Մոռացել է, որ պետական պաշտոնյա է

25/09/2012 schedule12:03

«ՀՀ հարկային համակարգը, ՀՀ ԿԱ ՊԵԿ նախագահ Գագիկ Խաչատրյանի ղեկավարության տարիներին, բովանդակային եւ որակական որեւէ փոփոխություն չի կրել, այդ համակարգը պահպանել է հարկատուների հետ փոխհարաբերություններում իր գիշատիչ եւ մարդակերային էությունը, այն է` միջին եւ փոքր բիզնեսի հարկատուների նկատմամբ վարչարարություն իրականացնելիս անհավասար եւ տարբերակված մոտեցումը, եւ քիչ չեն այն դեպքերը, երբ հարկային ծառայողները տասնյակ տարիներ շարունակում են պաշտոնավարել նույն հարկային տեսչությունում, նույն ստորաբաժանումում, այն դեպքում, երբ ՀՀ կառավարության սահմանված կարգով` երկու տարուց ոչ ավելի` նույն ստորաբաժանման հարկային ծառայողները պարտադիր պետք է տեղափոխվեն հարկային մարմնի մեկ այլ ստորաբաժանում: Նման դեպքերում հարկային ծառայողների կողմից իրականացվող վարչարարությունը վերածվում է հարկատուների հետ բազարային պայմանավորվածությունների` ինքնանպատակ ակտեր գրելու, տարբեր հարկատեսակների գծով հարկատուներից կանխավճարներ գանձելու եւ այլ հարցերի շուրջ, որ դոնոր պետությունները ֆինանսական օգնություն չեն տա Հայաստանի Հանրապետությանը այնքան ժամանակ, քանի դեռ հարկային համակարգը, այսօր իրականացվող վարչարարության որակներով` ղեկավարում է Գագիկ Խաչատրյանը, որը, միաժամանակ խախտելով հարկային ծառայության մասին ՀՀ օրենքը, պետական ծառայությունը համատեղում է գործարարության հետ...

Վերը նշվածին ի լրումն հայտնում եմ հետեւյալը. ՀՀ ԿԱ ՊԵԿ հարկ վճարողների հեռախոսազանգերի սպասարկման կենտրոնի (թեժ գիծ` 060 54 44 44), ինչպես նաեւ ՀՀ ԿԱ ՊԵԿ համակարգի մյուս ստորաբաժանումների ֆիքսված հեռախոսակապի օպերատորը եւ ինտերնետ ծառայություններ մատուցողը ներկայումս Յուքոմ ՍՊԸ-ն է (նախկինում այդ ծառայություններն իրականացնում էր ԱրմենՏել ընկերությունը): Համաձայն համատարած շրջող լուրերի` Յուքոմ ՍՊԸ-ի բաժնեմասերի մի զգալի մասը տնօրինում են ՀՀ ԿԱ ՊԵԿ նախագահ Գագիկ Խաչատրյանի ընտանիքի անդամները կամ մերձավորները, այսինքն` Գագիկ Խաչատրյանը, իր ղեկավարության տարիներին աստիճանաբար դուրս մղելով ՀՀ ԿԱ ՊԵԿ-ի ֆիքսված հեռախոսակապի օպերատոր եւ ինտերնետ ծառայություններ մատուցող ԱրմենՏել ընկերությանը եւ, դա փոխարինելով Յուքոմ ՍՊԸ-ով, հնարավորություն է ձեռք բերել պետբյուջեից ստացված հսկայական ֆինանսական միջոցներն ուղղել իր իսկ կողմից վերահսկվող Յուքոմ ՍՊԸ-ին, դրանով իսկ անպատշաճ ձեւով հարստացնելով իրեն եւ իր մերձավորներին, ավելին, ԱրմենՏել ընկերության ֆիքսված հեռախոսակապի ծառայությունից օգտվող եւ բաժանորդային վճարի մեջ տեղավորվող Հայաստանի Հանրապետության հարյուր հազարավոր հարկատուները եւ քաղաքացիները, տարբեր առիթներով զանգահարելով ՀՀ ԿԱ ՊԵԿ հարկ վճարողների հեռախոսազանգերի սպասարկման կենտրոն եւ ՀՀ ԿԱ ՊԵԿ տարբեր ստորաբաժանումներ, ամեն րոպե  խոսակցության համար լրացուցիչ վճարում են Յուքոմ ՍՊԸ-ին` հինգ դրամ, դրանով իսկ վատթարացնելով իրենց ֆինանսական վիճակը: Ըստ երեւույթին, Գագիկ Խաչատրյանը մոռացել է, որ ինքն ընդամենը կառավարիչ է աշխատում պետական կառավարչական հիմնարկում, այն է` ՀՀ ԿԱ ՊԵԿ-ում, եւ որ Հայաստանի Հանրապետության ԿԱ ՊԵԿ-ն իր սեփականությունը չէ: Ամեն գնով փող աշխատելու մոլուցքը ամբողջովին կլանել է այդ բարձրաստիճան պաշտոնատար անձին: Գտնում եմ, որ ՀՀ ԿԱ ՊԵԿ նախագահ Գագիկ Խաչատրյանը թույլ է տվել կոռուպցիոն վարքագիծ, այն է` պետական պաշտոնը օգտագործել է անձնական նպատակների եւ շահերի համար: Հավատում եմ, որ Հայաստանի Հանրապետության հարյուր հազարավոր քաղաքացիներ, հարկատուներ` սպասվող նախագահական ընտրություններում իրենց ձայնը կտան նախագահի այն թեկնածուին, ով գործով եւ ոչ թե խոսքով` բիզնեսը կտարանջատի իշխանությունից, կառավարությունը կմաքրի ամբողջովին բիզնեսի մեջ ներքաշված ագահ, անկուշտ, կոռումպացված պաշտոնյաներից, կղեկավարվի Հայաստանի Հանրապետության քաղաքացու օրինական իրավունքներով եւ շահերով, այլ ոչ թե կբավարարի բարձրաստիճան պաշտոնատար անձանց ապօրինի նկրտումները, եւ երկրում կհաստատի օրենքի իշխանություն:»

