Ղարաբաղը ունիկալ տեղ է աշխարհում, սա մարդկային հին հարաբերությունների արգելանոց է. Գերման Ստերլիգով

09/07/2015 schedule12:02

Youtube-ում տեղադրվել է ռուսական РЕН ТВ հեռուստաընկերության հարցազրույցը ռուս հայտնի միլիարդատեր Գերման Ստերլիգովի հետ, ով ըստ ռուսական մամուլի հրապարակումների, հեռացել է Ռուսաստանից եւ մտադիր է հաստատվել Լեռնային Ղարաբաղի Հանրապետությունում:

Իր հարցազրույցում միլիարդատերը ամենադրական բառերով է բնութագրում Արցախը՝ այն անվանելով «մարդկային հին հարաբերությունների արգելանոց», որ պահպանել է հայ ժողովուրդը: Նա բոլորին կոչ է անում գնալ Ղարաբաղ եւ իրականում տեսնել այդ ամենը:

«Լեռնային Ղարաբաղը սքանչելի, հրաշալի երկիր է՝ հիանալի ժողովրդով: Երջանիկ են հայերը, որ ունեն այսպիսի Հայրենիք, այսպիսի պատմություն, այսպիսի գեղեցկություն, ինչպիսին իրենից ներկայացնում է Լեռնային Ղարաբաղը:

Ես շրջել եմ ամբողջ աշխարհում, բայց ոչ մի տեղ չեմ տեսել այսպիսի երկիր, այսպիսի գեղեցկություն, այսպիսի պտղաբերություն, եւ ամենակարեւորը՝ այսպիսի մարդկային հարաբերություններ՝ բարի եւ սրտանց:

Այստեղ ընդհանրապես ագրեսիան զրոյական մակարդակի վրա է:

Ինձ հիմա դիտում են ռուսները. հնարավոր չէ բացատրել, թե այստեղ որքան լավ են իրար վերաբերում մարդիկ, ոչ թե հյուրերին (հիմա ես հյուր եմ, դեպի ինձ վերաբերմունքը «սուպեր» է), նրանք միմյանց են հիասքանչ վերաբերում: Դրա համար պետք է այստեղ լինել: Ես երջանիկ եմ, որ այստեղ եմ բերել իմ երեխաներին, որովհետեւ ես նրանց պատմել էի տեսականորեն, թե ինչպես պետք է մարդիկ վերաբերվեն միմյանց, որովհետեւ իրականում ժամանակակից Ռուսաստանում այդպիսի հարաբերություններ, ցավոք, չկան: Իսկ Ղարաբաղում դա կա: Ես բերել եմ այստեղ երեխաներիս եւ նրանք տեսնում են այդ վերաբերմունքը: Սա աննկարագրելի օգտակար դաս է նրանց համար: Այնպես որ, եկեք բոլորդ Ղարաբաղ, որ հասկանաք, թե ինչի մասին եմ ես խոսում, քանզի այդ հարաբերությունները այստեղ պահպանվել են:

Սա ունիկալ տեղ է աշխարհում, սա մարդկային հին հարաբերությունների արգելանոց է, որը պահպանել է հայ ժողովուրդը: Փառք Աստծո»,- նշում է միլիարդատերը:

Ի դեպ, նա նույն հարցազրույցում նշում է, որ երկուշաբթի կեսօրից հետո ասուլիս է հրավիրում Շուշիում, որի ընթացքում պատմելու է ճշմարտությունը, որը կարող է շատերին դուր չգալ:

