Մեծ ժողով Բաղրամյան 26-ում

18/06/2015 schedule15:20

Նախօրեի երեկոյան Բաղրամյան 26-ում Սերժ Սարգսյանը հանդիպել է այն բոլոր կուսակցությունների ներկայացուցիչների հետ, որոնց հետ հանդիպել էր այս տարվա մարտի 13-ին:

Այս անգամ, սակայն, հանդիպումը ոչ թե առանձին-առանձին է եղել, այլ բոլորով միասին: Թեման սահմանադրական փոփոխություններն են եղել: Իշխող ՀՀԿ-ից ներկա են եղել ԱԺ ՀՀԿ խմբակցության ղեկավար Վահրամ Բաղդասարյանն ու պետաիրավական հանձնաժողովի նախագահ Հովհաննես Սահակյանը, ԲՀԿ-ից՝ կուսակցության նախագահ Նաիրա Զոհրաբյանը, Միքայել Մելքումյանը, Ստեփան Մարգարյանն ու Վահան Բաբայանը, դաշնակցությունից՝ ՀՅԴ Բյուրոյի անդամ Արմեն Ռուստամյանը, ԳՄ ներկայացուցիչ Աղվան Վարդանյանը, Արծվիկ Մինասյանը եւ Արսեն Համբարձումյանը: ՕԵԿ-ից եղել են Հեղինե Բիշարյանը, Հովհաննես Մարգարյանն ու եւս երկու հոգի՝ հանրությանն անծանոթ: Բաղրամյան 26-ում են եղել նաեւ Ալեքսանդր Արզումանյանը, Խաչատուր Քոքոբելյանը, Խոսրով Հարությունյանը, Արտաշես Գեղամյանը, Հայկ Բաբուխանյանը: Մի խոսքով՝ տեղի է ունեցել լայն ֆորմատով փակ հանդիպում, որի մասին, ի տարբերություն մարտի 13-ի հանդիպումների, պաշտոնական հաղորդագրություն չտարածվեց: Հանդիպման սկզբում սահմանադրական փոփոխությունների մասնագիտական հանձնաժողովի նախագահ Գագիկ Հարությունյանը ներկայացրել է, թե հանձնաժողովն առանցքային հարցերի շուրջ ինչ եզրահանգումների է եկել, բայց հուլիսի 1-2-ին Վենետիկի հանձնաժողովի հետ սպասվող հանդիպումից հետո միայն, երբ սույն հանձնաժողովը իր տեսակետը կհայտնի մասնագիտական հանձնաժողովի եզրահանգումների վերաբերյալ, Սահմանադրության նախագիծը հրապարակային քննարկման կներկայացվի: Հանդիպմանը մասնակցած քաղաքական ուժերի ներկայացուցիչները երեկ հիմնականում խուսափում էին խոսել հանդիպման մասին՝ նշելով, որ այն փակ է եղել եւ կոռեկտ չէ բարձրաձայնել քննարկման մասին: Մեզ, սակայն, հաջողվեց մի շարք մանրամասնել ճշտել; Այսպիսով, սահմանադրական փոփոխությունների 2 տարբերակ չի ներկայացվելու: Գագիկ Հարությունյանը հայտարարել է, որ իրենք կանգ են առել կառավարման խորհրդարանական համակարգի մոդելի վրա եւ վերջնական տարբերակում դա է ֆիքսված: Այսինքն՝ որեւէ փոփոխություն այս առումով տեղի չի ունեցել: Նաեւ նա նշել է, որ Սահմանադրության նախագծում ամրագրվելու է 100 տոկոս համամասնական ընտրական համակարգը: Հարությունյանը տեղեկացրել է միայն, որ Վենետիկի հանձնաժողովի հետ պետք է վերջնական եզրահանգման գան, թե 100 տոկոս համամասնական ընտրակարգի ո՛ր տարատեսակն ամրագրեն փոփոխությունների տեքստում՝ վարկանիշայի՞ն, թե՞ մեկ այլ: Նաեւ, ըստ մեր աղբյուրների, կարծես թե լուծվել է խնդիրը, թե ով է լինելու երկրի գերագույն գլխավոր հրամանատարը՝ խորհրդարանական համակարգին անցնելուց հետո: Որոշվել է, որ դա երկրի ապագա նախագահը չի լինելու, ով, այդուհետ, սիմվոլիկ լիազորություններ է ունենալու, ընտրվելու է խորհրդարանի կողմից, այսինքն՝ այլեւս երկրի նախագահի համապետական ընտրություններ տեղի չեն ունենալու. ըստ նախագծի, ՀՀ ապագա նախագահը անգլիական թագուհու կարգավիճակ է ունենալու: Հարությունյանը տեղեկացրել է, որ երկրի գերագույն գլխավոր հրամանատարի հարցում առաջնորդվելու են Գերմանիայի կամ Իսրայելի տարբերակով: Ըստ այդմ՝ սույն ֆունկցիան, ամենայն հավանականությամբ, կդրվի երկրի վարչապետի վրա: Բոլորովին այլ կառուցվածքով անվտանգության խորհուրդ է ստեղծվելու, որը ենթարկվելու է կառավարությանը: Բայց վերջնական հայտարարություն այս հարցի շուրջ կարվի Վենետիկի հանձնաժողովի հետ հանդիպումից հետո: Նաեւ փոփոխությունների տեքստում ամրագրվել է, որ երկրի կառավարությունը պետք է ռեալ հաշվետու լինի երկրի խորհրդարանի առջեւ, այլ ոչ թե այնպես, ինչպես հիմա է՝ ձեւական: Քաղաքական ուժերի ներկայացուցիչները մի շարք հարցեր են ուղղել Գագիկ Հարությունյանին եւ Սերժ Սարգսյանին: 

Աշնանը Սահմանադրության նախագիծը կուղարկվի Ազգային ժողով, իսկ բուն հանրաքվեն սպասվում է նոյեմբեր-դեկտեմբեր ամիսներին:

ԲՀԿ նախագահ Նաիրա Զոհրաբյանը, մեզ հետ զրույցում հաստատելով նախօրեի հանդիպման մասին տեղեկությունը, հայտարարեց, որ փակ հանդիպման մասին հրաժարվում է որեւէ բան ասել, ապա հայտարարեց, որ երկրի կառավարման մոդելի շուրջ իրենց տեսակետը չի փոխվել, իրենք դեմ են խորհրդարանական համակարգին: Այդուհանդերձ, ԲՀԿ-ն կարծես թե մասնակցելու է մարդու իրավունքների վերաբերյալ հատվածների բովանդակային քննարկումներին: Ի դեպ, ԵԽԽՎ Հայաստանի հարցով համազեկուցողների հետ անցյալ շաբաթ տեղի ունեցած հանդիպման ժամանակ էլ, երբ քննարկվել է սահմանադրական փոփոխությունների հարցը, ԲՀԿ-ն համազեկուցողներին հայտնել է, որ երբեւէ կատեգորիկ չեն եղել մարդու իրավունքների ոլորտի վերաբերյալ հարցում  ԲՀԿ դիրքորոշումը հայտնելուց եւ կուսակցությունն իր մոտեցումներն ունի, թե ինչպես է հնարավոր բարելավել Սահմանադրության այդ դրույթները:

Հանդիպմանը մասնակցած ԱԺ պետաիրավական հանձնաժողովի նախագահ Հովհաննես Սահակյանը եւս չէր ցանկանում փակագծեր բացել: Նա ասաց ընդամենը, որ շատ անկեղծ եւ արդյունավետ հանդիպում է եղել, քննարկվել են բոլոր դրույթները, որոնք տարբեր ժամանակահատվածներում տարբեր քաղաքական ուժերի մոտ մտահոգություն են պատճառել: «Որեւէ կոնկրետ վերջնական որոշում չի կայացվել: Ընդամենը եւս մեկ անգամ, հանդիպելով քաղաքական ուժերի հետ, մասնագիտական խումբը ներկայացրել է իր կողմից կատարած աշխատանքի ավելի ամփոփ պատկերը: Վենետիկի հանձնաժողովի հետ քննարկումներից հետո կշարունակեն աշխատանքը: Ես դրական եմ գնահատում այս անկաշկանդ քննարկումները»,- ասաց Սահակյանը:

Տպել
2847 դիտում

Ակցիա ՌԴ 102-րդ ռազմաբազայի դիմաց

Գյումրիում տոնվել է Հայրենիքի պաշտպանի օրը

Իրավիճակը կարգավորելու փոխարեն տնտեսավարողն անհիմն հրապարակումներ է արել սոցիալական ցանցերում. ՊԵԿ

Հայկական պետական մանկավարժական համալսարանի ուսխորհրդի ֆինանսական աղբյուրը՝ անհայտ կամ հույժ գաղտնի․ ՀՊՄՀ Restart

Մեր Կառավարությունը բացարձակապես չի միջամտել ՄԻԵԴ-ում Մարտի 1-ի գործին․ Արտակ Զեյնալյան

Տիգրան Ավինյանն ընդունել է Համաշխարհային բանկի պատվիրակությանը, քննարկել բժշկական ապահովագրության մշակման հարցեր

Երեւանի «Սբ. Աստվածամայր» ԲԿ է տեղափոխվել 9-ամյա տղայի դի․ նշանակվել է դիակի դատաբժշկական փորձաքննություն

Վարչապետը շրջայց է կատարել Վանաձորի տեխնոլոգիական կենտրոնում (լուսանկարներ)

«Իմ քայլը հանուն Լոռու մարզի» բիզնես ֆորումը ցույց տվեց, որ Հայաստանում իսկապես գործարար նոր հնարավորություններ կան

Համոզված եմ, որ հայկական քաղաքական հրաշքին կհաջորդի հայկական տնտեսական հրաշքը. Նիկոլ Փաշինյան (լուսանկարներ)

Արթիկի տարածաշրջանի ավտոճանապարհներին բուք է

Մեկնարկել է Առողջապահության նախարարության խորհրդատուների առաջին երկօրյա խորհրդաժողովը

Շարունակվում է «Իմ քայլը հանուն Լոռու մարզի» բիզնես ֆորումը․ ներկայացուցիչները հարցեր են ուղղում նաեւ ՀՀ վարչապետին

Միայն հիվանդ ուղեղներում կարող էր ծնվել Փաշինյանի՝ իմ քաղաքական հոգեզավակը լինելու ցնորալի գաղափարը․ Լեւոն Տեր-Պետրոսյան

Բժշկական համալսարանի ճաշարանը վարձակալածի հետ պայմանագիրը լուծարել են՝ բուհի պրոռեկտորին բուֆետի «նալոգ» չվճարելու համար

ԿԳ նախարար Արայիկ Հարությունյանը մասնակցել է բուհերի հոգաբարձուների խորհուրդների նախագահների հետ թեյախմությանը

Հայաստանում ԱՄՆ նորանշանակ արտակարգ եւ լիազոր դեսպան Լին Թրեյսին Երեւան կժամանի հաջորդ շաբաթ

Վալերի Օսիպյանն անակնկալ այցելել է ոստիկանության Երեւան քաղաքի վարչության Մալաթիայի բաժին

ԲՀԿ–ն առաջարկում է հարկային արտոնություն տրամադրել բնակլիմայական աղետների հետևանքով 50 %-ի վնաս կրած գյուղատնտեսներին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 150 անգամ