Թող ռուսները փոխհատուցեն

26/06/2015 schedule17:00

Վարչապետ Հովիկ Աբրահամյանի երեկվա հայտարարությունը՝ էլեկտրաէներգիայի սակագնի թանկացման վերաբերյալ, «Ո՛չ թալանին» նախաձեռնության կողմից, բնականաբար, բացասաբար ընդունվեց:

Կառավարության նիստում վարչապետը, ըստ էության, հայտարարեց, թե անհնար է չբարձրացնել սակագինը: «Միանշանակ՝ ընդունելի չեն մեզ համար վարչապետի առաջարկները: Բազմիցս նշել ենք, որ էլեկտրաէներգիան ոչ միայն կարող են չթանկացնել, այլ նաեւ իրենք սակագինը իջեցնելու տեղ ունեն: Բազմաթիվ հաշվարկներ կան, որոնք հիմնավորում են, որ էլեկտրաէներգիայի սակագինը ներկա դրությամբ արդեն բարձր է եւ 8 դրամով կարող է իջեցվել»,- armtimes.com-ի հետ զրույցում հայտարարեց «Ո՛չ թալանին» նախաձեռնության ակտիվիստ Միհրան Ավագյանը՝ արձագանքելով վարչապետի ասածին: Ըստ ակտիվիստի, իրենք շարունակելու են նստացույցը, իրենց պահանջը շարունակում է մնալ ուժի մեջ եւ իրենք անձամբ Սերժ Սարգսյանից են պահանջում սակագնի կասեցում:

ԱԺ «Ժառանգություն» խմբակցության քարտուղար Թեւան Պողոսյանը մեզ հետ զրույցում հայտարարեց, թե ճիշտ կլինի, որ ռուսական կողմը իր վրա վերցնի խնդրի լուծումը, ֆինանսներ տրամադրի ՀԷՑ-ի պարտքերը փակելու համար, քանի որ իր կողմից նշանակված վատ մենեջերն է սխալ արել: «Ժառանգություն» խմբակցությունում վարչապետի հայտարարությունն ու առաջարկը չէր քննարկվել, բայց, ըստ Պողոսյանի, անկախ այն բանից, թե Հովիկ Աբրահամյանն ինչ է ասել, թանկացման դեմ պայքարում գլխավորն այն է, որ մարդիկ քննարկեն խնդիրը եւ լուծեն ու բողոքի այս կարգի ակցիաները չդառնան հարց լուծելու ուղի: «Ճիշտ կլինի, որ մենք կարողանանք գտնել այն ճանապարհները, որտեղ հարցերը լուծում են քաղաքական ուղիներով: Բայց հիմա ունենք այս իրավիճակը եւ այդ իրավիճակից ելնելու լավագույն ձեւը, ըստ իս, այն պիտի լինի, որ բոլորը դուրս գան հաղթանակած, որովհետեւ այդ հաղթանակը Հայաստանին է պետք: Ես այս խնդիրների մեջ շատ դժվարանում եմ յուրահատուկ բան ասել, բայց ունենք ռազմավարական գործընկեր՝ Ռուսաստանը, եւ այս իրավիճակը, որ ձեւավորվել է, ռուսական ընկերության խնդիրն էլ է: Միգուցե՝ ռազմավարական գործընկերն էլ իր դերակատարությունը ունի այդ հարցը լուծելու մեջ: Ինչու ոչ, օրինակ, որոշ բացթողումներ, որ ռուսական ընկերությունն է արել, ռուսական կողմը վերցնի իր վրա, այդ ֆինանսները տրամադրի, քանի որ իր կողմից նշանակված մենեջերներն են սխալ արել, եւ դրանով պարտքերը փակվեն ու որեւէ բան չփոխվի սակագնի մեջ»,- ասաց Թեւան Պողոսյանը: Ըստ նրա, դրանից ե՛ւ ռուսները կշահեն Հայաստանում, որովհետեւ մամուլում շատ սխալ մեկնաբանություններ գնացին այն մասին, թե ինչ է կատարվում Հայաստանում, ե՛ւ ընկերությունը կշահի ու կսկսի մտածել զարգացման ծրագրի մասին, ե՛ւ սակագինը չի բարձրանա ու մեր ցուցարարները հաղթանակած դուրս կգան: «Եթե Ռուսաստանը գնա նման քայլի, ապա միայն եւ միայն կշահի հայերի սիրտը հենց այն իմաստով, որ որպես ռազմավարական գործընկեր նաեւ իր կողմից թույլ տված սխալի, վատ մենեջմենթի հետեւանք է սա: Նաեւ պետությունը կշահի եւ համակարգի առողջացման ծրագիր կսկսվի»,- կարծում է պատգամավորը: Ըստ նրա, վարչապետն այսօր կառավարության տեսակետն է հայտնել, բայց խնդիրը ոչ թե փոքրիկ լուծումներ է պահանջում, այլ ավելի լայն է, իսկ ռուսական, ուկրաինական ու վրացական մամուլն էլ փորձում է այն ներկայացնել իր շահերի տեսանկյունից՝ քաղաքականացնելով գործընթացը, որն իրականությանը չի համապատասխանում:

