Որքա՞ն կթանկանա էլեկտրաէներգիան

03/06/2015 schedule15:00

Հանրային ծառայությունները կարգավորող հանձնաժողովի նախագահ Ռոբերտ Նազարյանը երեկ խորհրդարանում «ավետեց»՝ էլեկտրաէներգիան կթանկանա:

ՀԾԿՀ նախագահը խիստ խառն էր՝ մեկ բյուջեի քննարկմանն էր վազում, մեկ՝ հոսանքի թանկացման հարցով ՀԷՑ գլխավոր տնօրեն Եվգենի Բիբինի, էներգետիկայի նախարար Երվանդ Զախարյանի եւ իր մասնակցությամբ ՀՀԿ խմբակցության կազմակերպած փակ քննարկմանը, հետո՝ ԲՀԿ խմբակցության հետ փակ քննարկմանը: Արանքում էլ հասցրեց լրագրողներին բացատրել, թե ինչով է պայմանավորված էլէներգիայի թանկացումը: «Մի քանի բաղադրիչներ կան սակագնում, որոնք ակնառու են դարձնում, որ սակագնի վերանայման արդյունքում որոշակի թանկացում կլինի։ Ի՞նչ չափով, ինչ մեծությամբ՝ այդ մասին ես այսօր պատրաստ չեմ ասելու։ Թանկացման առաջին բաղադրիչը ակնհայտ դոլար-դրամ փոխարժեքն է»,- հայտարարեց Նազարյանը։ Նա նշեց, որ թանկացման վերաբերյալ ՀԷՑ-ի հայտն ուսումնասիրելու համար թեեւ հանձնաժողովը 88 օր ունի, բայց իրենք հունիսի 9-10-ին նիստ կանեն եւ իրենց դիրքորոշումը կհայտնեն՝ արդյո՞ք սույն հայտը հիմնավորված է եւ ինչ սակագին պետք է սահմանվի: Նազարյանը խոստանում էր ընդամենը, որ այն շքեղությունները, որ ՀԷՑ-ն առաջարկում է ներառել սակագնում՝ թանկարժեք մեքենաների, տների վարձակալություն եւ այլն, սակագնում չեն արտացոլվի: Ավելին՝ ինչպես մեզ հայտնի դարձավ, ԲՀԿ խմբակցության հետ հանդիպման ընթացքում ՀԾԿՀ նախագահը խաչակնքվել է եւ հայտարարել, որ սուրբ խաչը վկա՝ այդ շքեղությունները հանձնաժողովն իսկապես չի ներառի սակագնում:

Միեւնույն ժամանակ՝ նշել է, թե թանկացմանն այլընտրանք չկա եւ պետք է համակերպվել այդ մտքի հետ, պարզապես՝ փորձելու են հնարավորինս քիչ բարձրացնել սակագինը: Ի դեպ, լրագրողների մոտ էլ հայտարարում էր. «Իհարկե, ծանր բեռ է, ծանր խաչ է, որ պետք է տանենք։ Բայց ես ամեն ինչ կանեմ, որ ե՛ւ այսօր, ե՛ւ վաղը, ե՛ւ տարիներ հետո մեր սերունդների առաջ ես չամաչեմ իմ արածից»: Իսկ ժողովրդի անվճարունակությունը, ըստ նրա, կառավարության խնդիրն է: «Այն չափով, որով սակագինը կբարձրանա, մեր կառավարությունը կգտնի հնարավոր միջոցներ, որպեսզի փոխհատուցի սոցիալապես անապահով խավերի համար։ Ես պետք է հավասարակշռեմ բոլորի շահերը: Ես իրականությունը եւ ճշմարտությունը ներկայացնելու ցանկություն ունեմ»,- ասում էր նա։ Ռոբերտ Նազարյանը կարծես թե գիտակցում է, թե ինչ է սպասվում իրեն՝ էլէներգիայի թանկացման վերաբերյալ որոշումն ընդունելուց հետո ու երեկ անձամբ էր անցել գրոհի: Մեզ հայտնի դարձավ, որ ՀՀԿ խմբակցության հետ հանդիպման ժամանակ նա գրոհել է Բիբինի վրա եւ խիստ քննադատության ենթարկել ՀԷՑ-ի վարած անտաղանդ մենեջմենթը: Բիբինը, մեր տեղեկություններով, հակագրոհի է պատրաստվում հունիսի 12-ի խորհրդարանական լսումների ժամանակ, որոնք, հնարավոր է, փակ անցկացվեն՝ սկանդալային բացահայտումներից խուսափելու համար: Տեսնելով, որ Բիբինը նեղսրտում է, Արտաշես Գեղամյանը որոշել է մեղմել իրավիճակը: Մեզ հայտնի դարձավ, որ ՀՀԿ խմբակցության փակ քննարկման ժամանակ նա հայտարարել է, թե ստեղծված իրավիճակի համար ոչ թե ՀԷՑ-ն է մեղավոր, այլ այն, որ ՀԷԿ-երը քիչ էլէներգիա են արտադրել ու ինչ-որ թվեր է ներկայացրել: Նազարյանը հայտարարել է, թե Գեղամյանի թվերն իրականությանը չեն համապատասխանում: Վերջինս էլ արագ քայլերով դուրս է եկել դահլիճից եւ շտապել իր աշխատասենյակ՝ թղթեր բերելու եւ ռուս գործընկերոջը փրկելու: Հանրապետականները, որ շարունակ ներսուդուրս էին անում, հայտարարում էին, թե ՀԷՑ տնօրենի ներկայացրած հիմնավորումները իրենց չեն բավարարում: Երբ չորս ժամ անց բոլորը դուրս եկան, էներգետիկայի նախարար Երվանդ Զախարյանը հայտարարեց, թե հարցերի չի պատասխանի, եւ հեռացավ, Նազարյանն էլ շտապեց ԲՀԿ-ի հետ հանդիպմանը: Բիբինին լրագրողների շրջափակումից ազատելուց եւ ճանապարհ դնելուց հետո ՀՀԿ խմբակցության ղեկավար Վահրամ Բաղդասարյանը հայտարարեց, թե ՀԷՑ նախագահը առայժմ հիմնավորումներ չի ներկայացրել պատգամավորներին, միայն իրենք են մի շարք մտահոգիչ հարցեր բարձրացրել: «Ինքը առայժմ հիմնավորումներ չտվեց, ինձ թվում է՝ հետեւություններ կանեն իրենք, պետք է գնան եւ նորից մտորեն այդ ուղղությամբ։ Հանրային ծառայությունները կարգավորող հանձնաժողովը պարզապես իրենց ներկայացրած թվի հետ ունի տարաձայնություն, նրանք ուսումնասիրում են փաստարկները։ Օբյեկտիվ փաստարկների շրջանակներում հանձնաժողովը կկայացնի իր որոշումը»,- ասաց Բաղդասարյանը: Ըստ նրա, եթե էլէներգիան 17 դրամով թանկացնելու վերաբերյալ ՀԷՑ-ի հայտը չհիմնավորվի, նշանակում է, ընկերությունը վատ մենեջմենթ է իրականացրել: Լրագրողների հարցին՝ չթանկացնելու հնարավորություն չկա՞, Բաղդասարյանը պատասխանեց. «Ես նախօրոք նման տիպի հայտարարություններ չեմ կարող անել, որովհետեւ դեռ ուսումնասիրման փուլում է, եւ այսօր խուսափում ենք ընդհանրապես թվային արտահայտություններով խոսել: Լսումների ժամանակ ինչ-որ բաներ պարզ կլինի»: Հնարավո՞ր է իշխանությունը ՀԷՑ-ն ազգայնացնելու ճանապարհով գնա՝ ՀՀԿ խմբակցության ղեկավարն ասաց. «Չեմ ուզում դատողություններ անել, բայց աշխարհում բացառված չէ, լինում են նաեւ նման երեւույթներ»: Իսկ երբ հետաքրքրվեցինք՝ ինչպե՞ս էր բացատրում Բիբինը իր շքեղ Լեքսուսի վարձակալության արժեքը եւ ՀԷՑ-ի վարձակալած առանձնատների ծախսը էլէներգիայի սակագնի մեջ մտցնելը, Բաղդասարյանը պատասխանեց. «Շքեղությունները չեն կարող մտնել սակագնի մեջ, դա բացառվում է: Այդ հարցը բարձրացվել է: Լսումների ժամանակ կպարզաբանենք»: Բաղդասարյանն առաջարկում էր շտապողականություն չցուցաբերել եւ սպասել ՀԾԿՀ որոշմանը:

Մեր տեղեկություններով, խնդիրը լուծելու շրջանակներում քննարկվել է անգամ այն տարբերակը, որ ՀՀ-ն ինչ-որ մի բաժնեմաս գնի ՀԷՑ-ից: Քննարկվել են նաեւ մի քանի այլ տարբերակներ: Ի վերջո, կանգ են առել հոսանքը 17 դրամով թանկացնելու փոխարեն 7-7.5 դրամով թանկացնելու տարբերակի վրա: Նազարյանը պատգամավորներին բացատրել է, թե թանկացումը պայմանավորված է նաեւ դոլար-դրամ տատանումով, սակավաջրությամբ եւ այլն: Միեւնույն ժամանակ՝ նշել է, որ ՀԷՑ-ը բազմաթիվ չհիմնավորված ծախսեր է ներկայացրել հայտում: Ամեն դեպքում, երեկվա քննարկումներից ակնհայտ էր, որ ՀՀԿ-ն էլէներգիայի թանկացման մեջ հանրային ընդվզման լրջագույն պոտենցիալ է տեսնում եւ ուզում է, որ նման բան տեղի չունենա:

Տպել
2802 դիտում

Քաղաքացին ահազանգում է՝ իրերը երեք ամիս է՝ մաքսատանն է. բաց նամակ ՀՀ վարչապետին

Գորիսի Ավանգարդ թաղամասի ճանապարհներն ու մայթերը հիմնանորգվում են. ուսանողական թաղամասը նոր տեսք կստանա

Վանաձորում պահեստապետը 8 միլիոն դրամի մալուխ է գողացել ու բռնվել

ՀՀ-ում ԱՄՆ դեսպանատան աջակցությամբ պաշտպանիչ միջոցներ և արյան թթվածնի մոնիթորինգի պուլսօքսիմետրեր են տրամադրվել Շիրակին

Կառավարության նվերը Շիրակի մարզ է հասել. ամենագնացները հատկացվել են մարզի 3 բուժհաստատություններին

Մահացած ծննդկանի հարազատները մեղադրում են բժիշկներին, իսկ ԲԿ-ից հայտնում են՝ գործել են ըստ խիստ ցուցումի, չեն թերացել

Տեղի է ունեցել ոլորտային խորհրդակցություններ Հայաստանի և Արցախի ԱԳՆ կառուցվածքային ստորաբաժանումների միջև

ԱԺ-ն ընդունեց սահմանամերձ համայնքների բնակիչներին աջակցության ժամկետը երկարաձգող նախագիծը

Պետք է ամրապնդել ՀՀ-սփյուռք լրատվական հաղորդակցությունը. Զարեհ Սինանյանը հանդիպել է ԱՄՆ-ի և Կանադայի հայ լրագրողների հետ

Կինոյի միջոցով հանրահռչակել Հայաստանի Հանրապետությունը. քննարկվեց կինեմատոգրաֆիայի ոլորտին առնչվող օրենքների նախագծերը

ԱԳՆ-ն ընտրել է այն ՀԿ-ներին, որոնք ներգրավվել են ՀՀ կայուն զարգացման նպատակների խորհրդում

Զորամասերից մեկում անցկացվել է զորավարժություն՝ մարտական հրաձգությամբ

Լոռիում բախվել են Kamaz-ն ու Vaz 2111-ը. վիրավորներից մեկը 6-ամյա երեխա է (լուսանկարներ)

Վերցրել է օտարերկրացու բջջային հեռախոսն ու դիմել փախուստի. բերման է ենթարկվել Երևանի 18-ամյա բնակիչ (տեսանյութ)

Վազգեն Սարգսյանի անվան ռազմական համալսարանում կոնֆերանս է անցկացվել

Հանդիպել են ՀՀ ԱԳՆ նախարար Զոհրաբ Մնացականյանն ու Շվեդիայի նորանշանակ դեսպան Պատրիկ Սվենսոնը

Վարչապետին ներկայացվել են Տեսչական մարմինների գործունեության հաշվետվությունները. իրականացվել է մոտ 81000 ստուգայց

Նոր չարտերային չվերթներ Մոսկվայից Երևան. ներկայացվել է ժամանակացույցը

Տավուշի մարզային փրկարարական վարչության 20 աշխատակիցներ արժանացել են պարգևների. մեկը՝ «Ծովակալ Իսակով» մեդալի

ՀՀ ոստիկանության պետ Վահե Ղազարյանն ընդունել է Հայաստանում ՌԴ արտակարգ և լիազոր դեսպանին (տեսանյութ)