ԵԽԽՎ բուռն նստաշրջան

21/04/2015 schedule14:48

Երեկ Ստրասբուրգում մեկնարկել է ԵԽԽՎ գարնանային նստաշրջանը: ՀՀ պատվիրակությունը նիստերի դահլիճի մուտքի մոտ կազմակերպել է ցուցահանդես՝ նվիրված Ցեղասպանության 100-րդ տարելիցին: Ադրբեջանական ԶԼՄ-ները, լուսաբանելով սույն միջոցառումը, գրել էին. «Այսպես կոչված «հայերի ցեղասպանության» ցուցահանդեսը այցելուներին ծանոթացնում էր 100-ամյա հնության իրադարձությունների մասին պատմող փաստաթղթերի ու ֆոտոների հետ: Այդուամենայնիվ, ցուցահանդեսի պաշտոնական ստենդի վրա «գենոցիդ» բառը չէր օգտագործվել: Արգելքը գալիս էր ԵԽԽՎ ղեկավարությունից»: 

ԵԽԽՎ լիագումար նիստում բացման խոսքով հանդես է եկել նաեւ ԵԽԽՎ նախագահ Անն Բրասերը, ով օրեր առաջ ՀՀ-ում էր, մինչ այդ էլ՝ Թուրքիայում, եւ շատ լարված զրույց էր ունեցել հայ պատգամավորների հետ: Ի թիվս չլուծված եւ բաց հարցերի՝ Բրասերը հիշատակել է Ցեղասպանությունը՝ խուսափելով, սակայն, արտասանել այդ բառը: «Դեռ կան մի շարք հարցեր, որոնք բաց են մնում: Եվրոպայի խորհուրդը պետք է շարունակի ակտիվ դերակատարություն ունենալ անդամ երկրներին այս հարցով աջակցելու համար: Ավելին, իմ այցը Թուրքիա եւ ՀՀ առիթ դարձավ՝ հետադարձ հայացք գցելու 100 տարի առաջ տեղի ունեցածին: Ապրիլի 24-ին Հայաստանը հիշատակելու է մեկ դար առաջ տեղի ունեցած կոտորածը, եւ ես հարգանքի տուրք եմ մատուցում զոհերին եւ նրանց ժառանգներին»,- ասել է Բրասերը: Նա նշել է, թե բռնությունները չեն կարող լինել հարցի լուծման տարբերակ: «ԵԽ 47 երկրները կիսում են ընդհանուր պատմությունը եւ կոչված են կերտել ընդհանուր ապագա, քանի որ, չնայած մեր հարաբերություններին եւ անհամաձայնություններին, մենք նույն ընտանիքից ենք»,- ասել է Բրասերը:

Ինչպես հաղորդում է ադրբեջանական APA-ն, ԵԽԽՎ մոնիտորինգի հանձնաժողովի նիստում բավական լարված խոսակցություն է տեղի ունեցել ԼՂ հարցի շուրջ: Մոնիտորինգի հանձնաժողովում ստեղծվել է հատուկ ենթահանձնաժողով՝ ԵԽ անդամ երկրների միջեւ կոնֆլիկտների կարգավորման հարցով: Ադրբեջանական պատվիրակության ղեկավար Սամեդ Սեիդովը լրագրողների հետ զրույցում, ըստ APA-ի, հայտարարել է. «ԵԽԽՎ Բյուրոյում քննարկվել էին տարբեր կոնֆլիկտներ, եւ մենք ցանկանում էինք, որ այդ հարցերը քննարկվեն հատուկ կառույցի կազմում: Քանի որ Հայաստանը չի դադարեցնում իր ագրեսիվ քաղաքականությունը, Ադրբեջանը մշտապես ենթարկվում է պրովոկացիաների, չնայած ՀՀ բանակի զինվորները հոգնել են այս կոնֆլիկտից: Ես Վեհաժողովի պատգամավորներին ներկայացրեցի լուսանկար, որում ֆիքսված է, թե ինչպես է հայ զինվորը կամավոր հանձնվում Ադրբեջանին: Հայ զինվորը հայտարարում է, որ չի ցանկանում մեռնել: Սա ապացուցում է, որ եթե հայերը լքեն իրենց չպատկանող հողերը, այս հակամարտությունը կկարգավորվի»: Սեիդովը հայտարարել է, որ իր ելույթից հետո ստեղծվել է հատուկ ենթահանձնաժողով, որը զբաղվելու է ինչպես ԼՂ, այնպես էլ այլ կոնֆլիկտներով: «Այդ հարցը մշտապես կքննարկվի: Հայկական պատվիրակությունը փորձում էր կրկին խուսափել հարցի քննարկումից, բայց որոշման դեմ քվեարկեցին ընդամենը 3-ը, որոնցից 2-ը հայկական պատվիրակության անդամներ էին»,- ասել է Սեիդովը:

Երեկ ԵԽԽՎ լիագումար նիստում ելույթ են ունեցել նաեւ ՀՀ պատվիրակության անդամները: Մասնավորապես՝ ՀՀ պատվիրակության ղեկավար Հերմինե Նաղդալյանը ԵԽԽՎ-ին կոչ է արել խուսափել հակամարտության շուրջ նոր բռնկումից, որը կարող է առաջացնել ԼՂ մասին պատրաստվող զեկույցը: Նա խոսել է Ադրբեջանի ռազմատենչ հայտարարություններից, տարածաշրջանում աճող լարվածությունից, ինչպես նաեւ Հայոց ցեղասպանությունից: Ենթահանձնաժողովի ստեղծումը, փաստորեն, հայկական պատվիրակությունը չի կարողացել ձախողել:

Տպել
1487 դիտում

Մանվել Գրիգորյանը լրատվամիջոցից պահանջում է 3 մլն դրամ. նոր հայցադիմում է ներկայացվել

ԵԱՀԿ ՄԽ համանախագահներին հետաքրքրել են Դավոսում ՀՀ վարչապետի և Ադրբեջանի նախագահի հանդիպման մանրամասները

Հանդիպել են Իրաքում ՀՀ դեսպան Հրաչյա Փոլադյանն ու Իրաքի կապի նախարարը

ԳԹԿ կառավարման խորհրդի կազմը հաստատվել է, թեստերի ժողովածուներն էլ վեճի առարկա են

Նիկոլ Փաշինյանը և Աննա Հակոբյանը ներկա են գտնվել Հայ կոմպոզիտորական արվեստի 10-րդ փառատոնի բացմանը

Մենք եկանք անաղմուկ՝ հատուկ ընտրություններին քվեարկելու համար. Նիկոլա Ազնավուրը՝ վարչապետին

Վրաստանի պաշտպանության նախարարը պաշտոնական այցով վաղը կժամանի Երևան

Երեւանում օրը ցերեկով մեքենա ջարդուխուրդ անող երիտասարդների գործով Վերաքննիչն իրարից տարբերվող որոշումներ է կայացրել

Փետրվարի 20-ը հայոց ազգային վերազարթոնքի մի բացառիկ օրինակ էր. ուղերձ՝ Ղարաբաղյան շարժման տարեդարձի առթիվ

Black Box կամ Սեւ տուփ-Փոքր բեմ. Հայաստանում առաջին անգամ ստեղծվել է նոր ձեւաչափով թատրոն

ՀՀ պաշտպանության նախարարն ընդունել է «Պատմության և մշակույթի էջեր» ծրագրի մասնակիցներին

Մրցանակներ՝ միջազգային կառույցներից. Արսեն Թորոսյանը մրցանակակիրներից մեկն է

2018-ին բացահայտված հանցագործությունների դեպքերով պետությանը պատճառվել է 84.8 մլրդ դրամի վնաս

Շոկային պարտությունից հետո «Արսենալը» պետք է փորձի դուրս չմնալ Եվրոպա լիգայից

«Մենք ստացանք մեր լուծումը». ռեստորանատերերի խնդիրը կառավարությունը կարգավորեց

Ն. Փաշինյանը և ԵԱՀԿ Մինսկի խմբի համանախագահները կարևորել են հրադադարի ռեժիմի պահպանման իրականացումը

Արմավիրի քաղաքապետարանը սկսում է քաղաքը մեքենաների թափքերից մաքրելու ծրագիր

Թաեքվոնդոյի ֆեդերացիայի նախագահի ընտրությունները կրկին հետաձգվել են

Արամ Խաչատրյանի երաժշտության հիման վրա օրհներգի համար տեքստի մրցույթ է հայտարարվել

Նախարար Հակոբ Արշակյանի այցից հետո Կենտրոնական ավտոկայանում միջադեպ է տեղի ունեցել