Երևան
10 °C
Երեկ առավոտյան Ազգային անվտանգության ծառայության աշխատակիցները մի քանի ժամ շարունակ խուզարկություն են իրականացրել 2013 թվականի հունիսի 2-ին Սյունիքի մարզպետ Սուրիկ Խաչատրյանի տան մոտ սպանված Ավետիք Բուդաղյանի կրտսեր եղբոր՝ Արա Բուդաղյանի եւ վերջինիս մերձավորների տներում: Խուզարկությունն իրականացվել է այս տարվա մայիսի 20-ին Սուրիկ Խաչատրյանի դեմ իրականացրած մահափորձի քրեական գործի շրջանակներում: Օրվա ընթացքում հայտնի դարձավ, որ Արա Բուդաղյանին ԱԱԾ-ն տեղափոխում է Երեւան: Ավելի ուշ՝ ԱԱԾ-ն հաղորդագրություն տարածեց, որ Սուրիկ Խաչատրյանի դեմ մահափորձի գործով 4 հոգի, այդ թվում՝ Արա Բուդաղյանը, ձերբակալվել են: Ըստ պաշտոնական հաղորդագրության, նրանց տներում խուզարկության ընթացքում հայտնաբերվել եւ առգրավվել է մեծ քանակությամբ զենք: Մեզ հայտնի դարձավ, որ Արա Բուդաղյանը հրաժարվել է առանց փաստաբանի ցուցմունք տալուց եւ դա է պատճառը, որ նրան Երեւան են տեղափոխել: Հավաստի տեղեկություններ կան, որ Լիսկայի մահափորձից հետո, երբ առաջին անգամ խուզարկվել էին Բուդաղյանների եւ նրանց մերձավորների տները, Արա Բուդաղյանը հարցաքննության ընթացքում ներկայացրել էր փաստեր եւ ապացույցներ, թե որտեղ է ինքը եղել մահափորձի ժամանակ:
Սյունիքի մարզպետ Սուրիկ Խաչատրյանի դեմ մահափորձ իրականացնելու քրեական գործի շրջանակներում երեկ Ազգային անվտանգության ծառայության կողմից ձերբակալված եւ Երեւան տեղափոխված Արա Բուդաղյանի փաստաբան Հայկ Ալումյանին ԱԱԾ-ում թույլ չէին տալիս տեսակցել իր պաշտպանյալի հետ:
Փաստաբանը ստիպված էր եղել դիմել Մարդու իրավունքների պաշտպանի գրասենյակ: Ժամը 22:30-ին ԱԱԾ էր ժամանել ՄԻՊ արագ արձագանքման խմբի ներկայացուցիչը եւ փորձում էր բանակցել, որպեսզի Հայկ Ալումյանին ներս թողնեն: «Ասում են՝ տեխնիկական պատճառներով հիմա չենք կարող ներս թողնել, առավոտյան ժամը 10-ին եկեք»,- մեզ հետ զրույցում հայտնեց փաստաբանը: Շուրջ 1,5 ժամ ԱԱԾ-ի մոտ սպասելուց հետո պարզվել էր, որ Արա Բուդաղյանն այնտեղ չէ: «Հիմա փնտրում ենք, թե որտեղ է»,- փոխանցեց Ալումյանը: Ժամը 23-ին նա ուղեւորվում էր Էրեբունու ձերբակալվածների պահման վայր (ՁՊՎ): Այնտեղ էր ուղեւորվում նաեւ ՄԻՊ ներկայացուցիչը: Փաստաբանին, սակայն, այդպես էլ թույլ չտվեցին տեսակցել նրա հետ:
ԱԱԾ-ի երեկվա հաղորդագրության մեջ նշված էր. «Սյունիքի մարզպետ Սուրիկ Խաչատրյանի եւ նրա ուղեկիցների նկատմամբ 2015 թ. մայիսի 20-ին ժամը, 18:15-ի սահմաններում հրազենի գործադրմամբ սպանության փորձ կատարելու դեպքի առթիվ իրականացվող նախաքննության ընթացքում ԱԱԾ մարմինների կողմից ձեռնարկված օպերատիվ-քննչական գործողությունների արդյունքում, նշված հանցագործությանն առնչակից լինելու կասկածանքով, հուլիսի 3-ին ձերբակալվել են Սյունիքի մարզի Կապան քաղաքի բնակիչներ՝ Գարեն Աթաջանյանը, Հենրիկ Ավագյանը եւ Գորիս քաղաքի բնակիչներ՝ Վիտալի Մինասյանը եւ Արա Բուդաղյանը: Օրենքով սահմանված կարգով կատարված խուզարկությունների արդյունքում ձերբակալված անձանց պատկանող բնակարաններից, այլ շինություններից հայտնաբերվել է մեծ քանակությամբ զենք եւ ռազմամթերք, այդ թվում՝ «ԱԿ-74» տեսակի 5.45 մմ տրամաչափի ինքնաձիգ: Ներկայումս իրականացվում են ձերբակալման համար հիմք հանդիսացած կասկածանքի հաստատմանը կամ հերքմանը, ինչպես նաեւ քրգործով պարզաբանման ենթակա այլ հանգամանքների ստուգմանն ուղղված տարաբնույթ քննչական եւ օպերատիվ գործողություններ: Դեպքի վայրում հայտնաբերված գնդակների ու պարկուճների եւ առգրավված զենքի նույնականությունը պարզելու համար նշանակվել են փորձաքննություններ»: Նախօրեին ԱԱԾ-ն հայտնել էր, թե Լիսկայի դեմ սպանության փորձի գործով 55-ամյա մի տղամարդ է որոնվում եւ տարածել էր նրա ֆոտոռոբոտը: Հիշեցնենք, Լիսկայի դեմ մահափորձի գործը Քննչական կոմիտեն օրեր առաջ ուղարկել էր Գլխավոր դատախազություն՝ ուսումնասիրելու համար, դատախազությունն էլ որոշել էր գործի վարույթը փոխանցել ԱԱԾ-ին:
Ի դեպ, մինչ Երեւան տեղափոխվելը, Արա Բուդաղյանը Գորիսի ԱԱԾ բաժնում պահվել եւ հարցաքննվել է շուրջ 6 ժամ, այնինչ, ինչպես փոխանցեց նրա փաստաբանը, 4 ժամից ավելի պահելու իրավունք չունեին: «Բոլոր նորմերը խախտված են»,- ասաց Ալումյանը:
- Պարոն Ալումյան, ի՞նչ է նշանակում այս ամբողջ խառնաշփոթը:
- Չգիտեմ, ես իմ այս 2 տարվա փորձից կարող եմ ասել, որ երբ խոսքը վերաբերում է Սուրիկ Խաչատրյանի հետ կապված քրգործերին, որեւէ տրամաբանություն կամ օրենք փնտրելն անիմաստ է:
- Իրենք ասում էին, որ դեմք չեն տեսել, բայց ֆոտոռոբոտ են հանել, փաստորեն:
- Չեմ կարող մեկնաբանել, ասում եմ, չէ՞, որ ո՛չ տրամաբանություն, ո՛չ էլ օրենք է պետք փնտրել տվյալ դեպքերում:
- Ավետիք Բուդաղյանի սպանությունից հետո անընդհատ խոսվում էր վենդետայի մասին, միգուցե նաեւ դա՞ է հիմք դարձել, որ հիմա նման կասկածներ կան:
- Այս կողմը երբեք չի խոսել վենդետայի մասին, ոչ միայն չի խոսել, այլ նաեւ հստակ տպավորությունս է, որ իրենք դա բացառում են:
- Իսկ որքանո՞վ է հավանական, որ անձամբ Սուրիկ Խաչատրյանն է կազմակերպել իր դեմ մահափորձի իմիտացիա՝ «Սդղի գյոլի» սկանդալը մեղմելու համար:
- Ես չեմ կարող չհիմնավորված բաներ ասել, դա վարկածներից մեկը կարող է լինել, ինձ համար անձամբ շատ տարօրինակ էր, որ եթե դա մահափորձ է եղել, ո՞նց է պատահել, որ որեւէ մեկի վրա քերծվածք չկա:
Երեկ զրուցել ենք նաեւ Բուդաղյանների մերձավոր, Գորիսի քաղաքապետի նախկին թեկնածու Տիգրան Կարապետյանի հետ, ում տանը եւս նույն գործի շրջանակներում խուզարկություն էր իրականացվել:
- Պարոն Կարապետյան, Գորիսում իրադարձությունները 2 ուղղությամբ են զարգանում, մի կողմից «Սդղի Գյոլում» տեղի ունեցած ծեծկռտուքից հետո Լիսկայի ազգականներին են մեղադրանք առաջադրում, մյուս կողմից՝ Լիսկայի դեմ մահափորձի սլաքները կարծես թե Բուդաղյանների ուղղությամբ են թեքում, ի՞նչ է սա նշանակում:
- Ի սկզբանե՝ որոշ մարդիկ ուղղորդված կերպով փորձում էին սլաքները ուղղել մեր ուղղությամբ, Բուդաղյանների ուղղությամբ, ընդհանրապես՝ այն մարդկանց, ովքեր այս կամ այն կերպ հակադրվել կամ որոշակի խնդիրներ են ունեցել իրենց հետ: Այնպես որ՝ սա սպասելի էր:
- Տեղեկություններ կան, որ Հարություն Զաքարյանը, ում աչքը վնասվել էր Լիսկայի որդու մասնակցությամբ «Սդղի Գյոլի» ծեծկռտուքի ժամանակ, վերադարձել է Մոսկվայից, հիմա նրա ցուցմունքներից է կախված՝ կձերբակալվի՞ Սուրիկ Խաչատրյանի որդին, թե ոչ: Տեղյա՞կ եք, Հարությունը ցուցմունք կտա եւ կպնդի՞, որ Լիսկայի որդին է հարվածել իրեն եւ հենց այդ հարվածի արդյունքում է նրա աչքը վնասվել:
- Գործի նախաքննության գաղտնիությունից ելնելով՝ ես այդ հարցի պատասխանը չեմ ուզում ու չեմ կարող տալ, բայց ինչ վերաբերում է ընդհանրապես գործի ընթացքին, ի սկզբանե նրանց կողմից ընտրվել էր օրենքով հարցերի պատասխանը ստանալու ճանապարհը եւ այդ ճանապարհով էլ գնում են:
- Տեղեկություններ կան, որ Լիսկան փորձում է համոզել նրանց, որպեսզի չբողոքեն, հնարավո՞ր է հաջողության հասնի:
- Միանշանակ բացառում եմ՝ ճանաչելով Զաքարյաններին:
- Արա Բուդաղյանի ձերբակալությունից ի՞նչ տեղեկություններ ունեք:
- Այս պահին ինֆորմացիա չունենք, բայց որեւէ կասկածներ կամ անհանգստանալու պատճառ մենք չունենք: Ավելի քան վստահ եմ, որ Արա Բուդաղյանն ազատ կարձակվի՝ նախաքննության մարմնի՝ օրենքով իրեն վերապահված գործառույթներն իրականացնելուց հետո: Չեմ կարծում, որ Արա Բուդաղյանը որեւէ առնչություն ունի: Նաեւ ավելի քան վստահ եմ, որ ե՛ւ հունիսի 2-ի, ե՛ւ մայիսի 20-ի դեպքերը հստակ իրավական եւ ճիշտ գնահատական կստանան, բոլոր մեղավորները օրենքով իրենց հասանելիք պատիժը կստանան:
Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ
Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում
Թթուջուր-Նավուր ավտոճանապարհը փակ է բոլոր տրանսպորտային միջոցների համար
Լեհաստանը զորքեր կուղարկի Ֆրանսիա
Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները
Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ
Այրվել է վագոն-տնակ՝ ներսում եղած իրերով
Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը
Մի քանի ժամով կհոսանքազրկվեն Երևանի և 2 մարզի որոշ հասցեներ
Բախվել են «Նիսսան» և «ՎԱԶ» մակնիշի ավտոմեքենաներ
Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ
Քարաթափում Արարատի մարզում. ճանապարհը դարձել է միակողմանի երթևեկելի
Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել
ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին
Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)
Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը
ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան
Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին
Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր
Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան
Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ
Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են
ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն
Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ
Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան
96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են
Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը
Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված
Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին
200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան
Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին
Բախվել են շտապօգնության ավտոմեքենան և «Մերսեդես»-ը
Աֆղանստանում 5․7 մագնիտուդ ուժգնությամբ երկրաշարժ է տեղի ունեցել
Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)
Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը
Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան
Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն
Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը
Վարդենյաց լեռնանցքը դժվարանցանելի է կցորդիչով բեռնատարների համար
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել
© 2024 Հայկական ժամանակ