Խմբագրությունը պատասխանատվություն չի կրում քաղաքացիների նամակներում տեղ գտած փաստերի ճշգրտության համար: Մենք պատրաստ ենք տպագրել նյութում բերված փաստերի հետ անհամաձայնություն ունեցող ֆիզիկական եւ իրավաբանական անձանց տեսակետները:

Տպել
977 դիտում

Վահե Էնֆիաջյանը հանդիպել է Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի հետ

Ինձ վրա մատ թափ չտաք. լարված իրավիճակ Քոչարյանի եւ մյուսների գործով նիստին

Վահե Գրիգորյանն ընտրվեց Սահմանադրական դատարանի դատավոր

Առողջական լուրջ խնդիրներ ունեցող կալանավորը ՄԻՊ-ի աջակցությամբ տեղափոխվել է Դատապարտյալների հիվանդանոց

Հավանության է արժանացել 239 սուբվենցիոն ծրագիր, ընդհանուր 11,504 մլրդ դրամ արժեքով

Երեկվա եւ այսօրվա միջեւ ես ընտրում եմ վաղը․ Արման Բաբաջանյանը պաշտպանում է Վահե Գրիգորյանի թեկնածությունը

Ռոբերտ Քոչարյանի եւ մյուսների գործով դատավորը կրկին ինքնաբացարկ չհայտնեց

Պատգամավորները Սահմանադրական դատարանի դատավոր են ընտրում (լուսանկարներ)

Մհեր Գրիգորյանը ՄԱԿ մշտական համակարգողի հետ քննարկել է ոլորտային ռազմավարությունների մշակման գործընթացը

ԱՆ քրեակատարողական ծառայությունում մի շարք գնման գործընթացներ իրականացվել են օրենքի խախտումներով. ՊՎԾ

Հայկ Սարգսյանի տվյալներով՝ Չեխիայի արդարադատության նախարարը եղբորը արտահանձնելու վերաբերյալ համաձայնություն չի տվել

Հրդեհ Արմավիր քաղաքում.այրվել է ավտոմեքենա

Ներդրումներ է տապալել. ԱԱԾ-ն բացահայտել է Սյունիքի նախկին մարզպետ Սուրիկ Խաչատրյանի ապօրինությունները

ՍԴ-միակ մարմինն է, որ ունի վերջնական իշխանություն՝ մեկնաբանելու այս պետության ամենաքաղաքական ակտը՝ Սահմանադրությունը

Բարձրագույն դատական խորհրդի անդամի թեկնածուն ընտրվելու դեպքում պատրաստ է առաջինը ենթարկվել վեթինգի

ՈՒԵՖԱ-ի նախկին նախագահ ֆրանսիացի Միշել Պլատինին ձերբակալվել է

Արցախում զինծառայողը ճանապարհատրանսպորտային պատահարի է ենթարկվել. նա մահացել է հիվանդանոցում

Կաջակցի՞ արդյոք ԿԽՄԿ ՀՀ-ում իրականացվող բարեփոխումներին. Մհեր Գրիգորյանն ընդունել է Քլեր Մեյթրոյին

Պարտադրանքը, որ եղել է նախկինում, պետք է փոխվի. Հայկակ Արշամյան

Դել Բոսկեն Հայաստանում է. նա կարծում է՝ վերջին հաղթանակները վստահություն կներշնչեն ՀՀ ընտրանուն