ԲՀԿ-ական պատգամավոր Միքայել Մելքումյանն էլ, արձագանքելով վարչապետի երեկվա հայտարարությանը, մեզ հետ զրույցում ասաց, թե խնդրի լուծման բազմաթիվ մեխանիզմներ կան՝ դիվերսիֆիկացում, ընկերության պարտքի բաշխում արտադրող-կայանների, օպերատորի եւ բնակչության միջեւ, բայց Հանրային ծառայությունները կարգավորող հանձնաժողովն այսօր պատրաստ չէ չեղարկել իր ընդունած որոշումը, որովհետեւ շատ անհասկանալի կլինի մեկ շաբաթ առաջ ընդունած որոշումը փոխել: «Պրոֆեսիոնալ առումով չեղարկումն անհասկանալի կլինի, դրա համար ես կողմնակից եմ համատարած փոխհատուցումների մեխանիզմ կիրառել, որ ոչ միայն անապահովներին փոխհատուցեն, այլ փոխհատուցումների այլ մեխանիզմներ մտցնեն, աշխատավարձերը բարձրացնեն, մարդկանց եկամուտները բարձրացնեն, քանի որ հանձնաժողովը չի գնա չեղարկման: Այսօր ուրիշ լուծում չկա դրան»,- ասաց Մելքումյանը: Երբ նկատեցինք, որ դրա համար գումար է անհրաժեշտ, իսկ մենք գիտենք, որ բյուջեում գումար չկա, նա արձագանքեց. «Եկամուտների բարձրացման համար կան մեխանիզմներ, չեմ կարծում, որ չկան»: Ըստ նրա, սկսված հասարակական շարժումը չպետք է կոտրել, շարժումը պետք է որոշակի արդյունքի հասնի, որը, իհարկե, բանակցությունների խնդիր է: «Վարչապետը միաժամանակ ասել է, որ պատրաստ է համապարփակ ծրագիր մշակելու համար բանակցի, մենք էլ մենք մասնագիտական ուժերը պատրաստ ենք դնել՝ լուծումներ փնտրելու: Դա միանգամյա լուծումով չէ»,- ասաց պատգամավորը: Հիշեցմանը, որ ակտիվիստները մերժել են բանակցությունները, նա արձագանքեց. «Ես ակտիվիստների անունից չեմ կարող խոսել, բայց կարծում եմ՝ բանակցությունն անհրաժեշտ է: Ցանկացած խնդրի շուրջ պետք է լինեն ե՛ւ քաղաքական, ե՛ւ սոցիալական, ե՛ւ մասնագիտական քննարկումներ»: Հարցին՝ իսկ եթե չգնա՞ն, պատասխանեց. ««Եթե»-ներ չկան, ի վերջո՝ բանակցությունների պետք է գնան, անգամ՝ պատերազմող երկրներն են գնում բանակցությունների: Ճիշտ չեմ համարում չգնալը»:

Տպել
2965 դիտում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)

Արդեն երկրորդ օրն անընդմեջ դիտարկվում են ՀՀ Կոտայքի մարզի զբոսաշրջային վայրերն ու բացօթյա հանգստի գոտիները

Վրաստան մուտքն արգելող որոշումը շարունակվում է ուժի մեջ մնալ. Ստեփանծմինդա-Լարսը բաց է միայն բեռնատարների համար

Իջևան-Բերդ ավտոճանապարհին մեքենան բախվել է էլեկտրասյանը․ տուժածներ չկան

ԵՊՀ հայ բանասիրության ֆակուլտետն իր անվստահությունն է հայտնել ծրագրերի և չափորոշիչների աշխատանքային խմբին

Հրշեջ-փրկարարները մարել են 7 հա տարածքում բռնկված հրդեհները