Կույսերը եւ Քրիստոսը՝ դրսից

20/05/2015 schedule15:30

ԱԺ նախկին պատգամավոր Հակոբ Հակոբյանը (Ճոյտը), ով Ցեղասպանության մասին նկարահանած իր ֆիլմի պրեմիերայից օրեր առաջ ձերբակալվեց, նոր ֆիլմ է պատրաստվում նկարահանել՝ «Գրիգոր Լուսավորիչ»: Երեկ, երբ հետաքրքրվում էինք հին ֆիլմի ճակատագրով, նա պատմեց նաեւ նորի մասին:

- Պարոն Հակոբյան, Ցեղասպանության մասին ձեր նկարահանած ֆիլմի ճակատագիրն ի՞նչ է լինելու:

- Ուսումնասիրման փուլում է, հանձնարարել եմ մասնագետներին, տեսնենք՝ հիմա՞ ցուցադրենք, աշնանը՞, թե՞ թողնենք 16 թ. ապրիլի 24-ին, առաջինը Հայաստանո՞ւմ ցույց տանք, թե՞ սկսենք Մոսկվայից:

- Ո՞վ է ուսումնասիրում:

- Մասնագետներ եմ վարձել, որովհետեւ նաեւ դրսում պետք է ցուցադրենք:

- Այսինքն՝ հնարավոր է սրբագրումներ անեք, հետո դրսում ցուցադրե՞ք:

- Չէ, ոնց կա, այդպես:

- Մտավախություն չունե՞ք, որ նորից կձերբակալվեք:

- Չէ, ֆիլմը ընդհանրապես կապ չունի:

- Հնարավո՞ր է, որ ընդհանրապես չցուցադրվի:

- Բացառված է: Ժամկետները պիտի հարմարեցնենք, որ ֆիլմը կայանա: Ուզում ենք այնպես ներկայացված լինի, որ շատ երկար ժամանակ գնա եւ շատ հանդիսատես լինի:

- Իսկ նոր ֆիլմ նկարելու ցանկություն չունե՞ք:

- Արդեն աշխատում ենք, Գրիգոր Լուսավորիչի մասին ֆիլմ ենք նկարահանելու, մասնագետներին հանձնարարել եմ, ամբողջությամբ ուսումնասիրում են Աստվածաշունչը, որովհետեւ հիմնական պատմությունները Աստվածաշնչից են:

- Դո՞ւք եք լինելու ռեժիսորն ու սցենարի հեղինակը:

- Հիմա ես չեմ կարող լինել, որովհետեւ հիմնականում օգտվելու ենք Աստվածաշնչից: 1 ժամ 50 րոպեանոց գեղարվեստական ֆիլմ է լինելու, պիտի կարողանանք ներկայացնել այն, ինչ ցանկանում ենք ներկայացնել Հայաստանի, Գրիգոր Լուսավորիչի, Տրդատ թագավորի, Աբգար թագավորի եւ Քրիստոսի մասին, Էջմիածնի եկեղեցիների:

- Մասնագետներին արդեն ընտրե՞լ եք:

- Մասնագետներն աշխատում են, բայց կարծում եմ՝ մի հատ էլ պիտի մրցույթ հայտարարենք, աստվածաբանների, հոգեբանների եւ հոգեւորականների խումբ ստեղծենք, տեսնենք՝ ինչ են ասում:

- Փաստորեն՝ ձեր նոր հոբբին է դարձել ֆիլմ նկարելը:

- Ես դեռ 10 տարի առաջ էի որոշել Ցեղասպանության մասին ֆիլմ նկարել: Երբ 90-ամյակի հետ կապված խաչքար տեղադրեցինք, այդ ժամանակ ասացի՝ չմեռնենք, սաղ մնանք, 100-ամյակի հետ կապված ֆիլմ նկարենք, քանի որ Հայաստանում որեւէ մեկը չէր նկարել: Եւ կարծես ստացվեց:

- Ու վարակիչ է դարձել, ոգեւորվել եք:

- Դրանք մնայուն արժեք են, իմացեք, սա մնայուն է լինելու, եւ երկրորդ ֆիլմը ընդհանրապես՝ ամբողջ աշխարհն է իմանալու: Մենք ցույց ենք տալու ամբողջ աշխարհին, թե հայերը երբ ընդունեցին պետական կրոն քրիստոնեությունը, ում ժամանակ եղավ, Քրիստոսին ոնց նկարեցին, Քրիստոսը ոնց սրբիչը կպցրեց երեսին, եւ այդ սրբիչը հանդիսանում է հայերի սեփականությունը: Հայերից շատ քչերը գիտեն այդ ամբողջ պատմությունը: Մենք այդ 1 ժամ 50 րոպեի ընթացքում հայ ազգին ամբողջ աշխարհին կներկայացնենք՝ ովքեր են, ինչ հավատք ունեն, օրինակ՝ Լուսավորիչը սրբերի դասին է, չէ՞, դասվել, բայց շատ-շատերը չգիտեն դրա ամբողջ պատմությունը՝ ոնց է 14 տարի մնացել Խոր Վիրապի փոսում, հետո՝ շատերը, ընդհուպ մինչեւ հոգեւորականներ ու մասնագետներ, չգիտեն, թե Խոր Վիրապի փոսը ինչից է առաջացել: Իսկ մենք գիտենք, որ պատմությունը առաջացել է Հայաստանից, Ադամն ու Եվան... այդ փոսը առաջացել է, երբ Եվան խնձորը կերավ: Աստված բարկացավ եւ այդ ծառը քոքահան արեց, եւ այդ քոքի տեղը առաջացավ այդ փոսը: Շատ քչերը գիտեն:

- Բայց որտե՞ղ է նման բան գրված:

- Աստվածաշունչը եթե բացեք, այնտեղ տարբեր հատվածներ կան, կետեր, կոնկրետ ամբողջը գրված է: Այսինքն՝ երբ ասում եք սցենար, արդեն այդ սցենարը կա: Պարզապես՝ մասնագետներին պետք է այդ ամբողջը հասկանալի ցուցադրել: Ավելի շատ՝ ես ֆինանսավորում ու կազմակերպում եմ: Ուզում ենք ներկայացնել՝ Քրիստոսի վերաբերմունքը հայերի հանդեպ ոնց է եղել, ինչից է առաջացել:

- Հաշվարկե՞լ եք ֆիլմի բյուջեն ինչքան կլինի:

- Հինգ անգամ ավելի շատ, քան Ցեղասպանության մասին ֆիլմը, որովհետեւ այստեղ պատմական շատ բաներ են, դրսից պիտի հրավիրենք մի քանի դերասանների, մնացած դերերը պետք է հիմնականում օպերայի եւ բալետի դերասանները խաղան, որովհետեւ ինքը պատմական լուրջ ֆիլմ է: Այդ կարգի, ոճի մարդիկ պետք է լինեն: Մենք Հայաստանում չենք տեսնում Տրդատ կամ Աբգար թագավոր կամ Գրիգոր Լուսավորիչ: Չենք տեսնում այն մարդիկ, որ կարող են: Իսկ դրսից չենք ուզում բերել, դարձնել արտասահմանյան ինչ-որ կինո: Մեծամասնությունը էլի հայեր կլինեն, բայց այն հայերը, որ օպերայի եւ բալետի դպրոցն են անցել, կենսագրություն ունեցող մարդիկ են:

- Իսկ նախորդ ֆիլմի բյուջեն որքա՞ն էր:

- Դե, չասեմ, քանի որ դա Ցեղասպանություն է, պետք չէ խոսենք գումարի մասին, թող լինի, դա մեր բոլորի ֆիլմն է: Հետո՝ եղել են մարդիկ, որ գումար չեն վերցրել:

- Նոր ֆիլմի դերասանների անուններ կարո՞ղ եք նշել:

- Դեռ պետք է ընտրենք: Հիմա սցենարի վրա աշխատում են, հանում են մարդկանց դեմքերը, հիմա կոնկրետ դրա վրա ենք աշխատում, կամարների չափը, մարդկանց բոյը, որպեսզի կարողանանք ընտրել թագուհուն, թագավորներին:

- Դրսից հրավիրվածների մասին եմ հարցնում:

- Դրսից, հիմնականում, մենք Քրիստոսի դերակատարին կհրավիրենք:

- Արդեն գիտե՞ք ում:

- Դե, տեսնենք, մասնագետները առաջարկություններ կանեն, տեսնենք՝ ով կհամաձայնի:

- Ինչո՞ւ եք ուզում հենց Քրիստոսին դրսից հրավիրել:

- Դե, լավ կլինի, որ ինքը հենց Երուսաղեմից լինի, որ մոտ լինենք պատմական իրականությանը: Իտալուհիները, կույսերը, որ մահացել են Էջմիածնում, կլինեն հենց իտալուհիներ: Իսկ մնացածը հայեր կլինեն: Դա շատ լուրջ բան է, վերաբերում է ամբողջ մի ազգի, կինոկատակերգություն չի, պետք է այդ պատմությունը ներկայացնենք աշխարհին: Ես կարծում եմ, որ աշխարհը այդ ֆիլմը նայելուց հետո կհասկանա հայերի դերը, հայերի տեղը, այնքա՜ն մարդիկ կան, որ Հայաստանի տեղը չգիտեն: 

Տպել
2547 դիտում

Զենքն անզգուշությամբ մաքրելիս Ուկրաինայի Գերագույն ռադայի պատգամավորը մահացել է

Սարգսյանն առաջարկում է փակել հիմնադրամի հաշվին խաղադրույք կատարող Վարդանյանի էջը, վերջինս արձագանքել է (տեսանյութ)

Քաղսի համայնքի երեխաներն իրենց ձեռքով իրենց համար ֆուտբոլի դարպաս են սարքել (լուսանկարներ)

Մխիթարյանը մեղրամիսն անցկացնում է Մալդիվներում

Բոլորի ելույթները լսելով՝ շատ հուզվեցի. Լեւոն Քոչարյանը՝ Մարտի 1-ի զոհերի հարազատների ելույթների մասին

Պետբյուջեի կատարողականում տեսնում ենք ալարկոտություն եւ հարմարվողականություն․ Արման Բաբաջանյան

Որդիս ինչո՞ւ սպանվեց, բա ես ի՞նչ անեմ հիմա, ասեք. մարտի 1-ի զոհերից Տիգրան Աբգարյանի մայրը՝ դատարանում

Երանի կտայի, որ իմ որդին խփվեր Ղարաբաղում, ոչ թե Հայաստանի կենտրոնում. Վաչագան Ֆարմանյան

Մեկնարկել է ԱԺ-կառավարություն հարց ու պատասխանը․ հարցերի համար հերթագրվել է 45 պատգամավոր

Արցախում գնդիկաբեկորային ավիառումբի պայթյունից քաղաքացի է տուժել

Կոնդի Սուրբ Հովհաննես եկեղեցու հետևում 2 մետաղական տնակներ են այրվում (տեսանյութ)

Արտահանման ծավալների նվազումը տագնապահարույց է, բայց կառավարության ջանքերն իրենց երկար սպասեցնել չեն տա․ ֆիննախ

Ի՞նչն էր խանգարում Ռոբերտ Քոչարյանին, մի հատ հրաման արձակեր, ասեր՝ չկրակեք ժողովրդի վրա. Սարգիս Քլոյանի ելույթը

Դեմոկրատներին տված յուրաքանչյուր ձայնը քվե կլինի ծայրահեղ սոցիալիզմին ու ամերիկյան երազանքի ոչնչացմանը. Թրամփ

Սառա Անջարգոլյանը նշանակվել է սփյուռքի գործերի գլխավոր հանձնակատարի գրասենյակի ղեկավար

Հացադուլ հայտարարած Վահե Մելոյանի գիտակցությունը պարզ է, կողմնորոշումը՝ բավարար

Արքայազն Ուիլիամին ուղեկցող ոստիկանը վթարի է ենթարկել 83-ամյա կնոջը. վերջինիս վիճակը ծանր է

2 տարում մեղադրյալի 26-ամյա որդու բանկային հաշիվներին շուրջ 18 մլն դոլարին համարժեք դրամի մուտք է եղել. գլխավոր դատախազ

Պետբյուջեն ծախսային մասով թերակատարվել է 5,3 տոկոսով կամ շուրջ 80 մլրդ դրամով․ Բաբկեն Թունյանը՝ ֆինանսների նախարարին

Մանվել Գրիգորյանի հետ առնչվող սրճարանի տարածքի վարձակալը հրաժարվել է 6 մլն դրամ վարձավճար վճարելուց