Ոստիկաններն ընդդեմ պատգամավորի

23/06/2015 schedule16:58

Երեկ խորհրդարանում տեղեկություններ կային, որ ՀՀ ոստիկանապետ Վլադիմիր Գասպարյանը իր աշխատասենյակում ծեծի է ենթարկել ԱԺ ԲՀԿ խմբակցության պատգամավոր Հրանտ Դավթյանին:

Խոսվում էր, որ Գասպարյանն անձամբ է մի քանի անգամ ապտակել Դավթյանին: Ոստիկանությունը, սակայն, հերքում էր սույն տեղեկությունները: «Անհեթեթություն է դա»,- մեզ հետ զրույցում ասացին ոստիկանության լրատվության եւ հասարակայնության հետ կապերի վարչությունից: Ինքը՝ Դավթյանը, Ազգային ժողով չէր եկել եւ ողջ օրվա ընթացքում այդպես էլ հեռախոսազանգերին չպատասխանեց:

Բանն այն է, որ անցյալ ուրբաթ shamshyan.com-ը մի տեսանյութ հրապարակեց, որտեղ տեսնում ենք, թե ինչպես է պատգամավոր Դավթյանը հայհոյում ճանապարհային երթեւեկության կանոնները խախտելու համար իր մեքենան կանգնեցրած ճանապարհային ոստիկաններին: «Էս յեքա տռասի վրա էլ ավտո չկար հա՞ կանգնացնելու, դեպուտատին պետք ա կանգնացնես, ակտ գրես: Բեսամթ տղա ես էլի դու դառել ըտենց, արա»,- ասում է Դավթյանը ոստիկաններին, ովքեր այդ ընթացքում ակտ են կազմում: «Ահաբեկո՞ւմ եք»,- հարցնում է ոստիկաններից մեկը: «Ես չեմ ահաբեկում, ինչ կա, էն եմ ասում, քեզ դրել ես Հիսուս Քրիստոսի աշակերտի տեղը: Եկել կանգնել, թալան ես անում շոշերին, ասում եմ քեզ՝ ով եմ, մի հատ ընենց (սկսում է հայհոյել), վեկալել, դեպուտատի վրա ակտ ես գրում անշնորհքավարի: Էտի տենց ա՞»,- ասում է պատգամավորը: Երբ ոստիկանը խնդրում է ներկայանալ, Դավթյանը պատասխանում է. «Ներկայացա, Էջմիածնից դեպուտատ Հրանտն եմ: Կեթաս, կասես տենց սաղ քու էդ ումը գիտես: Շնորհքն էլ ա լավ բան, արա, սաղ ամեն ինչը մոռացել են (էլի սկսում է հայհոյել)»: Այդ ընթացքում ոստիկանը շարունակում է ակտը գրել, իսկ խիստ նեղսրտած պատգամավորը շարունակում է. «Էս ցելի տռասի վրա սաղ էս մի ավտոն էր, հա՞, հեսա գիտես պագոններդ ավելացնելու ե՞ն»: Դավթյանի ավտոմեքենան կանգնեցրած ոստիկանները որեւէ ձեւով չեն պատասխանում եւ անվրդով ու դանդաղ շարունակում են իրենց անելիքը, ինչը պատգամավորին ավելի է հունից հանում: «Արա, պրծի, ուշացանք նիստից, հարազատ»,- ասում է նա: Ի վերջո, ակտը ստորագրում են, հանձնում պատգամավորին, ասում՝ հաջողություն, բարի ճանապարհ, պատգամավորը վերցնում է այն եւ էլի ինչ-որ բաներ խոսելով՝ դժգոհ հեռանում:

Երեկ, երբ ոստիկանությունից փորձեցինք ճշտել՝ արդյո՞ք պատրաստվում են դատի տալ ԲՀԿ-ական պատգամավորին, մեզ պատասխանեցին. «Դատարան չենք կարող դիմել, քանի որ տեղի ունեցածը հրապարակային բնույթ չի կրել: Քաղաքացիական օրենսգրքի 19-րդ հոդվածում նշվում է, որ անձի պատիվն ու արժանապատվությունը, գործարար կամ բարի համբավը ենթակա են պաշտպանության միայն այլ անձի կողմից հրապարակայնորեն արված՝ վիրավորանք պարունակող արտահայտությունների դեպքում: Դա է պատճառը, որ ոստիկանությունը չի կարող օգտվել Քաղաքացիական օրենսգրքի համապատասխան հոդվածից»: Թե կոնկրետ ի՞նչ խախտում էր թույլ տվել պատգամավորը՝ հստակ չասացին, հայտնեցին ընդամենը, որ խախտումն արձանագրվել է:

Երբ փորձեցինք Հատուկ քննչական ծառայությունից ճշտել՝ պատգամավորի մասնակցությամբ միջադեպի հետ կապված նյութեր նախապատրաստվո՞ւմ են կամ՝ հնարավո՞ր է՝ արդեն քրեական գործ կա հարուցված, պատասխանեցին, որ՝ ոչ:

Ազգային ժողովի էթիկայի հանձնաժողովը երեկվա դրությամբ որեւէ դիմում ոստիկանությունից չէր ստացել պատգամավորի վարքի վերաբերյալ: Հանձնաժողովի նախագահ Արփինե Հովհաննիսյանն այս օրերին Ստրասբուրգում մասնակցում է ԵԽԽՎ ամառային նստաշրջանին: Երբ հանձնաժողովի ՀՀԿ-ական անդամ Սուքիաս Ավետիսյանին հարցրեցինք՝ հնարավո՞ր է հանձնաժողովը ընթացք տա սույն գործին, նա պատասխանեց. «Չեմ կարող ասել, պիտի հանձնաժողովի նախագահից ճշտեք: Ես տեսանյութն էլ չեմ տեսել, որ կարողանամ կարծիքս հայտնել: Հանձնաժողովի նախագահը կգա, կհասկանանք»: Հարցին՝ պարտադիր պետք է դիմում լինի՞, որպեսզի հանձնաժողովը սկսի քննել պատգմավորի վարքագիծը, թե՞ տեսանյութը արդեն հիմք է, որպեսզի գործընթաց սկսվի, Ավետիսյանը պատասխանեց. «Կարող է նաեւ՝ եթե համացանցում տեսանյութ կա, որ նա վիրավորում է, միգուցե դա նաեւ հիմք հանդիսանա, որ ընթացք տանք: Հիմա, մինչեւ նախագահը չգա, ոչինչ չենք կարող ասել»:

Ավելի ուշ մեզ հաջողվեց ճշտել, որ ճանապարհային երկու ոստիկանները, ովքեր կանգնեցրել էին ԲՀԿ-ական պատգամավորի ավտոմեքենան, դիմում էին գրել Ազգային ժողովի էթիկայի հանձնաժողով, եւ դրան պաշտոնական ընթացք կտրվի հանձնաժողովի նախագահի՝ Ստրասբուրգից վերադառնալուց հետո: Ոստիկանությունը, փաստորեն, որոշել է պատժել Դավթյանին: Ի դեպ, վերջինիս կուսակիցները երեկ հայտարարում էին, թե չեն հավատում, որ Դավթյանը կարող էր նման բան անել: Եւ իսկապես էլ՝ տեղի ունեցածին հավատալը մի փոքր դժվար է, քանի որ իր պատգամավորական երեք տարվա գործունեության ընթացքում Հրանտ Դավթյանի ձայնը ԱԺ նիստերի դահլիճում որեւէ մեկը լսած չկա. նա երբեւիցե ԱԺ ամբիոնին չի մոտեցել, ելույթ չի ունեցել, հայտարարությամբ հանդես չի եկել, որեւէ հարց չի բարձրացրել: Խորհրդարանի աշխատանքները լուսաբանող լրագրողներից շատերը երեկ դժվարանում էին անգամ նրա դեմքը հիշել, ոմանց էլ անգամ նրա անունը հայտնի չէր:

Հրանտ Դավթյանը Էջմիածնից է, ավարտել է գյուղատնտեսական ակադեմիայի հիդրոմելիորացիայի ֆակուլտետը, մասնագիտությամբ ճարտարագետ-հիդրոտեխնիկ է, զբաղվել է մասնավոր գործունեությամբ, 2011-ին անդամագրվել «Բարգավաճ Հայաստան» կուսակցությանը, իսկ 2012-ին ԲՀԿ համամասնական ցուցակով մտել խորհրդարան: Ի դեպ, 2009-ին էլ արժանացել է Էջմիածնի քաղաքապետարանի շնորհած «Էջմիածնի բարեկամ» կոչմանը:

Տպել
3714 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում