ՄԵԿ ՓԱԿ ՇՈՒԿԱ, ԵՐԿՈՒ ԱԿՑԻԱ

04/09/2013 schedule09:07

Երեք օր է՝ «Փրկենք հուշարձանը օլիգարխներից» նախաձեռնող խումբը սկսել է Փակ շուկայի ճարտարապետական տեսքի աղճատման դեմ բողոքի ակցիաները, ինչին շուկայի սեփականատեր Սամվել Ալեքսանյանը փորձում է հակադրել իրեն պատկանող բիզնես-կենտրոնների աշխատակիցների «միտինգներով», երբեմն էլ՝ հարձակումներով:

Երեկ նախաձեռնող խումբը պետք է հերթական բողոքի ակցիան անցկացներ շուկայի մոտ: Սակայն Սամվել Ալեքսանյանի մարդիկ իրենց մեծաքանակ ներկայությամբ փակել էին շուկայի մերձակա տարածքն ու, այսպես ասած, հակամիտինգ էին անցկացնում: Ընդ որում, դա անում էին իրենց հատուկ՝ հանրությանը քաջ հայտնի ոճով: Գործարար պատգամավորի հրահանգով այստեղ էին եկել «Երեւան Սիթի» եւ «Կայզեր» սուպերմարկետների ոչ միայն աշխատակիցները, այլեւ նրանց ընտանիքների անդամները: Երիտասարդ վաճառողները մեզ հետ զրույցում ասացին, որ մի մասը գիշերային հերթապահությունն առավոտյան հանձնել են ու միանգամից տեղափոխվել Մաշտոցի պողոտա, մյուսներն էլ ցույցից հետո հերթապահություն են ընդունելու: Ակցիային մասնակցում էին նաեւ «Ռիչ» տաքսի սերվիսի վարորդներ ու աշխատակիցներ, ինչպես նաեւ բազմաթիվ մանրավաճառներ, ովքեր ժամանակին պտուղ-բանջարեղեն էին վաճառում հուշարձանի ներսում, հիմա էլ Սամվել Ալեքսանյանից խոստում են առել իրենց տեղն ունենալ շուկայում: Նրանք պաստառներ ունեին՝ «Թողեք ապագա սերնդին ապրել արժանավայել քաղաքում», «Ոչ գրանտակերներին», «Ոչ վարձու ընդդիմախոսներին», «Այո աշխատատեղերին» գրություններով, ինչպես նաեւ բացականչում էին՝ «Ալեքսանյան-շինարար», «Ալեքսանյան-բարերար», «Մենք բացում ենք Փակ շուկան»: Ցուցարարները առանձնապես ոգեւորությամբ էին վանկարկում, երբ լրագրողների տեսախցիկներն իրենց էին ուղղվում: Յուրաքանչյուրն ուզում էր «շեֆի» աչքին ամենանվիրյալ երեւալ: Ալեքսանյանի թիմակիցները բազմությանն ապահովում էին «Նոյ» ջրով: Տասնյակ արկղերով ջուր մատակարարվեց երեկ, ինչից օգտվում էին ոչ միայն քաղաքացիները, այլեւ ոստիկանները:

2-3Նույն ժամին «Փրկենք հուշարձանը օլիգարխներից» նախաձեռնող խումբը հայտարարություն տարածեց, որ քաղաքացիական բախումներից խուսափելու համար խումբը հավաքվել է Մաշտոցի պուրակում: Որոշ քաղաքացիական ակտիվիստներ սրան անտեղյակ մոտեցել էին Փակ շուկային եւ հանդիպել Ալեքսանյանի կողմնակիցների հարձակմանը: Փակ շուկայի պատին՝ մեծ բարձրության վրա, կախված էր Նախախորհրդարանի անդամ, ակցիաների մասնակից Կարո Եղնուգյանի նկարով պաստառը, որի վրա սփյուռքահայ գործարարը նշվում էր որպես մասոն եւ օտարերկրյա լրտես: Եղնուգյանը մեզ հետ զրույցում ասաց, որ սա քրեորեն պատժելի արարք է, եւ մոտակա օրերին ինքը կդիմի իրավապահներին՝ զբաղվելու այս գործով:

Չնայած Լֆիկ Սամոյի մարդկանց «հզոր» հակաակցիային, «Փրկենք հուշարձանը օլիգարխներից» նախաձեռնող խմբի անդամ Գարեգին Չուգասզյանը մեզ հետ զրույցում ասաց, որ իրենց ակցիան ստացվեց: «Մեր նպատակն է, որ կանգնեցվի շինարարությունը, սկսվի ապօրինի կառույցների ապամոնտաժումը, հատուցվի հուշարձանին հասցված վնասը: Թե ինչ ձեւերով դրանք կանենք, որտեղ կանենք, որ ժամին՝ անընդհատ փոխվելու է: Մենք էսօր ականատես եղանք, որ մեր քաղաքացիների մի ուրիշ հատված ակցիա է անում, ինչը մեզ ի նպաստ էր: Մենք գոհ ենք, որ էդ քաղաքացիները հազարներով հավաքվել են եւ իրազեկում են մեր ամբողջ ժողովրդին, որ կա լուրջ խնդիր՝ Ծածկած շուկայի հետ կապված: Էդ իրազեկման համար անգամ շնորհակալություն ենք հայտնում իրենց: Իրենց շնորհիվ շատ ավելի մարդիկ կհետաքրքրվեն եւ հարցերի պատասխաններ կտրվեն, թե ինչու են մարդիկ մի քանի օր շարունակ հավաքվում: Անկախ ամեն ինչից, կա հստակ միտում՝ ժողովրդի մի հատվածին մյուս հատվածի դեմ հանելու: Եվ մենք երբեք չենք տրվելու էդ սադրանքներին»:

Գագիկ Աղբալյան

Տպել
441 դիտում

Սերժ Թանկյանը ոգեւորված է, որ կատարել է «Գահերի խաղը» սերիալի սաունդթրեքերից մեկը

Հայաստանի հավաքականը Եվրոպայի առաջնությունում երրորդն է թիմային հաշվարկում

Տեւական դադարից հետո Արթուր Ալեքսանյանը մրցման կմասնակցի

Դատարաններն արգելափակելու ժամանակ հանցագործության մասին հաղորդումներն ուղարկվել են ՀՔԾ. դատախազություն

Դաշնակցությունը մայիսի 23-ին Ազատության հրապարակում հրավիրում է հանրահավաք

Ողջունում ենք դատական համակարգը առողջացնելու գործադիր եւ օրենսդիր մարմինների քաղաքական կամքը․ ՔՈ ՍԴ կուսակցություն

Ղրիմի պատկանելիության հարց գոյություն չունի. Պեսկովի պատասխանը Զելենսկիին

Մեր երկրում գործած համակարգային կոռուպցիայից Արցախի մեր հայրենակիցները հաճախ ավելի շատ են տուժել․ Նիկոլ Փաշինյան

«Լուսավոր Հայաստան» խմբակցությունը Ազգային ժողովի արտահերթ նիստ հրավիրելու ստորագրահավաք է նախաձեռնել

Երկրում ժողովրդավարություն հաստատելու կարեւոր գործընթացը պիտի անդրադառնա նաեւ դատական իշխանության վրա

Ոստիկանությունը զեկուցեց, որ ժամը 13.30-ին բոլոր դատարանները ապաշրջափակվել են. Նիկոլ Փաշինյան

Մի կետից պետք էր սկսել կտրուկ փոփոխությունների գնալը, եւ սա այս կետն էր. Մակունց

Արսեն Թորոսյանը Ժնևում մասնակցում է Առողջապահության համաշխարհային 72-րդ վեհաժողովին

ՀՀ-ն պատրաստակամ է էլ ավելի զարգացնելու հայ-ռուսական հարաբերությունները. ԱԺ նախագահ

«Բարսան» ռեկորդային առավելություն ստացավ «Ռեալի» նկատմամբ, «Բավարիան» չեմպիոն է 29-րդ անգամ

Պաշտոնական ստուգումներ, ծառայողական քննություններ. այն մասին է, թե ինչ է դատվորների vetting-ը

2016 թ․-ի ապրիլյան պատերազմի հանգամանքներն ուսումնասիրող ԱԺ քննիչ հանձնաժողով ստեղծելու ժամանակը հասունացել է․ Փաշինյան

Խնդրում եմ 13։30-ից վերացնել դատարանների արգելափակումը․ անկախ դատական համակարգ ունենալու գործընթացը սկսված է․ վարչապետ

Նիկոլ Փաշինյանը շնորհավորական ուղերձ է հղել Վլադիմիր Զելենսկիին՝ Ուկրաինայի նախագահի պաշտոնն ստանձնելու կապակցությամբ

Վեթինգի ենթարկվողները, նրանց հարազատները հայտարարագրում են իրենց ողջ գույքը. Զրվանդյան