Իմ քաղաքի բնակիչներին օգտակար լինելու առաքելության ավարտից հետո քաղաքականության մեջ էլ չեմ լինի․ Դիանա Գասպարյան

Լրացավ երեք տարին, ինչ Դիանա Գասպարյանը Էջմիածնի քաղաքապետն է։ Ի դեպ, նա անկախ Հայաստանի պատմության մեջ առաջին կին քաղաքապետն է:

«Հայկական ժամանակը» Դիանա Գասպարյանի հետ զրուցել է իր պաշտոնավարման ընթացքում Էջմիածնում կատարված փոփոխությունների, առաջին կին քաղաքապետը լինելու և առաջիկայում սպասվող ընտրությունների մասին։

- Տիկին Գասպարյան, լրացավ 3 տարին, ինչ Դուք Էջմիածնի քաղաքապետն եք։ Ի՞նչ բարեփոխումներ են արձանագրվել քաղաքում Ձեր կառավարման օրոք։

- Քանի որ լրացավ քաղաքապետ լինելուս երեք տարին, ինձ համար ևս մեկ առիթ է, վերհիշելու՝ ինչ ենք ես և իմ թիմն այս ընթացքում արել քաղաքի համար։ Մարզերի համար առաջնային խնդիրն ասֆալտապատումն է, որը մենք մեծ թափով իրականացրել ենք։  Ասֆալտապատել ենք շուրջ 64 հազար քառակուսի մետր ճանապարհ՝ և՛ սուբվենցիոն ծրագրերի շրջանակներում, և՛ համայնքային բյուջեի հաշվին։ 2021 թվականին, այսինքն՝ այս տարի, մենք մինչև 117 հազար քառակուսի մետր ասֆալտապատում ենք իրականացրել: Սխալված չեմ լինի, եթե ասեմ, որ այս 3 տարիների ընթացքում ավելի շատ ասֆալտապատման աշխատանքներ են իրականացվել Էջմիածնում, քան վերջին 25 տարիների ընթացքում։ Այդ աշխատանքներն իրականացվել են Վազգեն Առաջին,Լեոնիդ Ազգալդյան, Սպանդարյան, Կամո և  այլ փողոցներում, այս տարի էլ Խորենացի և Բաղրամյան փողոցները, որոնք քաղաքի կենտրոնական փողոցներն են և նորոգվելու են սուբվենցիոն ծրագրերով։ Ինչպես նաև սալիկապատվել են կենտորանական մի քանի փողոցների մայթեր։ Այս տարի աշխատանքներ են նախատեսված նաև ոչ կենտրոնական հատվածների այնպիսի փողոցներում ու բակերում, որտեղ  Սովետական միության փլուզումից ի վեր ոչ մի աշխատանք չի արվել։

Էջմիածնի գրեթե բոլոր նախակրթարաններում կատարվել են աշխատանքներ։ Հիմնանորոգվել է 14 մանկապարտեզի տանիք, 13 մանկապարտեզի չգործող մասնաշենք է կառուցվել՝ ժամանակակից վերանորոգմամբ, ինչը թույլ է տվել կրթել շուրջ 120 երեխայի: Հիմնանորոգվել են մի շարք մանկապարտեզների խոհանոցները, դռները, պատուհանները, գույքը: Այլևս չի գործում նույն անկողնում 2 երեխաների միաժամանակ քնելու արատավոր երևույթը մանկապարտեզներում։ 5 և 15 մանկապարտեզներում անցկացվել են ջեռուցման համակարգեր, և դրանով փակվել է քաղաքում վառարաններով տաքացվող նախակրթարանների էջը:

Քաղաքի մի քանի շրջանների խմելու ջրի խնդիրը նույնպես լուծվել է, որոնցից մեկը Չարենց թաղամասն է, որտեղ երկար տարիներ այդ խնդիրը առկա էր։  Կարևոր աշխատանքներից մեկը, որը կարող եմ առանձնացել կոյուղաջրերի անցկացումն է։ 4500 գծամետր երկարությամբ կոյուղի է անցկացվել  Արամ Մանուկյան առաջին թաղամասում 2018-2019 թվականներին։ Հիմա էլ ընթացքի մեջ է Արամ Մանուկյան երկրորդ թաղամասի կոյուղագծի անցկացումը։  Բարելավվել է քաղաքի լուսավորության ցանցը։ Կարող եմ ասել՝ Էջմիածնի 90 տոկոսից ավելին լուսավորված է։ Քաղաքի դեկորատիվ լուսավորությանն էլ ենք ուշադրություն դարձրել: Գեղեցիկ, գեղարվեստական լուսավորությամբ զարդարել ենք հրապարակը։ Մենք շուտով ավարտում ենք նաև աղբահանության համակարգի ամբողջական նորացման ռեֆորմը։ 2022 թվականից ունենալու ենք նոր աղբատար մեքենաներ և ժամանակակից աղբամաններ։ Աշխատանքները շատ են, կարող եմ անվերջ թվարկել։

- Էջմիածինը կառավարվող «բարդ» քաղաք է, երկար տարիներ եղել է տարբեր անձանց և քաղաքական միավորումների կառավարման ներքո։ Կին քաղաքապետի համար հե՞շտ էր լինել Էջմիածնի ղեկավարը: Ի՞նչ մարտահրավերներ եք այս ընթացքում ընդունել:

- Այս տարիների ընթացքում ես մի շարք տղամարդկանցից ավելի վեր եմ եղել։ Փորձել եմ չպառակտել քաղաքը։ Ըստ էության՝ ես ճամբարների չեմ բաժանել ոչ ոքի։ Ընտրվելուց հետո խոստացել եմ, որ լինելու եմ բոլորի քաղաքապետը, նույնիսկ նրանց, ովքեր ինձ չեն ընտրել։ Կարծում եմ՝ մեզ համախմբվածությունն է պակասում, իսկ ես փորձել եմ ավելի խաղաղ ու միասնական քաղաքականություն վարել։ Եղել են շատ մարդիկ, որոնք ցանկացել են դրան խոչընդոտել, բայց քաղաքն առանց ցնցումների 3 տարի կառավարելն ինձ հաջողվել է։

- Երբ շրջում եք քաղաքում, զրուցում բնակիչների հետ, ի՞նչ եք հասկանում. Դուք սիրված ու ընդունվա՞ծ քաղաքապետ եք, թե՞ ոչ։

- Մի փոքր անհամեստ կլինի, որ ես պատասխանեմ այս հարցին, բայց իմ կատարած աշխատանքի համար շնորհակալական խոսքեր շատ անգամներ եմ լսել։

- Խոստումներ եղա՞ն, որ այդպես էլ չկարողացաք իրականացնել։

- Այո, կարող են լինել նաև այդպիսի դեպքեր։ Բայց ցանկանում եմ նշել՝ խոստումների մեծ մասն իրականացվել է։ Այնպես է ստացվել, որ նոր ընտրություններ են տեղի ունենալու Էջմիածնում, և իմ պաշտոնավարման ամբողջ ժամկետը դեռ չեմ սպառել։ Եթե կրկին ընտրվեմ, վստահաբար ասում եմ՝ կատարելու եմ բոլոր խոստումները։

- Ինչպես նշեցիք, Էջմիածնում նոր ընտրություններ են սպասվում։ ՔՊ թեկնածուն կրկին Դո՞ւք եք լինելու։

- Վարչությունը քանի որ դեռևս հայտարարություն չի տարածել այդ մասով, ես չեմ ուզում առաջ ընկնել։ Բայց մի բան պարզ է. եթե քաղաքում այսքան բարեփոխումներ են իրականացվել, և դեռ կիսատ մնացած գործեր կան, ապա ցանկություն էլ կա՝ դրանք ավարտին հասցնելու։

- Ամիսներ առաջ Ձեր և ՀՀ փոխվարչապետ Սուրեն Պապիկյանի մասնակցությամբ ձայնագրություն տարածվեց համացանցում, որտեղ Դուք խոսում էիք ՀՀ վարչապետ Նիկոլ Փաշինյանի կառավարման բացերի մասին։ Ձայնագրությունից հետո շատերը սպասում էին, որ Դուք կլքեք Ձեր պաշտոնը, իսկ հիմա էլ գուշակում են՝ Դիանա Գասպարյանը չի լինի ՔՊ թեկնածուն Էջմիածնում։ Ձայնագրության տարածվելուց հետո Ձեր և Նիկոլ Փաշինյանի հարաբերություններում որևէ բան փոխվե՞լ է, կամ ՔՊ վարչությունում եղե՞լ են տարաձայնություններ։

- Ես այս մասին խոսել եմ ու նշել՝ մեր թիմում բազմակարծությունը չի քարկոծվում։ Իմ հարաբերությունները վարչապետի և քաղաքական թիմի հետ չեն տուժել։ Այս խոսակցությունները պարբերաբար լինում են և՛ քաղաքում, և՛ սոցցանցերում։ Այդ լուրերը չեն համապատասխանում իրականությանը։ Շուտով կլինի վարչության հայտարարությունը, և այն բոլոր չարախոսները, որոնք տարածում են այդպիսի բաներ, կտեսնեք, որ  բամբասանքներ են։

- Իսկ եթե այլևս չընտրվեք Էջմիածնի քաղաքապետ, Ձեզ էլ ի՞նչ պաշտոնում եք պատկերացնում։

- Իմ քաղաքի բնակիչներին օգտակար լինելու առաքելության ավարտից հետո (որքան նրանք կտան ինձ այդ հնարավորությունը), քաղաքականության մեջ էլ չեմ լինի։ Այս պահին այլ տեղ չեմ պատկերացնում ինձ, քանի որ ես սիրում եմ իմ աշխատանքը, իմ համայնքը։

Անյուտա Աթանեսյան

Տպել
2958 դիտում

Թալանել են Զանգեզուրի կոմբինատի առողջարանային համալիրի տնօրենին

Արարատ քաղաքում ՔՊ թեկնածու Ասլան Ավետիսյանը բնակիչների հետ թաղային հանդիպումներ է ունեցել (լուսանկարներ)

Արմավիրի և Արագածոտնի մարզերի որոշ ավտոճանապարհներին մառախուղ է

Իրանի ԱԳՆ-ն ողջունել է Ռուսաստանի, Հայաստանի եւ Ադրբեջանի առաջնորդների եռակողմ հանդիպումը

Վարանդայի շրջանում ականի պայթյունից 2 ադրբեջանցի զինծառայողներ են վնասվածքներ ստացել

Հրդեհի հետևանքով այրվել է Սյունիքի Կարճևան համայնքի մանկապարտեզի առաջին հարկի հատակն ու նկուղը

Վրաստանը 2-րդն է աշխարհում կորոնավիրուսի մահացության ցուցանիշով, Հայաստանը՝ 8-րդը, Ադրբեջանը՝ 39-րդը

Սպասվում են ձյան ու անձրևի տեսքով տեղումներ, քամու ուժգնացում. եղանակը՝ առաջիկա օրերին

16-ամյա հայ բազկամարտիկն արծաթե մեդալ է նվաճել Աշխարհի առաջնությունում (տեսանյութ)

Զովունի գյուղից դեպի Կորեայի ձոր տանող ավտոճանապարհը երկկողմանի փակ է. քարաթափումը շարունակվում է (տեսանյութ)

Հրդեհ է բռնկվել Գեղարքունիքի մարզի Զովաբեր գյուղի տներից մեկում. այրվել է տանիքը

Թուրքիան խախտում է մարդու իրավունքները. Հունաստանի վարչապետ

Արցախում կորոնավիրուսով վարակված 20 հիվանդի վիճակը ծայրահեղ ծանր է, 52-ինը՝ ծանր

Ստեփանակերտի դպրոցների մի շարք դասարաններում կանցնեն առկա ուսուցման, մյուսներում՝ կշարունակվի հեռավարը

Հարություն Խաչատրյանը վերընտրվել է Հայաստանի կինոգործիչների միության նախագահ

Մարդիկ այս ընտրություններին մոտենում են քաղաքապետի ընտրության նման. Վանաձորում «Լուսավոր Հայաստանի» թեկնածու

Սյունիքի մարզի Կարճևան համայնքի մանկապարտեզում հրդեհ է բռնկվել

Անվասայլակներին պարում են բուժում ստացող զինծառայողները. հերոսները բացել են սպորտային պարերի առաջնությունը (տեսանյութ)

Արմավիրի մարզում և Աշտարակ-Թալին ավտոճանապարհին մառախուղ է

Հայաստանում կորոնավիրուսի 409 նոր դեպք է արձանագրվել, 1 օրում մահացել է 29 մարդ

Արշամյանը կշարունակի ղեկավարել «Հայաստան» հիմնադրամը. նա վերընտրվել է գործադիր տնօրենի պաշտոնում

Մահացել է երգիչ և կոմպոզիտոր Ալեքսանդր Գրադսկին

Կանխվել է 25-ամյա քաղաքացու ինքնասպանության փորձը «Հաղթանակ» կամրջից

Քարաթափում Զովունիից դեպի Կորեայի ձոր տանող ավտոճանապարհին. այն դարձել է միակողմանի երթևեկելի

Երվանդ Երկանյանի 70-ամյակը նշանավորվել է հոբելյանական համերգով

Պայթյուն Գյումրիում. տուժածի վիճակը գնահատվում է ծանր

Պահանջվում են ազատամիտ կանայք և աղջիկներ, որակավորման կարիք չկա. զավեշտի հասնող աշխատանքի հայտարարություններ List.am-ում

Գյումրիում արագընթաց էլեկտրագնացքը վրաերթի է ենթարկել մի կնոջ

Վաղարշապատում կարեւորագույն ռեֆորմ է իրականություն դառնալու. Դիանա Գասպարյանը հանդիպել է քաղաքացիների հետ

ԱՀԿ-ն ահազանգում է կորոնավիրուսային հիվանդության հարուցչի նոր ենթատեսակի` «Օմիկրոնի» մասին. այն ավելի արագ է տարածվում

Ալեն Սիմոնյանի գլխավորած պատվիրակությունը Մադրիդում է (լուսանկարներ)

ՀՀ էկոնոմիկայի նախարարի գլխավորած պատվիրակությունն այցելել է բելառուսական «Белкоммунмаш» գործարան

Աշտարակ-Պռոշյան ճանապարհին հետախուզվող է հայտնաբերվել

Կյանքս բանակից դուրս չեմ պատկերացնում. զոհված եղբոր շիրիմին երդում տված և ծառայության անցած Ալիսա Մելքոնյան

Միջպետական և հանրապետական նշանակության բոլոր ավտոճանապարհները բաց են

Դիտարկվել է Երևանի Աջափնյակ վարչական շրջանի հանրային տրանսպորտի աշխատանքը. հայտնաբերվել են խախտումներ

24-ամյա վարորդը Չարենցավանում բախվել է ծառին. կա 4 վիրավոր

Lվովում Պատվո հյուպատոսության գրասենյակ է բացվել

Կարեն Անդրեասյանը կգործուղվի Իտալիա

ՄԻԵԴ-ը գերեվարված 4 զինծառայողի վերաբերյալ միջանկյալ միջոց կիրառելու մասին որոշում է կայացրել