Ինչու՞ Մոսին եկավ Հայաստան

17/06/2015 schedule17:36

Այսօր առավոտյան ՀՀ զինված ուժերի գլխավոր շտաբի այլեւս նախկին պետի տեղակալ, գեներալ-լեյտենանտ Լյովա Մնացականյանը, ով նախօրեին Սերժ Սարգսյանի հրամանագրով ազատվեց զբաղեցրած պաշտոնից, Ղարաբաղում էր: ԼՂՀ ՊԲ-ն հրապարակեց նրան ԼՂՀ պաշտպանության նախարար նշանակելու մասին Բակո Սահակյանի հրամանագիրը:

ԼՂՀ պաշտպանության այլեւս նախկին նախարար Մովսես Հակոբյանը, ով Սերժ Սարգսյանի՝ նույն օրը ստորագրած մեկ այլ հրամանագրով նշանակվեց ՀՀ ԶՈՒ գլխ. շտաբի պետի տեղակալ, «ընդունում-հանձնումից» հետո կանցնի իր նոր աշխատանքին: Այս «ռակիրովկան», որ սովորական կադրային փոփոխություն չի համարվում, այլ քաղաքական հեռուն գնացող «կոմբինացիա», քաղաքական շրջանակների քննարկումների թոփ թեման է: Տեւական ժամանակ իշխանական շրջանակներում քննարկվում էր, որ ՀՀ Պնախարար Սեյրան Օհանյանը սպասվող սահմանադրական փոփոխություններից հետո նախագահի իշխանական թեկնածուն է դառնալու եւ հենց նրան է հաջորդ խորհրդարանը «նշանակելու» Բաղրամյան 26-ում՝ արդեն անգլիական թագուհու կարգավիճակով: Մ.Հակոբյանի՝ ՀՀ տեղափոխվելը հենց դրա հետ էր կապվում, որ Օհանյանի՝ նախագահական նստավայր տեղափոխվելուց հետո Հակոբյանն է նշանակվելու Պնախարար: Սեյրան Օհանյանի եւ նրա կնոջ շուրջ պայթած սկանդալից հետո, սակայն, իշխանական շրջանակներից այլ տեղեկություններ են ստացվում: Ըստ այդ տեղեկությունների, Ս.Սարգսյանը փոշմանել է: Եւ դրա հիմնական պատճառներից մեկը Օհանյանի կնոջ՝ Ռուզաննա Խաչատրյանի՝ ժամանակից շուրջ դրսեւորած խիստ ակտիվությունն է: Հիմա իշխանական շրջանակներում քննարկվում է նաեւ մեկ այլ վարկած, որ Մ.Հակոբյանը պարզապես նշանակվելու է ՀՀ ԶՈՒ շտաբի պետ՝ Յուրի Խաչատուրովի փոխարեն, քանի որ առաջիկայում նրա պաշտոնավարման ժամկետը լրանալու է (2016թ.-ին): Իշխող ՀՀԿ-ում երեկ առանձնապես հակված չէին մեկնաբանել Մովսես Հակոբյանին ՀՀ տեղափոխելու որոշումը: ՀՀԿ խոսնակ, ԱԺ փոխնախագահ Էդուարդ Շարմազանովը մեր հարցին՝ որքանո՞վ կապ ունի Հակոբյանին ՀՀ տեղափոխելը Օհանյանի հետագա կարիերայի, մասնավորապես՝ «ժառանգորդ» օպերացիայի հետ, պատասխանեց. «Ես Պաշպանության բանակի, անվտանգության հարցերով խնդիրները չեմ մեկնաբանում, որովհետեւ դա հանրապետության նախագահի լիազորությունների շրջանակում է»: ԱԺ պաշտպանության, ներքին գործերի եւ ազգային անվտանգության մշտական հանձնաժողովի նախագահ Կորյուն Նահապետյանն էլ ասում էր, թե առջեւում դեռ սահմանադրական փոփոխություններն են եւ պետք չէ ժամանակից առաջ ընկնել: «Որպես հանձնաժողովի նախագահ՝ ասում եմ, որ ՀՀ Պնախարարը գերազանց է կատարում իր պարտականությունները եւ որեւէ նման խոսակցություն այս պահին տեղին չէ»,- ասաց Նահապետյանը: Գեներալ Մանվել Գրիգորյանն էլ երեկ խորհրդարանական լրագրողների հետ զրույցում հունից դուրս եկավ ու հայտարարեց. «Դուք հո ֆաշիստ չե՞ք, չեք հասկանո՞ւմ, որ մեր հակամարտությունը մենակ թուրքի հետ ա»: Գեներալը, ի դեպ, ասում էր, թե շատ լավ է վերաբերվում Հակոբյանին ՀՀ ԶՈՒ գլխ. շտաբի պետի տեղակալի պաշտոնում նշանակելու որոշմանը: Իսկ ինչ վերաբերում է ԼՂՀ ռազմական եւ քաղաքական էլիտային ՀՀ-ում բարձր պաշտոնների նշանակելուն, Գրիգորյանն ասաց. «Չկան տենց բաներ, ձեզնից բաներ մի հորինեք, ՀՀ-ում կա մի հատ Պնախարարություն, որը որ 2 տեղն էլ ինքն ա «կուռացիա» անում: Բանակում սաղ մի «կամանդ» ա, սաղ մի հրաման ա, բոլորն էլ միասին կատարում են, կան հրամանատարներ, նախարար եւ գլխավոր հրամանատար»: Մեր հարցերին պատասխանեց նաեւ ՀՀԿ գործադիր մարմնի անդամ, ԱԺ ՀՀԿ խմբակցության ղեկավար Վահրամ Բաղդասարյանը:

