոյանն ընդունել է Խավիեր Կոլոմինա Պիրիսին

Մուշեղ Բաբայանը նշանակվել է Հակակոռուպցիոն կոմիտեի նախագահի տեղակալի պաշտոնակատար

Սպանության փորձ մոր նկատմամբ. 56-ամյա գյումրեցին, մորը հատակին գցելով, ձեռքից վերցրել է ձեռնափայտը և հարվածել. ՔԿ

Քրեակատարողական նոր օրենսգրքի նախագծի հանրային քննարկմանը ԱՄՆ դեսպանատան ներկայացուցիչները ևս մասնակցել են

Օրակարգում Հայաստանում ռուսական դպրոցներ բացելու հարց չկա. Դումանյան

Զորամասերից մեկը մարտավարական զորավարժություն է անցկացրել (լուսանկարներ)

5 կողմ, 4 ձեռնպահ. ԱԺ հանձնաժողովը հավանություն տվեց հունվարի 2-5-ը և 7-ը աշխատանքային դարձնելու նախագծին

Հայաստան է ժամանել Լեհաստանի Մրցակցության և սպառողների շահերի պաշտպանության գրասենյակի երկրորդ պատվիրակությունը

996 ուսուցչից 468-ն է անցել կամավոր ատեստավորումը. ամենաբարձրը մաթեմատիկա առարկայի արդյունքներն են

ՆԱՏՕ-ն արժևորում է Հայաստանի հետ համագործակցությունը. Խավիեր Կոլոմինա Պիրիզը ՀՀ նախագահին (լուսանկարներ)