Ի՞նչ է անելու Սերժ Սարգսյանը ԱՄՆ-ում

30/04/2015 schedule20:00

Մայիսի 7-ին Սերժ Սարգսյանը կժամանի Վաշինգթոն: Մեզ հաջողվեց ճշտել, որ մայիսի 7-ի երեկոյան, տեղի ժամանակով 17:00-ին Վաշինգթոնի Ազգային Մայր տաճարում նախատեսված է էկումենիկ արարողություն՝ Հայոց ցեղասպանության 100-րդ տարելիցի կապակցությամբ:

Պատարագին, բացի Սերժ Սարգսյանից, ներկա են լինելու նաեւ Ամենայն հայոց կաթողիկոս Գարեգին Բ-ն եւ Մեծի Տանն Կիլիկիո կաթողիկոս Արամ Ա-ն, մեծ թվով դիվանագետներ: Գլխավոր ելույթը վերապահված է եկեղեցիների համաշխարհային խորհրդի քարտուղար, դոկտոր Օլավ Ֆիքս Թվեյթին: Սույն արարողության կազմակերպիչներից են հանդիսանում ԱՄՆ եկեղեցիների ազգային խորհուրդը եւ ԱՄՆ կաթոլիկ եպիսկոպոսների համաժողովը:  

Մայիսի 8-ին, երեկոյան 20:00-ին Վաշինգթոնի Սթրաթմոր համերգասրահում տեղի է ունենալու համերգ, որին կմասնակցեն հայտնի երգչուհիներ Հասմիկ Պապյանը, Իզաբել Բայրաքդարյանը (Գրեմիի նոմինանտ), Հայաստանի ֆիլհարմոնիկ նվագախումբը: Ի դեպ, սույն համերգի տոմսերը (40-125 դոլար արժողությամբ) արդեն ամբողջությամբ վաճառված են: Եւս մի պատարագ է նախատեսված մայիսի 9-ի առավոտյան, Վաշինգտոնի մեկ այլ՝ «Անարատ հղիության» Ազգային սրբավայր-դամբարանում, որտեղ երկու հայ կաթողիկոսները քարոզ են կարդալու, որից հետո Վաշինգտոնի «Մարիոթ» հյուրանոցում տեղի է ունենալու ընդունելություն եւ բանկետ: Մայիսի 7-9-ին նույն հյուրանոցում նաեւ ցուցահանդեսներ եւ այլ մշակութային միջոցառումներ են նախատեսված: 