Հիշեցնենք, որ Գերման Ստերլիգովը 48-ամյա հանրահայտ գործարար է ու ֆերմեր, ունի 5 երեխա՝ մեկ աղջիկ եւ 4 տղա: 1991թ.-ին արդեն՝ Ստերլիգովը համարվում էր մուլտիմիլիոնատեր, ապա նաեւ՝ միլիարդատեր, իսկ 25 տարեկանում համարվել է Ռուսաստանի ամենահարուստ մարդը: Նա վիլաներ ունի Կիպրոսում, Լազուրյան ափում, ԱՄՆ-ում եւ ամրոց՝ Բուրգունդիայում: Ստերլիգովը 2002-ին եղել է Կրասնոյարսկի նահանգապետի թեկնածու, 2003-ին՝ Մոսկվայի քաղաքապետի թեկնածու, համարվում է ազգայնական եւ վերջին տարիներին ավելի շատ զբաղվում է հասարակական գործունեությամբ՝ մաս է կազմել անօրինական միգրացիայի եւ հղիության արհեստական ընդհատման դեմ ձեւավորված տարբեր խմբերի, ամեն տարի մեծ գումարներ է հատկացնում էկոլոգիական հիմնահարցերի լուծման համար: Իսկ թե իսկապե՞ս մտադիր է մշտական բնակության տեղափոխվել ԼՂՀ՝ կերեւա, թերեւս, առաջիկա երկուշաբթի:

Տպել
1305 դիտում

Շուրջ 868 մլն դրամի վնաս. բացահայտումներ «Բարձրավոլտ Էլեկտրացանցեր» ՓԲԸ-ում. հարուցվել է քրգործ

Սերժ Թանկյանը ոգեւորված է, որ կատարել է «Գահերի խաղը» սերիալի սաունդթրեքերից մեկը

Հայաստանի հավաքականը Եվրոպայի առաջնությունում երրորդն է թիմային հաշվարկում

Տեւական դադարից հետո Արթուր Ալեքսանյանը մրցման կմասնակցի

Դատարաններն արգելափակելու ժամանակ հանցագործության մասին հաղորդումներն ուղարկվել են ՀՔԾ. դատախազություն

Դաշնակցությունը մայիսի 23-ին Ազատության հրապարակում հրավիրում է հանրահավաք

Ողջունում ենք դատական համակարգը առողջացնելու գործադիր եւ օրենսդիր մարմինների քաղաքական կամքը․ ՔՈ ՍԴ կուսակցություն

Ղրիմի պատկանելիության հարց գոյություն չունի. Պեսկովի պատասխանը Զելենսկիին

Մեր երկրում գործած համակարգային կոռուպցիայից Արցախի մեր հայրենակիցները հաճախ ավելի շատ են տուժել․ Նիկոլ Փաշինյան

«Լուսավոր Հայաստան» խմբակցությունը Ազգային ժողովի արտահերթ նիստ հրավիրելու ստորագրահավաք է նախաձեռնել

Երկրում ժողովրդավարություն հաստատելու կարեւոր գործընթացը պիտի անդրադառնա նաեւ դատական իշխանության վրա

Ոստիկանությունը զեկուցեց, որ ժամը 13.30-ին բոլոր դատարանները ապաշրջափակվել են. Նիկոլ Փաշինյան

Մի կետից պետք էր սկսել կտրուկ փոփոխությունների գնալը, եւ սա այս կետն էր. Մակունց

Արսեն Թորոսյանը Ժնևում մասնակցում է Առողջապահության համաշխարհային 72-րդ վեհաժողովին

ՀՀ-ն պատրաստակամ է էլ ավելի զարգացնելու հայ-ռուսական հարաբերությունները. ԱԺ նախագահ

«Բարսան» ռեկորդային առավելություն ստացավ «Ռեալի» նկատմամբ, «Բավարիան» չեմպիոն է 29-րդ անգամ

Պաշտոնական ստուգումներ, ծառայողական քննություններ. այն մասին է, թե ինչ է դատվորների vetting-ը

2016 թ․-ի ապրիլյան պատերազմի հանգամանքներն ուսումնասիրող ԱԺ քննիչ հանձնաժողով ստեղծելու ժամանակը հասունացել է․ Փաշինյան

Խնդրում եմ 13։30-ից վերացնել դատարանների արգելափակումը․ անկախ դատական համակարգ ունենալու գործընթացը սկսված է․ վարչապետ

Նիկոլ Փաշինյանը շնորհավորական ուղերձ է հղել Վլադիմիր Զելենսկիին՝ Ուկրաինայի նախագահի պաշտոնն ստանձնելու կապակցությամբ