Հանրաքվեն կեղծ օրակարգ է

20/06/2015 schedule20:30

«Քաղաքացիական պայմանագիր» կուսակցության վարչության անդամ Ռուբեն Ռուբինյանը երեկ մեզ հետ զրույցում հայտարարեց, որ նորաստեղծ այս կուսակցությունը սահմանադրական փոփոխությունների գործընթացին որեւէ ձեւով չի մասնակցելու, քանի որ դա համարում է կեղծ օրակարգ:

- Պարոն Ռուբինյան, տեղեկություններ կային, որ «Քաղաքացիական պայմանագրի» վարչությունը երեկ պետք է քննարկեր սահմանադրական փոփոխությունների հարցը: Ինչ-որ որոշումներ կայացվե՞լ են, կուսակցությունը սույն գործընթացների ժամանակ ի՞նչ կեցվածք է դրսեւորելու:

- Հարցը քննարկել է ոչ թե «Քաղաքացիական պայմանագրի» վարչությունը, այլ նախաձեռնող խումբը՝ բազմաթիվ կուսակիցների մասնակցությամբ: Համաձայնություն է ձեռք բերվել հետեւյալ մոտեցումների վերաբերյալ. Սահմանադրության փոփոխության հարցը ոչ լեգիտիմ վարչախմբի կողմից առաջ քաշված եւ սեփական վերարտադրությանն ուղղված կեղծ օրակարգ է: Հաշվի առնելով, որ, մեծ հաշվով, քանի երկրում չկա ձեւավորված ինստիտուցիոնալ ընդդիմություն, վարչախումբը միեւնույն է վերարտադրվելու է, սահմանադրական փոփոխության քննարկումը դառնում է անիմաստ՝ անկախ վերջինիս բովանդակությունից: Ըստ այդմ՝ «Քաղպայմանագիրը» զերծ է մնալու հարցի հետ կապված բովանդակային քննարկումներից՝ չմտնելով վարչախմբի նախաձեռնած կեղծ օրակարգի մեջ:

- Այսինքն՝ ՔՊԿ-ն «ոչ»-ի քարոզարշավի մասնակից կդառնա՞:

- Հաշվի առնելով վերոշարադրյալը՝ «Քաղաքացիական պայմանագիրը» չի միանա ո՛չ «ոչ»-ի քարոզարշավին, եւ, առավելեւս, ո՛չ էլ «այո»-ի: Քանի չկա ինստիտուցիոնալ ուժ, որը կմշակի եւ կներկայացնի հստակ մեխանիզմներ, թե ինչպես է կարելի ստանալ ժողովրդի վստահությունը եւ քվեն, ամրագրել այն եւ իր վրա վերցնել երկրի իշխանությունը, Սերժ Սարգսյանի վարչախումբը շարունակելու է վերարտադրվել՝ անկախ սահմանադրական փոփոխությունների հանրաքվեի արդյունքից: Իսկ թե Սերժ Սարգսյանը կշարունակի հարամ անել մեր կյանքը նախագահի, վարչապետի, թե իշխանությունն ուզուրպացրած ՀՀԿ-ի նախագահի պաշտոնում՝ դա արդեն ճաշակի հարց է:

- Որոշ ուժեր, մասնավորապես՝ Հայ ազգային կոնգրեսը, հայտարարել են, որ հանրաքվեի գործընթացը վերածելու են Սերժ Սարգսյանի անվստահության գործընթացի: Ձեր ուժը մասնակցություն կունենա՞ նման գործընթացի:

- ՔՊԿ-ն համարում է, որ քանի չկան հստակ մեխանիզմներ, թե ինչպես է կարելի իրականացնել տվյալ գործընթացը, դրան մասնակցությունն անիմաստ է: Ավելին՝ բոլորս՝ թե՛ արտասահմանում եւ թե՛ հենց մեզ մոտ, 2003 թվականին ականատես ենք եղել իրավիճակների, երբ գործող իշխանությունը չի կարողացել հանրաքվեով անցկացնել սահմանադրական փոփոխությունների փաթեթը, սակայն միեւնույն է շարունակել է վերարտադրվել եւ վստահորեն կեղեքել երկիրը: Եթե Հայ ազգային կոնգրեսը առաջ քաշի մի այնպիսի հստակ մեխանիզմ, որը կարող է ոչ միայն բերել Սերժ Սարգսյանի թիմի անհաջողությանը հանրաքվեում, այլ նաեւ այդ անհաջողության վերածմանը անվստահության գործընթացի, որը կբերի Սերժ Սարգսյանի եւ իր թիմի հեռացմանը, եւ եթե բերվեն հիմնավոր պատճառներ, որ հենց ՔՊԿ մասնակցությունն է պակասում հաջողության հասնելուն, կքննարկենք:

- Այդուամենայնիվ, հնարավո՞ր է՝ ինչ-որ փուլից ձեր կուսակցությունն էլ մասնակցի փոփոխությունների տեքստի բովանդակային քննարկումներին: Սա հարցնում եմ, որովհետեւ որոշ ուժեր մինչեւ վերջերս շատ կտրական տոնով հայտարարում էին, որ չեն մասնակցելու փոփոխությունների բովանդակային քննարկումներին, բայց պարզվեց, որ դրա որոշ հատվածների քննարկումներին, այնուամենայնիվ, մասնակցելու են:

- Ո՛չ: Կեղծ իշխանությունների առաջ բերած կեղծ նախաձեռնությունների կեղծ բովանդակությունը «Քաղաքացիական պայմանագիրը» չի քննարկելու: Երբ երկրում տիրեն ժողովրդավարական կարգեր, երբ օրենքները կգործեն, այդժամ կքննարկենք՝ խորհրդարանակա՞ն, թե՞ նախագահական կառավարումն է ավելի օգտակար Հայաստանին: Իսկ ներկայիս խայտառակ պայմաններում ո՛չ մեկը եւ ո՛չ մյուսը ոչինչ չեն փոխելու: Խնդիրն իրավիճակի փոփոխման մեջ է, այլ ոչ Սահմանադրության:

- Եթե, ի վերջո, անցում կատարվի կառավարման խորհրդարանական համակարգին, ինչը արդեն իսկ ամրագրված է Սահմանադրության փոփոխությունների տեքստում, ՔՊԿ-ն պատրա՞ստ է մասնակցել առաջիկա խորհրդարանական ընտրություններին:

- «Քաղաքացիական պայմանագիրը» մասնակցելու է հաջորդ խորհրդարանական ընտրություններին՝ անկախ սահմանադրական փոփոխության հանրաքվեի արդյունքներից: Սակայն այլ հարց է՝ պատրա՞ստ է արդյոք ՔՊԿ-ն դրան: Այս պահին՝ ոչ: Սակայն, ինչպես արդեն ասել ենք, շտապելու ժամանակ չունենք: 2017 թվականին հաղթելու ճանապարհին շատ երկար եւ դժվարին ճանապարհ պետք է անցնենք՝ սկսած տարածքային կառույցների բացումից, մինչեւ ընտրարշավի հստակ մարտավարության եւ մեխանիզմների մշակում: Պետք է 2017-ին ժողովրդին հստակ կերպով կարողանանք ներկայացնել, քայլ առ քայլ, թե ինչպես ենք պատրաստվում հաղթել եւ ինչ ենք անելու հաղթելուց հետո: Այս ամենը պատրաստվում ենք անել հասարակության լայն շերտերի մասնակցությամբ եւ վերահսկմամբ: Իսկ կհաջողվի՞ մեզ դա, թե ոչ՝ կախված է բոլորիցս:

Տպել
3609 դիտում

Հիվանդանոցները կտրամադրեն միայն անհետաձգելի բուժօգնություն. Թորոսյանը հրաման է ստորագրել

Ադրբեջանական ագրեսիայի պատճառով վարչապետի՝ նախապես ծրագրված հարցազրույցն այսօր եթեր չի հեռարձակվելու. «Առաջին ալիք»

Այսօր մեր գործընկերներին հյուրասիրել ենք ադրբեջանցի զինվորներից առգրավված քաղցրավենիք. Վահրամ Պողոսյան

Բնակավայրերի հրետակոծության հետևանքով լրջորեն վիրավորված հղի կինն էլ, երեխան էլ, փրկվել են. ԱՀ ՄԻՊ

Միջազգային հանրության արձագանքը բավարար չեմ համարում․ Արայիկ Հարությունյան

Արցախում այս պահին կա կապի խնդիր. չեն գործում կանխավճարային համակարգը, SMS-ը

Արցախի ՊՆ–ն հրապարակեց զոհված զինծառայողների անունները

Գարիկ Մարտիրոսյանն ու Միշա Գալուստյանը կոչ են անում Ադրբեջանին դադարեցնել ագրեսիան խաղաղ բնակչության դեմ

Երևանը Ստեփանակերտի կողքին է՝ միշտ և ամեն ինչով. Հայկ Մարությանը հեռախոսազրույց է ունեցել Ստեփանակերտի քաղաքապետի հետ

Հակառակորդին պատճառվել է կենդանի ուժի և զինտեխնիկայի մեծաթիվ կորուստներ. ԱՀ ՊՆ-ն տեսանյութ է հրապարակել

Քարդաշյանը խնդրել է իր հետեւորդներին կոչ անել Սպիտակ Տանը դադարեցնել Ադրբեջանին տրվող ռազմական օժանդակությունը

Առգրավվել է հակառակորդի 11 միավոր զրահատեխնիկա իրենց մարտական լրակազմով, այդ թվում ՀՄՄ-3. ՊՆ

ԱՄՆ կոնգրեսականը կոչ է արել պարզել՝ ով է ռազմական բախումների նախաձեռնողը՝ Ադրբեջանին պատասխանատվության ենթարկելու համար

Արցախի դեմ կռվում է ոչ միայն Ադրբեջանը, այլև Թուրքիան․ ԱՀ նախագահ

Սիրիայից մոտ 4000 գրոհային է մասնակցում Ադրբեջանի սանձազերծած ռազմական գործողություններին

Գյումրու զինվորական կոմիսարիատի բակում հերթեր են գոյացել

Արցախի բնակիչներին ապաստարան տալու անհրաժեշտություն չկա այս պահին․ Զարուհի Բաթոյան

Նիկոլ Փաշինյանը ՊՆ-ում հանդիպել է Զինված ուժերի ղեկավար կազմի հետ

125 հազար դոլարից ավելի գումար է հավաքվել «Մենք ենք, մեր սահմանները. բոլորս Արցախի համար» դրամահավաք-արշավի շրջանակում

Ամբողջ Հայաստանի տարածքում հերթեր են՝ կապված զորակոչին մասնակցողների քանակի հետ․ ՀՀ ՊՆ մամուլի խոսնակ (տեսանյութ)