Թե ի՞նչ պաշտոնական հանդիպումներ կունենա Սերժ Սարգսյանը իր ամերիկյան այցի ընթացքում՝ հայտնի չէ: Հայկական կողմը առ այսօր անգամ պաշտոնապես չի հայտարարել Սերժ Սարգսյանի այցի մասին, իսկ Սպիտակ տան պաշտոնական կայքում Օբամա-Սարգսյան հանդիպման մասին որեւէ տեղեկատվություն, գոնե երեկվա դրությամբ, չկար: Հիշեցնենք, ապրիլի 12-ին Վատիկանում Հռոմի պապի մատուցած պատարագից եւ Հայոց ցեղասպանության մասին արած հայտնի հայտարարությունից հետո Թուրքիայի արտաքին գործերի նախարար Մեւլութ Չավուշօղլուն մեկնել էր ԱՄՆ՝ իր պաշտոնակից Ջոն Քերիի հետ հանդիպման ընթացքում ջանքեր գործադրելու, որպեսզի ԱՄՆ նախագահ Բարաք Օբաման ապրիլքսանչորսյան ուղերձում «ցեղասպանություն» բառը չօգտագործի: Թուրքիան, ինչպես հայտնի է, հասավ հաջողության: Իսկ ի՞նչ նպատակ է հետապնդում Սերժ Սարգսյանի այցը Միացյալ Նահանգներ ապրիլի 24-ից հետո: ԱԺ ՀՀԿ խմբակցության ղեկավար Վահրամ Բաղդասարյանը երեկ մեզ հետ զրույցում ասաց, որ այդ հարցին կանդրադառնան այսօր սպասվող ՀՀԿ գործադիր մարմնի նիստի ժամանակ. առավել մանրամասն տեղեկատվության հանրապետականները դեռ չեն տիրապետում: Հարցին՝ ինչ-որ բան հնարավո՞ր է փոխել ԱՄՆ պաշտոնական դիրքորոշման մեջ, Բաղդասարյանը պատասխանեց. «Ամերիկյան դիրքորոշման մեջ արդեն իսկ ինչ-որ բան փոխվել է: Նաեւ նախագահ Օբամայի վերջին հայտարարության ժամանակ, ինձ թվում է, փոփոխություն նկատվում էր, որովհետեւ եթե դուք ուշադիր ելույթը լսեք, նախ, նա նշեց, որ ինքը համաձայն է Հռոմի պապ Ֆրանցիսկոսի հայտարարության հետ, որ 20-րդ դարի առաջին ցեղասպանությունը եղել է հայերի հետ, իհարկե, նա Մեծ Եղեռն արտահայտությունն է նորից օգտագործում, բայց ինձ թվում է, որ բավականին բուռն այդ քննարկումների, ամերիկյան այդքան նահանգների ճնշման տակ պետք է որ ԱՄՆ պաշտոնական դիրքորոշման մեջ լինի դրական փոփոխություն»: Ըստ Բաղդասարյանի, հայկական դիվանագիտական կորպուսի կողմից շատ մեծ աշխատանք է տարվել եւ տարվում՝ այս հարցում հաջողության հասնելու համար: «ԱՄՆ սենատում արդեն տրամադրվածության փոփոխություն է նկատվում: Վատիկանի միջոցառումները մեծ ազդեցություն թողեցին, եւ կարծում եմ, նախագահ Օբաման, ի վերջո, իր նախընտրական շրջանի համոզմանը կգա եւ այն, ինչ հայտարարել էր նախընտրական շրջանում, կկրկնի ապագայում, կասի այն, ինչ մենք ենք ցանկանում: Ես լավատես եմ եւ հնարավոր եմ համարում, որ Միացյալ Նահանգները նույնպես կընդունի Հայոց ցեղասպանությունը: Կարծում եմ, շարժը դրական է ընթանում: Իրենք եւս մտածում են այնպես, ինչպես մենք ենք մտածում, պարզապես՝ քաղաքականությունը շատ հաճախ շրջանցում է ճշմարտությունը: Կարծում եմ, ճշմարտությունը կհաղթի»,- ասաց ՀՀԿ խմբակցության ղեկավարը: Երբ հիշեցրեցինք, որ առ այսօր միայն Թուրքիային է հաջողվում ԱՄՆ-ի վրա գործադրած զանազան ճնշումների միջոցով կանխել Ցեղասպանության ճանաչումը այդ երկրի կողմից, Վահրամ Բաղդասարյանը հայտարարեց. «Ճնշումը մի քիչ կոպիտ բառ է, կարելի է լոբբինգ ասել, եւ ճշմարտությունից ու պատմական իրողությունից խուսափելը այդքան երկար չի կարող տեւել, որովհետեւ վերջիվերջո՝ պետք է ամեն ինչ ջրի երես դուրս գա, եւ ինձ թվում է, որ ԱՄՆ-ն այդ քայլը կկատարի, որովհետեւ այնպիսի պետություն, ինչպիսին ԱՄՆ-ն է, չի ցանկանա, որ ամբողջ աշխարհի մոտ սեւերես լինի՝ ճշմարտությունը թաքցնելով: Կարծում եմ, Միացյալ Նահանգները վերջիվերջո կանի իր հետեւությունները մոտ ապագայում: Այսինքն՝ դրական դինամիկան կա արդեն, եւ միանգամից չի կարելի նման տիպի երկրներից պահանջել, որ մի քանի ամիս կամ մեկ տարի առաջվա հայտարարությունից հետո շատ կտրուկ շրջադարձ կատարեն եւ անեն այլ հայտարարություն: Աստիճանական մոտեցում կլինի: Դուք ինչպես գիտեք, ԱՄՆ 51 նահանգներից 43-ը արդեն ճանաչել են Հայոց ցեղասպանությունը, իսկ դա արդեն գնահատական է, եւ նաեւ այնտեղի տրամադրությունների, այնտեղի մտավորականության եւ քաղաքական ուժերի տրամադրվածության մեջ բավականին մեծ փոփոխություն կա: Բավական մեծ փոփոխություններ են եղել 100-ամյակի միջոցառումների ընթացքում ամբողջ աշխարհում, իսկ ԱՄՆ-ն աշխարհի մի մասն է կազմում»:  Մոտ ապագա ասելով՝ իշխող մեծամասնության ներկայացուցիչը ի՞նչ ժամանակահատված նկատի ունի՝ դժվարացավ կոնկրետացնել: «Համենայնդեպս՝ մենք այդ մասին կխոսենք նախագահի այցից հետո»,- ասաց Բաղդասարյանը:  

