Օմբուդսմենին դեռ չեն պատասխանել

26/06/2015 schedule13:50

ՀՀ մարդու իրավունքների պաշտպան Կարեն Անդրեասյանն այս օրերին ՀՀ-ում չէ: Թե որտե՞ղ է, երբ է գնացել ու ե՞րբ կվերադառնա՝ գրասենյակը չի հայտնում: Այդուամենայնիվ, երեկ Օմբուդսմենը գրավոր պատասխանել է մեր հարցերին:

Հիշեցնենք, հունիսի 24-ին Կարեն Անդրեասյանը հայտարարություն էր տարածել եւ էլեկտրաէներգիայի թանկացման դեմ պայքարող ցուցարարների նկատմամբ ոստիկանության կիրառած ուժը գնահատել անհամաչափ:

- Պարոն Անդրեասյան, դուք հայտարարել էիք, որ սեփական նախաձեռնությամբ վարույթ եք հարուցել հունիսի 23-ի լուսադեմին Բաղրամյան պողոտայում տեղի ունեցած դեպքերի կապակցությամբ: ՄԻՊ գրասենյակը ի՞նչ է պարզել այս երկու օրվա ընթացքում:

- Ես եւ իմ աշխատակազմն ուսումնասիրել ենք հունիսի 23-ի լուսադեմին Բաղրամյան պողոտայում տեղի ունեցած միջադեպի մանրամասները, տեղի ունեցած դեպքերի վերաբերյալ կատարել ենք ուսումնասիրություններ: Վաղ առավոտից իմ ներկայացուցիչներն այցեր են կատարել ոստիկանության տարբեր բաժիններ, ճշտել ամեն բաժին բերման ենթարկված քաղաքացիների տվյալները եւ հանդիպել բերման ենթարկվածների հետ: Ամփոփելով այս բոլոր գործողությունները՝ նույն օրը սեփական նախաձեռնությամբ ես վարույթ եմ հարուցել եւ մի շարք հարցադրումներ ուղարկել ոստիկանություն, Հատուկ քննչական ծառայություն եւ Առողջապահության նախարարություն, որոնց պատասխանելու համար տրվել է  3-օրյա ժամկետ: Սահմանված ժամկետը դեռեւս չի լրացել: 

- Դուք նաեւ հայտարարել էիք, որ հարցադրումներ եք ուղարկել ոստիկանության պետ Վլադիմիր Գասպարյանին, Հատուկ քննչական ծառայության պետ Վահրամ Շահինյանին եւ առողջապահության նախարար Արմեն Մուրադյանին: Արդյո՞ք որեւէ արձագանք արդեն ստացել եք եւ եթե այո՝ ի՞նչ են նրանք պատասխանում:

- Սահմանված 3-օրյա ժամկետը դեռ չի լրացել, ուստի՝ այս պահի դրությամբ համապատասխան մարմիններից դեռեւս պատասխան չեմ ստացել: Օրենքի պահանջն է, ամեն դեպքում, դիրքորոշում ճշտել համապատասխան պետական մարմնից եւ սպասել մեր կողմից տրված ժամկետին՝ մինչեւ մեր վերջնական որոշման կայացումը:

- Տեղեկություն ունե՞ք ոստիկանության հետագա գործողությունների վերաբերյալ, եթե խաղաղ ցույցերը երկար տեւեն, որեւէ երաշխիք պահանջել եւ ստացե՞լ եք, որ էլէներգիայի թանկացման դեմ բողոքող քաղաքացիների դեմ այլեւս ջրցան մեքենաներ եւ ուժ չի կիրառվի:

- Ոստիկանությունը մեզ հետ իր գործողություններով չի կիսվում:

- Դուք խոստացել էիք ուշադրության կենտրոնում պահել եւ ձեր լիազորությունների շրջանակներում գործադրել հնարավոր բոլոր միջոցները՝ պաշտպանելու խաղաղ հավաքի մասնակիցների եւ լրագրողների իրավունքները: Այնինչ, այս ընթացքում դուք անձամբ որեւէ անգամ չեք եղել Բաղրամյան պողոտայում. ինչո՞ւ: Չգնացիք անգամ, երբ մի շարք պատգամավորներ եւ հայտնի մտավորականներ որոշեցին կենդանի պատ դառնալ ոստիկանների եւ ցուցարարների միջեւ՝ հետագա հնարավոր բռնությունները եւ բախումները կանխելու նպատակով: Ավելին՝ անհասանելի եք դարձել նաեւ լրագրողների համար:

- Իմ ներկայացուցիչները հունիսի 22-ի երեկոյան եղել են Ազատության հրապարակում, հունիսի 22-ի, լույս 23-ի գիշերը՝ Բաղրամյան պողոտայում: Իսկ արդեն հունիսի 23-ին՝ առավոտյան ժամը 6.00-ից սկսած՝ այցելություններ են կատարել ոստիկանության բաժիններ, այդ թվում՝ թե՛ Երեւանում, թե՛ մարզերում: Ես անձամբ այս օրերին 24 ժամ պահել եմ եւ հիմա էլ ուշադրության կենտրոնում եմ պահում զարգացող իրադարձությունները եւ անձամբ համակարգում եմ իմ աշխատակազմի բոլոր ստորաբաժանումների աշխատանքը: Այս պահին իմ աշխատանքն ավելի արդյունավետ է այս ձեւաչափով: Ի դեպ, հունիսի 23-ի լույս 24-ի գիշերը մի շարք քաղաքական ու հասարակական գործիչների հետ մինչեւ առավոտ Բաղրամյան պողոտայում են եղել նաեւ իմ տեղակալը եւ Արագ արձագանքման վարչության աշխատակիցները:

- Դուք, որպես Մարդու իրավունքների պաշտպան, չե՞ք պատրաստվում հետագա օրերին անձամբ եւ ֆիզիկապես լինել ցուցարարների կողքին:

- Ըստ իրադարձությունների զարգացման, եթե հավաքի մասնակիցների անվտանգության եւ իրավունքների պաշտպանության լավագույն երաշխիքը լինի Օմբուդսմենի ներկայությունը, ապա ես անձամբ ներկա կլինեմ  եւ տեղում կշարունակեմ համակարգել իմ ներկայացուցիչների աշխատանքը:

Տպել
2505 դիտում

Անձամբ ինձ համար այդ հանրահավաքը կազմակերպելու պատճառաբանությունները անհիմն են. Լիլիթ Մակունց

Ովքեր են ապրում Թբիլիսիի այն տանը, որտեղ ապրել է Արամ Խաչատրյանը, ինչ են պատմում նրանք. մանրամասներ (լուսանկարներ)

ՀՀ-ում քննվող բոլոր գործերը ծանոթացնե՞նք պաշտպաններին, ինչ է թե նրանք հայտարարում են, որ թաքցնելու բան ունենք. դատախազ

«Քոնթուրգլոբալ հիդրոկասկադ» ՓԲԸ-ն հայտարարում է մրցույթ

Դանակահարություն Աբովյան փողոցի ակումբներից մեկում. 41-ամյա տղամարդը հարված է ստացել որովայնին

Դատարանը հետաձգեց Մարտի 1-ի մայր գործի նյութերը պաշտպաններին տրամադրելու միջնորդության լուծումը

ԿԳՄՍ նախարարն ընդունել է Հայաստանում ՄԱԿ-ի մանկական հիմնադրամի նորանշանակ ներկայացուցչին

Այսօր, ինչպես եւ 75 տարի առաջ, ՄԱԿ-ի հիմնական խնդիրն է ապահովել խաղաղություն. վարչապետի ելույթը ՄԱԿ-ի 75-ամյակի առթիվ

Շաքարային դիաբետ ունեցող երեխաներն ու երիտասարդներն ապահովված են ինսուլինային անալոգներով. ԱՆ

Անտոնիո Գուտերեշը շնորհավորել է Արմեն Սարգսյանին ՀՀ անկախության օրվա առթիվ

Ֆելիքս Ցոլակյանը գոհ է փրկարար ջոկատների շարքային անձնակազմի աշխատանքներից

Արմեն Փամբուխչյանը կզբաղեցնի ԱԻ փոխնախարարի պաշտոնը

Նոր Նորք վարչական շրջանի Վերածննդի այգին բարեկարգվում է, ջրագծի անցկացման աշխատանքներ են տարվում

Դատարանը Միքայել Մինասյանին կալանավորելու որոշում կայացրեց

Չեմ կարծում, որ կհաջողվի հանրային մոբիլիզացիա ապահովել. Ռուբինյանը՝ սպասվող հանրահավաքի մասին

Պոմպակայանի հոսանքազրկման պատճառով սեպտեմբերի 23-ին 6 ժամով կդադարեցվի Արմավիրի մարզի Ակնալիճ գյուղի ջրամատակարարումը

«Այս անիմաստ դատը երկար է տեւելու, զբաղվեք ավելի կարեւոր գործերով». Քոչարյանը՝ իր աջակիցներին

Աղամալ Հարությունյանի դատավճռի բեկանման և գործը նոր քննության ուղարկելու որոշումը բողոքարկվել է Վճռաբեկ դատարան

Սուրեն Պապիկյանը ելույթ է ունեցել ԱԷՄ գործակալության Գլխավոր համաժողովին, հանդիպել ՌՈՍԱՏՈՄ կորպորացիայի տնօրենին

Շրջակա միջավայրի նախարարությունը նոր գլխավոր քարտուղար ունի. ներկայացրել է նախարարը