- Պարոն Բաղդասարյան, ինչո՞վ է պայմանավորված Մովսես Հակոբյանի նշանակումը եւ որքանո՞վ կապ ունի Սերյան Օհանյանի հետագա կարիերայի հետ:

- Չեմ կարծում, որ նման կապեր են սկսել փնտրել մեր հայկական ճկուն ուղեղները՝ եթե բերել են, ուրեմն, Օհանյանին կտանեն մի տեղ, նրան՝ մի տեղ: Պարզապես նշանակում է: Ընդհանրապես, մենք փորձ ունեցել ենք, որ ԼՂՀ-ից փորձ ունեցող մեր պաշտպանության բնագավառի աշխատողները տեղափոխվել են ՀՀ եւ ՀՀ-ից տեղափոխվել են ԼՂՀ: Ամեն փոփոխություն ժամանակ գիտեմ, որ անընդհատ հետեւություններ են եղել, լրատվական հետաքրքրություն է դա, թե ինչ կլինի հետագայում: Ես կասեի, Հակոբյանի պաշտոնի իջեցում է եղել, առանձին հանրապետության պաշտպանության նախարարին բերել են շտաբի պետի տեղակալ:

- Իսկ եթե հաշվի առնենք, որ հետո կարող է դառնալ գլխ. շտաբի պետ կամ Պնախարա՞ր:

- Առավել եւս բանակի հետ կապված՝ «եթե»-ներով, ենթադրություններով չեմ ցանկանա խոսել:

- Տեղեկություն կար, որ Սեյրան Օհանյանն է սահմանադրական փոփոխություններից հետո դառնալու նախագահի իշխանական թեկնածուն...

- Չկա նման տիպի քննարկում:

- Հիմա Օհանյանի հետ կապված կարծես իրավիճակ է փոխվել:

- Որեւէ մի անգամ որեւէ որոշում չի եղել եւ որեւէ որոշում չի փոխվել: Ամեն ինչ նույնն է եւ իր տեղում է:

- Սահմանադրական փոփոխությունների ընթացքի՞ց է կախված ամեն ինչ:

- Դուք խոսում եք 18 թվականի մասին, մինչ այդ մենք ունենք ԱԺ ընտրություններ, նման խնդիրների շուրջ ընդհանրապես 2-3 տարի առաջ չեն բանակցում:

- Բայց դուք պլանավորում եք 2-3 տարի առաջ:

- Պլանավորումը սոցիալիստական հոգեբանություն է, մենք դա հետ ենք մղել:

- Մի խոսքով՝ ոչ մի կապ չե՞ք տեսնում:

- Անկեղծ ասած՝ ոչ:

- Այդ դեպքում ՀՀ-ում էլ զինվորական չկա՞ր այդ պաշտոնի համար:

- Ի՞նչ է, Ղարաբաղը մեր երկիրը չէ՞:

- Ղարաբաղը Հայաստան է, բայց Հայաստանի Հանրապետություն չէ:

- Բայց այդ ի՞նչ մի երեւելի պաշտոն: Այդքան բազմափորձ մարդը եթե համաձայնել է գալ շտաբի պետի տեղակալ, մենք պետք է ուրախ լինենք: Հայաստանում ինչո՞ւ չկա, բա Ղարաբաղն ու մերը մի բանակ է, մեկ տնտեսություն է: Իմացե՛ք:

- Ո՞վ է ՀՀԿ-ի նախագահի թեկնածուն:

- Նախագահական ընտրություններին դեռ շատ ժամանակ կա:

Տպել
3457 դիտում

Վերին Լարսում արգելված իր տեղափոխելու համար կանգնեցվել է հայերի տեղափոխող ավտոբուս

Կարո՞ղ ա վաղն էլ բարձրացնեք ձեր հարեւանի տանը մնացած աղջկան ամուսնացնելու հարցը. Գեւորգ Պետրոսյանը՝ Ն․ Բաղդասարյանին

Արցախի Քաշաթաղի շրջանում վերաօծվել է 17-րդ դարի եկեղեցի

Մինսկի Եվրոպական խաղերում ՀՀ-ն 3 մեդալով 15-րդն է

Որեւէ մեկին թույլ չենք տալու սահմանադրական կարգի տապալման փորձ անել. Արայիկ Հարությունյան

Ամեն ինչ շատ լա՞վ է լինելու. Ստամբուլը դուրս եկավ Էրդողանի վերահսկողության տակից

Թվում է՝ պարոն Մարուքյանն իրենց բակի բեսեդկայում պպզած ռեպլիկ էր թողնում բակով անցնող աղջկա հետեւից. Արեն Մկրտչյան

Հարթագյուղում մոր կողմից խեղդամահ արված երեխային հայտնաբերել են կնոջ երկրորդ ամուսինն ու սկեսուրը. նոր մանրամասներ

Գործընթացները ստիպում են ավելի աչալուրջ լինել. Նիկոլ Փաշինյանի գլխավորությամբ տեղի է ունեցել ԱԽ նիստ

«Իմ քայլը» դեմ քվեարկեց գործադիրի ներկայացրած «Փաստաբանության մասին» նախագծին՝ պատճառաբանությամբ, որ կա անփույթ աշխատանք

ԵԱՀԿ առաքելությունը դիտարկում կանցկացնի Արցախի եւ Ադրբեջանի սահմանին՝ Ակնայից հյուսիս-արեւելք

ՊՆ պայմանագրային զինծառայողը կեղծ վկայական եւ կեղծ տեղեկանք է ներկայացրել՝ վարկ ստանալու համար. ՔԿ

Բարձրագույն դատական խորհրդի անդամ Վիգեն Քոչարյանը երդվեց

Քոչարյանի գործը քննող դատավորների անվտանգությունն ապահովում է ոստկանությունը

Ոստիկանությունը պատասխանել է, թե ինչու չի թույլատրել Արմեն Գեւորգյանին լքել երկիրը. պաշտպանը դա ապօրինի է որակում

Հնարավորություն ընձեռել բարձր առաջադիմությամբ աշակերտներին սովորել Ֆիզմաթ դպրոցում. ծնողների բաց նամակը՝ նախարարին

Վեթինգը դատական իշխանության բոլոր խնդիրների համադարմանը չէ. ԲԴՀ նախկին անդամն առաջարկներ է ներկայացրել

Հայաստանի բարձրագույն խմբի առաջնության անցկացման ձևաչափաը կենթարկվի փոփոխության. Վանեցյան (տեսանյութ)

2 սահնօձ, 2 շահմար, 1 իժ, 1 գյուրզա է նկատվել ՀՀ տարբեր բնակավայրերում

Լենա Նազարյանն ու Մանե Թանդիլյանը կմեկնեն Տոկիո, Արմեն Փամբուխչյանը՝ Մոսկվա