Վահրամ Դումանյանն ու Ֆրանսիայի դեսպանն անդրադարձել են դպրոցներում ֆրանսերենի խորացված ուսուցման կազմակերպման ծրագրին

ՀՀ կրթության, գիտության, մշակույթի և սպորտի նախարարությունը հայտնում է, որ Վահրամ Դումանյանն այսօր ընդունել է ՀՀ-ում Ֆրանսիայի Հանրապետության նորանշանակ արտակարգ և լիազոր դեսպան Անն Լույոյին:

Վահրամ Դումանյանը շնորհավորել է դեսպանին այդ պաշտոնում նշանակվելու կապակցությամբ և մաղթել արդյունավետ աշխատանք՝ ի շահ երկու պետությունների բարեկամական կապերի զարգացման: Նախարարը վստահություն է հայտնել, որ դեսպանի գործունեությունը կնպաստի երկու պետությունների միջև հարաբերությունների առավել ամրապնդմանը, ինչպես նաև երկկողմ համագործակցության օրակարգի ընդլայնմանն ու հարստացմանը:

«Ես մեծապես կարևորում եմ մեր երկու բարեկամական երկրների համագործակցությունը և վստահ եմ, որ կրթության, գիտության, մշակույթի, սպորտի և երիտասարդության բնագավառներում համատեղ ծրագրեր իրականացնելու հնարավորությունները կնպաստեն երկկողմ հարաբերությունների ընդլայնմանը: Համատեղ ծրագրեր իրականացնելու նպատակով ԿԳՄՍ նախարարությունը բավականին արդյունավետ և սերտորեն համագործակցում է ՀՀ-ում Ֆրանսիայի Հանրապետության դեսպանության հետ»,- ողջունելով դեսպանին՝ ընդգծել է Վահրամ Դումանյանը:

Նախարարը նշել է, որ Անրի Վերնոյի ծննդյան 100-ամյա հոբելյանին նվիրված միջոցառմանը մասնակցելու նպատակով վերջերս Փարիզ կատարած այցի շրջանակում հանդիպել է Ֆրանսիայի Հանրապետության մշակույթի նախարար տիկին Ռոզելին Բաշլոյի հետ: Հանդիպման ընթացքում քննարկվել են համատեղ ծրագրեր իրականացնելու հնարավորությունները. ներկայում աշխատանքներ են տարվում համագործակցության փաստաթուղթ մշակելու և ստորագրելու ուղղությամբ:

«Այս առումով ակնկալում եմ նաև Ձեր աջակցությունը, հարգելի՛ տիկին դեսպան, փաստաթուղթը կյանքի կոչելու և համատեղ տարբեր միջոցառումներ իրականացնելու համար: Փարիզում հանդիպել եմ նաև համալսարանական հիվանդանոցների կենտրոնի ղեկավար Մարտին Հիրսչի հետ: Վստահ եմ, որ կենտրոնի հետ մեր համագործակցության շրջանակում հնարավոր կլինի նաև կատարելագործել բժիշկների շարունակական վերապատրաստման գործընթացը»,- շեշտել է նախարարը՝ կարևորելով հոկտեմբերի 13-15-ը Երևանում կայանալիք հայ-ֆրանսիական կրթագիտական առաջին բժշկական համաժողովը, որը նվիրված է Արցախյան 44-օրյա պատերազմի ընթացքում վիրավորում ստացած անձանց խնամքի ուղղությամբ իրականացված աշխատանքներին: Վահրամ Դումանյանը հույս է հայտնել, որ համաժողովը կլինի համագործակցության նոր հարթակ՝ Հայաստանում զարգացնելու բժշկությունը:

Նախարարը դեսպանին տեղեկացրել է, որ Ֆրանսիայի Հանրապետություն կատարած այցի շրջանակում հանդիպել է նաև ՅՈՒՆԵՍԿՕ-ի գլխավոր տնօրեն Օդրի Ազուլեի, տնօրենի մշակույթի հարցերով տեղակալ Էռնեստո Օտտոնեի հետ: Հանդիպումների ընթացքում հատկապես կարևորվել են Արցախի Հանրապետության մշակութային ժառանգության պահպանության ոլորտում համագործակցության և Արցախ ու հարակից տարածքներ ՅՈՒՆԵՍԿՕ-ի տեխնիկական առաքելության գործուղման հարցերը: Վահրամ Դումանյանը փաստել է, որ Հայաստանը պատրաստ է լիարժեք աջակցություն ցուցաբերել առաքելության իրականացմանը:

ՀՀ-ում Ֆրանսիայի Հանրապետության նորանշանակ արտակարգ և լիազոր դեսպան Անն Լույոն իր հերթին նշել է, որ ցանկացած դիվանագետի համար մեծ պատիվ է Հայաստանում դեսպան լինելը. «Մեր երկու երկրների միջև հարաբերությունները շատ հագեցած օրակարգ ունեն, հետևաբար ես կանեմ հնարավորը՝ կրթության, գիտության, մշակույթի, սպորտի և երիտասարդության բնագավառներում համագործակցությունն առավել խորացնելու համար»:

Կողմերն անդրադարձել են ՀՀ հանրակրթական դպրոցներում ֆրանսերենի խորացված ուսուցման կազմակերպման ծրագրին, որը կնպաստի Հայաստանում ֆրանսերենի զարգացմանը և հանրակրթական դպրոցներում ֆրանսերենի դասավանդման արդյունավետության բարձրացմանը: Նախարարն ու դեսպանը քննարկել են նաև Երևանում Անատոլ Ֆրանսի անվան ֆրանսիական կրթահամալիրի, ինչպես նաև որպես կրթական և հետազոտական ներդրումային ծրագրեր իրականացնող բուհ՝ Հայաստանում ֆրանսիական համալսարանի գործունեությանն առնչվող հարցեր:

Անդրադարձ է եղել նաև մշակութային ժառանգության պահպանման, ֆրանսերենի ուսուցիչների վերապատրաստման, սպորտի ոլորտում հնարավոր համագործակցության և այլ հարցերի:

Տպել
460 դիտում

ԱԻՆ երկու ծառայողներ վնասվածքներ են ստացել, համապատասխան օգնությունից հետո վերադարձել շարք

Մինչ այս անհետ կորած համարվող հղի կնոջ և իր որդու հայտնաբերման մասին շրջանառվող լուրը, ցավոք, կեղծ է․ ԱԻՆ խոսնակ

«Ուղեղը ինչի համար է, Շուշիի հետ համեմատելը կոռեկտ չէ»․ մշակութային գործիչները՝ «Սուրմալուի» աղետի ֆոնին նվագելու մասին

Հայաստանում սգո օր կհայտարարվի

Շիրակում ընթացքի մեջ է Բերդաշենի, Արեգնադեմի, Կապսի դպրոցների մոդուլային շենքերի կառուցումը

Փլատակներից լսվել է ձայն, բայց այս պահի դրությամբ քաղաքացի դուրս չի բերվել․ ԱԻՆ խոսնակ

Հայաստանում մեկնարկել է «Խաղաղության մարտիկ» մրցույթը

Պարզվում են «Սուրմալու»-ի տարածքում գործունեություն իրականացնող տնտեսվարողների, աշխատակիցների ինքնությունները․ ՔԿ

Ստանիսլավ Զասը ցավակցական հեռագիր է հղել Նիկոլ Փաշինյանին

«Սուրմալու» առևտրի կենտրոնում հրդեհաշիջման և որոնողական աշխատանքները շարունակվում են․ զոհերի թիվը 7 է (թարմացված)

Մենք ընկճվելու իրավունք չունենք և պարտավոր ենք ապրել․ Ջրականում նահատակված գյումրեցի Արտյոմ Լոգյանը կդառնար 21 տարեկան

«Սուրմալու»-ում տեղի ունեցածը պետք է մանրամասն քննության առարկա դարձվի. ՄԻՊ

2 բրոնզե մեդալ՝ ինֆորմատիկայի միջազգային օլիմպիադայից

Վարչապետը շնորհավորական ուղերձ է հղել Հնդկաստանի վարչապետին

Օգոստոսի 17-ից ժամանակավորապես փակ կլինի Իսակովի պողոտայից Բաբաջանյան փողոց տանող ճանապարհը

«Սուրմալու»-ի պայթյունով պայմանավորված՝ օդի աղտոտվածությունը հիմնականում տարածվել է Շենգավիթում և Կենտրոնում

Շախմատիստ Արման Փաշիկյանը պարգևատրվել է Հայաստանի Հանրապետության վարչապետի հուշամեդալով

Հնարավոր է՝ Հայաստանում սգո օր հայտարարվի․ Գնել Սանոսյան

Զորամասի պահպանության գոտու մարտական հենակետերում իրականացվել են ստուգայցեր

Դեռ կան մարդիկ, որոնք փլատակների տակ են գտնվում. Արամ MP3-ին չեղարկել է իր այսօրվա համերգը

Մեկնարկել է պաշտպանության նախարարի պաշտոնական այցը Ռուսաստանի Դաշնություն (լուսանկարներ)

Աղվան Հովսեփյանն ազատության մեջ է. նա բուժումը կշարունակի հիվանդանոցում

Կասեցվել է վտանգավոր կաթնամթերքի թողարկումը

Մաքսիմալ աշխատանքների դեպքում էլ քաղաքացիները կունենան դժգոհություն․ Հայկ Կոստանյան

17 անհետ կորածներից մեկը Ռուսաստանի քաղաքացի է, մյուսը՝ Իրանի

Աչքերն ու բերանը փակել են, տարել Ծաթեր գյուղ. Խաչատուր Քոքոբելյանի հոր առևանգման գործով կալանավորվել է 2 անձ (տեսանյութ)

Անհրաժեշտության դեպքում մեր ամբողջ ռեսուրսը կենտրոնացնելու ենք տարվող աշխատանքներին. ԱԻՆ փոխնախարար

Դոլարի փոխարժեքն աճել է, ռուբլին՝ նվազել. ՀՀ կենտրոնական բանկը հրապարակել է նոր փոխարժեքներ

Երևանի Մյասնիկյան պողոտայում կրակոցներ են հնչել

Օդի ջերմաստիճանը կբարձրանա ևս 1-3 աստիճանով. առաջիկա օրերի եղանակային կանխատեսումը

Արցախի նախագահն ընդունել է երրորդ պատերազմում զոհված և անհայտ կորած զինծառայողների հարազատների միության անդամների

Ծանրորդ Վալերիկ Մովսիսյանը՝ Եվրոպայի Մ15 տարեկանների չեմպիոն և ռեկորդակիր

Յուրի Վորոբյովը ցավակցել է Հակոբ Արշակյանին առեւտրի կենտրոնում տեղի ունեցած պայթյունի հետեւանքների կապակցությամբ

Այսօր մեծանուն գրող, մտավորական Վահագն Դավթյանի ծննդյան 100-ամյակն է

Արտակ Բեգլարյանը ցավակցություն է հայտնել «Սուրմալու»-ի տարածքում պայթյունի հետևանքով զոհվածների հարազատներին

Տարբեր բժշկական կենտրոններում գտնվող մեր համաքաղաքացիների վիճակը մասնագետները բավարար են գնահատում. Ավանեսյան

Վարչապետը պարգևատրել է ՀՀ շախմատի տղամարդկանց հավաքականի անդամներին

«Սուրմալու» առևտրի կենտրոնի տարածքում անհետ կորած համարվող քաղաքացիների թիվը դարձել է 19. ԱԻՆ-ը անուններ է հրապարակել

Վահագն Խաչատուրյանը շնորհավորական ուղերձ է հղել Լիխտենշտայնի իշխանին Ազգային տոնի առթիվ

Կը ցավակցիմ Հայաստանի ժողովուրդին. Փայլանը՝ «Սուրմալու»-ում տեղի ունեցած պայթյունի մասին