Նշենք, որ Միացյալ Նահանգներից Սերժ Սարգսյանը մեկնելու է Մոսկվա՝ մայիսի 9-ին մասնակցելու Հաղթանակի 70-ամյակի միջոցառումներին:

Տպել
3504 դիտում

Խոցել են տանկ, գրավել հակառակորդի դիրք, ոչնչացրել մեծ թվով կենդանի ուժ, սպառազինություն. մեդալի արժանի հրետանավորները

Մեծավան գյուղի երեխաները 68 000 դրամ են հավաքել ու տարել համայնքապետարան՝ հիմնադրամին փոխանցելու համար

Գիշերը հատկապես ինտենսիվ մարտեր են ընթացել հարավային ուղղությամբ. ՊԲ

Սոթք-Քարվաճառ ավտոճանապարհը փակ է

Արցախի ՊԲ-ին հաջողվել է խոցել թուրքական արտադրության Bayraktar TB2 տեսակի ԱԹՍ (տեսանյութ)

ՄԱԿ-ի անվտանգության խորհրդի նիստում քննարկել են Արցախում հրադադարի պահպանման վերահսկողության հարցը

Ֆրանսիայի Վիեն քաղաքի համայնքային խորհուրդը միաձայն ընդունել է Արցախի ճանաչման բանաձև

Միջազգային կառույցները ողջ եղելությունը պետք է արձանագրեն՝ ֆիզիկապես լինելով Արցախում. Արման Թաթոյան

Լավրովի նշած «վերահսկման մեխանիզմները» անհրաժեշտ, բայց ոչ բավարար պայման են հրադադարի համար

Մահ ու պայքար՝ Լեռնային Ղարաբաղում. սարսափելի պատերազմի ռազմաճակատից. The New York Times-ի անդրադարձը

Այսօր ՊԲ հակաօդային պաշտպանության ստորաբաժանումները խոցել են 5 անօդաչու թռչող սարք (տեսանյութ)

Պատերազմը չի ավարտվել, դաժան ու սաստիկ պատերազմ է եւ մեր բոլորի ներդրումը չափազանց կարեւոր է. ՊՆ ներկայացուցիչ

Թուրքիայում ապրող հայաստանցիները հայրենիք վերադառնալու ճանապարհներ են փնտրում. նրանք տագնապած են

Արծրուն Հովհաննիսյանը՝ հակառակորդի դիակները հուղարկավորելու մասին

Արցախում զոհվել է «Թևանիկ» ֆիլմի գլխավոր հերոսներից Հովհաննես Խոդերյանը

Ամեն կերպ պետք է օգնել, որ մեր երեխաները դառնան ոչ թե նահատակված, այլ կենդանի հերոսներ. Ալբերտ Հովաննիսյանի հայր

Հյուսիսում թշնամին այսօր կենդանի ուժի զգալի կորուստներ է ունեցել, իսկ հարավում շարունակվել են ծանր մարտերը. Պողոսյան

Այս պահին մարտերի ուժգնությունը որոշակիորեն թուլացել է. Արծրուն Հովհաննիսյան

ԱՄՆ պետքարտուղար Պոմպեոն Վաշինգտոնում առանձին հանդիպումներ կունենա Հայաստանի եւ Ադրբեջանի ԱԳ նախարարների հետ

Մեր տղաները իմիտացիա են անում, իբր նահանջել են, հետևից սողեսող մոտենում են թշնամու տանկին, հարվածում. Հովհաննիսյան