Պալաչին նախազգուշացնում են

21/05/2015 schedule15:37

Աբովյանի քաղաքապետի թեկնածու Արթուր Հարությունյանը՝ Պալաչը, երեկ իշխանությունների կողմից հերթական նախազգուշացումն է ստացել:

Երեկ կեսօրին ոստիկանները Աբովյանում շրջափակել են Հարությունյանի եւ նրան ուղեկցող մեքենան ու բերման ենթարկել Պալաչի եղբորը՝ Հուսիկ Հարությունյանին, եւ ընկերներին: Մի քանի ժամ անց՝ բերման ենթարկվածները ազատ արձակվեցին: Մինչ այդ՝ ոստիկանությունից armtimes.com-ի թղթակցին հայտնեցին, թե օպերատիվ տեղեկություններ էին ստացել, որ Հուսիկ Հարությունյանին պատկանող մեքենայում թմրամիջոց են օգտագործում, ստուգելու նպատակով՝ այդ եւ եւս մեկ մեքենա՝ դրանցում եղած մարդկանց հետ միասին, բերվել են ոստիկանության Կոտայքի բաժին, նշանակվել է փորձաքննություն: Բայց սա ամբողջը չէ: Երեկ անջատվել է նաեւ Արթուր Հարությունյանին պատկանող Աբովյանի կաբելային հեռուստաընկերությունը: Ըստ հ/ը տնօրեն Ազնիվ Չիզմեչյանի, իրենք պատրաստվում էին ռեպորտաժ հեռարձակել, թե ինչպես է քարոզարշավի մեկնարկից օրեր առաջ Գագիկ Ծառուկյանի եւ ՀՀԿ-ի թեկնածուի՝ Վահագն Գեւորգյանի նախընտրական պաստառը փակցվել շենքերից մեկի պատին: Նրանց պարզաբանել են, թե եթերը խափանվել է տեխնիկական խնդիրների պատճառով: Հիշեցնենք, օրեր առաջ Արթուր Հարությունյանին հեռացրեցին ՀՀԿ-ից: Իշխող Հանրապետականը Աբովյանում սատարում է Գագիկ Ծառուկյանի թեկնածուին եւ որեւէ ձեւով չի կարողանում Պալաչին համոզել՝ հանել թեկնածությունը: Դատելով Հարությունյանի՝ մեր զրույցում արած երեկվա հայտարարություններից, Աբովյանում իրավիճակը դեռ էլի կսրվի:

- Պարոն Հարությունյան, չե՞ք կարծում, որ սա նախազգուշացում է, որ հանեք ձեր թեկնածությունը: Ու մեծ հաշվով՝ վերջին նախազգուշացումն է:

- Ես թեկնածությունս հանելու վերաբերյալ չեմ էլ ուզում խոսել:

- Տեղեկություններ կան, որ նույնիսկ Սերժ Սարգսյանի միջոցով է ձեզ ասվել, որ հանեք ձեր թեկնածությունը:

- Խնդրում եմ, նման հարցեր ինձ մի տվեք:

- Այսինքն՝ միանշանակ պնդում եք նախկինում արած ձեր հայտարարությունը, որ չեք հանելու ձեր թեկնածությունը եւ գնալու եք մինչեւ վե՞րջ:

- Ես ընդամենը քաղաքապետի թեկնածու եմ առաջադրվել: Սա քաղաքականություն չէ, պետք չէ այդքան կենտրոնանալ:

- Ասում եք, բայց իրականում լրիվ քաղաքական է:

- Բոլորս էլ հասկանում ենք, թե սա ինչ է:

- Այդ դեպքում՝ այսօրվա միջադեպը ինչպե՞ս եք բացատրում:

- Ես ի՞նչ բացատրեմ: Տարել են, ոստիկանության իրավունքն է, բոլորի մասին էլ կարող է ունենալ ինֆորմացիա, տանի, ճշտի, հետո բաց թողնի:

- Բայց հետաքրքիր է, որ դուք էլ եք մեքենայի մեջ եղել, ձեզ չեն տարել, ձեր եղբորն ու ընկերներին են միայն տարել:

- Դե, ես քաղաքապետի թեկնածու եմ, դրա համար էլ, ինձ թվում է, ինձ չեն տարել:

- Ասում են՝ «բոյեվիկ» տեսարան է եղել, պառկեցրել են գետնին եւ այլն:

- Չէ, այդպես չի եղել, սուտ է: Ոստիկանները շատ նորմալ վերաբերմունք են ցույց տվել, տարել են մեր տղաներին, հետո բաց են թողել:

- Ի՞նչ մթնոլորտ է հիմա Աբովյանում:

- Աբովյանում հիմա շատ խաղաղ երեկո է, մարդիկ իրենց արդեն քիչ թե շատ պաշտպանված են զգում, շատ մարդկանց դեմքին արդեն ժպիտ կա, այսօր շատ լավ մթնոլորտ է:

- Հեռուստաընկերությունը միացրեցի՞ն:

- Հարցրեք տնօրենին:

- Դուք եք հիմա Աբովյանում, հեռուստաընկերությունը կաբելային է, հիմա միացվա՞ծ է:

- Չէ, առայժմ անջատված է: Բայց ես այդ հարցով չեմ զբաղվում:

- Դուք ասում եք, որ սովորական ՏԻՄ ընտրություններ են, հիմա էլ Աբովյանում խաղաղ երեկո է, չե՞ք կարծում, որ եթե չհանեք ձեր թեկնածությունը, շարունակեք նույն ձեւով, հունիսի 7-ին լուրջ բախումներ են տեղի ունենալու, որովհետեւ ձեր դեմ ձեր անուն-ազգանունով ինչ-որ մեկին առաջադրեցին, հեռուստաընկերությունը փակեցին, ՀՀԿ-ից հեռացրեցին, այսօրվա միջադեպը եղավ:

- Հակառակորդը իր փամփուշտների մեծ մասը կրակել է արդեն, բան չի մնացել: Իսկ մենք դեռ բան չենք կրակել:

- Բայց կարող է վերջում իրական կրակոցներ լինեն:

- Չէ, նման բաներ չկան, ես փոխաբերական իմաստով ասացի, Աստված չանի, նման վիճակ չկա, ես առաջինը ամեն ինչ կանեմ, որպեսզի նման լարվածություն չլինի, ամեն ինչ խաղաղ լինի, քանի որ բոլորս էլ ուզում ենք այս քաղաքում վաղը, մյուս օրը իրար երեսի նայել, իրար բարեւ տալ, իրար հետ շփվել: Ես ամեն ինչ կանեմ, որ լավ, բարի, խաղաղ մթնոլորտը այս քաղաքում շարունակվի բոլոր թեկնածուների, բոլոր թեկնածուների հովանավորների միջեւ:

- Բայց չի ստացվում:

- Ես իմ ուժերի ներածի չափով կանեմ, հիմա ինչքանո՞վ կստացվի, չի ստացվի՝ ես կաշխատեմ, որ ամեն ինչ շատ դրական լինի:

- Ձեր անուն-ազգանունով թեկնածուին առաջադրելուց հետո որեւէ բացատրություն չի՞ եղել:

- Հենց այդպես ենք մենք հաղթելու: Հաղթելու է Աբովյանի բնակիչը: Եթե ուզում է ընտրի իր ուզած մարդուն, հաստատ կիմանա՝ որ մեկն եմ ես, ու ինքը կընտրի, ու այդ դեպքում էլ, որ հաղթեցինք, թող այդ մարդիկ, այդ անունի հետեւում կանգնած մարդիկ մտածեն՝ ինչ ձեւի խայտառակություն է իրենց սպասվում: Այդ խայտառակությանը թող իրենք սպասեն:

- Բայց ինչպե՞ս են մարդիկ իմանալու, նույն անուն-ազգանուն-հայրանունն է:

- Դե, հիմա, օրը կգա, բարին՝ հետը: Կաշխատենք, ամեն ինչ կանենք, մարդիկ կտարբերեն:

- Նոր միջադեպերի չե՞ք սպասում:

- Ես՝ անձամբ, ու իմ տղաներին էլ ասել եմ, որ խուսափեն բոլոր միջադեպերից: Մենք կռվի դուրս չենք եկել ու այս քաղաքի բնակչությանը մենք չենք բաժանի մի քանի մասի:

- Դուք այսօր գնացի՞ք ոստիկանություն՝ բացատրություն ստանալու:

- Չէ, ինչի՞ համար, թողել են տղաներին: Խնդիր չկա:

- Այսինքն՝ գործ էլ չի հարուցվել:

- Չէ, առայժմ ոչ մի բան չկա: Ես խնդիր չեմ տեսնում: Կարող է, սուտ ինֆորմացիա են տվել, ոստիկանների խնդիրն է, որ ստուգեն:

- Դե, կարող է հաջորդն էլ քրեական գործը լինի:

- Դե, կարող է վաղը լույսը բացվի, չգիտեմ ինչ լինի: Ի՞նչ իմանամ՝ վաղը ինչ կլինի:

Տպել
3823 դիտում

Խառնակչություններ՝ բանտից եւ աքսորից

Մանկապարտեզի տնօրենն ապօրինի աշխատակից է ընդունել, հետո կռիվ սարքել քաղաքապետարանում. Արմավիրի քաղաքապետ

Մարիամի հետ կիրակի երեկոն անցկացրել ենք Երևանում բացված Ամանորյա տոնավաճառում. Աննա Հակոբյան

Ինչի վրա կծախսվի «Իմ քայլը» հիմնադրամի՝ երեկ հավաքած մոտ 700 մլն դրամը . Լենա Նազարյանը թվարկել է ծրագրերը

Արցախի ՀՅԴ-ն նախագահական ընտրություններին կմասնակցի սեփական թեկնածուով

Այսօր 2700 ստերջացված, պատվաստված ու համարակալված կենդանի կա․Հակոբ Կարապետյան

Երևանում կոտրել են միանգամից մի քանի արագաչափեր

Արժեհամակարգային հակադրություններն արհեստական են

Արագածոտնի Թալին, Ապարան, Աշտարակ քաղաքներում եւ Շիրակի մարզի Լանջիկ գյուղում մառախուղ է

Կապան քաղաքում այրվել է մոտ 1,5 հա բուսածածկույթ

Արմեն Սարգսյանը «Կատար Էյրվեյզ»-ի գործադիր տնօրենի հետ քննարկել է համագործակցության ընդլայնման հեռանկարները

Հայ բռնցքամարտիկները 2 մեդալ են նվաճել միջազգային մրցաշարում

Հայաստանի տարածքում առաջիկա օրերին սպասվում է առանց տեղումների, արեւոտ եղանակ

ՊՆ ծառայողը վրաերթի է ենթարկել 54-ամյա հետիոտնին. վերջինս հիվանդանոցում գիտակցության չգալով մահացել է

Տիգրանաշենի ոլորանների վերջնամասում ավտոմեքենան հայտնվել է ձորում. տուժածներ չկան

Կան գյուղեր, որտեղ ավանդույթի ուժով կանանց արգելված է գնալ գյուղապետարան, հարսներին՝ ծնողական ժողով. Աննա Հակոբյան

Դեկտեմբերի 17-ից ջերմ եղանակին գումարվում են նաև արևի պայծառ շողերը. Սուրենյան

Արմեն Սարգսյանը համագործակցության հնարավորություններն է քննարկել Կատարի գործարարների ասոցիացիայի ներկայացուցչի հետ

Նոր մշակույթ է զարգանում. Նիկոլ Փաշինյանը՝ Աննա Հակոբյանի գործունեության մասին

Ո՞վ է կուլ տալիս Մամեդյարովի նետած քարոզչական խայծը