Փարաքարում ջրի որակը կտրուկ վատացել է, բնակիչները պնդում են՝ արտեզյան ջուր է բաց թողնվում. այն հանձնվել է փորձաքննության

09/06/2023 schedule10:00

Ամառն սկսվելուն պես Արմավիրի մարզի Փարաքար խոշորացված համայնքում խմելու ջրի հետ կապված խնդիրներ են ի հայտ եկել: Բանն այն է, որ բնակիչները մեկ շաբաթից ավելի է՝ տարօրինակ համ են առնում, զգում, որ ջրի որակը կտրուկ վատացել է:

«Հայկական ժամանակ»-ի խմբագրություն դիմած քաղաքացիների խոսքով՝ Փարաքարում սա առաջին դեպքը չէ. շատ հաճախ այս սեզոնին նման խնդրի առաջ են կանգնում: Վերջիններս պնդում են՝ արտեզյան ջուր է բաց թողնվում, ինչն էլ մեծ քանակությամբ քլոր է պարունակում, տպավորություն է՝ սոդայաջուր է գալիս: Նրանց խոսքով՝ դա անգամ տեսանելի է անզեն աչքով, որն արտահայտվում է ջրի թողած սպիտակ լաքաներով:

Փարաքարցիներն ամռան այս ամիսներին, երբ ջուրն անհամեմատ ավելի շատ է օգտագործվում, ստիպված են խանութներից տարաներով ջրեր գնել, քանի որ մեծ մտավախություն ունեն ծորակներից եկող ջրից ձեռք բերել տարբեր թունավորումներ, հիվանդություններ: Ըստ բնակիչների՝ երեխաներին առհասարակ չեն տալիս այդ ջուրը:

«Ամբողջությամբ քլոր է, դա ափսեների վրա էլ է նկատվում, խմելուց էլ։ Ծորակը բացում ես՝ սկզբում դեղին ջուր է գալիս, հետո՝ քլոր։ Խանութից ենք գնում ջուրը, որպեսզի կարողանանք խմենք, օգտագործենք: Մեր ջուրը միշտ էլ լավն է եղել, բայց ամռանը արտեզյան ջուր են բացում։ Ասում են՝ ջուրը չի հերիքում, դրա համար են բացում դա։ Սակայն այս ջուրը ոչ մի բանի պիտանի չէ»,- նշեցին նրանք:

Որոշ բնակիչների խոսքով՝ ջրի որակի փոփոխությունը կապված է համայնքում գործող ամառային լողավազանների աշխատանքի հետ: Նրանք կարծում են, որ խմելու ջուրն օգտագործում են լողավազանների համար, իսկ արտեզյան ջուրը՝ տալիս բնակիչներին՝ որպես փոխարինող։

Փարաքար խոշորացված համայնքի ղեկավար Դավիթ Մինասյանը մեզ հետ զրույցում հաստատեց, որ իսկապես կա նման խնդիր, քանի որ առաջին տարին չէ։ Նրա խոսքով՝ դիմել են համապատասխան մարմնին, սպասում են՝ ինչ պատասխան կտան:

«Ահազանգել ենք, «Վեոլիա ջրից» եկել են, նմուշառումներ վերցրել, սպասում ենք պատասխանին։ Մինչ դա՝ պարզաբանել են, որ արտեզյան ջուր է գալիս, քանի որ ջրի ռեսուրսները չեն բավականացնում։ Իրենց խոսքով՝ ջուրը խմելու ենթակա է, կարող են բնակիչներն օգտագործել»,- ասաց Մինասյանը:

Ըստ խոշորացված համայնքի ղեկավարի՝ կախված, թե ինչ պատասխան կստանան «Վեոլիա ջուր» ընկերությունից, դրանից էլ պարզ կդառնա՝ ինչ քայլեր կձեռնարկեն իրենք․ «Ասել են՝ 2-3 օրվա մեջ մեզ պատասխան կտան։ Եթե չբավարարեց լաբորատորիայի պատասխանը, այսինքն՝ ասացին՝ ջուրն օգտագործելի է, բայց անզեն աչքով նկատելի է, որ քլորը շատ է, գուցե դիմենք այլ լաբորատորիա։ Պետք է փորձենք հասկանալ, թե այս հարցին ինչ լուծումներ կարող ենք տալ»։

Դավիթ Մինասյանը, սակայն, համամիտ չէ բնակիչների այն պնդումների հետ, թե ջրի հետևանքով երեխաների մոտ թունավորման դեպքեր են գրանցվում: Վերջինիս հավաստմամբ՝ այսօրվա տվյալներով, օրինակ, մանկապարտեզի բոլոր երեխաները հաճախել են, հիվանդանոցներ թունավորման դեպքով դիմած երեխաներ չկան։

Անդրադառնալով որոշ բնակիչների այն պնդումներին, թե այս ամիսներին խմելու ջուրը բաց է թողնվում լողավազաններ, դրա համար ջրի սակավություն է լինում, և ստիպված են բնակչությանը արտեզյան ջուր մատակարարել՝ համայնքի ղեկավարն ասաց. «Չեմ կարող ասել՝ կոնկրետ ինչի մասին է խոսքը, եթե հստակ ասեն՝ ում կամ ինչին է վերաբերում, գուցե փորձենք հասկանալ»։

Ջրից թունավորման դեպքերի գրանցումը բացառեց նաև Փարաքարի բժշկական ամբուլատորիայի տնօրեն Նարինե Գրիգորյանը։ «Հավատացնում եմ, որ մեզ մոտ նման դեպքեր չկան։ Որևէ ինֆեկցիայով կամ թունավորմամբ երեխաներ, այդ թվում՝ մեծահասակներ, չենք ունեցել։ Այլ ամբուլատորիաներում ևս, քանի որ եթե լինում են նման դեպքեր, ապա մեզ տեղեկացնում են»,- մեզ հետ զրույցում հավաստիացրեց նա։

Հարցին՝ իսկ իրենք նկատո՞ւմ են ջրի որակի վատացում, Գրիգորյանն ասաց՝ քանի որ այդ հարցն իրենց լիազորությունների տիրույթում չէ, չի կարող մեկնաբանել:

Հարցի առնչությամբ կապ հաստատեցինք նաև ՀՀ առողջապահական և աշխատանքի տեսչական մարմին: Կառույցից հայտնեցին, որ ջրի հետ կապված խնդրի մասին տեղեկացել են մամուլից, իսկ բնակիչներից որևէ բողոք կամ ահազանգ չի եղել։

«Հարցն արդեն մեր օրակարգում է, զբաղվում ենք։ Զեկուցագրով դիմել ենք մարմնի ղեկավարին, որից հետո կհասկանանք, թե տեսչականի ո՞ր մարմինը պետք է զբաղվի այդ հարցով։ Մեր լիազորությունների շրջանակներում կարող ենք նմուշառում իրականացնել և ուղարկել լաբորատորիա, ըստ այդ եզրակացությունների՝ համապատասխան կարգադրություններ են տրվում»,- մեզ հետ զրույցում ասաց տեսչականի իրազեկման, խորհրդատվության և հանրության հետ տարվող աշխատանքների բաժնի պետ Էրիկ Աստվածատրյանը։

ՀՀ առողջապահության նախարարության «Հիվանդությունների վերահսկման և կանխարգելման ազգային կենտրոն»-ից էլ հայտնեցին, որ ջրի հետ կապված թունավորումների դեպքեր վերջին շրջանում չեն նկատվել, գրանցումներ չունեն։

Իսկ ահա բուն պատասխանատուի՝ «Վեոլիա ջրի» մեկնաբանությունը հարցի առնչությամբ խիստ հակասական է: Մեզ հետ զրույցում ընկերության մամուլի պատասխանատու Զառա Նազարյանը սկզբում հայտնեց, թե Փարաքար համայնքի խմելու ջրի որակի վատթարացման հետ կապված որևէ ահազանգ չեն ստացել։ Վերջինս հորդորեց, որ բնակիչները զանգահարեն 1․85 հեռախոսահամարով: Նա, սակայն, հավելեց, որ ջրի որակի հետ կապված աշխատանքներ են տարվում ողջ հանրապետությունում:

Որոշ ժամանակ անց՝ մեր երկրորդ հեռախոսազանգի ընթացքում, երբ հայտնեցինք, որ համայնքի ղեկավարի խոսքով՝ ընկերությունը նմուշառում է վերցրել՝ ջրի որակը ստուգելու համար, և սպասում են պատասխանի, Նազարյանը նկատեց, որ, այո, ընկերությունը տեղյակ է խնդրից: Ճշտող հարցին՝ այդ դեպքում ինչո՞ւ ի սկզբանե չհայտնեցին այդ մասին, Զառա Նազարյանը նշեց, թե ընկերությունը մեծ է, և տեղեկատվությունը նույն պահին իրեն չեն կարող փոխանցել։

Վերջինս նաև տեղեկացրեց, որ այս համայնքում ջրի մատակարարումը փոխվել է, ավելի ուշ հանդես կգան հայտարարությամբ, որտեղ ամեն ինչ մանրամասն կպարզաբանեն:

Տպել
544 դիտում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան

Ադրբեջանի ՊԱԾ ղեկավարը Հայաստանին սպառնում է՝ մեղքը բարդելով Ֆրանսիայի վրա

«Կովկասի գերուհի» ռեստորանի մենեջերը կասկածվում է 11 միլիոն դրամ հափշտակելու համար

ԱԱԾ-ն հայտարարություն է տարածել

Հայաստանը ՀԱՊԿ-ից դուրս գալու ծանուցում չի ուղարկել, բայց աշխատանքներին չի մասնակցում. Թասմագամբետով

Հաստատվել է նախադպրոցական հաստատության ղեկավարման իրավունքի քննության թեստավորման նոր հարցաշարը. ԿԳՄՍՆ

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Հայ-վրացական սահման տանող ճանապարհի փակ հատվածը թեթև մարդատար մեքենաների համար բացվել է

Թալանել են Սայաթ-Նովա պողոտայի «Զիգզագ» խանութը. հափշտակվել է 5,5 մլն դրամի բջջային հեռախոս