Իշխանությունը սպասում է

30/06/2015 schedule21:10

Ռուսական մամուլում վերջին երկու օրը հրապարակված տեղեկությունները, թե «Ինտեր ՌԱՕ ԵԷՍ»-ը պատրաստ է վաճառել «Հայաստանի էլեկտրական ցանցեր» ընկերությունը, պաշտոնապես չհաստատվեցին:

ՀԷՑ տնօրեն Եվգենի Բիբինը դեռ Հայաստան չի վերադարձել, ու թեեւ ընկերության մամուլի խոսնակն ասում է, թե կվերադառնա, բայց իշխանական շրջանակներում առավել հավանական են համարում, որ չվերադառնա: Անորոշ իրավիճակը Սերժ Սարգսյանի շաբաթօրյա ելույթից հետո էլ շարունակվում է, ու հիմա հարցերը, թերեւս, ավելի շատ են, քան մինչ այդ ելույթը: Տարբեր կալիբրի պաշտոնյաներ շաբաթ օրվանից փորձում են հեռուստաեթերում բացատրություններ ու պարզաբանումներ տալ, բայց էլեկտրաէներգիայի սակագնի դեմ պայքարողներին այդ ամենը չի բավարարում: Երեկ մեզ հետ զրույցում ԱԺ սոցիալական հանձնաժողովի նախագահ Հակոբ Հակոբյանն ասում էր, թե անհասկանալի որեւէ բան չկա, Սերժ Սարգսյանն ամեն ինչի մասին հստակ խոսել է: Նա, ի դեպ, ասում էր, թե ՀԷՑ-ի աուդիտի գումարը «Ինտեր ՌԱՕ ԵԷՍ»-ն է վճարելու: «Իրավական առումով Հայաստանը չի էլ կարող աուդիտ պահանջել եւ վճարել դրա գումարը, քանի որ ընկերության 100 տոկոս բաժնետերը «Ինտեր ՌԱՕ ԵԷՍ»-ն է: Հիմա, քանի որ աուդիտ անցկացնելու համաձայնությունը ձեռք է բերվել, նրանք էլ, բնականաբար, վճարելու են դրա համար»,- հայտարարեց Հակոբյանը: ՀՀԿ-ական պատգամավոր Սուքիաս Ավետիսյանը մեզ հետ զրույցում ասում էր, թե պետք է սպասել եւ տեսնել, թե ինչպես են զարգանալու իրադարձությունները:

- Պարոն Ավետիսյան, Սերժ Սարգսյանի հայտարարությունները չեն բավարարում ցուցարարներին, եւ նրանք շարունակում են նստացույցը, իշխանության հաջորդ քայլը ո՞րն է լինելու:

- Նախ՝ պիտի հասկանանք, թե որ ցուցարարների մասին է խոսքը: Այն ցուցարարները, որոնք ի սկզբանե շարժումը սկսել էին, կարծում եմ, նրանք ընկալեցին եւ պայքարը շարունակում են Ազատության հրապարակում, իսկ մյուս ցուցարարներին ի՞նչը չի բավարարում՝ ես չեմ կարող ասել, որովհետեւ անհասկանալի է՝ նրանք ինչ են ուզում:

- Իսկ իշխանությունը հիմա գիտի՞ ինչ է անելու:

- Իշխանությունը միշտ էլ գիտի՝ ինչ է անելու, ուղղակի սպասում է էլեկտրաէներգիայի սակագնի բարձրացման դեմ պայքարի դուրս եկած քաղաքացիական նախաձեռնության հստակ պատասխանին: Այս պարագայում շատ կարեւոր է, որ այդ շարժման կազմակերպիչները թույլ չտան, որ մարդիկ սողոսկեն իրենց շարքերը, փորձեն շարժումն այլ ուղղությամբ տանել եւ իզուր տեղը վատ վիճակի մեջ դնեն շարժման մասնակիցներին եւ ժողովրդին:

- Սերժ Սարգսյանը խոսեց միջազգային աուդիտի մասին, իսկ սակագինը բարձրացնելու ՀԾԿՀ որոշման կասեցման մասին ոչ մի բառ չասաց, նաեւ ցուցարարները համաձայն չեն, որ դրա համար բյուջեից, այսինքն՝ իրենց գրպանից վճարվի:

- Ի վերջո, պետք է այդ հարցը պարզվի, եւ որեւէ մեկը չի պատրաստվում իր գրպանից աուդիտ անել: Դա բնական է, պիտի լինի այն կառույցի հաշվին, որը աուդիտը հրավիրում է: Հիմա դա եթե պետությունն է, ուրեմն՝ պետական բյուջեի հաշվին է, բայց կարգն այդպես է, որ ով պատվիրում է, նա էլ պիտի վճարի: Իսկ որպեսզի բոլոր կասկածները փարատվեն, բնական է՝ պիտի միջազգային աուդիտ արվի:

- Յոթ դրամը, որ կառավարությունը վերցնում է իր վրա, ստացվում է, որ էլի քաղաքացիների գրպանից է վճարվելու, որեւէ տարբերություն տվյալ պարագայում չկա, քանի որ բյուջեն հարկատուներիս հաշվին է ձեւավորվում:

- Տարբերություն շատ կա, որովհետեւ տարեկան բյուջեն պլանավորած է եւ բնական է՝ ծախսերի հետ պլանավորված են նաեւ եկամուտները, հիմա ուղղակի պետությունը իր ծախսային մասը փոփոխության է ենթարկելու եւ այն եկամուտները, որ տարվա  սկզբից նախատեսված էին, իհարկե, դա բոլոր հարկատուների եկամուտներն են, այդ եկամուտների ծախսի ուղղությունն է փոխելու: Մի քիչ փորձում եք շատ ուղղությունները շեղել: Հիմա ուղղակի ծախսերի ուղղություն է փոխվում՝ առանց սոցիալական ծախսերին ձեռք տալու:

- Այսինքն՝ հիմա հնարավոր է՝ ԱԺ արտահերթ նիստով բյուջեում է՞լ փոփոխություն արվի:

- Եթե որոշակի տոկոս անցնում է, բերում են արտահերթ, արտահերթը հուլիսի 2-ին է, բայց չեմ կարող ասել, թե ինչ է օրակարգում:

- Խոսվեց, որ «Ինտեր ՌԱՕ ԵԷՍ»-ը պատրաստ է վաճառել ՀԷՑ-ը, չնայած պաշտոնապես դա հերքում է: Այդ մասով ի՞նչ զարգացումներ են սպասվում:

- Դե, սպասենք, տեսնենք: Դեռ վաղ է խոսել, տեսնենք՝ գործընթացները ինչպես կընթանան:

- Եթե Բաղրամյան պողոտայում հանրահավաքները երկար շարունակվեն, իշխանությունը գնալո՞ւ է ուժի կիրառման:

- Ես կարծում եմ, որ Բաղրամյանում միտինգ անողները պիտի ընդունեն, որ ճիշտ չէ այնտեղ անելը, որովհետեւ շարժման բուն նախաձեռնողները շատ ճիշտ հասկացել են եւ գնացել են Ազատության հրապարակ: Եթե շարժում է, ուրեմն՝ պիտի ունենա ղեկավար, քայլերի հաջորդականություն եւ մարդիկ պետք է պատասխան տան շարժման համար: Այլապես՝ վաղը մեկը կարող է հայտնվի, ասի՝ ես եմ շարժումը ղեկավարելու, իսկ երբ գա պատասխանատվության պահը, ասի՝ ես ղեկավար չեմ:

- Այդուամենայնիվ՝ եթե դուրս չգան Բաղրամյանից, իշխանությունը ի՞նչ է անելու:

- Դրա որոշողն արդեն ես չեմ, համենայնդեպս՝ իմ կոչն է, որպեսզի գնան եւ միանան Ազատության հրապարակի նախաձեռնող խմբին:

- Եթե միացան, դրանից ի՞նչ է փոխվում:

- Իսկ ի՞նչ է փոխվում, եթե փողոցը փակում են: Դա լուրջ ազդեցություն է ունենո՞ւմ: Դրական ինչ ազդեցություն որ կարող էր ունենալ, արդեն ունեցել է, որպեսզի համակարգի հիմնախնդիրները հստակեցվեն, առողջացվի: Հիմա նորմալ, ցիվիլ թող շարունակեն, չփորձեն հազարավոր մարդկանց նեղություն տալ, նաեւ սպասենք, տեսնենք, հասկանանք՝ ինչ է կատարվում համակարգում: Չի կարելի այդպես ցիվիլ կազմակերպված շարժումն արդեն փորձել այլ տեղ տանել. տեսնում ենք, որ որոշ մարդիկ փորձում են այլ հարցեր լուծել:

Տպել
2594 դիտում

Հիվանդանոցները կտրամադրեն միայն անհետաձգելի բուժօգնություն. Թորոսյանը հրաման է ստորագրել

Ադրբեջանական ագրեսիայի պատճառով վարչապետի՝ նախապես ծրագրված հարցազրույցն այսօր եթեր չի հեռարձակվելու. «Առաջին ալիք»

Այսօր մեր գործընկերներին հյուրասիրել ենք ադրբեջանցի զինվորներից առգրավված քաղցրավենիք. Վահրամ Պողոսյան

Բնակավայրերի հրետակոծության հետևանքով լրջորեն վիրավորված հղի կինն էլ, երեխան էլ, փրկվել են. ԱՀ ՄԻՊ

Միջազգային հանրության արձագանքը բավարար չեմ համարում․ Արայիկ Հարությունյան

Արցախում այս պահին կա կապի խնդիր. չեն գործում կանխավճարային համակարգը, SMS-ը

Արցախի ՊՆ–ն հրապարակեց զոհված զինծառայողների անունները

Գարիկ Մարտիրոսյանն ու Միշա Գալուստյանը կոչ են անում Ադրբեջանին դադարեցնել ագրեսիան խաղաղ բնակչության դեմ

Երևանը Ստեփանակերտի կողքին է՝ միշտ և ամեն ինչով. Հայկ Մարությանը հեռախոսազրույց է ունեցել Ստեփանակերտի քաղաքապետի հետ

Հակառակորդին պատճառվել է կենդանի ուժի և զինտեխնիկայի մեծաթիվ կորուստներ. ԱՀ ՊՆ-ն տեսանյութ է հրապարակել

Քարդաշյանը խնդրել է իր հետեւորդներին կոչ անել Սպիտակ Տանը դադարեցնել Ադրբեջանին տրվող ռազմական օժանդակությունը

Առգրավվել է հակառակորդի 11 միավոր զրահատեխնիկա իրենց մարտական լրակազմով, այդ թվում ՀՄՄ-3. ՊՆ

ԱՄՆ կոնգրեսականը կոչ է արել պարզել՝ ով է ռազմական բախումների նախաձեռնողը՝ Ադրբեջանին պատասխանատվության ենթարկելու համար

Արցախի դեմ կռվում է ոչ միայն Ադրբեջանը, այլև Թուրքիան․ ԱՀ նախագահ

Սիրիայից մոտ 4000 գրոհային է մասնակցում Ադրբեջանի սանձազերծած ռազմական գործողություններին

Գյումրու զինվորական կոմիսարիատի բակում հերթեր են գոյացել

Արցախի բնակիչներին ապաստարան տալու անհրաժեշտություն չկա այս պահին․ Զարուհի Բաթոյան

Նիկոլ Փաշինյանը ՊՆ-ում հանդիպել է Զինված ուժերի ղեկավար կազմի հետ

125 հազար դոլարից ավելի գումար է հավաքվել «Մենք ենք, մեր սահմանները. բոլորս Արցախի համար» դրամահավաք-արշավի շրջանակում

Ամբողջ Հայաստանի տարածքում հերթեր են՝ կապված զորակոչին մասնակցողների քանակի հետ․ ՀՀ ՊՆ մամուլի խոսնակ (տեսանյութ)