Գազի Հովո VS Արգամ Հովիկիչ

12/05/2015 schedule16:00

Վարչապետ Հովիկ Աբրահամյանի երբեմնի ոխերիմ թշնամին՝ Հովհաննես Ղազարյանը, նույն ինքը՝ Գազի Հովոն, ով նախկինում «ՀայՌուսգազարդի» Արարատի մարզի մասնաճյուղի տնօրենն էր, որոշել է Արտաշատում իշխանափոխություն անել:

Անցյալ շաբաթ տեղեկացրել էինք, որ հունիսի 7-ին նշանակված Արտաշատի քաղաքապետի ընտրություններում առաջադրվել են Արգամ Աբրահամյանը՝ վարչապետի որդին, Հովհաննես Ղազարյանը՝ Գազի Հովոն, եւ Գարեգին Համբարձումյանը՝ ԱԺ պատգամավոր, նախկին ԲՀԿ-ական Յուվեցի Կարոյի հորաքրոջ որդին: Հովիկ Աբրահամյանը, հիշեցնենք, հեռուն գնացող ծրագրեր ունի. իշխանական շրջանակներում մի քանի տարի է խոսում են, որ նա ցանկանում է որդուն Արտաշատի քաղաքապետ, այնուհետեւ՝ Արարատի մարզպետ դարձնել: Գազի Հովոյի առաջադրումը, սակայն, սպառնում է լուրջ խոչընդոտ դառնալ այս ծրագրի իրականացման ընթացքում՝ չնայած, որ անկուսակցական Արգամ Աբրահամյանի թեկնածությունը առաջադրել է ՀՀԿ-ն: Աբրահամյան եւ Ղազարյան ընտանիքները մարզում պարբերաբար բախումներ են ունեցել, երբեմն՝ զինված: Լարվածությունը նրանց միջեւ գագաթնակետին էր հասել 2010-ի գարնանը, երբ Հովիկ Աբրահամյանի որդին եւ եղբորորդին իրենց ընկերների հետ, նախ, ծեծի էին ենթարկել Ղազարյանների տաքսի ծառայության մեքենաների վարորդներին, առեւանգել այդ մեքենաներն ու այրել, հետո կրակահերթեր բացել Ղազարյանների տան վրա, որից հետո Գազի Հովոյի որդին հետապնդել էր Ջոնիկ Աբրահամյանի որդուն եւ կրակել նրա մեքենայի վրա: Ոստիկանությունը, որ խնամքով թաքցրել էր այրված ավտոմեքենաները եւ փորձում էր կոծկել միջադեպը, ստիպված եղավ քրեական գործ հարուցել: Արդյունքում՝ Գազի Հովոն հեռացավ երկրից եւ նրա հանդեպ հետախուզում հայտարարվեց: Նրան պատկանող ընկերություններում ստուգումներ ու զանազան ճնշումներ սկսվեցին

ՀՀ նախկին ոստիկանապետ Ալիկ Սարգսյանը, սակայն, ով, ի դեպ, Գազի Հովոյի ազգականն է, հաշտեցրեց ընտանիքներին, եւ Հովհաննես Ղազարյանը վերադարձավ Հայաստան: Քրեական գործն էլ կարճեցին: Հին պատմությունները, սակայն, կարծես թե չեն մոռացվել: Երեկ, երբ զանգահարեցինք Հովհաննես Ղազարյանին, նա նյարդային տոնով ասաց. «Հանգիստ թողեք ինձ, ես իմ ծրագրերը ունեմ, իմ գործերը ունեմ, ցտեսություն»: Եւ անջատեց հեռախոսը: Ղազարյանի լիազոր անձը, սակայն, փաստաբան Հարություն Բաղդասարյանը, պատասխանեց մեր հարցերին:

- Պարոն Բաղդասարյան, Հովհաննես Ղազարյանի հաշվարկը ո՞րն է, որ առաջադրվել է, թերեւս ոչ ոք չի կասկածում՝ ընտրությունները ինչ ելք են ունենալու:

- Ո՞վ ասաց, որ ոչ ոք չի կասկածում: Հովհաննես Ղազարյանը որոշել է դառնալ Հայաստանի 2000 տարի առաջվա մայրաքաղաքի քաղաքապետ:

- Պարզապես՝ մինչեւ հիմա տեսել ենք՝ Աբրահամյանները ինչպես են ընտրությունները անցկացնում:

- Հիմա մարդիկ փորձում են քաղաքակիրթ ճանապարհով պայքարել եւ հաղթել, եկեք հնարավորություն տանք այդ մարդկանց: Հիմա մարդիկ ասում են՝ մենք թշնամի չենք, ամեն ինչ անցել է, մենք դրա խնդիրը չունենք, պարզապես՝ ես ուզում եմ քաղաքապետ դառնալ: Մենք փորձելու ենք հաղթել: Մենք այսօր գնում ենք հաղթանակի, այսինքն՝ մեր թիմն այդպես է տրամադրված:

- Բայց խոսակցություններ կան, որ Հովհաննես Ղազարյանը կարող է ինքնաբացարկ հայտնել՝ հաշվի առնելով, որ նրանք հաշտվել են Աբրահամյանների հետ:

- Ճիշտ է, հաշտվել են: Նախկին թշնամիները հաշտվել են եւ միասին գնում են ընտրապայքարի՝ իրար դեմ, ո՞վ կհաղթի՝ ցույց կտա ժամանակը: Մենք մտնում ենք պայքարի մեջ հաղթելու համար:

- Այսինքն՝ բացառվում է, որ նա ինքնաբացարկ հայտնի:

- Այս կտրվածքով, այս պահի դրությամբ՝ այո՛: Բայց հետո էլ չեմ կարողանում պատկերացնել՝ ինչ պետք է լինի, որ բացարկ հայտնի: Ինքնաբացարկի ժամկետին 2 օր էլ կա՝ մինչեւ որոշումը կայացնելը, որովհետեւ եթե որոշումը կայացնեն, գրանցվեն, գրավը կորում է: Բացարկի հարցը պիտի լիներ այս 2 օրվա ընթացքում, իսկ այս 2 օրվա ընթացքում նման խնդիր չունենք: Հետագայում էլ՝ ընտրապայքարը ցույց կտա: Մենք գնում ենք հաղթանակի, մենք ուզում ենք ցույց տալ, որ Հայաստանում հնարավոր է ընտրությունների ճանապարհով փոփոխություն լինի:

- Հաշվի առնելով նախկին դեպքերը՝ մտավախություն չկա՞, որ չնայած հաշտությանը, եթե Հովհաննես Ղազարյանը որոշի գնալ մինչեւ վերջ, էլի նույն պատմությունը կրկնվելու է:

- Համենայնդեպս, մեր կողմից նման քայլեր երբեք չեն արվելու, եւ մենք վստահ ենք, որ եթե հանկարծ նման պրովոկացիաներ լինեն, անպայման իրավապահ մարմինները դրա ճանապարհը կառնեն: 

- Երրորդ թեկնածուի՝ Գարեգին Համբարձումյանի դերը ո՞րն է այս ընտրություններում:

- Մեր կողմից չէ: Մենք որեւէ թեկնածու չենք դրել, որպեսզի հետո մեզ համար հանի: Թե հիմա ով է դրել՝ ի՞նչ ասեմ:

Ի դեպ, ըստ որոշ տեղեկությունների, Գարեգին Համբարձումյանը՝ Յուվեցի Կարոյի հորաքրոջ որդին, ով, ինչպես մեզ հայտնեցին Արտաշատի թիվ 17 ընտրատարածքային ընտրական հանձնաժողովից, նախկինում հարկային ծառայությունում է աշխատել, մտադիր է սույն ընտրություններն օգտագործել եւ Արգամ Աբրահամյանի օգտին թեկնածությունը հանելու դիմաց՝ կրկին վերադառնալ նույն մարմնում աշխատանքի: Նրանից երեկ մեկնաբանություն ստանալ չհաջողվեց. բաժանորդն անհասանելի էր:

Ինչ վերաբերում է Արգամ Աբրահամյանին, արտաշատցիների շրջանում խոսվում է, որ նա ընդամենը մի քանի ամիս առաջ է գրանցվել Արտաշատում, այնտեղ չի բնակվում, տունն էլ Երեւանում՝ Մոնումենտում է: Գրանցման համար փաստաթղթային խնդիրներ, սակայն, նա չունի:

Տպել
5943 դիտում

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը փակ է բոլոր տրանսպորտային միջոցների համար

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել